2026 жылғы 31 тамызда Қостанай облысы әкімдігінің ауыл шаруашылығы және жер қатынастары басқармасында «Заң және тәртіп» республикалық тұжырымдамасы аясында дөңгелек үстел өткізілді.
Қостанай қаласы ПБ ұшқышсыз ұшу аппараттары жөніндегі инспекторы Төлеу Айбылайхан Бағдатұлы Басқарма қызметкерлеріне Қазақстан Республикасының «Әкімшілік құқық бұзушылық туралы» кодексінің негізгі нормалары мен Қазақстан Республикасы Жол жүру қағидаларының талаптарын түсіндірді.
Кездесу барысында жол жүру қауіпсіздігі саласындағы заңнамалық өзгерістерге, жол жүру қағидаларын бұзғаны үшін жауапкершілікке, сондай-ақ белгіленген нормалар мен талаптарды сақтау қажеттілігіне ерекше назар аударылды.
Кездесу соңында қызметкерлердің көкейіндегі сұрақтарға жауап беріліп, құқық бұзушылық жасағаны үшін қолданылатын әкімшілік жауапкершілік шаралары айтылды.
Мұндай түсіндіру іс-шараларын өткізу азаматтардың құқықтық сауаттылығын арттыруға, заңға мойынсұну мәдениетін қалыптастыруға және «Заң және Тәртіп» қағидатын нығайтуға ықпал етеді.
