ХАБАРЛАНДЫРУ
Қызылорда қалалық мәслихатының депутаттарын сайлау жөніндегі
округтік сайлау комиссияларын қалыптастыру туралы

«Қазақстан Республикасындағы Сайлау туралы» Қазақстан Республикасының Конституциялық Заңының 10 және 15-1-баптарына сәйкес, «Қызылорда қалалық мәслихатының аппараты» коммуналдық мемлекеттік мекемесі қалалық мәслихат депутаттарын сайлау жөніндегі төмендегі округтік сайлау комиссияларында қалыптасқан бос орындарға ұсыныстар қабылданатынын хабарлайды.

№ 3 округтік сайлау комиссиясындағы бос орын – 1;

№ 7 округтік сайлау комиссиясындағы бос орын – 1;

№10 округтік сайлау комиссиясындағы бос орын – 1;

№11 округтік сайлау комиссиясындағы бос орын – 1;

№14 округтік сайлау комиссиясындағы бос орын – 1;

№18 округтік сайлау комиссиясындағы бос орын – 2;

«Қазақстан Республикасындағы сайлау туралы» Конституциялық Заңының талаптарына сәйкес, округтік сайлау комиссияларындағы бос орындарға саяси партиялардан, өзге де қоғамдық бірлестіктерден, олардың құрылымдық бөлімшелерінен және жоғары тұрған сайлау комиссиялардан ұсыныстар қабылданады. Саяси партиялар сайлау комиссиясының құрамына саяси партияның мүшелері болып табылмайтын кандидатураларды ұсынуға құқылы.

Саяси партиялар, өзге қоғамдық бірлестіктер, олардың құрылымдық бөлімшелері және қалыптастырылушы комиссияға қатысты жоғары тұрған сайлау комиссиясы 2026 жылғы 19 мамырға дейін Қызылорда қалалық мәслихатына келесі құжаттарды тапсырады:

1) округтік сайлау комиссиясының құрамына кандидатты ұсыну туралы саяси партияның, қоғамдық бiрлестiктiң немесе олардың филиалдарының (өкiлдiктерiнiң) шешiмi, жоғары тұрған сайлау комиссиясының шешiмiнен үзiндi көшiрме;

2) саяси партияны, қоғамдық бірлестікті немесе олардың филиалдарын (өкілдіктерін) тіркеу туралы құжаттың көшірмесі;

3) кандидаттың округтік сайлау комиссиясының жұмысына қатысуға келісім беруі туралы белгіленген нысан бойынша өтініші.

Округтік сайлау комиссиясының құрамына ұсынылатын адам Сайлау туралы Конституциялық заңның талаптарына сәйкес келуі тиіс.

Мәслихатқа қағаз форматта ұсынылатын барлық құжаттарға қол қойылуы, мөр басылуы және орындалған күні, орындаушының тегі, аты-жөні және оның телефон нөмірі көрсетілген орындаушы туралы белгіні қамтуы тиіс.

Округтік сайлау комиссиясының құрамы бойынша ұсыныстарды қабылдау 2026 жылғы 19 мамырға дейін дүйсенбі - жұма күндері 09:00-19:00 сағат аралығында жүргізіледі, үзіліс сағат 13:00-ден 15:00-ге дейін.

Белгіленген мерзімнен кейін түскен құжаттар қаралмайды.

Қалалық мәслихаттың орналасқан жері: Қызылорда қаласы Ы.Жахаев көшесі, 16.

Жауапты тұлға – ​​ Мұхтаров Мұрат Абдуллаұлы, қызм.бөлме № 3, қалааралық телефон коды (87242), қызметтік 27-42-07, 27-46-03, ұялы телефоны: 87028348007, электрондық пошта мекенжайы: [email protected].

Қызылорда қалалық мәслихатының аппараты

Бос орындар қалыптасқан қалалық округтік сайлау комиссиялары

Нысан

_____________________________________________________

(мәслихаттың толық атауы)

төрағасына

_________________________________________________________

(өтініш берушінің Т.А.Ә.)

__________________________________________________________

(облыс, Қызылорда қ,.

____________________________________________________ тұратын

елді мекен, көше, үй, пәтер)

______________________________________________________

(ұялы телефондардың нөмірлері)

Өтініш

Мен,__________________________________________________________________________

(өтініш берушінің Т.А.Ә.)

_____________________________________________________________________________________

(саяси партияның, өзге қоғамдық бірлестіктің, жоғары тұрған сайлау комиссиясының атауы)

ұсынылған Қазақстан Республикасының азаматы, №______ округтік сайлау комиссиясының жұмысына қатысуға өз келісімімді беремін.

Сайлау органдарында жұмыс тәжірибем бар _______________________________________

( иә, ___ жыл/ жоқ)

Өтелмеген немесе алып тасталмаған сотталғандығым жоқ.

Саяси мемлекеттік қызметші лауазымын атқармаймын.

Мен Парламент, мәслихат депутаты, әкім, өзге де жергілікті өзін-өзі басқару органдарының мүшесі немесе Қазақстан Республикасы соттарының судьясы емеспін.

Уәкілетті органдарға заңда белгіленген тәртіппен өтелмеген немесе алып тасталмаған сотталғандығымның, iс-әрекетке қабiлетсiз, iс-әрекетке қабiлетi шектеулi екенімді тану туралы сот шешімінің жоқтығы мәніне сауалдар жіберу үшін менің ЖСН-ді пайдалануға келісімімді беремін.

2026 жылғы «____»____________ _________________________

(өтініш берушінің қолы)

Өмірбаяндық деректер:

Туған күні _____ жылғы «____» _______________

Жеке сәйкестендіру номері (ЖСН) _____________________________________________________

Ұлты * _______________________________

Партиядағы мүшелігі * _______________________________________________________________

Білімі _____________________________________________________________________________

Мамандығы _________________________________________________________________________

Жұмыс орны немесе кәсіп түрі __________________________________________________________

Атқаратын қызметі ____________________________________________________________________

Жеке куәліктің деректері _____________________________________________________________

(куәлік нөмірі, қашан және кім берген)

Комиссия құрамын қалыптастыратын мәслихат орналасқан әкімшілік-аумақтық бірліктің аумағында тұратын 18 жастан асқан жақын туыстарым туралы мәліметтерді қоса тіркеймін**.

Ескертпе:

* Қазақстан Республикасы Конституциясының 19-бабы 1-тармағына сәйкес ұлты мен қай партияға жататыны кандидаттың қалауы бойынша көрсетіледі.

** Бір сайлау комиссиясының құрамына жақын туыстары (ата-аналары, балалары, бала асырап алушылары, асырап алынған балалары, ата-анасы бір және ата-анасы бөлек аға інілері мен апа-сіңілілері, қарындастары, аталары, әжелері, немерелері) немесе жұбайы (зайыбы) кіре алмайды.

Өтінішке қосымша

Жақын туыстары туралы мәліметтер __________________________________________________________________

(өтініш берушінің Т.А.Ә.)

Қызылорда қалалық мәслихаты