«ШАҒАН» ӨТКІЗУ ПУНКТІНДЕ ҮЙЛЕСТІРУ КЕҢЕСІНІҢ ОТЫРЫСЫ ӨТТІ
Батыс Қазақстан облысында облыс прокуроры Нұрбек Ұласбекұлының төрағалығымен «Шаған» өткізу пунктінде мемлекеттік шекарада заңдылық пен қауіпсіздікті қамтамасыз етудің өзекті мәселелеріне арналған Үйлестіру кеңесінің кезекті отырысы өтті.
Отырысқа облыс әкімі Нариман Төреғалиев, Шекара қызметінің, ұлттық қауіпсіздік органдарының, Полиция департаментінің және басқа да мүдделі мемлекеттік органдардың басшылары қатысты.
Қатысушылар өткізу пунктінің жұмысымен, оның инфрақұрылымының жай-күйімен және техникалық жарақтандырылу деңгейімен танысып, өзекті мәселелер мен оларды шешу жолдарын талқылады.
Батыс Қазақстан облысы бойынша Мемлекеттік кірістер департаментінен отырысқа Департамент басшысының орынбасары Кунчаев Жунус Рахымұлы қатысып, мемлекеттік кірістер органдарының құзыретіне қатысты мәселелер бойынша сөз сөйледі.
Отырыс барысында қатысушылар пікір алмасып, өткізу пунктінің жұмыс тиімділігін арттыруға, заң талаптарының сақталуын және мемлекеттік шекарадағы қауіпсіздікті қамтамасыз етуге бағытталған қосымша шараларды талқылады.