«Шымкент қаласы Опера және балет театры құрылысы» нысаны бойынша Шымкент қаласы әкімдігі тарапынан құрылыс салуға 4,8 гектар жер учаскесі айқындалған.
Қазақстан Республикасы Үкіметінің 2024 жылғы 19 қыркүйектегі № 767 қаулысына сәйкес жобаны іске асыруға қатысатын ұйымдар төмендегідей айқындалған болатын:
жобалаушы ұйым – «Qazaq Project» ЖШС;
мердігер ұйым – «Qazaq Stroy» ЖШС;
техникалық қадағалау ұйымы – «СК Юпитер» ЖШС.
Осыған сәйкес, 2025 жылғы 20 тамызда «Qazaq Project» ЖШС-мен жалпы сомасы 484,64 млн теңгені құрайтын жобалау-сметалық құжаттаманы әзірлеуге арналған №10 шарт жасалды.
Аталған шарт шеңберінде 2025 жылы орындалған жұмыстар үшін 86,0 млн теңге көлеміндегі қаражат игерілді. Шарттың қалған 398,64 млн теңге сомасы 2026 жылға арналған жергілікті бюджетте көзделген.
Алайда, Қазақстан Республикасы Үкіметінің 2026 жылғы 20 сәуірдегі № 299 қаулысымен Қазақстан Республикасы Үкіметінің 2024 жылғы 19 қыркүйектегі № 767 қаулысына өзгерістер енгізіліп, жобаға қатысушы ұйымдар төмендегідей болып қайта айқындалды:
жобалаушы ұйым – «Проект Строй Лидер» ЖШС;
мердігер ұйым – «RAAF» ЖШС;
техникалық қадағалау ұйымы – «HSE Company» ЖШС.
Қазіргі таңда тапсырысшы мен жобалаушы ұйым – «Проект Строй Лидер» ЖШС-ы арасында жобалау-сметалық құжаттаманы әзірлеуге арналған шарт жасасу рәсімдері жүргізілуде. Жобалау-сметалық құжаттаманы әзірлеу жұмыстары «Проект Строй Лидер» ЖШС тарапынан жалғасын табуда. Жобаның эскиздік жобасы келісілген, топографиялық түсірілім және инженерлік-геологиялық іздестіру жұмыстары аяқталды. Нысанның жобалау-сметалық құжаттамасын мемлекеттік сараптама қарауына 2026 жылдың IV тоқсанында ұсыну жоспарланған.
Сондай ақ, нысан аумағы қоршалып, қазаншұнқыр қазу жұмыстары бастау алған.