Түркістан облысының білім саласында сапаны қамтамасыз ету Департаментінің 2026 жылдың 1 жартыжылдық бойынша жүргізілген бақылау шараларының есебі

Түркістан облысының білім саласында сапаны қамтамасыз ету Департаментінің 2026 жылдың 1 жартыжылдық бойынша жүргізілген бақылау шараларының есебі

Түркістан облысының білім саласында сапаны қамтамасыз ету департаментінің (бұдан әрі – Департамент) құзыреті білім беру қызметтерінің сапасын қамтамасыз ету мақсатында білім беру ұйымдарына сырттай бағалау жүргізу арқылы білім саласындағы мемлекеттік реттеуді жүзеге асыру, мемлекеттік қызмет көрсету мен мемлекеттік бақылау шараларын жүргізу болып табылады.

• Мемлекеттік аттестаттау нәтижесі бойынша:

Департаменттің 2026 жылы мемлекеттік аттестататудан өтетін білім беру ұйымдарының тізбесіне сәйкес 505 білім беру ұйымында ( 450 балабақша, 54 мектеп, 1 колледж) мемлекеттік аттестаттау жүргізу жоспарланған.

Ағымдағы жылдың 1 жартыжылдық есебі бойынша 117(11 мемлекеттік, 106 жекеменшік) мектепке дейінгі білім беру ұйымында мемлекеттік аттестаттау жүргізілді.

Нәтижесінде, 42 балабақша (35,9%) қызметі мектепке дейінгі тәрбие мен оқытудың мемлекеттік жалпыға міндетті білім беру стандартының (бұдан әрі МДТО МЖМБС) талаптарына сәйкес келеді деп есептелініп, аттестатталды.

Ал, қалған 75 (64,1%) балабақша қызметінде білім беру стандартының талаптарында сәйкессіздіктер анықталып, бару арқылы мемлекеттік аттестаттауға қалдырылды.

• Бару арқылы профилактикалық бақылау нәтижесі

Бару арқылы профилактикалық бақылау жүргізудің 2026 жылдың бірінші жартыжылдығына бекітілген тізімдегі 7 білім беру ұйымының (2 мектеп, 5 балабақша) 1 жартыжылдық есебімен 5білім беру ұйымында (2 мектеп, 3 балабақша) ағымдағы жылы бару арқылы профилактикалық бақылау жүргізілді.

Нәтижесінде, 7білім беру ұйымына анықталған заң бұзушылықтарды жою бойынша нұсқама берілді.

• Жеке және заңды тұлғалардан келіп түскен өтініштер

Департаментке 2026 жылдың 1 жартыжылдық есебі бойынша Е-Өтініш порталы арқылы 643 өтініш (арыз 565, шағым 31, ұсыныс 4, сұрау салу 43). тіркеліп. Оның ішінде, 202 өтінішті өз құзыреті шегінде қарау үшін жолданған.

Бір арыз иесінің өтініші басқа мемлекеттік органдарынан қайталанып келуіне байланысты 138 дубликат келіп түскен.

Қазақстан Республикасының Әкімшілік Рәсімдік-процестік Кодексінің (бұдан әрі – ҚР ӘРПК) 70-бабы 1-тармақ 3), 4)тармақшаларына сәйкес әкімшілік рәсімді тоқтатылған өтініштер саны – 176;

Қаралған өтініштер саны – 431.

Жоспарлы тексеру бойынша:

Қазақстан Республикасы Оқу-ағарту министрлігі Білім саласында сапаны қамтамасыз ету комитетінің аумақтық бөлімшелерінің ауданның (облыстық маңызы бар қаланың) білім беруді басқару органдары қызметінің білім беру саласындағы талаптарға сəйкестігіне 2026 жылға арналған жоспарлы тексерулерінің тізбесіне сәйкес 5 білім бөліміне жоспарлы тексеру жүргізілді («Төлеби ауданының білім бөлімі», «Сайрам ауданының білім бөлімі», «Сарыағаш ауданының білім бөлімі», «Сауран ауданының білім бөлімі», «Түркістан қаласының білім бөлімі» мемлекеттік мекемелері).

Жоспардан тыс тексеру бойынша:

Ағымдағы жылдың бірінші жартыжылдығының есебі бойынша 42 жоспардан тыс тексеру жүргізілді оның ішінде арыз бойынша 34 білім беру ұйымында (4 балабақша, 30 мектеп), 6 рет білім бөліміне және 2 рет білім басқармасына тексеру жүргізіліп, нәтижесінде, 34 нұсқама және 8 бұзушылықтарды жою бойынша ұсыным берілді.

Жоспардан тыс тексерулер нәтижесінде 28 әкімшілік іс (4 балабақша, 24 мектеп) қозғалып, 400 АЕК тең 1 730 000 теңгеге тең айыппұл салынды (9 заңды тұлға, 19 лауазымды тұлғаға). Оның ішінде, 2 заңды тұлғаның, мектептің лицензиясы уақытша тоқтатылды.

Аудан бойынша жоспардан тыс тексеру кесіндісі:

- Сауран ауданы 7 тексеру (4 мектеп, 3 балабақша)

- ⁠Түркістан қаласы 2 (1 мектеп, 1 балабақша)

- ⁠Сайрам 5 (мектеп)

- ⁠Жетісай 3 (мектеп)

- ⁠Төлеби 3 (мектеп)

- ⁠Қазығұрт 3 (мектеп)

- ⁠Мақтаарал 3 (мектеп)

- ⁠Сарыағаш 1 (мектеп)

- ⁠Созақ 2 (мектеп)

- Ордабасы 1 (мектеп)

- ⁠Шардара 3 (мектеп)

- Келес 2 (мектеп) жоспардан тыс тексеру жүргізілді.

Департамент тарапынан жеке және заңды тұлғалардан келіп түскен өтініштері бойынша 6 рет білім бөліміне (Ордабасы-1, Мақтаарал-1, Сауран-1, Төлеби-2, Шардара-1) жоспардан тыс тексеру жүргізіліп, заң бұзушылықтарды жою бойынша ұсыным берілді.

2.1. Әкімшілік іс жүргізу бойынша:

2026 жылдың 1-жартыжылдық есебі бойынша 141 әкімшілік іс қозғалып, 14 әкімшілік іс бойынша «ескерту» түрінде, 127 әкімшілік іс бойынша 3412,5 АЕК-ге тең 14 759 062,5 тг айыппұл салынды (28 лауазымды тұлға, 72 заңды тұлға, 27 жеке тұлға).