Бас тартуды ресімдеу тәртібі.
Қазақстан Республикасының Азаматтық кодексінің нормаларына сәйкес жер учаскесінің меншік иесі өзіне тиесілі мүлікті күтіп ұстау ауыртпалығын көтереді.
Жер учаскесiнiң меншiк иесi өзiне тиесiлi мүлiктi күтіп ұстауға, барлық қажеттi салықтар мен төлемдердi төлеуге тиiс.
Егер иесi жер учаскесiн пайдалану және күтiп ұстау жөнiнде мiндеттер атқарғысы келмесе, онда ол одан Қазақстан Республикасы Жер кодексiнiң 82-бабының тәртiбiнде бас тартуға құқылы.
Саяжай жер учаскесіне меншік құқығынан ерікті түрде бас тартуды ресімдеу үшін өтініш беруші қала әкімдігіне мынадай құжаттармен жүгінеді: учаске меншік иесінің нотариалды куәландырылған жазбаша өтініші; жер учаскесіне құқық белгілейтін құжаттардың көшірмелері; жылжымайтын мүліктің жоқ (бар) екендігі туралы анықтама; жылжымайтын мүлікке тіркелген құқықтар (ауыртпалықтар) және оның техникалық сипаттамалары туралы анықтама; құрылысты бұзу туралы қорытынды.
Меншік иесі жер учаскесіне меншік құқығынан бас тартқан жағдайда, бұл учаскені жылжымайтын мүлікке құқықтарды мемлекеттік тіркеуді жүзеге асыратын орган олар анықталған аумақтағы жергілікті атқарушы органдардың өтініші бойынша есепке алады.
Бұл ретте, мұндай мүлiкке басқа адамның меншiк құқығы туындағанға дейiн кез келген уақытта меншiк иесi өзiне тиесiлi жылжымайтын затты иесiз деп есептен шығару туралы өтiнiш жасауға және оны өзiнiң нақты иеленуiне қайтадан қабылдауға құқылы.
Қазақстан Республикасы Азаматтық кодексiнiң 242-бабының тәртiбiнде, егер меншiк иесi бұл туралы жариялау жолымен меншiк құқығынан бас тартса, жергiлiктi атқарушы орган бас тарту туралы хабарлаған кезден бастап мемлекеттiк меншiкке түскен осы затты тану туралы талаппен сотқа жүгiнедi.
Жер учаскесіне меншік құқығынан бас тартуды ресімдеу үшін меншік иесі Жітіқара қаласы, Доскали Асымбаев көшесі, 51, фронт-офис 1 қабат мекенжайы бойынша орналасқан «Жітіқара ауданының Жітіқара қаласы әкімінің аппараты» ММ жүгінуі қажет. Анықтама үшін телефон 2-00-51.