Сізді 2026 жылы 2–4 қыркүйек аралығында Алматы қаласындағы «Атакент» ҚІЫО-да өтетін 18-ші Халықаралық Жылыту, сумен жабдықтау, сантехника, ауаны баптау мен желдетуге арналған тұрмыстық және өнеркәсіптік жабдықтар – Aquatherm Almaty 2026 көрмесіне шақырамыз.
Көрме өз беделін коммуникациялық платформа ретінде көрсетті және отандық әрі халықаралық компанияларды біріктіретін Қазақстандағы Жылыту, желдету, ауаны баптау және сумен жабдықтау, сантехника саласы үшін негізгі алаң болып табылады. 2008 жылдан бастап Aquatherm Almaty заманауи технологиялар мен шешімдерді таныстырады, тәжірибе алмасуға, іскерлік байланыстар орнатуға ықпал етеді және саланың дамуына тікелей әсер етеді.
2025 жылдың қорытындысы бойынша көрмеге қатысқан:
- 16 елден 225 компания, оның ішінде Беларусь, Болгария, Венгрия, Германия, Италия, Қазақстан, Қытай, БАӘ, Польша, Ресей, Сингапур, Түрікменстан, Түркия, Өзбекстан, Чехия және Оңтүстік Корея.
- 56 отандық және 169 халықаралық компания, оның ішінде Германия мен Түркия ұлттық стендтері, сондай-ақ Қытай мен Өзбекстан ұжымдық экспозициялары ұсынылды.
Көрменің іскерлік бағдарламасы мыналарды қамтиды:
- Сала сарапшылары мен мемлекеттік органдар өкілдерінің қатысуымен өтетін пленарлық отырыс — инженерлік жүйелер нарығының даму үрдістерін талқылау.
- Қатысушы компаниялардың заманауи шешімдерге, энергия тиімділігіне және инновациялық технологияларға арналған стратегиялық сессиялары мен семинарлары.
- Инженерлік жүйелер мен энергия тиімді шешімдер бойынша дөңгелек үстелдер, шеберлік сабақтары және интерактивті сессиялар.
- «Технарь PRO Kazakhstan» монтажшылар чемпионаты — саладағы үздік мамандарды анықтауға арналған кәсіби шеберлік байқауы.
Іс-шара Қазақстан Республикасы Өнеркәсіп және құрылыс министрлігі, Цифрлық даму, инновациялар және аэроғарыш өнеркәсібі министрлігі, Алматы қаласы әкімдігі, сондай-ақ сауда өкілдіктері мен дипломатиялық миссиялардың ресми қолдауымен өтеді.
Ұйымдастырушылар: Қазақстандық Iteca көрме компаниясы және оның халықаралық серіктесі – ICA Events компаниялар тобы.
Алдын ала тіркелу арқылы көрмеге кіру тегін:https://aquatherm-almaty.kz/kz/kormege-bilet-alu?promo=ATA2026MPS
Өтетін орны:
Қазақстан, Алматы қ., «Атакент» ҚІЫО
Күні: 2–4 қыркүйек 2026 ж.
Ұйымдастырушылармен байланысу:
Тел.: +7 771 258 34 34, +7 727 258 34 34
E-mail: [email protected]