Учаскелік сайлау комиссиялары мүшелеріне арналған практикум
Аумақтық сайлау комиссиясы Сәтбаев қаласы бойынша сайлау процесіне қатысушыларды оқытудың каскадты жоспарын учаскелік сайлау комиссияларында тікелей өткізілетін практикалық сабақтармен қорытындылайды. Жалпы нұсқама өткізу, оқыту фильмін көру және талқылау, әдістемелік ұсынымдарды талдау, сайлау заңнамасы бойынша білімді жедел тексеру мақсатында сайлау рәсімдерін модельдеу, сондай-ақ дауыс беру күні іс-қимыл алгоритмін айқындау – учаскелік сайлау комиссиялары мүшелерін оқыту және олардың міндеттерін бекіту іс-шараларын өткізудің негізгі нысандары болып табылады. Барлық УСК мүшелері қашықтан оқыту жүйесі арқылы оқудан және тестілеуден, сондай-ақ Қазақстан Республикасы Президентінің жанындағы Мемлекеттік басқару академиясының Ұлытау облысы бойынша филиалының базасында оқудан өтті және тиісті сертификаттарға ие болды.
Сәтбаев қаласының аумақтық сайлау комиссиясы
