Қазақстан Республикасының Жер кодексінің 17, 69 баптарына сәйкес Қарақия ауданының әкімдігі ҚАУЛЫ ЕТЕДІ:
- Қарақия ауданынан көлемі 49, 480 гектар жер учаскелеріне «ҚазМұнайГаз» Ұлттық Компаниясы Акционерлік Қоғамына «Өзен Солтүстік» жер қойнауы учаскесінде көмірсутектерді барлау жөніндегі операциялар шеңберінде далалық геохимиялық зерттеулер жүргізу үшін жер пайдаланушылардан алып қоймай 2027 жылғы 4 шілдеге дейін қауымдық сервитут белгіленсін.
- «Қарақия аудандық жер қатынастары, сәулет және қала құрылысы бөлімі» мемлекеттік мекемесі заңнамада белгіленген тәртіппен:
1) осы қаулыны Қазақстан Республикасы нормативтік құқықтық актілерінің эталондық бақылау банкінде ресми жариялауға жіберуді;
2) осы қаулыны оны ресми жариялағаннан кейін Қарақия ауданы әкімдігінің интернет – ресурсында орналастыруды қамтамасыз етсін.
- Осы қаулының орындалуын бақылау аудан әкімінің жетекшілік ететін орынбасарына жүктелсін.
- Осы қаулы оның алғашқы ресми жарияланған күнінен кейін қолданысқа енгізіледі.
Әкім С.Төретаев