Мемлекеттік сатып алу саласындағы бюджет қаражатының ысырап болуына және сыбайлас жемқорлық тәуекелдеріне жол бермеу мәселелері бойынша дөңгелек үстел
2026 жылғы 19 тамызда Нұра ауданы әкімінің орынбасары С.А. Мұқанованың төрағалығымен Нұра ауданы әкімінің аппараты орналасқан ғимаратта мемлекеттік қызметшілердің қатысуымен «Мемлекет бюджетінің шығынға ұшырауына жол бермеу, мемлекеттік сатып алу саласындағы сыбайлас жемқорлық тәуекелдерін анықтау және бюджет қаражатын пайдаланудың тиімділігін арттыру» тақырыбында дөңгелек үстел өткізілді.
Дөңгелек үстел барысында мемлекеттік сатып алуды жүзеге асыру кезінде ашықтық пен есептілікті арттыру, бюджет қаражатын тиімді және ұтымды пайдалану, сондай-ақ сатып алу рәсімдерінің барлық кезеңдерінде сыбайлас жемқорлық тәуекелдерінің алдын алу мәселелері талқыланды.
Мемлекеттік сатып алу саласындағы ықтимал бұзушылықтарды алдын ала анықтау үшін талдамалық құралдарды қолдану, оның ішінде сатып алынатын тауарлардың, жұмыстар мен көрсетілетін қызметтердің құнын нарықтық және медианалық баға көрсеткіштерімен салыстыру арқылы бағаның негізсіз көтеру жағдайларын анықтау мәселелеріне ерекше назар аударылды.
Қатысушыларға мемлекеттік сатып алуды жоспарлау және өткізу кезінде заңдылық, адалдық, ашықтық және бюджет қаражатын тиімді пайдалану қағидаттарын сақтау қажеттілігі түсіндірілді.
Іс-шара соңында бюджет қаражатының негізсіз жұмсалуына жол бермеу және сыбайлас жемқорлық көріністерінің алдын алуға байланысты практикалық мәселелер талқыланып, пікір алмасу өткізілді.
Дөңгелек үстел өткізу мемлекеттік қызметшілердің құқықтық және сыбайлас жемқорлыққа қарсы мәдениетін арттыруға, сондай-ақ бюджет қаражатын пайдалану кезінде жауапты көзқарасты қалыптастыруға бағытталды.
