2026 жылғы 24 маусымда облыс әкімі аппаратының Әдеп жөніндегі уәкілі Қ.Бекімова Қарағанды облысының мемлекеттік сәулет-құрылыс бақылауы басқармасының мемлекеттік қызметшілерімен әдеп кодексінің нормаларын сақтау және сыбайлас жемқорлыққа қарсы іс-қимыл тақырыбында семинар өткізді. Басқарма қызметкерлеріне мемлекеттік қызметшілердің еңбек, атқарушылық тәртібі мен қызметтік әдеп нормаларын сақтау, киімдегі іскерлік стильді сақтау, тұрмыста және жұмыста әкімшілік құқық бұзушылықтарға жол бермеу қажеттілігі туралы түсініктемелер берілді. Мемлекеттік қызметшілерге коммерциялық қызметтен, казино ставкалары мен спорт ставкаларынан қосымша табыс алуға, ҚР-да лудоманиямен күресті күшейтуге, қызметтік автокөлікті мақсатына және жұмыс уақытында пайдалануға, діни мәселелерге және басқа сұрақтар бойынша түсіндірулерге ерекше назар аударылды. 2026 жылғы 1 шілдеден бастап жаңа «Мемлекеттік қызмет туралы» Заң қолданысқа енгізілетіні және бірқатар өзгерістер көзделгені түсіндірілді. Семинар жұмысына Қарағанды облысының мемлекеттік сәулет-құрылыс бақылауы басқармасының басшысы А.Р.Смағұлов қатысты.
