«Жітіқара ауданы, Жітіқара қаласы әкімінің аппараты» мемлекеттік мекемесімен көрсетілетін мемлекеттік қызметті алу мәселелері бойынша түсініктеме.
«Қазақстан Республикасының кейбір заңнамалық актілеріне жер қатынастары саласындағы мемлекеттік көрсетілетін қызметтерді цифрландыру мәселелері бойынша өзгерістер мен толықтырулар енгізу туралы» Қазақстан Республикасының 2023 жылғы 5 сәуірдегі Заңына (бұдан әрі – Заң) сәйкес қолданыстағы жер заңнамасына мынадай өзгерістер енгізілді.
Қазақстан Республикасының Жер кодексі 44-2-баппен толықтырылды; бұл бап республикалық маңызы бар қалалар, астана, сондай-ақ облыстық және аудандық маңызы бар қалалар шегіндегі жер учаскелеріне құқықтар берудің жаңа электрондық рәсімін белгілейді (жер комиссиясын алып тастау және құжаттарды қарау мен келісуге кететін уақытты қысқарту арқылы).
Жаңа рәсім жер учаскесіне құқық алуға мүдделі жеке және заңды тұлғалардың «Электрондық үкімет» веб-порталы арқылы өтінім беруін, сондай-ақ көпшілікке қолжетімді кадастрлық картада сұратылған жер учаскесін бөлу сызбасын өз бетінше қалыптастыруды көздейді.
Өтінішке мыналар қоса берілуі керек:
- жер учаскесін бөлу жоспары;
- осы Кодекстiң 48-бабының 1-тармағында көрсетiлген жер учаскелерiн беруге байланысты өзге де құжаттар.
Егер жер учаскесі құрылыс мақсатында сұралса, өтінішке инженерлік желілерге қосылуға қатысты сауалнама қоса берілуі тиіс.
Жер учаскесіне құқық беру туралы өтінішті қараудың жалпы мерзімі өтініш келіп түскен күннен бастап отыз жұмыс күніне дейін.
Көрсетілген мерзімге мынадай кезеңдер кірмейді:
1) өтініш берушінің жер учаскесін бөлу жоспарын келісуі;
2) жер учаскесін сатып алу-сату немесе ақылы немесе өтеусіз негізде жерді уақытша (қысқа мерзімді немесе ұзақ мерзімді) пайдалану (жалдау) туралы шарт жасасу;
3) жер учаскесінің шекараларын жергілікті жерде белгілеу;
4) жылжымайтын мүлік объектісіне кадастрлық паспортты дайындау және беру.
Жоғарыда айтылғандарды ескере отырып, аудандық маңызы бар қалаларда жер учаскесін алу үшін жеке немесе заңды тұлға жер учаскесін мемлекеттік кадастрлық картада оның шекарасын белгілеу жолымен өз бетінше таңдау туралы өтініш беруге құқылы.