Жетісу облысы бойынша тексеру комиссиясы

2026 жылға арналған Жетісу облысы бойынша Тексеру комиссиясының мемлекеттік аудит объектілерінің тізбесі (09.10.2026 ж.)

2026 жылға арналған Жетісу облысы бойынша Тексеру комиссиясының мемлекеттік аудит объектілерінің тізбесі (08.10.2026 ж.)

2026 жылға арналған Жетісу облысы бойынша Тексеру комиссиясының мемлекеттік аудит объектілерінің тізбесі (18.09.2026 ж.)

Жетісу облысы бойынша тексеру комиссияларының 2026 жылғы 1-ші жартыжылдықтағы қызметінің қорытындылары

«Жетісу облысы бойынша тексеру комиссиясы» мемлекеттік мекемесінің Регламенті

Жетісу облысы бойынша тексеру комиссиясы төрағасының 2023 жылғы 8 қыркүйегіндегі №61/ө бұйрығына 1 қосымша «Жетісу облысы бойынша тексеру комиссиясы» мемлекеттік мекемесінің Регламенті 1 тарау. Жалпы ережелер Осы «Жетісу облысы бойынша тексеру комиссиясы» мемлекеттік мекемесінің регламенті (бұдан әрі – Регламент) Қазақстан Республикасының Бюджет кодексіне, Қазақстан Республикасының Әкімшілік рәсімдік – процестік кодексіне, Қазақстан Республикасының «Мемлекеттік аудит және қаржылық бақылау туралы» Заңына (бұдан әрі – Заң), Қазақстан Республикасы Президентінің 2011 жылғы 2 мамырдағы № 67 «Өңірлердегі сыртқы мемлекеттік қаржылық бақылау органдарын жетілдіру туралы» Жарлығына және Қазақстан Республикасының өзге де нормативтік құқықтық актілеріне сәйкес "Жетісу облысы бойынша тексеру комиссиясы" мемлекеттік мекемесіне (бұдан әрі-Тексеру комиссиясы) жүктелген міндеттер мен қызметтерді орындау процесінде оның қызметінің ішкі тәртібін реттейді. Тексеру комиссиясында қызметті ұйымдастыру, іс қағаздарын жүргізу Қазақстан Республикасының «Қазақстан Республикасындағы тіл туралы» Заңына (бұдан әрі – Тілдер туралы Заң) сәйкес жүзеге асырылады. Тексеру комиссиясында Тіл туралы Заң талаптарының қамтамасыз етілуін бақылауды және мониторингті құжат айналымын жүргізуге жауапты құрылымдық бөлімше жүзеге асырады. 2 тарау. Тексеру комиссиясының қызметін жоспарлау Тексеру комиссиясы өз қызметін жылдық және тоқсандық жұмыс жоспарлары негізінде жүзеге асырады. Тексеру комиссиясының міндеттерін, тексеру комиссиясы қызметінің бағыттарын, тексеру комиссиясы мүшелерінің және құрылымдық бөлімшелерінің ұсыныстарын негізге ала отырып, жылдық жұмыс жоспар осы Регламенттің 1 қосымшасына сәйкес нысан бойынша жоспарлауға жауапты құрылымдық бөлімшемен жоспарланатын кезеңнің алдындағы жылда қалыптастырылады. Жоспар жобасына енгізу үшін ұсыныстар 10 қарашадан кешіктірілмей жіберіледі. Көрсетілген мерзімнен кейін немесе жобаны келісу кезеңінде келіп түскен жаңа ұсыныстарды жоспарға жоспарлау үшін жауапты құрылымдық бөлімше тексеру комиссиясы басшылығының немесе тексеру комиссиясы аппараты басшысының тапсырмасы бойынша енгізу үшін қарайды. Келісу үшін жоспарлауға жауапты құрылымдық бөлімше жіберген жоспардың жобасына ескертулер құрылымдық бөлімше басшысының қолы қойылған жазбаша нысанда жіберіледі және толық негіздемені қамтуы тиіс. Жоспарлауға жауапты құрылымдық бөлімше жоспар жобасына енгізу туралы құрылымдық бөлімшелердің ұсыныстарын Тексеру комиссиясының міндеттері мен құжаттарына сәйкестігін қарайды. Құрылымдық бөлімшелердің ұсыныстары (жұмыстың мазмұны мен нәтижесі, іс-шараның қажеттілігі, таңдалған шешімнің тиімділігі және жоспардың мақсаттарына, нормативтік құқықтық актілерге сәйкестігі бойынша) негізделген және толық анықтамалар, нақты айқындалған орындау тетіктері мен аяқталу нысандарының болуы, іс-шараны іске асыру үшін қажетті жұмыстың мазмұнын негізге ала отырып, бірлесіп орындаушылар мен жауапты орындаушылар көрсетілуі тиіс. Іске асыру үшін қаржыландыру қажет болатын іс-шаралар бойынша құрылымдық бөлімшелер жоспар жобасына ұсыныстар жіберген кезде қаржылық қамтамасыз етуге жауапты құрылымдық бөлімшенің ұстанымын қоса бере отырып, қаржыландыру қажеттілігінің негіздемесін немесе көрсетілген шығыстарға көзделген қаражаттың бар екенін растайтын құжатты жібереді. Құрылымдық бөлімшелер өз қызметін келесі жылға стратегиялық міндеттерге сүйене отырып жоспарлайды және іс-шараларды жүзеге асыру кезінде Жоғары аудиторлық палатаның операциялық жоспарына немесе бір жылға арналған жұмыс жоспарына қосу үшін әзірленген ұсыныстарын жібереді. Бұл ретте жұмыс жоспарының ұсынылатын іс-шаралары жоспардың іс-шарасы бойынша құрылымдық бөлімшелердің ішкі жұмысын регламенттеуге сілтеме жасамай, Жоғары аудиторлық палатаның мүдделерін іске асыру үшін ережелермен айқындалған құрылымдық бөлімшелердің ағымдағы жұмысын қамтуы мүмкін. Жобаны келісу құжат айналымы жүйесі арқылы құрылымдық бөлімшенің бірінші басшысының немесе оны алмастыратын адамның келісуі жолымен жүргізіледі. Жоспарлы кезең ішінде жылдық жұмыс жоспарын, жекелеген түйінді көрсеткіштерді орындау үшін шарттардың өзгерістерін және Тексеру комиссиясына жүктелген жаңа міндеттерді, функцияларды ескере отырып, оған жауапты құрылымдық бөлімшелердің бастамасы бойынша Тексеру комиссиясы Төрағасының немесе аппарат басшысының қарарына сәйкес өзгерістер және (немесе) толықтырулар енгізілуі мүмкін. Жылдық жоспардың жобасы жоспарланатын жылдың алдындағы жылдың 1 желтоқсанына дейін Тексеру комиссиясы Төрағасына бекітуге енгізіледі. Жылдық жұмыс жоспарының бір тармағына аяқталу нысаны бірдей біртекті іс-шараларды енгізуге жол беріледі. Жылдық жұмыс жоспарындағы іс-шаралардың аяқталу мерзімдері орындалу мерзімдері Қазақстан Республикасының заңнамасында және (немесе) қабылданған халықаралық міндеттемелерде белгіленген іс-шараларды қоспағанда, орындалу күнін нақтылаусыз тоқсандарда, айларда көрсетіледі. Жауапты орындаушыларды көрсеткен кезде оларға жүктелген функционалдық міндеттері ескеріледі. Жоғары аудиторлық палатаның бірнеше құрылымдық бөлімшесін бірлесіп орындаушылар ретінде бекітуге жол беріледі. Бұл ретте бірінші болып көрсетілген құрылымдық бөлімше жылдық жұмыс жоспарының тармағының орындалуы бойынша жинақтауды жүзеге асырады және оның орындалуы жөнінде ақпарат (есеп) ұсынады. Егер іс-шараны іске асыруда қосалқы рөлді орындайтын құрылымдық бөлімше іс-шараның орындалуына әсер етпесе, онда оны бірлесіп орындаушы ретінде көрсету талап етілмейді. Жоспарға іс-шара қосуға бастамашы болған бөлімше іс-шараны жобаға енгізгенге дейін (бастамалық ұсынысты жібергенге дейін) олардың ұсынылып отырған іс-шарадағы рөлін бірлесіп орындаушылармен пысықтайды, қажет болған жағдайда Тексеру комиссиясы мүшесінің келісуін қамтамасыз етеді. Жоспарлауға жауапты құрылымдық бөлімше жоспарланатын кезең басталар алдындағы айдың 1-күніне дейінгі мерзімде жылдық жұмыс жоспарына сәйкес Тексеру комиссиясының тоқсандық жұмыс жоспарын қалыптастырады және оны жоспарланатын кезең басталар алдындағы айдың 27-күнінен кешіктірмей Тексеру комиссиясының Төрағасы бекітеді. Жылдық жұмыс жоспарының іс-шаралар кезеңдері мен мерзімдерін, атауларын (тақырыптарын), аяқталу нысандарын нақтылау және регламенттеу аппарат басшысы бекітетін Тексеру комиссиясының құрылымдық бөлімшелерінің тоқсандық жұмыс жоспарларында көрсетіледі. Тексеру комиссиясының құрылымдық бөлімшелерінің тоқсандық жұмыс жоспарлары Тексеру комиссиясының жылдық және тоқсандық жұмыс жоспарына сәйкес қалыптастырылады. Жинақтаушы болып табылмайтын бірлесіп орындаушылар үшін іс-шараларды іске асыру мерзімдері негізгі орындаушының мерзімдері ескеріле отырып, бірақ негізгі орындаушы үшін орындау мерзімінің алдындағы күнге дейін бес жұмыс күнінен кешіктірілмей айқындалады. Бірлесіп орындауды көздейтін іс-шаралар негізгі орындаушылармен келісіледі. Тексеру комиссиясының құрылымдық бөлімшелерінің тоқсандық жұмыс жоспарларында сипатталуы олардың нәтижелерін бағалауға мүмкіндік бермейтін іс-шараларды, түйінді көрсеткіштерді көрсетуге жол берілмейді. Орындаудың шекті мерзімі ретінде келесі тоқсандағы айдың онкүндігі және/немесе айы көрсетіле отырып, келесі тоқсанға ауысатын орындау мерзімдері бар іс-шараларды көрсетуге жол беріледі. Бұл ретте орындалу мерзімдерінде осы іс-шараның ауыспалы екені көрсетіледі. Орындалу күнін нақтылаусыз айды көрсеткен жағдайда, орындалу күні болып тиісті айдың соңғы жұмыс күні есептеледі. Тексеру комиссиясының құрылымдық бөлімшесінің тоқсандық жұмыс жоспарында көзделген іс-шаралардың жауапты орындаушысы болып тиісті құрылымдық бөлімшенің дербестендірілген жұмыскері белгіленеді. Тексеру комиссиясының құрылымдық бөлімшесінің тоқсандық жұмыс жоспарларына оның басшысы қол қояды, жоспарланатын кезеңнің алдындағы айдың 30-күнінен кешіктірілмей Тексеру комиссиясының аппарат басшысына енгізіледі және бекітіледі. Тексеру комиссиясының жылдық және тоқсандық жұмыс жоспарларының, құрылымдық бөлімшелерінің тоқсандық жұмыс жоспарларының электрондық нұсқаларын жауапты орындаушы оларды одан әрі тіркеу және құжат айналымын жүргізуге жауапты құрылымдық бөлімшенің бақылауына қою үшін Documentolog АЖ жүйесінің тиісті қосымша бетінде құрады. Жоспарлар тармақтарының (іс-шараларының) орындалу барысы мен қорытындылары туралы ақпарат та (қызметтік жазбалар, есептер, деректер) Documentolog АЖ жүйесінде қалыптастырылады. Құрылымдық бөлімшелер жұмыс жоспарының орындалуы жөніндегі есептерді осы Регламентке 2 қосымшаға сәйкес нысан бойынша оларды бекіту үшін жоспарлауға жауапты құрылымдық бөлімшеге тоқсандық жұмыс жоспарларының орындалуы жөнінде тоқсан сайын есепті тоқсаннан кейінгі айдың 5-күніне дейін ұсынады. Жоспарлауға жауапты құрылымдық бөлімше тоқсан сайын есепті кезеңнен кейінгі айдың 15-күніне дейін Тексеру комиссиясының тоқсандық жұмыс жоспарының орындалуы туралы есепті қалыптастырып, тоқсан қорытындысы бойынша іс-шаралардың уақтылы және толық орындалуы туралы жиынтық ақпаратты Тексеру комиссиясының аппарат басшысына ұсынады. Тексеру комиссиясының жылдық, тоқсандық жұмыс жоспарларына өзгерістер және (немесе) толықтырулар енгізу туралы шешімді жоспарлауға жауапты құрылымдық бөлімшемен, Тексеру комиссиясының осы бағытқа жетекшілік ететін мүшесімен және Тексеру комиссиясының аппарат басшысымен келісу бойынша тиісті іс-шараның жауапты орындаушысы болып табылатын құрылымдық бөлімшенің басшысы ұсынған қызметтік жазбаның негізінде Тексеру комиссиясының Төрағасы қабылдайды. Тексеру комиссиясының құрылымдық бөлімшелерінің тоқсандық жұмыс жоспарларына өзгерістер және (немесе) толықтырулар енгізуді Тексеру комиссиясының аппарат басшысы жүзеге асырады. Егер мұндай түзетулер Тексеру комиссиясының жылдық және тоқсандық жұмыс жоспарларына сәйкес келмесе, өзгерістер және (немесе) толықтырулар енгізуге жол берілмейді. Тексеру комиссиясының құрылымдық бөлімшелерінің тоқсандық жұмыс жоспарларының уақтылы орындалуын, өзектендірілуін бақылауды олардың басшылары жүзеге асырады. 3-тарау. Тексеру комиссиясымен сыртқы мемлекеттік аудит және қаржылық бақылау жүргізу тәртібі 1-параграф. Тексеру комиссиясының тиісті жылға арналған мемлекеттік аудит объектілерінің тізбесін қалыптастыру, келісу және бекіту Тексеру комиссиясының тиісті жылға арналған мемлекеттік аудит объектілерінің тізбесін қалыптастыру Республикалық бюджеттің атқарылуын бақылау жөніндегі есеп комитетінің 2020 жылғы 30 шілдедегі №6-НҚ нормативтік қаулысымен бекітілген Сыртқы мемлекеттік аудит және қаржылық бақылау жүргізу қағидаларында (бұдан әрі – МАҚБ қағидалары) айқындалған тәртіппен жүзеге асырылады. Бірыңғай дерекқор негізінде жоспарлауға жауапты құрылымдық бөлімше мемлекеттік аудит объектілерінің тәуекелдерін бағалауды және қосымша көздерден алынған деректерді ескере отырып, Мемлекеттік аудит объектілері тізбесінің жобасын (бұдан әрі – Тізбенің жобасы) қалыптастырып, жоспарланатын жылдың алдындағы жылдың 1 қазанынан кешіктірмей Тексеру комиссиясы мүшелеріне жібереді. Тексеру комиссиясының мүшелері жоспарлауға және мемлекеттік аудитті жүргізуге жауапты құрылымдық бөлімшелермен бірлесіп, мемлекеттік аудиттің таңдалған объектілері және мемлекеттік аудитпен қамтылатын бюджет қаражаты мен активтерінің болжамды көлемдері, аудиторлық іс-шаралардың атаулары, мемлекеттік аудиттің түрлері мен тексеру түрлері, аудиторлық іс-шараның әрбір кезеңін өткізу мерзімдері тұрғысынан Тізбенің жобасын, сондай-ақ мемлекеттік аудиттің мемлекеттік аудиторлардың саны, ассистенттер мен сарапшыларды тарту қажеттілігін қарастырады. Жоспарлауға жауапты құрылымдық бөлімше аудиторлық іс-шараны өткізу мерзімінің нормативін есептеуді жүзеге асырады. Бұл ретте мемлекеттік аудит объектілерін алдын ала зерделеуді жүргізу мерзімі аудиторлық іс-шараны өткізу мерзімінің кемінде үштен бірін құрайды. Жоспарлауға жауапты құрылымдық бөлімше жоспарланатын жылдың алдындағы жылдың 25 қазанына дейінгі мерзімде Жоғары аудиторлық палатасынан келіп түскен Тізбенің алдын ала жобасы негізінде, осы Регламенттің 19 тармағында көрсетілген тұлғалармен келісілген Тізбенің алдын ала жобасын әзірлейді және жоспарланған жылдың алдындағы жылдың 10 қарашасына дейін Жоғары аудиторлық палата және мемлекеттік аудит және қаржылық бақылау органдары жүзеге асыратын бірлескен, қатарлас тексерулер жүргізу мәселелерін оларды мемлекеттік аудит объектілерінің тізбесінің жобасына енгізу үшін келіседі. Тізбенің алдын ала жобасын қарау кезінде жоспарлауға жауапты құрылымдық бөлімше басшысының баяндамасы тыңдалады. Тексеру комиссиясы жоспарланатын жылдың алдындағы жылдың 5 желтоқсанына дейін мемлекеттік аудит объектілері тізбесінің алдын ала жобасын МАҚБ қағидаларының 1-қосымшасына сәйкес нысан бойынша Жоғары аудиторлық палатаға және уәкілетті органның аумақтық бөлімшесіне жібереді. Уәкілетті органның аумақтық бөлімшесімен Тексеру комиссиясының аудит объектілері тізбесінің жобасы жоспарланғанның алдындағы жылдың 20 желтоқсанына дейін хаттама жасала отырып келісіледі. Тізбенің келісілген жобасы жоспарланатын жылдың алдындағы жылдың 25 желтоқсанына дейін Тексеру комиссиясының отырысында қаралады және мақұлданады. Ескертулер туындаған жағдайда, Тізбенің жобасы отырыс өткізілген күннен бастап үш жұмыс күні ішінде пысықталады. Тексеру комиссиясының мүшелерімен қайта келісілгеннен кейін Тізбенің жобасы Тексеру комиссиясының Төрағасына бекітуге енгізіледі. 2-параграф. Тексеру комиссиясының Мемлекеттік аудит объектілерінің тізбесіне өзгерістер енгізу, Тізбені мүдделі органдарға жіберу және оны орналастыру Тексеру комиссиясының Мемлекеттік аудит объектілерінің тізбесін бекіту туралы бұйрық және (немесе) оған өзгерістер (толықтырулар) енгізу туралы бұйрық тіркелген күннен бастап бес жұмыс күні ішінде жоспарлауға жауапты құрылымдық бөлімше оларды Documentolog ақпараттық жүйесі (бұдан әрі – Documentolog АЖ/БҚА) арқылы және (немесе) пошта арқылы жазбаша түрде Жоғары аудиторлық палатасына, Уәкілетті органның аумақтық департаментіне, құқықтық статистика және арнайы есепке алу саласындағы уәкілетті органға жіберуді жүзеге асырады. Жоспарлауға жауапты құрылымдық бөлімше бекітілген және өзгерістер (толықтырулар) енгізілген күннен бастап күнтізбелік бес күн ішінде Мемлекеттік аудит объектілерінің тізбесін Тексеру комиссиясының интернет-ресурсында орналастыруды жүзеге асырады. Аудиторлық іс-шаралардың қайталануын болдырмау мақсатында жоспарлауға жауапты құрылымдық бөлімше Жоғары аудиторлық палатасының және Уәкілетті органның аумақтық департаментінің мемлекеттік аудит объектілерінің тізбелеріндегі өзгерістерге тұрақты негізде мониторинг жүргізеді. Мемлекеттік аудит объектілерінің тізбесі бекітілгеннен кейін бес жұмыс күні ішінде жоспарлауға жауапты құрылымдық бөлімше мемлекеттік аудитті жүргізуге жауапты құрылымдық бөлімшемен бірлесіп, аудиторлық іс-шаралардың аяқталуын ескере отырып, отырыстар өткізудің жылдық жоспарын қалыптастырады. Отырыстарды өткізудің жылдық жоспары Тексеру комиссиясының мүшелерімен келісуді ескере отырып, Тексеру комиссиясы Төрағасының бекітуіне енгізіледі. Жоспарлауға жауапты құрылымдық бөлімше есепті кезеңнің қорытындылары бойынша Тексеру комиссиясының Төрағасына Мемлекеттік аудит объектілері тізбесінің іске асырылуы туралы ақпарат береді. Мемлекеттік аудит объектілерінің тізбесіне Заңның 18-бабының 2-тармағына және МАҚБ қағидаларына сәйкес өзгерістер енгізіледі. Мемлекеттік аудит объектілерінің тізбесіне өзгерістер жоспарлауға және сапа бақылауына жауапты құрылымдық бөлімшелер басшыларының, сондай-ақ Тексеру комиссиясының аппараты басшысының келісімімен мемлекеттік аудитті жүргізуге жауапты құрылымдық бөлімше басшысының ұсынысы бойынша Тексеру комиссиясының аудиторлық іс-шараға жауапты мүшесінің қызметтік жазбасы негізінде МАҚБ қағидаларына сәйкес жасалған, сондай-ақ құжаттарға (материалдарға) өзгерістер және (немесе) толықтырулар енгізудің негізділігін растайтын аудиторлық іс-шараны өткізуге арналған өтінімді қоса бере отырып енгізіледі. 3-параграф. Жеке мемлекеттік аудитті жоспарлау және оны жүргізу 3.1. Мемлекеттік аудит тобын қалыптастыру Мемлекеттік аудит тобын қалыптастыруды мемлекеттік аудитті жүргізуге жауапты құрылымдық бөлімше басшысының қызметтік жазбасы негізінде Тексеру комиссиясының аппарат басшысы жүзеге асырады. Мемлекеттік аудит тобының құрамы мемлекеттік аудит тобының жетекшісін, мемлекеттік аудиторларды және (немесе) мемлекеттік аудитор(лар)дың ассистентін(терін) (бұдан әрі – ассистент), сондай-ақ тартылған жағдайда, мемлекеттік органдардың мамандарын, сарапшыларды, мемлекеттік емес аудиторлық ұйымдарды (бұдан әрі – сарапшы) қамтиды. Құқықтық қамтамасыз етуге жауапты құрылымдық бөлімшенің басшысы аудиторлық іс-шараның барлық кезеңінде құқықтық сүйемелдеуді жүзеге асыратын жұмыскерді мемлекеттік аудит тобына бекітеді және мемлекеттік аудит тобы басшысының, мемлекеттік аудиторлардың жазбаша (электрондық пошта арқылы) сауалдарына, жүргізіліп жатқан мемлекеттік аудит мәселелер бойынша бұзушылықтар мен кемшіліктер анықталған кезде заңнаманы қолдану жөнінде жазбаша консультациялар береді. Құқықтық қамтамасыз етуге жауапты құрылымдық бөлімше жұмыскерлерінің жазбаша консультациялары қойылған мәселелер шеңберінде және ұсынылған құжаттар көлемі шегінде ғана көрсетіледі. Аудиторлық іс-шараға құқықтық қамтамасыз етуге жауапты құрылымдық бөлімшенің жұмыскері тікелей қатысқан жағдайда, ол аудит барысында құқықтық сүйемелдеуді жүзеге асырады. Құқықтық сүйемелдеуді жүргізу үшін құқықтық қамтамасыз етуге жауапты құрылымдық бөлімше жұмыскерлерінің қатысуы (шығуы) құқықтық қамтамасыз етуге жауапты құрылымдық бөлімше басшысының ұсынысы бойынша Тексеру комиссиясының аудиторлық іс-шараға жауапты мүшесінің қолы қойылған Тексеру комиссиясының Төрағасының атына қызметтік жазба негізінде жүзеге асырылады. Мемлекеттік аудиторлар аудит жүргізу процесінде мемлекеттік аудит тобының жетекшісін аудиторлық іс-шара шеңберінде жүргізілген жұмыс туралы хабардар етеді. Мемлекеттік аудит тобының жетекшісі мемлекеттік аудиторлардың жұмысын үйлестіреді, аудиторлық іс-шара процесінде туындайтын проблемалық мәселелерді шешеді. Мемлекеттік аудит тобының жетекшісі Тексеру комиссиясының аудиторлық іс-шараға жауапты мүшесін және мемлекеттік аудитті жүргізуге жауапты құрылымдық бөлімшенің басшысын мемлекеттік аудиторлардың, аудиторлық іс-шараға қатысқан сарапшылардың қызметтік міндеттерін орындамау жағдайлары және мемлекеттік аудитті өткізу барысында мемлекеттік қызметшілердің атқарушылық, еңбек тәртібін бұзу, қызметтік әдепті сақтамау фактілері туралы жазбаша түрде хабардар етеді. Тексеру комиссиясының аудиторлық іс-шараға жауапты мүшесі және мемлекеттік аудит жүргізуге жауапты құрылымдық бөлімшенің басшысы шаралар қабылдау үшін көрсетілген фактілер туралы Тексеру комиссиясының Төрағасына жазбаша түрде хабарлайды. 3.2. Мемлекеттік аудит объектілерін алдын ала зерделеу Мемлекеттік аудит объектілерінің қызметін алдын ала зерделеуді мемлекеттік аудит тобы Мемлекеттік аудит объектілерінің тізбесінде көзделген мерзімдерде және МАҚБ қағидаларында айқындалған тәртіппен жүргізеді. Мемлекеттік аудит объектілерін алдын ала зерделеу қорытындылары бойынша Мемлекеттік аудит объектілерінің тізбесіне Тексеру комиссиясыТөрағасының атына аудиторлық іс-шараға жауапты Тексеру комиссиясы мүшесінің мемлекеттік аудит жүргізуге, жоспарлауға және сапа бақылауына жауапты құрылымдық бөлімшелердің басшыларымен келісілген қызметтік жазбасын енгізе отырып, МАҚБ қағидаларында көзделген негіздер бойынша өзгерістер енгізілуі мүмкін. Осы Регламенттің 41-тармағында көзделген қызметтік жазбаны қарау қорытындылары бойынша Тексеру комиссиясының Төрағасы Мемлекеттік аудит объектілерінің тізбесіне өзгерістер енгізу туралы шешім қабылдайды. 3.3-параграф. Аудит бағдарламасын және Тапсырмаларды жасау Мемлекеттік аудит нәтижелерін тану (танымау) ескеріле отырып, мемлекеттік аудит объектілерін алдын ала зерделеудің негізінде мемлекеттік аудит тобы МАҚБ қағидаларына сәйкес Аудит бағдарламасын жасайды Мемлекеттік аудит объектілерінің тізбесіне сәйкес МАҚБ қағидаларына сай жасалған Тексеру комиссиясының аудиторлық іс-шараға жауапты мүшесінің қолы қойылған Аудиторлық іс-шара жүргізуге тапсырманың болуы аудиторлық іс-шара жүргізу үшін негіз болып табылады. Әрбір мемлекеттік аудит объектісіне жеке Тапсырма ресімделеді. Аудиторлық іс-шараны жүргізуге тапсырма және Үстеме (бірлескен, қатар) тексеруді жүргізуге тапсырма МАҚБ қағидаларына сәйкес жасалады. Сапа бақылауын жүргізу мақсатында мемлекеттік аудит тобының жетекшісі аудит объектісіне шыққанға дейін сегіз жұмыс күнінен кешіктірмей мемлекеттік аудит жүргізуге жауапты құрылымдық бөлімше басшысының қолы қойылған: мемлекеттік аудит нәтижелерін тану қорытындылары бойынша сараптамалық қорытындыны және тану жүргізілген материалдарды (тану рәсімі жүргізілген жағдайда) тіркей отырып, мемлекеттік аудит объектілерін алдын ала зерделеудің нәтижелері туралы ақпаратты; Мемлекеттік аудит объектілерінің тізбесіне өзгерістер енгізу қажет болған жағдайда, қызметтік жазбаның жобасын; Аудит бағдарламасының жобасын; Есеп комитетінің 2016 жылғы 31 наурыздағы № 5-НҚ нормативтік қаулысымен бекітілген (Нормативтік құқықтық актілерді мемлекеттік тіркеу тізілімінде №13647 болып тіркелген) Тиімділік аудитін жүргізу бойынша сыртқы мемлекеттік аудиттің және қаржылық бақылаудың рәсімдік стандартына сәйкес жасалған аудиторлық іс-шараның жобалық матрицасын сапа бақылауын жүргізуге жауапты құрылымдық бөлімшеге ұсынады. Аудит бағдарламасы және Тапсырмалар, Мемлекеттік аудит нәтижелерін тану қорытындылары бойынша сараптамалық қорытынды Ревком ИАЖ-да, Documentolog АЖ –да қалыптастырылады. Сапа бақылауын жүргізуге жауапты құрылымдық бөлімше Аудит бағдарламасының жобасы бойынша үш жұмыс күні ішінде Заңның 24-бабына сәйкес Есеп комитетінің 2016 жылғы 31 наурыздағы № 5-НҚ нормативтік қаулысымен бекітілген (Нормативтік құқықтық актілерді мемлекеттік тіркеу тізілімінде № 13647 болып тіркелген) 750. Сапа бақылауын жүзеге асыру бойынша сыртқы мемлекеттік аудиттің және қаржылық бақылаудың рәсімдік стандартында (бұдан әрі – 750. Рәсімдік стандарт), сондай-ақ оны қолдану жөніндегі әдіснамалық нұсқаулықта белгіленген тәртіппен сапа бақылауы жүргізеді. Мемлекеттік аудит тобының жетекшісі аудиторлық іс-шараның негізгі кезеңіне дейін кемінде төрт жұмыс күні бұрын Тексеру комиссиясының аудиторлық іс-шараға жауапты мүшесіне мемлекеттік аудитті жүргізуге, сапа бақылауына және әдіснамалық сүйемелдеуге жауапты құрылымдық бөлімшелердің басшыларымен алдын ала келісілген алдын ала зерделеу нәтижелері туралы ақпаратты, сондай-ақ аудит бағдарламасының жобасын енгізеді. Тексеру комиссиясының аудиторлық іс-шараға жауапты мүшесінің ескертулері мен ұсыныстарын мемлекеттік аудит тобы жұмыс тәртібімен пысықтайды. Аудиторлық іс-шараға (негізгі кезең) шыққанға дейін: мемлекеттік аудит тобының қатысушылары мемлекеттік аудит объектілері бойынша жасап, оған мемлекеттік аудиторлар, мемлекеттік аудит тобының жетекшісі мемлекеттік аудит жүргізуге жауапты құрылымдық бөлімшенің басшысы қол қойған, сондай-ақ жоспарлауға, сапа бақылауы мен әдіснамалық қамтамасыз етуге жауапты құрылымдық бөлімшелердің басшылары, Тексеру комиссиясының аппарат басшысы келіскен Аудит бағдарламасы үш жұмыс күнінен кешіктірілмей Тексеру комиссиясының мүшесіне бекітуге енгізіледі. Көрсетілген рәсім осы аудиторлық іс-шараға жауапты Тексеру комиссиясының мүшесі аудит объектісіне шыққан кезде де қолданылады; Тексеру комиссиясының аудиторлық іс-шараға жауапты мүшесі мемлекеттік аудит тобының қатысушылары жасап, мемлекеттік аудит тобының жетекшісі, мемлекеттік аудит жүргізуге, құқықтық қамтамасыз етуге жауапты құрылымдық бөлімшелердің басшылары бұрыштама қойған Тапсырмаларға екі жұмыс күнінен кешіктірмей қол қояды. Ресурстарды ұтымды пайдалану үшін мемлекеттік аудиторлардың мемлекеттік аудит объектісінде болу мерзімі Мемлекеттік аудит объектілерінің тізбесінде көзделген аудиторлық іс-шараның негізгі кезеңі мерзімінің 70%-нан аспайтын мерзімде болуы керек. Кадр қызметі Тексеру комиссиясының аудиторлық іс-шараға жауапты мүшесі қол қойылған тапсырмасы негізінде жұмыскерлерді іссапарға жіберу туралы бұйрықтарды Тексеру комиссиясының Төрағасына екі күн ішінде қол қоюға енгізеді. Іссапар мерзімі Регламенттің 51-тармағын ескере отырып белгіленеді. Осы Регламенттің 50-тармағында көрсетілген құжаттарға қол қойылғаннан кейін Тексеру комиссиясының мемлекеттік аудитті жүргізуге жауапты құрылымдық бөлімшесі Аудит бағдарламаларын және Тапсырмаларды бір тіркеу нөмірімен тіркейді. Тіркеу нөмірлері күнтізбелік жылдың басынан бастап мынадай мәндері көрсетіле отырып беріледі: N-Б – Аудит бағдарламасы; N-П-Т – Аудиторлық іс-шараны, үстеме, бірлескен және қатар тексерулерді жүргізуге тапсырма, мұнда N – Мемлекеттік аудит объектілерінің тізбесіне сәйкес аудиторлық іс-шараның реттік нөмірі, П – тапсырманың реттік нөмірі; N-ҚТ – аудиторлық іс-шараны қайта тексеруге тапсырма. Бір аудиторлық іс-шараның шеңберіндегі екінші және кейінгі Тапсырмаларды тіркеу көрсетілген мәнге дефис қою арқылы реттік нөмір бере отырып (-1Т, -2-Т және т.б.), сол реттік нөмірмен (N) жүзеге асырылады. Үстеме тексеру жүргізуге берілген тапсырмаға негізгі мемлекеттік аудит объектісіндегі Аудиторлық іс-шара жүргізуге тапсырманың нөміріне бөлшек қою арқылы реттік нөмір беріледі (N-1/1-Т, N-2/1-Т және тағы сол сияқты). Егер үстеме тексеру жүргізу объектісі мемлекеттік аудитті жүргізу барысында айқындалса, онда тапсырманы тіркеу үстеме тексеру жүргізу объектісіне шыққанға дейін кемінде бір жұмыс күні бұрын жүзеге асырылады. Тексеру комиссиясының аудиторлық іс-шараға жауапты мүшесі мемлекеттік аудитті жүргізуге жауапты құрылымдық бөлімшенің басшысымен (немесе оны алмастыратын адаммен) бірлесіп аудиторлық іс-шараға (негізгі кезең) шыққанға дейін мемлекеттік аудит тобының қатысушыларына техникалық оқу (нұсқамалық) өткізеді. Сыбайлас жемқорлық тәуекелдерінің алдын алу және сыбайлас жемқорлыққа қарсы іс-қимыл, мемлекеттік аудит және қаржылық бақылау стандарттарының, Қазақстан Республикасы Президентінің 2015 жылғы 29 желтоқсандағы №153 Жарлығымен бекітілген Қазақстан Республикасы мемлекеттік қызметшілерінің әдеп кодексінің (Мемлекеттік қызметшілердің қызметтік әдеп қағидалары) және Республикалық бюджеттің атқарылуын бақылау жөніндегі есеп комитетінің 2015 жылғы 30 қарашадағы № 18-НҚ нормативтік қаулысы және Қазақстан Республикасы Қаржы министрінің 2015 жылғы 30 қарашадағы № 601 бұйрығымен бірлесіп бекітілген (Нормативтік құқықтық актілерді мемлекеттік тіркеу тізілімінде № 12575 болып тіркелген) Мемлекеттік аудиторлардың кәсіби әдеп қағидаларының сақталуын қамтамасыз ету мақсатында техникалық оқу (нұсқамалық) өткізуге Тексеру комиссиясының әдеп жөніндегі уәкілі тартылады. Мемлекеттік аудит тобының жетекшісі мемлекеттік аудитті жүргізуге жауапты құрылымдық бөлімше басшысының келісімі бойынша МАҚБ қағидаларына сәйкес аудиторлық іс-шара жүргізу туралы хабарламаны дайындайды және Тексеру комиссиясының аудиторлық іс-шараға жауапты мүшесінің қол қоюымен тікелей мемлекеттік аудит объектісінде мемлекеттік аудит жүргізудің (үстеме тексеруді қоспағанда) негізгі кезеңі басталғанға дейін екі жұмыс күнінен кешіктірмей, мемлекеттік аудит объектісіне жібереді. 4-параграф. Жеке мемлекеттік аудит жүргізу 4.1. Аудиторлық іс-шараны жүргізудің ұйымдастырушылық негіздері Мемлекеттік аудит объектісінің басшысына немесе келісімімен аудиторлық іс-шара жүзеге асырылып жатқан лауазымды адамға Тапсырма көрсетілген күннен бастап екінші күннен кешіктірілмей, мемлекеттік аудит тобының жетекшісі немесе мемлекеттік аудитор қол қойған Мемлекеттік аудит объектісі басшысының (келісімімен аудиторлық іс-шара жүзеге асырылып жатқан лауазымды адамның) міндеттерін атқару жөніндегі талап беріледі. Талаптарды жасау МАҚБ қағидаларына сәйкес жүзеге асырылады. Регламенттің осы тармағында көзделген Талапқа бөлшек арқылы тапсырманың нөмірі беріледі және көрсетілген Талаптың табыс етілген күні көрсетіледі. Мемлекеттік аудит объектісінің лауазымды адамдары мемлекеттік аудит объектісіне кіргізуден бас тартқан жағдайда және (немесе) аудиторлық іс-шараны жүргізуге кедергі келтірген кезде мемлекеттік аудитор екінші күннен кешіктірмей МАҚБ қағидаларына сәйкес мемлекеттік аудит объектісіне кіргізуден бас тарту фактісі бойынша акті және әкімшілік құқық бұзушылық туралы хаттама жасайды. Әкімшілік құқық бұзушылық туралы тиісті хаттама құқықтық қамтамасыз етуге жауапты құрылымдық бөлімшеде тіркеледі. Аудиторлық іс-шараны жүргізу барысында Аудит бағдарламасына өзгерістер және (немесе) толықтырулар енгізу мемлекеттік аудит тобының жетекшісі өзгерістер және (немесе) толықтырулар енгізудің негіздемелерін көрсете отырып дайындаған, жоспарлауға, құқықтық қамтамасыз етуге және сапа бақылауына жауапты құрылымдық бөлімшелердің басшылары, сондай-ақ Тексеру комиссиясының аппарат басшысы бұрыштама қойған Тексеру комиссиясының аудиторлық іс-шараға жауапты мүшесінің атына жазылған қызметтік жазбаның негізінде Documentolog АЖ-да тіркеле отырып, МАҚБ қағидаларында айқындалған тәртіппен жүзеге асырылады Аудиторлық іс-шараны жүргізу процесінде мемлекеттік аудиторлар күн сайын мемлекеттік аудит тобының жетекшісін атқарылған жұмыс туралы хабардар етеді. Құпия сипатқа ие және (немесе) таратылуы шектеулі ақпараты бар іс-шараларды қоспағанда, аудиторлық іс-шаралар шеңберінде, мемлекеттік аудиторлар объектіде аудиторлық іс-шараны жүргізудің екінші аптасынан бастап, апта сайын соңғы жұмыс күні қорғалған байланыс арналары арқылы немесе қағаз жеткізгіште есепті күнге жасалған аудиторлық есептің, аудиторлық іс-шараның барысында анықталған жүйелік кемшіліктер кестесінің (болған жағдайда) және анықталған бұзушылықтар тізілімінің жобаларын жіберіп отырады. Мемлекеттік аудит тобының жетекшісі аудиторлық іс-шара мәселелерінің толық қамтылуына мониторинг жүргізеді, аудиторлық іс-шараның жекелеген бағыттарын түзетеді және апта сайын аптаның соңғы жұмыс күні сағат 15-00-ге дейін қорғалған байланыс арналары арқылы (соның ішінде жеке есепке алу жазбасы бойынша Мемлекеттік органдардың интранет порталы арқылы) Тексеру комиссиясының аудиторлық іс-шараға жауапты мүшесіне, мемлекеттік аудитті жүргізуге жауапты бөлімшенің басшысына және құқықтық қамтамасыз етуге жауапты құрылымдық бөлімшенің жұмыскеріне есепті күнге жасалған аудиторлық есептердің, аудиторлық іс-шараның барысында анықталған жүйелік кемшіліктер кестесінің (болған жағдайда) және анықталған бұзушылықтар тізілімдерінің жобаларын ұсынады. Тексеру комиссиясының аудиторлық іс-шараға жауапты мүшесі, мемлекеттік аудитті жүргізуге жауапты құрылымдық бөлімшенің басшысы және құқықтық қамтамасыз етуге жауапты құрылымдық бөлімшенің бекітілген жұмыскері құзыреті шегінде аудиторлық есептердің жобаларын қарап, оларға ұсыныстар, ұсынымдар (болған кезде) береді. Осы ұсыныстар мен ұсынымдар бойынша мемлекеттік аудиторлар келесі апталық есепті күнге қабылданған ұсыныстар мен ұсынымдар туралы ақпарат не бас тартудың дәлелді негіздемелерін ұсынады. Құпия сипатқа ие және (немесе) таратылуы шектеулі ақпараты бар аудиторлық іс-шаралар бойынша аудиторлық есептердің жобалары Қазақстан Республикасында құпиялылық режимін қамтамасыз ету жөніндегі қолданыстағы заңнамаға және Қазақстан Республикасының Әкімшілік рәсімдік-процестік кодексіне сәйкес жіберіледі. Режимдік мекемелерде аудиторлық іс-шараларды жүргізумен байланысты құпия материалдарды зерделеу және талдау Қазақстан Республикасында құпиялылық режимін қамтамасыз ету жөніндегі қолданыстағы заңнамаға сәйкес жүзеге асырылады. 4.2. Аудиторлық есептердің жобаларын (Аудиторлық есептерді) дайындау және олар бойынша сапа бақылауы, соның ішінде заң сараптамасы рәсімдерін жүргізу Сыртқы мемлекеттік аудит және қаржылық бақылау органдары жүргізген аудиторлық іс-шараның нәтижелері бойынша мемлекеттік аудит жүргізілген объектілердің әрқайсысына МАҚБ қағидаларына сәйкес аудиторлық есептердің жобалары (Анықталған бұзушылықтар тізілімдері, оларға қоса берілген Анықталған жүйелік кемшіліктер кестелері (бұдан әрі – Тізілім, Кесте) жасалады. Мемлекеттік аудит тобының жетекшісі (мемлекеттік аудитор) объектіде аудиторлық іс-шара аяқталғаннан кейін келесі жұмыс күнінен кешіктірмей, мемлекеттік аудиторлар қол қойған аудиторлық есептің жобасын, Тізілімдерді, кестелерді және қосымшаларды (болған жағдайда) мынадай қолайлы тәсілдердің бірі арқылы: мемлекеттік аудитордың өзі қолма-қол; сканерден өткізілгендерін – қорғалған байланыс арналары бойынша; Аудиторлық есеп жобасының тұпнұсқасын (құпияны қоспағанда) фельдъегерлік байланыс не хабарламасы бар тапсырыс хатпен пошта арқылы; құпия сипаты бар аудиторлық іс-шаралар бойынша, – Қазақстан Республикасының мемлекеттік құпияларды қорғау жөніндегі заңнамасында белгіленген талаптарды сақтай отырып, Тексеру комиссиясына жібереді. Сапа бақылауын жүргізуге және құқықтық қамтамасыз етуге жауапты құрылымдық бөлімшелер МАҚБ қағидаларына және 750. Рәсімдік стандартқа, сондай-ақ оны қолдану жөніндегі әдіснамалық нұсқаулыққа сәйкес осы Регламенттің 67-тармағында көрсетілген құжаттарға сапа бақылауы және заң сараптамасы рәсімін жүргізеді. Егер Аудиторлық есептің жобасында (Аудиторлық есепте): бұзушылықтардың елу тармағына дейін қамтылса, заң сараптамасы ол Тексеру комиссиясының кеңсесінде тіркелген күннен бастап бес жұмыс күнінен аспайтын мерзімде жүргізіледі; бұзушылықтардың елу және одан да көп тармағы қамтылса, заң сараптамасы ол Тексеру комиссиясының кеңсесінде тіркелген күннен бастап алты жұмыс күнінен аспайтын мерзімде жүргізіледі. Егер аудиторлық есептің жобасы, қарсы тексерудің аудиторлық есебі сағат 16.00-ден кейін тіркелген жағдайда, сапаны бақылау және заң сараптамасын жүргізу мерзімі келесі жұмыс күнінен бастап есептеледі. Егер заң қорытындысын (сараптамалық қорытындыны) дайындау кезінде аудиторлық іс-шара материалдарына мемлекеттік аудиторлар тіркелген Аудиторлық есепке қоса берілмеген құжаттарды ұсынса, олар мұндай құжаттарды мемлекеттік аудит материалдарына, соның ішінде оның электрондық нұсқасына қоса тіркейді. Құжаттарды қоса тіркеу мемлекеттік аудитті жүргізуге жауапты құрылымдық бөлімшенің Тексеру комиссиясының мемлекеттік аудитті жүргізуге жауапты мүшесін хабардар ете отырып, құжат айналымына, құқықтық қамтамасыз етуге, сапа бақылауына жауапты құрылымдық бөлімшеге аудиторлық іс-шараның қорытындыларын дайындау процесі аяқталғаннан кешіктірмей қоса тіркеуге жататын құжаттарды немесе олардың көшірмелерін қоса бере отырып, БҚА арқылы қызметтік жазба жіберуі арқылы жүзеге асырылады. Аудиторлық есептің, оған қоса берілген Жүйелік кемшіліктер кестесі мен Тізілімнің жобасына заң қорытындысын қарауды мемлекеттік аудит тобы оны алған күннен бастап үш жұмыс күні ішінде жүзеге асырады. Заң қорытындысын қарау кезінде Тексеру комиссиясының мемлекеттік аудитті жүргізуге жауапты мүшесінің (болған жағдайда) және мемлекеттік аудитті жүргізуге жауапты құрылымдық бөлімше басшысының ескертулері мен ұсыныстары ескеріледі. Ескертулер мен ұсыныстар қабылданбаған жағдайда, мемлекеттік аудит тобы дәлелді жауап береді. Аудиторлық есептің, оған қоса берілген Жүйелік кемшіліктер кестесі мен Тізілімнің жобасына заң қорытындысын қарау кезінде келіспеушіліктер туындаған жағдайда, даулы мәселелер 750. Рәсімдік стандартты қолдану жөніндегі әдіснамалық нұсқаулықта айқындалған тәртіппен келісу комиссиясының қарауына шығарылады. Сараптаманы қарау нәтижелері бойынша Аудиторлық есепке аудиторлық іс-шараны жүргізген мемлекеттік аудитор екі данада қол қояды. Мемлекеттік аудиторлар Аудиторлық есептің екінші парағынан бастап барлық бетіне күнін көрсете отырып қол қояды. Аудиторлық есептің бір данасы Тексеру комиссиясының кеңсесінде қалады. Аудиторлық есептің екінші данасы аудиторлық іс-шара шеңберінде соңғы аудит объектісінде аудиторлық іс-шара аяқталғаннан кейін он жұмыс күні мерзімі ішінде аудит объектісіне жіберіледі. Аудиторлық есеп осы Регламенттің 67-тармағында көрсетілген қолайлы тәсілдердің бірі арқылы жіберіледі. Мемлекеттік аудит объектісінің Тексеру комиссиясына келіп түскен Аудиторлық есепке қарсылықтарын Тексеру комиссиясының аудиторлық іс-шараға жауапты мүшесі мемлекеттік аудиторлармен, мемлекеттік аудитті жүргізуге жауапты құрылымдық бөлімшенің басшысымен, мемлекеттік аудитті жүзеге асыруға тартылған сарапшылармен бірге құқықтық қамтамасыз етуге жауапты құрылымдық бөлімше жұмыскерлерінің келісімі бойынша Аудиторлық қорытындыны дайындау кезеңінде қарайды. Егер мемлекеттік аудит объектісінің Аудиторлық есепке қарсылықтары: бұзушылықтардың елу тармағына дейін қамтылса, қарсылықтың әрбір тармағы бойынша қабылданған және қабылданбаған дәлелдерді көрсете отырып, мемлекеттік аудит объектісіне уәжді жауап Тексеру комиссиясының кеңсесінде қарсылықтар тіркелген күннен кейін бес жұмыс күнінен аспайтын мерзімде жіберіледі; бұзушылықтардың елу және одан да көп тармағы қамтылса, қарсылықтың әрбір тармағы бойынша қабылданған және қабылданбаған дәлелдерді көрсете отырып, мемлекеттік аудит объектісіне уәжді жауап Тексеру комиссиясының кеңсесінде қарсылықтар тіркелген күннен кейін алты жұмыс күнінен аспайтын мерзімде жіберіледі. Мемлекеттік аудит объектісінің Аудиторлық есепке ұсынған түсіндірмелері оларға жауап дайындалмастан назарға алынады. Тексеру комиссиясына келіп түскен Аудиторлық есепке қарсылықтар және оларға уәжді жауаптар Тексеру комиссиясының отырысынан кейін міндетті түрде аудиторлық іс-шара материалдарына және олардың Ревком ИАЖ-дағы және (немесе) Documentolog АЖ-дағы электрондық нұсқаларына қоса тіркеледі. Іссапар аяқталған күннен бастап екі жұмыс күнінен кешіктірілмей аудиторлық іс-шараның қалған материалдарымен жасақталғанға дейін жинақтау папкасында қалыптастырылатын құжаттардың атауы мен парақ саны тізімдемеде көрсетіле отырып, алдын ала зерделеу нәтижелері туралы материалдардың, Өтінімге енгізілген өзгерістер мен толықтырулар туралы қызметтік жазбалардың, Аудит бағдарламасының, Тапсырмалардың, алдын ала зерделеуді жүргізу туралы хабарламалардың, аудиторлық іс-шараны өткізу туралы хабарламалардың, құжаттарды ұсыну туралы талаптардың, түпнұсқалары, Аудиторлық есептің, Жүйелік кемшіліктер кестесінің, Тізілімнің және Аудиторлық есептің жобасына қосымшалардың жобалары құжат айналымына жауапты құрылымдық бөлімшеге тапсырылады. Құжат айналымына жауапты құрылымдық бөлімше Аудиторлық есептердің, Жүйелік кемшіліктер кестесінің, Тізілімнің және Аудиторлық есепке қосымшалардың түпнұсқалары, Тексеру комиссиясына түскен күннен бастап екі жұмыс күні ішінде оларды сканерлейді, Documentolog АЖ-да тіркейді және Тексеру комиссиясының аудиторлық іс-шараға жауапты мүшесіне, мемлекеттік аудитті жүргізуге, сапа бақылауына және құқықтық қамтамасыз етуге жауапты құрылымдық бөлімшелерге береді. Аудиторлық іс-шара шеңберінде қалыптастырылған құжаттар сканерленген нұсқалары қоса тіркеліп, Ревком ИАЖ-да орналастырылады. 4.3. Аудиторлық қорытындылардың жобаларын дайындау және олар бойынша сапа бақылауын, соның ішінде заң сараптамасы рәсімдерін жүргізу Аудиторлық есептердің негізінде мемлекеттік аудит тобы Аудиторлық қорытындының, Анықталған бұзушылықтардың жиынтық тізілімінің (бұдан әрі – Жиынтық тізілім), Анықталған жүйелік кемшіліктердің жиынтық кестесінің (бұдан әрі – Жиынтық кесте) жобаларын, сондай-ақ Қаулылар мен Нұсқамаларды қалыптастырып, МАҚБ қағидаларына сәйкес сапа бақылауын жүргізуге және құқықтық қамтамасыз етуге жауапты құрылымдық бөлімшелерге жібереді. Сапа бақылауын жүргізуге және құқықтық қамтамасыз етуге жауапты құрылымдық бөлімшелер оларды алған күннен бастап үш жұмыс күні ішінде МАҚБ қағидаларына, 750 Рәсімдік стандартқа және оны қолдану жөніндегі әдіснамалық нұсқаулыққа сәйкес сапа бақылауы және заң сараптамасы рәсімін жүзеге асырады. Мемлекеттік аудит тобы Аудиторлық қорытындының, Жиынтық кестенің, Жиынтық тізілімнің, Қаулылар мен Нұсқамалардың жобалары бойынша сапа бақылауы мен заң сараптамасының нәтижелері бойынша сараптамалық және заң қорытындыларын алған кезінен бастап бір жұмыс күні ішінде қарайды. Аудиторлық қорытындының жобасына аудиторлық іс-шараны жүргізген мемлекеттік аудиторлар, аудит тобының жетекшісі, мемлекеттік аудитті жүргізуге жауапты құрылымдық бөлімшенің басшысы, сапа бақылауына және құқықтық қамтамасыз етуге жауапты құрылымдық бөлімшелердің басшылары, Тексеру комиссиясының аудиторлық іс-шараға жауапты мүшесі қол қояды. Құқықтық сүйемелдеу мәселелері бойынша келіспеушіліктер болған жағдайда, Аудиторлық қорытындының жобасына құқықтық қамтамасыз етуге жауапты құрылымдық бөлімше басшысы қол қойып, оның жазбаша ұстанымы қоса беріледі. Жиынтық кестенің жобасына аудиторлық іс-шараны жүргізген барлық жұмыскер қол қояды және оған мемлекеттік аудитті жүргізуге жауапты құрылымдық бөлімшенің басшысы бұрыштама қояды. Жиынтық тізілімнің жобасына аудиторлық іс-шараны жүргізген барлық жұмыскер қол қояды, мемлекеттік аудитті жүргізуге, құқықтық қамтамасыз етуге жауапты құрылымдық бөлімшелердің басшылары бұрыштама қояды. Мемлекеттік аудитті жүргізуге, сапа бақылауына, құқықтық қамтамасыз етуге жауапты құрылымдық бөлімшелердің басшылары нұсқаманың жобасын келіседі және Аудиторлық қорытынды бекітілген соң, оған Тексеру комиссиясының аудиторлық іс-шараға жауапты мүшесі қол қояды. Аудиторлық қорытындының жобасы (мемлекеттік аудит объектілерінің қаралған қарсылықтарын ескере отырып) негізгі мемлекеттік аудит объектісі өкілінің баяндамасы (сөйлейтін сөзі) тезистерінің жобаларымен бірге Тексеру комиссиясының отырысы өткізілгенге дейін төрт жұмыс күні бұрын Тексеру комиссиясының Төрағасына ілеспе хатпен ұсынылады. Тексеру комиссиясының отырысында жүргізілген аудиторлық іс-шаралардың қорытындылары қаралады. Аудиторлық қорытынды, нұсқама Тексеру комиссиясының аудиторлық іс-шараға жауапты мүшесінің және мемлекеттік аудит объектілері өкілдерінің ақпаратын тыңдаудың қорытындысы бойынша қабылданады. Тексеру комиссиясының отырысында Аудиторлық қорытындының жобасына құқықтық сүйемелдеу мәселелері бойынша келіспеушіліктер болған кезде құқықтық қамтамасыз етуге жауапты құрылымдық бөлімше басшысының ақпараты тыңдалады. 5-параграф. Қаржылық бақылау 5.1. Анықталған бұзушылықтарды жою және оларға жол берген лауазымды адамдардың жауаптылығын қарау туралы нұсқама, әкімшілік құқық бұзушылық туралы хаттама жасау Заңның 5-бабы 2-тармағының 1) тармақшасына сәйкес, аудит жүргізуге жауапты құрылымдық бөлімше анықталған бұзушылықтарды және (немесе) оларға ықпал ететін себептерді, жағдайларды жою, сондай-ақ осы бұзушылықтарға жол берген адамдарға Қазақстан Республикасының заңдарында көзделген жауаптылық шараларын қолдану үшін Нұсқама дайындайды. Нұсқама аудит жүргізуге, құқықтық қамтамасыз етуге, сапа бақылауына жауапты құрылымдық бөлімшелермен келісіліп, Тексеру комиссиясының аудиторлық іс-шараға жауапты мүшесінің қолы қойылып, мемлекеттік аудит объектісінің басшысына жіберіледі. Тексеру комиссиясының Нұсқамаларын орындамағаны немесе тиісінше орындамағаны үшін мемлекеттік аудит объектісінің лауазымды адамдарының жауаптылығы «Әкімшілік құқық бұзушылық туралы» Қазақстан Республикасының Кодексінде (бұдан әрі – ӘҚБтК) көзделген. Егер мемлекеттік аудит объектісінің басшысы Мемлекеттік аудит объектісі басшысының міндеттерін атқару жөніндегі талапта көрсетілген және (немесе) құжаттарды ұсыну мерзімдері аяқталғанымен, Заңның 21-бабында көзделген міндеттерін орындамаса, мемлекеттік аудитор анықталған күні, ал әкімшілік құқық бұзушылықтың мән-жайларын және жеке тұлғаның жеке басын қосымша анықтау қажет болған жағдайларда, көрсетілген деректер анықталған күннен бастап үш жұмыс күні ішінде ӘҚтК-нің 462-бабының негізінде ӘҚтК-нің 803-бабына сәйкес әкімшілік құқық бұзушылық туралы хаттама жасайды, оның жобасы ӘҚтК-де белгіленген мерзімдер шегінде оны ұсынған күннен бастап бір жұмыс күні ішінде құқықтық қамтамасыз етуге жауапты құрылымдық бөлімшемен келісіледі. Хаттаманың жобасы ӘҚтК-де белгіленген мерзімдер шегінде ұсынылған күнінен бастап бір жұмыс күні ішінде құқықтық қамтамасыз етуге жауапты құрылымдық бөлімшемен (заңгер) келісіледі. Хаттамаға мынадай құжаттар: құқық бұзушының жеке басын куәландыратын құжат (көшірмесі); функционалдық және лауазымдық міндеттеріне сүйене отырып, адамдардың жазбаша түсініктемелері (не түсініктеме беруден бас тарту туралы акті); анықталған құқық бұзушылықтың белгілерін растайтын құжаттардың түпнұсқалары немесе лауазымды адамдардың қолымен, ұйымның мөрімен немесе мөртабанымен расталған төлнұсқаларының көшірмелері: соның ішінде әкімшілік құқық бұзушылықтың түріне қарай: жүргізілген зерттеулердің (сынақтардың, бақылау өлшемдерінің (тексеріп қараулардың) және тағы басқаларының) актілері; сараптаманың және мемлекеттік емес аудиторлық ұйымдардың қорытындылары (жүргізілген жағдайда); операция немесе әрекет фактісін қамтитын құжаттар немесе олардың көшірмелері, соның ішінде шешімдер; орындалған жұмыс актілері (тауарларды қабылдау-тапсыру, қызметтерді көрсету, есептен шығару, жою актілері); мемлекеттік сатып алу туралы бұйрықтар, хаттамалар және мемлекеттік органдардың, ұйымдардың, лауазымды адамдардың шешімдері; шарттар; ақы төлеу фактісін растайтын құжаттар: төлем тапсырмалары (төлеуге арналған шоттар, түбіртектер, чектер); ведомостер, ордерлер, нарядтар;лауазымды адамдардың өкілеттіктерін растайтын құжаттардың көшірмелері: жарғылар, ережелер, лауазымдық нұсқаулықтар; анықталған бұзушылықтарға қатысы бар лауазымды адамдарды тағайындау (жұмыстан босату) туралы бұйрықтар; мемлекетке, мемлекеттің қатысуымен құрылған заңды тұлғалардың мүдделеріне келтірілген залалдың сомасын растайтын құжаттар немесе олардың көшірмелері: анықтамалар, кестелер, диаграммалар; есептеулер; бұзушылық фактілерін көрсететін және аудиторлық есептің ажырамас бөлігі болып табылатын фотоматериалдар қоса беріледі. Бұл құжаттар тізбесі толық болып табылмайды. Құқықтық қамтамасыз етуге жауапты құрылымдық бөлімше әкімшілік құқық бұзушылық туралы хаттамаларды және әкімшілік құқық бұзушылық туралы істің материалдарын хаттама жасалған кезден бастап үш тәуліктің ішінде тиісті әкімшілік-аумақтық бірліктің аумағында орналасқан сотқа жібереді. 5.2. Материалдарды құқық қорғау органдарына немесе әкімшілік құқық бұзушылық туралы істерді қозғауға және (немесе) қарауға уәкілетті органдарға беру Мемлекеттік аудитті жүргізуге жауапты құрылымдық бөлімше құқықтық қамтамасыз етуге жауапты құрылымдық бөлімшемен келіскеннен кейін, әкімшілік құқық бұзушылық белгілері байқалатын бұзушылық фактілері бойынша материалдарды аудиторлық есеп мемлекеттік аудит объектісіне жіберілген күннен бастап жеті жұмыс күнінен кешіктірмей уәкілетті органдарға жіберуді жүзеге асырады. Әрбір әкімшілік құқық бұзушылық бойынша материалдар тиісті уәкілетті органдарға жеке-жеке ілеспе хатпен жіберіледі. Тиісті аудиторлық дәлелдемелері бар қылмыстық құқық бұзушылық белгілері бар материалдарды беру Заңның 5-бабы 2-тармағының 3-1) тармақшасында, осы Регламенттің 111-тармағында көзделген тәртіппен жүзеге асырылады. 5.3. Қазақстан Республикасының заңнамасына сәйкес, соның ішінде бюджетке өтеуді, жұмыстарды орындау, қызметтер көрсету, тауарлар беру және (немесе) ерікті түрде өтелмеген (қалпына келтірілмеген) анықталған бұзушылықтар сомасын есепке алу бойынша көрсету жолымен қалпына келтіруді қамтамасыз ету және нұсқамаларды орындау мақсатында сотқа талап қоюды беру Тексеру комиссиясының сотқа талап қоюды беруді нұсқамаларының, соның ішінде бюджетке өтеудің, жұмыстарды орындау, қызметтер көрсету, тауарлар беру және (немесе) ерікті түрде өтелмеген (қалпына келтірілмеген) анықталған бұзушылықтар сомаларын есепке алу бойынша көрсету жолымен қалпына келтірудің қажеттігін қамтитын нұсқамаларының тапсырмалық тармақтары көрсетілген мерзімдерде орындалмаған және орындау мерзімдерін ұзарту туралы шешім болмаған кезде жүзеге асырады. Сапа бақылауына жауапты құрылымдық бөлімше нұсқамалардың тапсырмалық тармақтары орындалуы тиіс күннен бастап он бес жұмыс күні ішінде орындалмаған жағдайда, Тексеру комиссиясының аудиторлық іс-шараға жауапты мүшесімен, сондай-ақ құқықтық қамтамасыз етуге жауапты құрылымдық бөлімшемен алдын ала келісім бойынша Тексеру комиссиясының Төрағасының атына сотқа талап қоюға бастамашылық жасау туралы қызметтік жазбаның жобасын дайындайды. Құқықтық қамтамасыз етуге жауапты құрылымдық бөлімше он жұмыс күні ішінде растайтын құжаттар болған кезде сотқа талап қоюдың орындылығы тұрғысынан қызметтік жазбаның жобасын қарайды. Сотқа талап қою негізділігі болған жағдайда, құқықтық қамтамасыз етуге жауапты құрылымдық бөлімше сапа бақылауына жауапты құрылымдық бөлімшенің қызметтік жазбасын келіседі, ал бас тартқан жағдайда, тиісті қорытынды жібереді. Сапа бақылауына жауапты құрылымдық бөлімше құқықтық қамтамасыз етуге жауапты құрылымдық бөлімшемен келісім бойынша Тексеру комиссиясының аудиторлық іс-шараға жауапты мүшесінің қолы қойылған, сотқа талап қоюға бастамашылық жасалғаны туралы қызметтік жазба жасайды және тиісті шаралар қабылдау үшін Тексеру комиссиясының Төрағасына жібереді. Сотқа талап қоюды беру туралы оң шешім қабылданған жағдайда, құқықтық қамтамасыз етуге жауапты құрылымдық бөлімше сапа бақылауына жауапты құрылымдық бөлімшемен және мемлекеттік аудитті жүргізуге жауапты құрылымдық бөлімшемен бірлесіп, Қазақстан Республикасының Азаматтық процестік кодексіне сәйкес құжаттар дайындайды. 4-тарау. Аудиторлық қорытындыда қамтылған ұсынымдардың, Нұсқамалардың орындалуын мониторингілеуді және бақылауды жүзеге асыру 4.1. Тексеру комиссиясының Аудиторлық қорытындысында қамтылған ұсынымдарды, Нұсқамаларын бақылауға қою және олардың орындалуын мониторингілеу Құжат айналымына жауапты құрылымдық бөлімше Тексеру комиссиясының Аудиторлық қорытындысында қамтылған ұсынымдарды, Нұсқамаларының тармақтарын қол қойылған күнінен бастап бір жұмыс күні ішінде бақылауға қоюды жүзеге асырады, апта сайынғы ақпаратты МОИП-қа және (немесе) АЖ-ға жіберу арқылы олардың орындалу мерзімі туралы ескертеді. Құқықтық қамтамасыз етуге жауапты құрылымдық бөлімше жартыжылдықта бір рет құқық қорғау органдарына жіберілген аудиторлық іс-шаралар материалдарын қараудың нәтижелеріне мониторинг жүргізеді. Сапа бақылауына жауапты құрылымдық бөлімше және (немесе) құжат айналымына жауапты құрылымдық бөлімше Аудиторлық қорытындыда қамтылған ұсынымдардың және Тексеру комиссиясының Нұсқамалары тармақтарының іске асырылу барысына мониторинг жүргізеді және тоқсан сайынғы негізде Тексеру комиссиясының Төрағасын хабардар етеді. Мониторинг нәтижелерін талдау мен есептілікті жүргізуге жауапты құрылымдық бөлімше Жоғары аудиторлық палатасына ұсынылатын тоқсан сайынғы ақпаратты, сондай-ақ есепті қаржы жылындағы жергілікті бюджеттің атқарылуы туралы жылдық есепті қалыптастыру, бұзушылықтарды болдырмау мақсатында оларды жүйелеу үшін пайдаланады. Сапа бақылауына жауапты құрылымдық бөлімше жартыжылдықтың қорытындысы бойынша есепті кезеңнен кейінгі айдың екінші айының 20 күнінен кешіктірмей, Тексеру комиссиясының Төрағасына аудиторлық іс-шаралар материалдарының сапасын бақылаудың нәтижелері туралы, сондай-ақ талдаудың қорытындысы бойынша Тексеру комиссиясының Аудиторлық қорытындыларында қамтылған ұсынымдардың, Қаулыларының (Нұсқамаларының) орындалу сапасы жөнінде жинақталып қорытылған ақпарат ұсынады. 4.2. Мемлекеттік аудит объектісінің Тексеру комиссиясының Аудиторлық қорытындысында қамтылған ұсынымдарды және Нұсқамасының тармақтарын орындауын талдау Сапа бақылауын жүргізуге жауапты құрылымдық бөлімше мемлекеттік аудит объектісінен, жергілікті атқарушы органнан ақпарат (растайтын құжаттар) алған күннен бастап жеті жұмыс күні ішінде МАҚБ қағидаларына сәйкес Аудиторлық қорытындыда қамтылған ұсынымдарды және Нұсқама тармақтарын мемлекеттік аудит объектілерінің орындауына, жергілікті атқарушы органдарының қарауына бақылау жүргізеді. Мемлекеттік аудит объектісінен, жергілікті атқарушы органдардан ақпарат (растайтын құжаттар) Нұсқаманы немесе Аудиторлық қорытындыда қамтылған ұсынымдарды орындау бойынша үш және одан көп тармақ (тармақша) немесе үш және одан көп бөліктен тұратын тармақтар (тармақшалар) бойынша түскен жағдайда, бақылау он жұмыс күні ішінде жүргізіледі. Сапа бақылауына жауапты құрылымдық бөлімше ұсынымдар мен нұсқамалардың орындалу нәтижелері немесе аудит объектісінен және мүдделі адамдардан қосымша ақпарат сұрату қажеттігі туралы қызметтік жазба жобасын дайындап, Тексеру комиссиясының аудиторлық іс-шараға жауапты мүшесіне енгізеді. Тексеру комиссиясының мүшесінің қолы қойылған қызметтік жазба Тексеру комиссиясының Төрағасына жіберіледі. Сот талқылауларын жүргізуге және (немесе) заңнаманы жетілдіруге байланысты мәселелер бойынша ұсынымдарды және (немесе) нұсқамаларды орындау нәтижелері бойынша дайындалған қызметтік жазбаның жобасы құқықтық қамтамасыз етуге жауапты құрылымдық бөлімшемен келісіледі. Тексеру комиссиясының Төрағасы осы Регламенттің 99-тармағында көзделген қызметтік жазбаның негізінде Аудиторлық қорытындыда қамтылған ұсынымдарды және Нұсқаманың, Қаулының тармақтарын бақылаудан алу, орындау мерзімдерін ұзарту туралы шешім қабылдайды. Сапа бақылауына жауапты құрылымдық бөлімше Тексеру комиссиясының Төрағасының қарары бар Тексеру комиссиясының жауапты мүшесінің қызметтік жазбасын және мемлекеттік аудит объектілерінің Аудиторлық қорытындыда қамтылған ұсынымдарды және Нұсқамалардың, Қаулылардың тармақтарын орындауы туралы ақпаратты Ревком ИАЖ-ға жүктеуді жүзеге асырады. Тексеру комиссиясы төрағасының шешімі қабылданған күннен бастап төрт жұмыс күні ішінде тексеру комиссиясының аудиторлық іс-шараға жауапты мүшесі өз қолымен мемлекеттік аудит объектісіне аудиторлық қорытындыда қамтылған ұсынымдарды және (немесе) тексеру комиссиясының Нұсқамасының, қаулыларының тармақтарын бақылаудан алу не орындауды жалғастыру туралы хабарлайды. 6.3. Тексеру комиссиясы шешімдерінің орындалуын тексеру Сапа бақылауына жауапты құрылымдық бөлімше Тексеру комиссиясының аудиторлық іс-шараға жауапты мүшесінің басшылық етуімен Аудиторлық қорытындыда қамтылған ұсынымдардың және Нұсқамалар тармақтарының толық орындалуы туралы мемлекеттік аудит объектісінен ақпарат алған күннен кейін жеті жұмыс күні ішінде объекті қабылдаған шаралардың толықтығына бақылау жүргізу, сондай-ақ бұзушылықтардың жойылуын және ұсынымдардың орындалуын растау қажет болған кезде Тексеру комиссиясының Төрағасының атына Тексеру комиссиясының шешімдерінің орындалуына тексеру (бұдан әрі – тексеру) жүргізу күнін келісе отырып, оны жүргізудің орындылығы туралы қызметтік жазба дайындайды. Тексеру жүргізу туралы шешімді Тексеру комиссиясының Төрағасы қабылдайды. Тексеру комиссиясының тексеру жүргізу тәртібі МАҚБ қағидаларына сәйкес жүзеге асырылады. Тексеру комиссиясының Төрағасының қарары бар тексеру актісі, сондай-ақ мемлекеттік аудит объектісінің ақпараты Ревком ИАЖ-ға енгізіледі. 6.4. Мемлекеттік аудит объектісінің ақпаратты ұсынбауы, Нұсқаманың тармақтарын орындамауы немесе тиісінше орындамауы жөнінде шаралар қабылдау Тексеру комиссиясының аудиторлық іс-шараға жауапты мүшесі Нұсқама тармақтарының орындалу мерзіміне дейін кемінде екі жұмыс күні бұрын мемлекеттік аудит объектісіне Documentolog АЖ (болған жағдайда) арқылы және қағаз түрінде поштамен ӘҚтК-нің 462-бабында көзделген әкімшілік жауаптылық туралы ескерту жібереді. Сапа бақылауына жауапты құрылымдық бөлімше мемлекеттік аудит объектісі ақпарат ұсынбаған жағдайда – бес жұмыс күні ішінде, ал көрсетілген мерзімде Нұсқама тармақтарын орындамаған немесе тиісінше орындамаған жағдайда – Нұсқамада көрсетілген мерзім өткеннен кейін жеті жұмыс күні ішінде Тексеру комиссиясының Төрағасының атына мемлекеттік аудит объектісіне әкімшілік ықпал ету шараларын қолдану туралы қызметтік жазбаның жобасын дайындайды және құқықтық қамтамасыз етуге жауапты құрылымдық бөлімшеге келісуге жібереді. Құқықтық қамтамасыз етуге жауапты құрылымдық бөлімше үш жұмыс күні ішінде қызметтік жазбаның жобасын әкімшілік іс жүргізуді қозғаудың орындылығы тұрғысынан қарайды. Әкімшілік іс жүргізуді қозғау үшін негізділігі болған жағдайда, құқықтық қамтамасыз етуге жауапты құрылымдық бөлімше сапа бақылауына жауапты құрылымдық бөлімшенің қызметтік жазбасын жұмыс тәртібімен келіседі, ал бас тартқан жағдайда, тиісті қорытынды жібереді. Сапа бақылауына жауапты құрылымдық бөлімше құқықтық қамтамасыз етуге жауапты құрылымдық бөлімшемен келісім бойынша мемлекеттік аудит объектісіне әкімшілік ықпал ету шараларын қолдану туралы Тексеру комиссиясының аудиторлық іс-шараға жауапты мүшесінің қолы қойылған қызметтік жазба жасайды және Тексеру комиссиясының Төрағасына жібереді. Әкімшілік іс жүргізуді қозғау орынды деп танылған жағдайда, құқықтық қамтамасыз етуге жауапты құрылымдық бөлімше әкімшілік құқық бұзушылық туралы хаттама жасайды. Әкімшілік құқық бұзушылық туралы хаттама жасалған кезден бастап үш тәулік ішінде құқықтық қамтамасыз етуге жауапты құрылымдық бөлімше әкімшілік іс материалдарын тиісті сотқа жібереді. Мемлекеттік аудит объектісі ұйғарымдарды орындамаған немесе тиісінше орындамаған кезде мемлекеттік аудит және қаржылық бақылау нәтижелеріне шағымдану жөніндегі мерзімдерді сақтай отырып, мемлекеттік аудит объектісі, кәсіпкерлік субъектілері және мүдделері аудиторлық іс-шаралармен қозғалған өзге де тұлғалар, тексеру комиссиясының мүшесі құрылымдық бөлімшелермен келісім бойынша сапаны бақылауға жауапты құрылымдық бөлімшемен бірлесіп, мемлекеттік аудитті жүргізуге және құқықтық қамтамасыз етуге жауаптылар қылмыстық құқық бұзушылық белгілері бар мемлекеттік аудит материалдарын құқық қорғау органдарына беру туралы аудиторлық іс-шараға жауапты Тексеру комиссиясы мүшесінің қолы қойылған қызметтік жазба жасайды және тексеру комиссиясының Төрағасына жіберіледі. Қылмыстық құқық бұзушылық белгілері бар мемлекеттік аудит материалдарын берудің орындылығы танылған жағдайда, құқықтық қамтамасыз етуге жауапты құрылымдық бөлімше мемлекеттік аудитті жүргізуге жауапты құрылымдық бөлімшемен бірлесіп, осы материалдарды сыртқы аудитті жүргізу кезінде анықталған құқық бұзушылықтар бойынша мемлекеттік аудит материалдарын беру қағидаларында айқындалған тәртіппен (талаптарды ескере отырып) тиісті аудиторлық дәлелдемелермен құқық қорғау органдарына береді мемлекеттік аудит және қаржылық бақылау, Қазақстан Республикасы Президентінің 2022 жылғы 26 қарашадағы № 5 Жарлығымен бекітілген Қазақстан Республикасының жоғары аудиторлық палатасы туралы Ережеге сәйкес бекітіледі. 6.5. Мемлекеттік аудит материалдарын есепке алу Тексеру комиссиясының Аудиторлық қорытындысы бекітіліп, Нұсқамасына қол қойылғаннан кейін бес жұмыс күні ішінде мемлекеттік аудит тобының жетекшісі мемлекеттік аудит материалдарын (Аудиторлық есеп (№1 дана), мемлекеттік аудит объектілерінің қарсылықтары мен түсіндірмелерін (болған жағдайда), материалдарды қоса беру туралы қызметтік жазбаны (болған жағдайда) және Тексеру комиссиясының қарсылықтарға уәжделген жауаптарын, құқықтық қамтамасыз етуге және сапа бақылауына жауапты құрылымдық бөлімшелердің сараптамалық қорытындыларын, Аудиторлық қорытындыны, Жиынтық тізілімді, Жиынтық кестені (болған жағдайда), отырыс хаттамасын, қаулыны, нұсқамаларды) аудиторлық іс-шара материалдары бар жинақ папканы толықтырып, кейіннен архивке өткізу үшін құжат айналымына жауапты құрылымдық бөлімшеге тапсырады. Аудиторлық іс-шара материалдарының электрондық нұсқалары Бірыңғай дерекқордың электрондық архивіне енгізіледі. Аудиторлық іс-шараның мемлекеттік құпияларды қамтитын материалдары Қазақстан Республикасында құпиялылық режимін қамтамасыз ету жөніндегі заңнамада белгіленген талаптарға сәйкес сақталады. 5-тарау. Тексеру комиссиясының аппараттық кеңестерін және отырыстарын өткізу тәртібі 1-параграф. Тексеру комиссиясының кеңестерін және аппараттық кеңестерді өткізу тәртібі Тексеру комиссиясының кеңестері мынадай: Тексеру комиссиясының қызметінің қорытындыларын тыңдау; Жоғары аудиторлық палатаның тиісті кезеңдегі қызметі туралы есепті тыңдау кезінде Жоғары аудиторлық палата және Тексеру комиссияларының алдына қойылған Қазақстан Республикасы Президентінің тапсырмаларын жария ету; Тексеру комиссиясының тиісті қаржы жылындағы жергілікті бюджеттің атқарылуы туралы есебін облыстық маслихатының қабылдау қорытындыларын талқылау; Тексеру комиссиясының Төрағасы белгілеген, соның ішінде Тексеру комиссиясының мүшелерінің бастамасы бойынша Тексеру комиссиясының не жалпы мемлекеттік аудит және қаржылық бақылау (бұдан әрі – МАжҚБ) органдарының жүйесі үшін стратегиялық маңызы бар өзге де мәселелерді қарау жағдайларында Тексеру комиссиясының Төрағасының төрағалығымен өткізіледі. Тексеру комиссиясының аппараты басшысының қатысуымен аппараттық кеңестер Тексеру комиссиясының ағымдағы қызметінің іске асырылуын жедел бақылау және мониторингілеу талап етілетін жағдайларда өткізіледі. Тексеру комиссиясының кеңестері Тексеру комиссиясының Төрағасы белгілеген аптаның күнінде және уақытта өткізіледі. Кеңестің күн тәртібін оның төрағалық етуімен кеңес өткізілетін адам бекітеді. Егер Тексеру комиссиясының Төрағасы өзгеше белгілемесе, Тексеру комиссиясының Төрағасының қатысуымен өтетін кеңестердің күн тәртібі кеңес өткізілгенге дейін күнтізбелік төрт күннен кешіктірілмей бекітуге енгізіледі. Кеңестерге шығаруға ұсынылатын мәселелердің бастамашылары оларды өзектілігі, перспективалылығы және қарау мерзімдерінің нақтылығы мәніне мұқият пысықтайды. Күн тәртібін, кеңестердің хаттамасын, шақырылғандардың тізімін және жүргізу тәртібін дайындауды кеңеске бастамашы болған құрылымдық бөлімше ұйымдастырады. Отырыстың қорытындылары бойынша хаттаманың жобасын бір жұмыс күні ішінде жауапты орындаушы тапсырмалар жіберілетін құрылымдық бөлімшелермен келісу, төрағалық етушіге қол қою, одан әрі тіркеу және құжат айналымын жүргізуге жауапты құрылымдық бөлімшенің бақылауға қою үшін Documentolog АЖ-ның тиісті қосымша бетінде құрады. Хаттама жобасы екі жұмыс күні ішінде тапсырмалар жіберілетін құрылымдық бөлімшелермен келісуге жатады. Келісу қорытындысы бойынша хаттамаға төрағалық етуші қол қояды. Хаттамалық тапсырмалардың орындалуын бақылау кеңеске бастамашылық жасаған құрылымдық бөлімшеге жүктеледі. Бақылаудан алуды төрағалық етуші адам жүзеге асырады. 3-параграф. Тексеру комиссиясының аудиторлық іс-шараларының қорытындылары бойынша отырыстар өткізу тәртібі Отырыстар Тексеру комиссиясы Төрағасының басшылығымен өткізіледі. Тексеру комиссиясының Төрағасы болмаған жағдайда, оның отырыстарды өткізу жөніндегі функцияларын оның міндетін атқарушы Тексеру комиссиясының мүшесі орындайды. Отырыстар Жоғары аудиторлық палата Төрағасының тапсырмасы бойынша отырысты өткізу жоспарынан тыс өткізіледі. Мемлекеттік аудит және қаржылық бақылау органының қызметін жоспарлы тәртіппен бағалау бойынша мемлекеттік аудит және тексеру қорытындылары бойынша Тексеру комиссиясының отырыстарын өткізу жоспарын жасау кезінде мыналар ескеріледі: 1) отырыстарды өткізудің басым күні бейсенбі болып табылады; 2) отырысты өткізу күнін Тексеру комиссиясының Төрағасы сапа бақылауын жүргізу мерзімдері ескере отырып белгілейді. Мемлекеттік аудит қорытындылары бойынша Тексеру комиссиясының отырыстарын өткізу жоспарына өзгерістер және (немесе) толықтырулар енгізуді жоспарлауға жауапты құрылымдық бөлімше тиісті жылға арналған мемлекеттік аудит және қаржылық бақылау объектілерінің тізбесін бекіту туралы Тексеру комиссиясы Төрағасының бұйрығына тиісті өзгерістер және (немесе) толықтырулар енгізілгеннен кейін үш жұмыс күні ішінде жүзеге асырады. Аудиторлық іс-шараға жауапты құрылымдық бөлімше осы Регламентке 3-қосымшаға сәйкес отырысты өткізу алгоритмінде көрсетілген мерзімде отырыс материалдарын дайындайды. Аудиторлық іс-шараға жауапты құрылымдық бөлімше аудиторлық іс-шараға жауапты Тексеру комиссиясының мүшесімен келісім бойынша отырыс өткізілетін күнге дейін күнтізбелік бес күннен кешіктірмей Тексеру комиссиясының отырысына қатысушылардың тізімін айқындап, отырысқа шақырылған адамдарды хабардар етуді, олардың келуін және тіркелуін, отырыс материалдарын Тексеру комиссиясының мүшелеріне, Тексеру комиссиясының құрылымдық бөлімшелерінің басшыларына және өзге де адамдарға таратуды, отырыс хаттамасын дайындауды және отырысқа шығарылатын, олардың құзыретіне кіретін мәселелер бойынша (оларды шақыруға бастамашылық жасалған жағдайда) мүдделі мемлекеттік органдар мен ұйымдарға алдағы отырыс материалдарын жіберуді қамтамасыз етеді. Тексеру комиссиясының аудиторлық іс-шараларының қорытындылары бойынша отырысты өткізу тәртібі (бұдан әрі – отырысты өткізу тәртібі) осы Регламентке 4-қосымшаға сәйкес нысан бойынша қалыптастырылады. Сөйлейтін сөздердің тезистері отырыстың күн тәртібіне енгізілген мәселелердің ерекшелігіне сәйкес жасалады. Сөйлейтін сөздердің тезистері екі бөліктен: кіріспе және негізгі бөліктерден тұрады. Кіріспе бөлік отырысқа қатысушылардың қысқаша сәлемдесу сөздерін, кворумның белгіленуін, сөз сөйлейтіндердің регламентін, отырыстың күн тәртібінде кезектілігі тәртібімен санамаланып, қаралатын мәселелердің тізбесін, отырыстың мәселелерін қарауға көше отырып, күн тәртібін бекітуді қамтиды. Төрағалық етушінің шешімі бойынша сөйлейтін сөздердің тезистері отырысты жүргізу тәртібіне енгізілуі мүмкін. Отырыстар Қазақстан Республикасының және басқа да мемлекеттердің мемлекеттік органдарымен бірлесіп, сондай-ақ Тексеру комиссиясы Төрағасының келісімі бойынша БАҚ өкілдерінің қатысуымен, соның ішінде бейнеконференцбайланыс арқылы өткізілуі мүмкін. Бірлескен тексеру жүргізілген жағдайда, отырысқа мемлекеттік аудитті жүргізуге қатысқан мемлекеттік органдардың өкілдері қатысады. Талқылануы мемлекеттік аудит және қаржылық бақылау объектісі өкілдерінің қатысуын талап етпейтін мемлекеттік аудит материалдары бойынша отырыстар олардың қатысуынсыз өткізілуі мүмкін. Мемлекеттік аудит материалдары бойынша даулы мәселелер болған жағдайда, мемлекеттік аудитті, құқықтық қамтамасыз етуді және сапа бақылауын жүргізуге жауапты Тексеру комиссиясының мүшелерімен және құрылымдық бөлімшелермен алдын ала талқылау жүргізіледі. Даулы мәселелерді алдын ала талқылау қорытындылары бойынша келіспеушіліктер болған жағдайда, отырысқа қатысушы ерекше пікірін білдіре алады, ол мемлекеттік аудит материалдарына қоса беріледі және Тексеру комиссиясының отырысына шығарылады. Өткізілген отырыстың нәтижелері бойынша аудиторлық іс-шараны жүргізуге жауапты құрылымдық бөлімше хаттаманың жобасын пысықтайды, мүдделі құрылымдық бөлімшелермен, Тексеру комиссиясының мүшелерімен келісіп, оны отырыс өткізілген күннен бастап бір жұмыс күні ішінде Тексеру комиссиясының Төрағасына қол қоюға енгізеді. Аудиторлық іс-шараны жүргізуге жауапты құрылымдық бөлімше дайындаған қаулының, аудиторлық қорытындының, жиынтық тізілімнің, жиынтық кестенің, Тексеру комиссиясы нұсқамаларының жобалары үш жұмыс күні ішінде отырыстың нәтижелері ескеріле отырып пысықталады және кейіннен Тексеру комиссиясының Төрағасына енгізіледі. Мемлекеттік аудит объектілері ұсынған материалдарды қосымша зерделеуді немесе қосымша сұрау салулар жіберу қажеттілігін талап ететін жағдайларда, осы тармақтың бірінші бөлігінде көрсетілген мерзім Тексеру комиссиясы Төрағасының келісімі бойынша ұзартылады. Мемлекеттік аудиттің қорытындыларын қарау кезінде Тексеру комиссиясының мүшелері ерекше пікір білдіре алады, ол жазбаша түрде ресімделіп, осы Регламенттің 126-тармағында көрсетілген мерзімде Тексеру комиссиясының қаулысының жобасына қоса беріледі. Тексеру комиссиясы Төрағасының тапсырмасы бойынша сырттай отырыс өткізілуі мүмкін. Тексеру комиссиясының отырысында мәселелерді қарау нәтижелері бойынша шешім дауыс беру арқылы қабылданады. Егер Тексеру комиссиясының мүшелерінің отырысқа қатысып отырғандар немесе сырттай дауыс беруге қатысқандар санының жартысынан астамы оған дауыс берсе, шешім қабылданды деп есептеледі. Дауыстар тең болған жағдайда, төрағалық етушінің дауысы шешуші болып табылады. Аудиторлық іс-шараны жүргізуге жауапты құрылымдық бөлімше отырыс өткізілгеннен кейін екі жұмыс күні ішінде Тексеру комиссиясының қаулысын Documentolog АЖ-да тіркеу үшін құжат айналымын жүргізуге жауапты құрылымдық бөлімшеге жіберуді қамтамасыз етеді. Тексеру комиссиясының қаулысын Documentolog АЖ-да тіркеуді құжат айналымын жүргізуге жауапты құрылымдық бөлімше Тексеру комиссиясының отырысы өткізілген күні жүргізеді. Аудиторлық іс-шараны жүргізуге жауапты құрылымдық бөлімше тіркеу күнінен бастап бір жұмыс күні ішінде құжат айналымын жүргізуге жауапты құрылымдық бөлімшеге тарату үшін материалдарды ұсынуды қамтамасыз етеді. Тексеру комиссиясының қаулылары аудиторлық қорытындымен және (немесе) жоспарлы тәртіппен бағалау бойынша тексерудің нәтижелері бойынша қорытындымен бірге Тексеру комиссиясының Төрағасының шешімі бойынша толық көлемде Облыс әкімдігіне, маслихатына және құқық қорғау органдарына да жіберіледі. Тексеру комиссиясы отырысының әрбір қаулысы мен хаттамасына ағымдағы жылы оның бірінші отырысы өткізілгеннен бастап жалғасқан нөмірлеу беріледі. Әрбір аудиторлық іс-шараның қорытындысы бойынша іс-шараны жүргізуге жауапты құрылымдық бөлімше МАҚБ қағидаларының 3 және 4-тарауларына сәйкес қалыптастырылатын құжаттарды бірыңғай дерекқорды әкімшілендіруге жауапты құрылымдық бөлімшеге жібереді. Өткізілген отырыстың қорытындысы бойынша Тексеру комиссиясының аппарат басшысы Тексеру комиссиясының Төрағасының тапсырмасы бойынша Тексеру комиссиясы өкілінің БАҚ алдында сөз сөйлеуін ұйымдастырады. Қаулыларды, аудиторлық қорытындыда қамтылған ұсынымдарды және (немесе) нұсқаманың тармақтарын бақылауға қою, мониторингілеу, бақылаудан алу, олардың орындалу мерзімдерін ұзарту Есеп комитетінің 2020 жылғы 30 шілдедегі № 6-НҚ нормативтік қаулысымен бекітілген Сыртқы мемлекеттік аудит және қаржылық бақылау жүргізу қағидаларына және осы Регламентке сәйкес жүзеге асырылады. 4-параграф. Тексеру комиссиясы отырыстарын өткізуге қойылатын жалпы талаптар Тексеру комиссиясының отырыстары мемлекеттік және (немесе) орыс тілдерінде жүргізіледі. Отырысқа материалдар мыналарды қамтиды: осы Регламентке 5-қосымшаға сәйкес нысан бойынша отырыстың күн тәртібі (мемлекеттік және орыс тілдерінде). Отырыстың күн тәртібінде өткізілетін күні, уақыты мен орны, отырыстың тақырыбы және баяндамашылар туралы ақпарат болуға тиіс; осы Регламентке 6-қосымшаға сәйкес нысан бойынша Тексеру комиссиясының отырысына шақырылатындардың тізімі; осы Регламентке 7-қосымшаға сәйкес нысан бойынша Тексеру комиссиясының отырысына қатысушыларды отырғызу схемасы; осы Регламентке 4-қосымшаға сәйкес нысан бойынша отырысты өткізу тәртібі; қорытындылар, оған қосымшалар және басқалар; осы Регламентке 8-қосымшаға сәйкес нысан бойынша отырыс хаттамасының жобасы; Тексеру комиссиясының мүшелері және Тексеру комиссиясының аппаратының мүдделі лауазымды адамдары бұрыштама қойған Тексеру комиссиясы қаулысының жобасы (аудиторлық іс-шараның қорытындылары бойынша отырыс өткізілген жағдайда); Тексеру комиссиясының аппарат басшысымен келісілген мемлекеттік аудит жүргізуге жауапты құрылымдық бөлімше әзірлейтін отырыс қорытындылары бойынша баспасөз релизінің жобасы. Кестелер, қосымшалар, ескертпелер және өзге де қосымша ақпарат қалыптастырылған жағдайларда қосымша материалдардың қаріп және жоларалық интервалының өлшемдері азайтылуы мүмкін. Материалдарды екі және одан да артық парақта ресімдеген кезде, екінші және одан кейінгі парақтар нөмірленеді. Нөмірлер парақтың жоғарғы жолының ортасында араб цифрымен тыныс белгілерінсіз қойылады. Отырысты өткізу кезінде Тексеру комиссиясы Төрағасының шешімі бойынша отырыстардың аудио - және бейнежазбалары жүргізіледі және кейіннен фонограммалардың толық жазылуы және олардың басып шығарылуы жүргізіледі, ол отырыстың хаттамасына қоса тіркеледі. «Мемлекеттік құпиялар туралы» Қазақстан Республикасының Заңында белгіленген жағдайларды қоспағанда, отырыстар ашық болып табылады. Мемлекеттік құпияларға жатқызылған мәліметтерді қамтитын материалдар талқыланатын отырыстар «Мемлекеттік құпиялар туралы» Қазақстан Республикасы Заңының талаптарын сақтай отырып өткізіледі. Мемлекеттік құпияларға жатқызылған мәліметтерді қамтитын мәселелер бірінші кезекте қаралады. Құпия іс жүргізуді ұйымдастыруға жауапты құрылымдық бөлімше Қазақстан Республикасының мемлекеттік құпияларды қорғау жөніндегі уәкілетті органына тиісті отырыс өткізілгенге дейін күнтізбелік жеті күннен кешіктірмей аспаптық тексеру жүргізуге еркін нысанда өтінім жібереді. Мемлекеттік құпияларға жатқызылған мәліметтерді қамтитын мемлекеттік аудит материалдары талқыланатын отырыстың алдындағы күні құпия іс жүргізуді ұйымдастыруға жауапты құрылымдық бөлімше отырыс залын аспаптық тексеруді ұйымдастырады және кіреберіс есіктерді мөрмен бекітеді. Құпияға жатқызылған мәліметтерді қамтитын мәселелерді қарау кезінде бейне және фотоаппаратураны, ұялы телефондарды және өзге де жазу құрылғыларын пайдалануға жол берілмейді. Жергілікті желілер мен дербес компьютерлер токтан ажыратылады, селекторлық байланыс өшіріледі. Отырыстарға Тексеру комиссиясы Төрағасының келісімі бойынша БАҚ өкілдері шақырылады. Жұртшылықпен байланысты қамтамасыз етуге жауапты құрылымдық бөлімше отырысқа шақырылған БАҚ-ты хабардар етуді қамтамасыз етеді. Тексеру комиссиясының аппарат басшысы отырыс өткізілетін орынды дайындауды қамтамасыз етеді. Қазақстан Республикасында төтенше жағдай енгізілген немесе шектеу іс-шаралары, соның ішінде Талдықорған қаласында карантин енгізілген жағдайда, отырыстар Қазақстан Республикасының санитариялық-эпидемиологиялық талаптарына сәйкес бейнеконференцбайланыс арқылы қашықтықтан форматында өткізіледі. 6-тарау. Шетелдегі Тексеру комиссиясы өкілдерінің қатысуымен халықаралық іс-шараларды дайындау Шетелдегі Тексеру комиссиясы өкілдерінің қатысуымен халықаралық іс-шараларды дайындау жөніндегі жұмысты үйлестіруді персоналды басқаруға жауапты құрылымдық бөлімше жүзеге асырады. Персоналды басқаруға жауапты құрылымдық бөлімше жыл сайын, жоспарланатын жылдың алдындағы жылдың желтоқсанынан кешіктірмей шетелдік іссапарларға жұмсалатын шығындар сомасы бойынша есептер дайындайды және уәкілетті органға (бар болған жағдайда) немесе мүдделі ұйымдарға жібереді. Іс-шаралардың мазмұндық бөлігін дайындау мақсатында персоналды басқаруға жауапты құрылымдық бөлімше іс-шараны өткізудің жоспарланған күніне бес жұмыс күніне дейін алынған материалдарды қарау және ұсыныстар енгізу үшін Тексеру комиссиясының құрылымдық бөлімшелеріне жібереді. Құрылымдық бөлімшелер материалдар келіп түскен күннен бастап үш жұмыс күні ішінде (егер неғұрлым қысқа мерзім ұсынылған материалдардан туындамаса) іс-шараның бағыттылығын ескере отырып, олардың пысықталуын қамтамасыз етеді және өз ұсыныстарын персоналды басқаруға жауапты құрылымдық бөлімшеге ұсынады. Іс-шара өткізілгенге дейін кемінде он жұмыс күні бұрын не Тексеру комиссиясының аппараты басшысының келісімі бойынша өзге мерзімдерде халықаралық персоналды басқаруға жауапты құрылымдық бөлімше: Тексеру комиссиясының тиісті жұмыскерлерін іссапарға жіберу туралы бұйрықтың жобасын әзірлейді; Қазақстан Республикасының Сыртқы істер министрлігімен (бұдан әрі – СІМ) ұйымдастырушылық өзара іс-қимыл жүргізеді, оның ішінде шетелдік іссапарларға ақшалай қаражат бөлу туралы хат жолдайды; жол жүру билеттерін, қонақ үйлерді брондауды жүзеге асырады. Тексеру комиссиясының персоналды басқаруға жауапты құрылымдық бөлімшесі құжаттарды (паспортты, визаны) ресімдеуді, ақша қаражатын (іссапар) алуды сондай-ақ көрсетілген мәселелер бойынша Тексеру комиссиясының өзге де жұмыскерлеріне көмек көрсетеді. Аудиторлық іс-шараларды қоспағанда, халықаралық іс-шараға кеткенге дейін екі жұмыс күнінен кешіктірмей персоналды басқаруға жауапты құрылымдық бөлімше іссапарға жіберілетін жұмыскерлерге іс-шара бағдарламасын, баратын ел туралы қысқаша ақпаратты және өзге де құжаттарды, оның ішінде іс-шараны ұйымдастырушылардан алынған құжаттарды ұсынады. Құпия тасымалдаушы болып табылатын Тексеру комиссиясы жұмыскерлерінің шетелдік іссапарға кетуі кезінде құпия іс жүргізуді ұйымдастыруға жауапты құрылымдық бөлімше нұсқама жүргізеді. Іссапардан келген кезде: Тексеру комиссиясының Төрағасы мен мүшелері, аппарат басшысы мен құрылымдық бөлімшелердің басшылары бір жұмыс күні ішінде персоналды басқаруға жауапты құрылымдық бөлімшеге паспорттар мен аванстық есепті жасау үшін қажетті құжаттарды (жол жүру билеттері, отырғызу талондары, Қазақстан Республикасының және шет мемлекеттердің шекара қызметтерінің белгілері бар паспорт беттерінің көшірмелерін) ұсынады; Тексеру комиссиясының мүшелері, аппарат басшысы және Тексеру комиссиясының аппаратының жұмыскерлері: үш жұмыс күні ішінде аудиторлық іс-шараларды қоспағанда, Тексеру комиссиясының Төрағасына осы Регламентке 9-қосымшаға сәйкес нысан бойынша, соның ішінде кейіннен оны Тексеру комиссиясының интранет-порталында орналастыру үшін халықаралық іс-шараға қатысу қорытындылары бойынша есеп береді; халықаралық семинарларға, оқыту курстарына және басқа да білім беру іс-шараларына қатысқан жағдайда бір ай ішінде Тексеру комиссиясының жұмыскерлері үшін қатысқан кезде алынған ақпараттың таныстырылымымен техникалық оқу өткізеді. Халықаралық іс-шараның тақырыбына сүйене отырып, техникалық оқу жүргізу қажеттілігін Тексеру комиссиясының аппараты басшысының келісімі бойынша персоналды басқаруға жауапты құрылымдық бөлімше айқындайды. 7-тарау. Жеке және заңды тұлғалардың жолданымдарымен жұмысты ұйымдастыру Жеке және заңды тұлғалардың өтініштері (бұдан әрі – жолданымдар) Қазақстан Республикасының Әкімшілік рәсімдік-процестік кодексінің (бұдан әрі – ӘРПК) талаптарына сәйкес қаралады. Тексеру комиссиясына қарау үшін келіп түскен жолданымдарды құжат айналымын жүргізуге жауапты құрылымдық бөлімше белгіленген есепке алу нысандары бойынша келіп түскен күні тіркейді және Тексеру комиссиясының басшылығының назарына жеткізеді. Жолданымды тіркеу күні әкімшілік рәсімнің қозғалған күні болып есептеледі. Құжат айналымын жүргізуге жауапты құрылымдық бөлімше ауызша нысанда берген жолданымдар бойынша ӘРПК белгілеген талаптарды ескере отырып хаттама жасалады. Құжат айналымын жүргізуге жауапты құрылымдық бөлімше өтініштерді қабылдайды және тіркейді, әкімшілік істі қағаз жеткізгіште және (немесе) электрондық нысанда қалыптастырады, әкімшілік істерді есепке алу журналын жүргізеді. Құжат айналымын жүргізуге жауапты құрылымдық бөлімше келесі жылдың қаңтарында Тексеру комиссиясының аппаратының басшысына жыл сайынғы ақпаратты ұсына отырып, өтініш берушілер көтеретін жүйелік проблемаларды талдайды және анықтайды. Құжат айналымын жүргізуге жауапты құрылымдық бөлімше құжатты жіберетін ұйымның бірінші басшысы қол қойған Тексеру комиссиясының Төрағасына жолданған құжаттарды, ол болмаған жағдайда оны алмастыратын адам алмастыру жөніндегі міндеттерді жүктеу туралы бұйрықтың көшірмесін қоса бере отырып қабылдайды. Өзге лауазымды адамдар қол қойған құжаттарды қызмет салалары (аясы) мен аймақтар бойынша бөлуді ескере отырып, Тексеру комиссиясының жетекшілік ететін мүшесі, Тексеру комиссиясының аппаратының басшысы құзыреті шегінде қарайды және одан әрі Тексеру комиссиясының Төрағасының назарына (қажет болған жағдайда) жеткізеді. Әкімшілік рәсімге қатысушы өзінің қарсылығын ауызша білдірген жағдайда, құжат айналымын жүргізуге жауапты құрылымдық бөлімше бірлесіп орындаушылардың қатысуымен ӘРПК белгілеген талаптарды ескере отырып, тыңдау хаттамасын жасайды. «Ашық диалог» порталында Тексеру комиссиясының Төрағасының блог-платформасы арқылы Тексеру комиссиясына келіп түскен жолданымдар «Ақпаратқа қол жеткізу туралы» Қазақстан Республикасы Заңының және ӘРПК талаптарына сәйкес қаралады. Тексеру комиссиясының Төрағасының блогына онлайн-жолданымдар келіп түскен кезде жұртшылықпен байланысты қамтамасыз етуге жауапты құрылымдық бөлімше жолданым келіп түскен күннен кешіктірмей оны Тексеру комиссиясының Төрағасының назарына жеткізеді, ол өз кезегінде жолданым келіп түскен күннен кешіктірмей оны аппарат басшысына немесе Тексеру комиссиясының лауазымды адамына жауап дайындау үшін жібереді. Аппарат басшысы немесе Тексеру комиссиясының лауазымды адамы осы жолданымға жауап жобасын дайындауға жауапты құрылымдық бөлімшені айқындайды. Жауапты орындаушы бірлесіп орындаушымен келісу бойынша құрылымдық бөлімше басшысының қолымен Тексеру комиссиясының Төрағасының блогына жауаптың дайындалған жобасын Тексеру комиссиясының аппарат басшысының қарауына енгізеді. Жауаптың жобасын Тексеру комиссиясының аппаратының басшысы мақұлдаған жағдайда, жауапты құрылымдық бөлімшенің қызметтік жазбасы қарармен бірге Төрағаның блогына орналастыру үшін орындаушыға жолданады. ӘРПК талаптарына сәйкес жауапты орындаушы кез келген байланыс тәсілімен арыз иесіне өзінің қарсылығын білдіру мүмкіндігін ұсына отырып, жолданымға жауаптың жобасын жібереді. Регламенттің осы тармағының бірінші бөлігіне сәйкес жауаптың түпкілікті жобасын аппарат басшысы Тексеру комиссиясы Төрағасының блогында орналастырады. Аппарат басшысы Тексеру комиссиясының Төрағасының блогына және Тексеру комиссиясының интернет-ресурсына келіп түскен сұрақтарға жауаптардың уақтылы дайындалуына мониторингті жүзеге асырады. 8-тарау. Тексеру комиссиясы басшылығының азаматтарды және заңды тұлғалардың өкілдерін жеке қабылдауын ұйымдастыру Тексеру комиссиясының Төрағасы мен мүшелерінің азаматтар мен заңды тұлғалар өкілдерін жеке қабылдауы Тексеру комиссиясының Төрағасы бекітетін тоқсандық графигіне сәйкес жүзеге асырылады. Графикті жасауды және бекітуді қамтамасыз етуді Тексеру комиссиясының мүшелерінің және аппарат басшысының келісімі бойынша есепті тоқсанның алдындағы айдың 25-күнінен кешіктірмей құжат айналымын жүргізуге жауапты құрылымдық бөлімше жүзеге асырады. Аппарат басшысы құжат айналымын жүргізуге жауапты құрылымдық бөлімшесінен түскен қызметтік жазба негізінде графикті Тексеру комиссиясының интернет-ресурсында жариялауды қамтамасыз етті. Төтенше жағдай және карантин режимі жағдайында Тексеру комиссиясының басшылығының азаматтар мен заңды тұлғалардың өкілдерін қабылдауы техникалық байланыс құралдарын (Skype, Zoom, WhatsApp, бейнеконференцбайланыс және т.б.) пайдалана отырып, құжат айналымын жүргізуге жауапты құрылымдық бөлімшеге алдын ала жазылу арқылы онлайн форматта жүргізіледі. 9-тарау. Еңбек кестесі және еңбек тәртібі Тексеру комиссиясының жұмыскерлері үшін сенбі және жексенбі болып табылатын екі демалыс күні бар бес күндік жұмыс аптасы белгіленеді. Бұл ретте күнделікті жұмыстың ұзақтығы апталық норма 40 сағат болғанда 8 сағаттан аспауға тиіс. Жұмыс күні сағат 9.00-да басталып, сағат 18.30-да аяқталады. Күнделікті жұмыс барысында жұмыскерлерге сағат 13.00-дан 14.30-ға дейінгі аралықта ұзақтығы 1 сағат 30 минут демалу және тамақтану үшін үзіліс беріледі. Әлеуметтік-тұрмыстық және өзге де жеке қажеттіліктерді үйлестіру мақсатында жекелеген жұмыскерлер үшін икемді жұмыс уақытының баламалы режимі белгіленуі мүмкін: 1) жұмыс күні сағат 9.00-де басталып, сағат 18.00-да аяқталады, демалу және тамақтану үшін үзіліс ұзақтығы 1 сағат 13.00-ден 14.00-ға дейінгі аралықта; 2) жұмыс күні сағат 8.30-да басталып, сағат 18.30-да аяқталады, демалуға және тамақтануға арналған үзіліс ұзақтығы 2 сағат 12.30-дан 14.30-ға дейінгі аралықта. Төтенше жағдай, оның ішінде карантин енгізілген кезеңде қашықтықтан жұмыс режимі белгіленеді. Қашықтықтан жұмыс істейтін жұмыскерлер үшін жұмыс уақытының күнделікті ұзақтығының шектеулерін сақтай отырып, жұмыс уақытының тіркелген есебі белгіленеді. Икемді жұмыс уақыты режимі белгіленген жұмыскерлердің тізімін тиісті құрылымдық бөлімше басшысының ұсынысы негізінде аппарат басшысы бекітеді. Аппарат басшысының және Тексеру комиссиясының мүшелерінің жұмысын қашықтықтан жұмыс форматында, икемді жұмыс уақыты режимінде ұйымдастыру Тексеру комиссиясының Төрағасымен келісіледі. Жұмыс уақытын есепке алуды әрбір жұмыскер бойынша ҚББЖ деректері бойынша және (немесе) тексеру комиссиясы регламентінің 10-қосымшасына сәйкес қызметкерлерді есепке алу парағы арқылы персоналды басқару қызметімен жүзеге асырылады. Құрылымдық бөлімшелердің басшылары қызметкердің жоқтығы туралы Персоналды басқару қызметін уақтылы хабардар етуді қамтамасыз етеді. Жұмыс уақытын есепке алу табелі жұмыс уақытын есепке алу негізінде толтырылады және персоналды басқару қызметінің басшысы қол қойғаннан және тексеру комиссиясының төрағасы не оны алмастыратын адам ағымдағы айдың 25-күніне дейін бекіткеннен кейін қаржылық қамтамасыз етуге жауапты құрылымдық бөлімшеге беріледі. Табель жабылғаннан кейінгі өзгерістер қосымша табельде көрсетіледі және қаржылық қамтамасыз етуге жауапты құрылымдық бөлімшеге жіберіледі, өзгерістерге байланысты тексеру комиссиясы қызметкерлерінің жалақысы қайта есептеледі. Еңбек демалыстарын беру кезектілігі осы Регламенттің 11-қосымшасына сәйкес нысан бойынша Тексеру комиссиясының жұмыскерлерінің тиісті жылға арналған еңбек демалыстарының кестесімен айқындалады, олар кадр қызметіне жинақтау үшін күнтізбелік жыл басталғанға дейін күнтізбелік он бес күннен кешіктірілмей ұсынылатын құрылымдық бөлімшелердің ұсыныстары негізінде жасалады. Тексеру комиссиясының жұмыскерлерінің кезекті жылға арналған еңбек демалыстарының кестесін Тексеру комиссиясының аппаратының басшысы күнтізбелік жыл басталғанға дейін күнтізбелік бес күннен кешіктірмей бекітеді. Бекітілген еңбек демалыстарының кестелері негізінде Тексеру комиссиясының тиісті жылға арналған қаржыландыру жоспары жасалады. Тексеру комиссиясының жұмыскерлеріне кезектен тыс демалыс беру қаржылық қамтамасыз етуге жауапты құрылымдық бөлімшемен, аппарат басшысымен, персоналды басқару қызметімен және (немесе) Тексеру комиссиясының Төрағасымен келісіледі. Еңбек демалыстарының кестелерін жасау кезінде құрылымдық бөлімше қызметінің ерекшелігі және жұмыскерлердің пікірлері ескеріледі. Еңбек демалыстарының кестелерін Тексеру комиссиясының Төрағасы бекіткеннен кейін бекітілген кестелердің көшірмелерін кадр қызметі үш жұмыс күні ішінде еңбек демалыстары бойынша қаржы қаражатының қажетті көлемін жоспарлау үшін қаржылық қамтамасыз етуге жауапты құрылымдық бөлімшеге береді. Қызметкердің Тексеру комиссиясының төрағасына е-Қызмет арқылы енгізілетін демалысқа арналған өтінішін қызметкер өзінің лауазымдық функцияларын жүзеге асыратын құрылымдық бөлімшенің тікелей басшысы, персоналды басқару қызметі, қаржылық қамтамасыз етуге жауапты құрылымдық бөлімше, аппарат басшысы, сондай-ақ тексеру комиссиясының жетекшілік ететін мүшесі, оның ішінде аудиторлық немесе сараптамалық қызметке жетекшілік ететін қол қою арқылы алдын ала келіседі. 10-тарау. Тексеру комиссиясын әдіснамалық қамтамасыз ету Заңның 12-бабы 4-тармағының 6) тармақшасына сәйкес Жоғары аудиторлық палата мемлекеттік аудит және қаржылық бақылау саласында әдіснамалық басшылықты: Қазақстан Республикасының заңнамасында көзделген сыртқы мемлекеттік аудит және қаржылық бақылау уәкілетті органдарының қызметін регламенттейтін нормативтік құқықтық және құқықтық актілерді әзірлеу және бекіту; қарау нәтижелерін тексеру комиссияларына жеткізе отырып, Жоғары аудиторлық палата қабылдаған не әзірлеушісі Жоғары аудиторлық палата болып табылатын нормативтік құқықтық актілерді жетілдіру бойынша тексеру комиссияларының ұсыныстарын қарау және жинақтап қорыту; Жоғары аудиторлық палата қабылдаған құқықтық және әдістемелік құжаттар туралы, сондай-ақ сыртқы МАжБҚ-ны жүзеге асыруға қатысты Қазақстан Республикасының заңнамасындағы өзгерістер туралы тексеру комиссияларын хабардар ету; Жоғары аудиторлық палата қабылдаған нормативтік құқықтық және құқықтық актілер бойынша түсіндірмелер берілген жағдайда барлық тексеру комиссияларының атына тиісті түсіндірме жіберу арқылы жүзеге асырады. Сыртқы МАжБҚ органдарының нормативтік құқықтық актілері мен әдіснамалық құжаттарын әзірлеуге не өзектендіруге ұсынылатын тізбесін, оның ішінде халықаралық ынтымақтастық шеңберінде (бұдан әрі - тізбе) тексеру комиссиясы мүшелерінің, құрылымдық бөлімшелердің ұсыныстары негізінде сапаны бақылауды жүргізуге жауапты құрылымдық бөлімше қалыптастырады. Тізбе қаралғаннан кейін осы тізбе жоғары аудиторлық палатаға жіберіледі, Тізбеде ұсынылған редакцияның тиісті негіздемесін қамтитын тексеру комиссиясы ұсынатын нормативтік құқықтық және құқықтық актілердің редакциясы да болуы мүмкін. Тексеру комиссиясының қызметкерлері жоғары аудиторлық Палата Төрағасының тиісті бұйрығын қабылдаған жағдайда мемлекеттік аудит органдарына қатысты нормативтік құқықтық актілер мен әдіснамалық құжаттарды әзірлеу жөніндегі жоғары аудиторлық палатаның жұмыс тобының құрамына кіреді. Кадр қызметі (қажет болған жағдайда) жоғары аудиторлық палатамен келісім бойынша есеп комитетінің 2015 жылғы 15 желтоқсандағы № 22-НҚ нормативтік қаулысымен бекітілген мемлекеттік аудитор біліктілігін беруге үміткер адамдарды сертификаттау қағидаларына (бұдан әрі – қағидалар) сәйкес әзірленген күнтізбелік жылға мемлекеттік аудиторларды сертификаттау пәндері бойынша біліктілік емтихандарын өткізу кестесін (бұдан әрі-қағидалар) келісуді қамтамасыз етеді). 11-тарау. Ақпаратты «Электрондық үкімет» веб-порталының компоненттеріне орналастыру Ақпаратты «Электрондық үкімет» веб-порталының («Ашық нормативтік құқықтық актілердің», «Ашық деректердің», «Ашық бюджеттердің», «Ашық диалогтың» интернет-порталдары) компоненттеріне орналастыру Қазақстан Республикасының ақпаратқа қол жеткізу туралы және ақпараттандыру саласындағы заңнамасына сәйкес жүзеге асырылады. Ашық бюджеттердің интернет-порталындағы ақпаратты – қаржылық қамтамасыз етуге жауапты құрылымдық бөлімше, ашық диалогтың интернет-порталындағы ақпаратты -аппарат басшысымен, ашық деректердің интернет-порталындағы ақпаратты – бекітілімге сәйкес ақпараттың түріне қарай құрылымдық бөлімшелер орналастырады. 12-тарау. Қылмыстық немесе әкімшілік құқық бұзушылық белгілері бар материалдарды мониторингілеу және бақылау Қылмыстық немесе әкімшілік құқық бұзушылық белгілері бар мемлекеттік аудит материалдарын Тексеру комиссиясының лауазымды адамдары құқық қорғау органдарына немесе әкімшілік құқық бұзушылық туралы істерді қозғауға және (немесе) қарауға уәкілетті органдарға қарау үшін жібереді. Құқықтық қамтамасыз етуге жауапты құрылымдық бөлімше: қылмыстық құқық бұзушылық белгілері бар мемлекеттік аудит материалдарына; әкімшілік құқық бұзушылық белгілерін қамтитын және Тексеру комиссиясы қарау үшін уәкілетті органдарға жіберетін мемлекеттік аудит материалдарына; Тексеру комиссиясы жасайтын және сотқа қарау үшін жіберілетін әкімшілік құқық бұзушылықтар туралы хаттамаларға мониторинг және бақылау жүргізеді. Осы тармақтың 1) және 3) тармақшаларында көзделген материалдарды жіберуді құқықтық қамтамасыз етуге жауапты құрылымдық бөлімше жүзеге асырады. Осы тармақтың 2) тармақшасында көзделген материалдарды жіберуді құқықтық қамтамасыз етуге жауапты құрылымдық бөлімшемен келісілгеннен кейін мемлекеттік аудит жүргізуге жауапты құрылымдық бөлімше жүзеге асырады. Осы Регламенттің 173-тармағының 1) және 2) тармақшаларында көзделген материалдар бойынша мемлекеттік аудит жүргізуге жауапты құрылымдық бөлімшелер фактілердің қысқаша баяндалуымен және құқық бұзушылықтың ықтимал саралануымен жалпыланған анықтама дайындайды. Мемлекеттік аудитті жүргізуге жауапты құрылымдық бөлімшелер бір жұмыс күні ішінде құқықтық қамтамасыз етуге жауапты құрылымдық бөлімшеге уәкілетті органдарға жіберу үшін қажетті жетіспейтін немесе қосымша құжаттарды ұсынады. Осы Регламенттің 173-тармағының 1) тармақшасында көзделген берілген материалдар бойынша құқықтық қамтамасыз етуге жауапты құрылымдық бөлімше берілген материалдар бойынша қабылданған шешімдер туралы салыстыру актісінің жобасын қалыптастырады және Жетісу облысының прокуратурасына және экономикалық және қаржылық қылмыстарды тергеп-тексеру және сыбайлас жемқорлыққа қарсы іс-қимыл жөніндегі уәкілетті органдарға келісуге жібереді. Осы Регламенттің 173-тармағының 3) тармақшасында көзделген берілген материалдар бойынша құқықтық қамтамасыз етуге жауапты құрылымдық бөлімше Тексеру комиссиясының құқық бұзушылық белгілері бар берілген материалдардың есебін жүргізеді. Осы Регламенттің 173-тармағының 3) тармақшасында көзделген әкімшілік құқық бұзушылық туралы берілген хаттамалар бойынша құқықтық қамтамасыз етуге жауапты құрылымдық бөлімше Тексеру комиссиясының электрондық және қағаз жүзінде журналда есепке алуды жүргізеді. Аудиторлық іс-шараның қорытындылары бойынша анықталған және (немесе) құзыреті шегінде қарау үшін Тексеру комиссиясына қарауға келіп түскен әкімшілік құқық бұзушылық туралы істерді қарау кезінде әкімшілік құқық бұзушылық туралы хаттама жасаған және (немесе) лауазымдық нұсқаулықтарына әкімшілік хаттама жасау кіретін мемлекеттік аудит жүргізуге жауапты құрылымдық бөлімшенің жұмыскері, сондай-ақ құқықтық қамтамасыз етуге жауапты құрылымдық бөлімшенің жұмыскері қатысады. Құқықтық қамтамасыз етуге жауапты құрылымдық бөлімше тоқсанның қорытындысы бойынша есепті кезеңнен кейінгі айдың 5-күнінен кешіктірмей осы Регламенттің 173-тармағының 2) тармақшасындағы материалдар бойынша мәліметтерді қалыптастырады және мемлекеттік аудитті жүзеге асыратын құрылымдық бөлімшеге салыстырып тексеру және келісу үшін жібереді. Мемлекеттік аудитті жүзеге асыратын құрылымдық бөлімше екі жұмыс күні ішінде осы ақпаратты келіседі не оған толықтырулар мен өзгерістер енгізеді. 13-тарау. Тексеру комиссиясының интернет-ресурсының және әлеуметтік желілердегі ресми аккаунттарының жұмыс істеуін қамтамасыз ету Тексеру комиссиясының интернет-ресурсының жұмысын аппарат басшысы қамтамасыз етеді. Тексеру комиссиясының интернет-ресурсындағы тиісті ақпараттың өзекті болуы мен оны ұсынудың уақтылылығын Аппарат басшысы қамтамасыз етеді. Ақпараттың анықтығы мен уақтылылығын Тексеру комиссиясының тиісті іс-шарасын өткізуге жауапты құрылымдық бөлімше қамтамасыз етеді. Тексеру комиссиясының интернет-ресурсының жұмысын үйлестіру, жаңалықтар, оқиғалар, медиа галереяға арналған материалдар қамтылған «Баспасөз орталығы» бөлімін жүргізу аппарат басшысына жүктеледі. Интернет-ресурстың құрылымын Тексеру комиссиясының Төрағасы бекітеді. Тексеру комиссиясының интернет-ресурсының құрылымы бекітілгеннен кейін жаңа модульдерді орналастыру, бөлімдер мен кіші бөлімдерді құру, сондай-ақ оларды жою Тексеру комиссиясының Төрағасының атына қызметтік жазба жазу арқылы және аппарат басшысының келісімі бойынша жүргізіледі. Тексеру комиссиясының интернет-ресурсының өзгертілген құрылымын өзекті ету өнім берушінің шарттық міндеттемелерінде айқындалған мерзімдер мен тәртіпке сәйкес жүзеге асырылады. Жоғары аудиторлық палатаның және оның ведомстволық бағынысты ұйымының қызметін ақпараттық сүйемелдеуді, сондай-ақ Жоғары аудиторлық палатаның ақпараттық жұмысын ұйымдастырудағы жүйелі тәсілді қамтамасыз ету мақсатында әр а йдың 25 жұлдызына дейін сағат аппарат басшысымен Тексеру комиссиясының интернет-ресурсын және әлеуметтік желілердегі Тексеру комиссиясының ресми аккаунттарын толтыру үшін ақпараттық сүйемелдеу жоспарын (бұдан әрі - медиа-жоспар) қалыптастырады. Аппарат басшысы әкімші ретінде Тексеру комиссиясының интернет-ресурсындағы «Баспасөз орталығы» бөлімін редакциялауға рұқсаты бар. Аппарат басшысы өз құзыреті шегінде өздеріне бекітілген ақпараттық блок бойынша интернет-ресурсты және әлеуметтік желілердегі Тексеру комиссиясының ресми аккаунттарын толтыруға жауапты орындаушыларды тағайындайды. Тиісті құрылымдық бөлімшелердің жауапты орындаушылары интернет-ресурстың өздеріне бекітілген бөлімдеріндегі және әлеуметтік желілердегі Тексеру комиссиясының ресми аккаунттарындағы материалдардың өзекті болуы мен толықтығын тұрақты негізде қадағалайды. Интернет-ресурсқа және әлеуметтік желілердегі Тексеру комиссиясының ресми аккаунттарына орналастыру үшін Тексеру комиссиясының Төрағасымен не оны алмастыратын лауазымды адаммен келісу алдында ақпараттық материалдарды: Аппарат басшысы стилистикалық мазмұны және материалдарды ресімдеу; Персоналды басқару қызметі мемлекеттік және орыс тілдеріндегі мәтіндердің тең түпнұсқалылығы тұрғысынан тексереді. Орналастырылуын Тексеру комиссиясының Төрағасымен келіскеннен кейін жүзеге асыратын баспасөз релиздерін қоспағанда, ақпараттық материалдарды интернет-ресурсқа орналастыруды, түзетуді және жоюды аппарат басшысымен жүргізіледі. Аппарат басшысы Тексеру комиссиясында пайдаланылатын барлық ақпараттық жүйелердің жарамды техникалық жай-күйін демеуді жүзеге асырады. Мемлекеттік сатып алуға қатысты ақпараттық материал Қазақстан Республикасының мемлекеттік сатып алу туралы заңнамасында айқындалған тәртіппен Тексеру комиссиясының интернет-ресурсына орналастырылады. Орналастыру үшін қажетті ақпараттық материал Documentolog АЖ жүйесіндегі қызметтік жазбаға электрондық түрде, MS Excel, MS Word, PDF, JPEG форматтарындағы файлдармен бекітіледі. Excel форматындағы файлда ақпараттық материал ұсынылған кезде ақпараттық материал бір Excel парағына орналастырылуы керек, басқа Excel парақтары жойылуы тиіс. Word форматындағы файлдарда ұсынылған ақпараттық материалдың үлгісі мынадай параметрлерге сәйкес келуі тиіс: беттің жиегі: жоғарғы, төменгі және сол жағы - 2,5 см, оң жағы - 1,5 см, колонтитулсыз; беттердің нөмірленуі парақтың жоғарғы жағына ортасында қойылады, бірінші бетке нөмір қойылмайды; қаріп - Times New Roman, өлшемі - 14; абзацты ресімдеу: бірінші жолдың шегінісі - 1,27 см, жоларалық интервал – бір, сол және оң жақтағы шегініс - 0 см, мәтінді ені бойынша, тақырыпты ортасынан теңестіру; тізімді ресімдеу: тізімді қолмен нөмірлеу, нөмірдің сол жақ шетіндегі орны – 1,5 см, мәтіннің орны - шегініс 0 см. Тексеру комиссиясының интранет-порталында ақпараттық материалдарды дайындау осы бөлімде айқындалған тәртіппен жүзеге асырылады. Тексеру комиссиясының интранет-порталында материалдарды, оның ішінде ақпараттық материалдарды орналастыру, түзету және жою аппарат басшысымен Тексеру комиссиясының Төрағасының атына жазылған қызметтік жазба арқылы жүргізіледі. Ақпараттық материалдың атауы тіркеу нөмірі мен күні көрсетіле отырып, толық көрсетіледі. Ақпараттық материал файлының атауы латын тілінде беріледі. 1-параграф. Тексеру комиссиясының іс-шараларын ақпараттық ілгерілетуді ұйымдастыру Іс-шараны (отырыстарды, конференцияларды, дөңгелек үстелдерді, семинарларды және т.б.) ұйымдастыруға және өткізуге жауапты құрылымдық бөлімше немесе Тексеру комиссиясының осы іс-шараны өткізуге жауапты мүшесімен іс-шараны келіскеннен кейін оны өткізуге дейін үш жұмыс күнінен кешіктірмей Тексеру комиссиясының Төрағасына тиісті баспасөз релизінің жобасын жібереді. Баспасөз релиздерінің жобалары Тексеру комиссиясының Төрағасымен не оны алмастыратын лауазымды адаммен келісіледі. Тексеру комиссиясының төрағасымен не оны алмастыратын лауазымды адаммен келісілген баспасөз релизін тексеру комиссиясының интернет-ресурсында, сондай-ақ тексеру комиссиясының әлеуметтік желілердегі ресми аккаунттарында (бар болса) мемлекеттік аудит жүргізуге жауапты құрылымдық бөлімше немесе тексеру комиссиясының жауапты мүшесі Тексеру комиссиясының іс-шарасы өткізілетін күні немесе өзге де мерзімдерде орналастырады тексеру комиссиясының төрағасы не оны алмастыратын лауазымды адам айқындаған. Аудиторлық іс-шаралар нәтижелері бойынша тексеру комиссиясы отырыстарының қорытындылары бойынша баспасөз релиздері тексеру комиссиясының интернет-ресурсында, сондай-ақ тексеру комиссиясының әлеуметтік желілердегі ресми аккаунттарында пысықталғаннан кейін, осы отырыстың қорытындылары, тиісті аудиторлық қорытынды ескеріле отырып, бірақ отырыс өткізілгеннен кейін бес жұмыс күнінен аспайтын мерзімде орналастырылады. Мемлекеттік құпияларға жатқызылған мәліметтерді қамтитын материалдар талқыланатын Тексеру комиссиясы іс-шараларының қорытындылары бойынша баспасөз релиздері ақпараттық кеңістікте орналастырылуға жатпайды. Аппарат басшысымен немесе Тексеру комиссиясының мүшесі Тексеру комиссиясының іс-шарасы өткізілгенге дейін екі жұмыс күнінен кешіктірмей ол туралы анонс мәтінінің жобасын әзірлейді және Тексеру комиссиясының Төрағасымен келіседі. Тексеру комиссиясының іс-шара анонсы мәтінінің жобасында іс-шараның тақырыбы мен күн тәртібіндегі мәселелер көрсетілген қысқаша ақпарат болуға тиіс. Аппарат басшысы анонс мәтіні келісілген күні, бірақ Тексеру комиссиясының іс-шарасы өткізілгенге дейін бір жұмыс күнінен кешіктірмей оны Тексеру комиссиясының интернет-ресурсының «Баспасөз орталығы» бөліміне орналастырады және (немесе) БАҚ-та таратуды қамтамасыз етеді, сондай-ақ әлеуметтік желілердегі Тексеру комиссиясының ресми аккаунттарына орналастырады. Баспасөз конференциялары (брифингтер, сұхбаттар) Тексеру комиссиясының іс-шараға жауапты мүшесінің ұсыныстары негізінде Тексеру комиссиясының Төрағасының не оны алмастыратын лауазымды адамның келісімімен ғана өткізіледі. Тексеру комиссиясының Төрағасы не оны алмастыратын лауазымды адам баспасөз конференциясының (брифингтер, сұхбаттар) тақырыбын, күнін, уақыты мен орнын айқындайды. Аппарат басшысы баспасөз конференциясы (брифингтер, сұхбаттар) өткізілетін күнге дейін бес жұмыс күнінен кешіктірмей баяндамашылар тізімі мен қатысушылар құрамын әзірлейді және Тексеру комиссиясының жауапты мүшесімен келіседі, сондай-ақ оның тиісті апта сайынғы медиа-жоспарда көрсетілуін қамтамасыз етеді. Баспасөз конференциясында (брифингтерде, сұхбаттарда) баяндамашылар ретінде айқындалған адамдар өткізілетін күнге дейін төрт жұмыс күнінен кешіктірмей өздерінің сөйлейтін сөздерінің мәтіндерін әзірлеуді және Тексеру комиссиясының іс-шараға жауапты мүшесімен және Тексеру комиссиясының Төрағасымен не оны алмастыратын лауазымды адаммен келісуді қамтамасыз етеді. Тексеру комиссиясының жауапты мүшесімен келісілген баспасөз конференциясы (брифингтер, сұхбаттар) бойынша материалдар Тексеру комиссиясының Төрағасына не оны алмастыратын лауазымды адамға өткізілетін күнге дейін үш жұмыс күні бұрын енгізіледі және бекітіледі. Аппарат басшысы баспасөз конференциясына дейін бір жұмыс күні бұрын дайындық жұмыстары шеңберінде: баспасөз конференциясын өткізу барысын талқылау үшін оған қатысатын баяндамашылармен және Тексеру комиссиясының жұмыскерлерімен кеңес өткізеді және баяндамашылардың сөз сөйлеу тәртібін нақтылайды; шақырылған журналистерге баспасөз конференциясын өткізу туралы еске салады; баспасөз конференциясына қатысатын БАҚ өкілдерінің саны мен құрамын нақтылайды; БАҚ өкілдеріне және баспасөз конференциясының басқа да қатысушыларына тарату үшін баспасөз конференциясына қатысушылардың тізімін жасайды; Күзет қызметіне ғимаратқа БАҚ өкілдерінің және басқа да шақырылған адамдардың кіруі үшін хат жолдайды; тіркеу нысанын әзірлейді, баспасөз конференциясына қатысушыларды тіркеуді жүзеге асыратын жұмыскерді айқындайды. Аппарат басшысы баспасөз конференциясы өткізілетін күні: баспасөз конференциясын өткізуге дайындықты тексереді; БАҚ өкілдерін қарсы алуды және оларды баспасөз конференциясы өтетін жерге дейін алып жүруді қамтамасыз етеді; баспасөз конференциясына қатысушыларды, оның ішінде БАҚ өкілдерін тіркейді; журналистерге сұрақтар қоюға мүмкіндік береді. Аппарат басшысы баспасөз конференциясын, брифингті өткізу қорытындылары бойынша өткізілген күннен бастап бір күн ішінде баспасөз релизінің жобасын дайындайды және оны Тексеру комиссиясының интернет-ресурсына, әлеуметтік желілердегі Тексеру комиссиясының ресми аккаунттарына орналастырады және қажет болған жағдайда БАҚ-та таратуды қамтамасыз етеді. Тексеру комиссиясының атынан шығатын мақалалар апта сайынғы медиа-жоспарға сәйкес дайындалады және тек Жоғары аудиторлық палата Төрағасының не оны алмастыратын лауазымды адамның келісімімен немесе тапсырмасы бойынша жарияланады. Тексеру комиссиясы атынан шығатын мақаланың мазмұны әдеби тілдің нормаларына сәйкес келуі, белгіленген тақырыпты толық ашып көрсетуі, оның мағынасын әр түрлі түсіндіруді болдырмауы, Тексеру комиссиясының жүргізіп отырған саясатына, оның ішінде қоғаммен байланыс саласындағы саясатына қайшы келмеуі тиіс. Мақаланың авторы мақаланы жариялау үшін бұқаралық ақпарат құралдарына беру мерзіміне дейін бес жұмыс күнінен кешіктірмей оның жобасын мүдделі құрылымдық бөлімшелермен және Тексеру комиссиясының мүшелерімен келіседі. Барлық мүдделі құрылымдық бөлімшелермен келісілгеннен кейін мақаланың авторы БАҚ-та жариялау үшін беру мерзіміне дейін төрт жұмыс күнінен кешіктірмей оның жобасын Тексеру комиссиясының жауапты мүшесімен және Тексеру комиссиясының Төрағасымен не оны алмастыратын лауазымды адаммен келіседі. Мақала авторы барлық тиісті лауазымды адамдармен және мүдделі құрылымдық бөлімшелермен келісілген күні мақаланы БАҚ-та жариялау үшін оны жұртшылықпен байланысты қамтамасыз етуге жауапты құрылымдық бөлімшеге береді. Аппарат басшысы жарияланымды Тексеру комиссиясының интернет-ресурсына, сондай-ақ әлеуметтік желілердегі Тексеру комиссиясының ресми аккаунттарына орналастырады және мақаланың БАҚ-та жариялануын қадағалайды. 2-параграф. БАҚ және әлеуметтік желілердегі жарияланымдарға жедел ден қою алгоритмі Мониторингілеуге жататын БАҚ-қа отандық БАҚ-тың интернет-ресурстары, Қазақстан Республикасында ұсынылған әлеуметтік желілер жатады. Тексеру комиссиясы және оның жұмыскерлері туралы теріс жарияланымдар тұрғысынан БАҚ және әлеуметтік желілер, сондай-ақ басқа да мемлекеттік органдардың (ұйымдардың) ақпараттық ресурстарын мониторингілеуді аппарат басшысы жүзеге асырады. Аппарат басшысы Тексеру комиссиясы және оның жұмыскерлері туралы жағымсыз жарияланымдарды анықталған кезде бір жұмыс күні ішінде бұл туралы Тексеру комиссиясының Төрағасын не оны алмастыратын лауазымды адамды хабардар етеді. Тексеру комиссиясының Төрағасы не оны алмастыратын лауазымды адам одан әрі іс-қимылдар туралы шешім қабылдайды, оның ішінде Тексеру комиссиясының ар-намысына, қадір-қасиетіне және іскерлік беделіне нұқсан келтіретін мәліметтерді теріске шығару туралы жауаптың, жарияланымның не түсініктеменің жобасын екі жұмыс күні ішінде дайындауға жауапты құрылымдық бөлімшені айқындайды. Дайындалған және Тексеру комиссиясының Төрағасымен не оны алмастыратын лауазымды адаммен келісілген ақпарат теріске шығаруды жариялауды талап ете отырып, тиісті БАҚ редакциясына жіберіледі, тиісті әлеуметтік желінің ресми аккаунтынан әлеуметтік желілердегі тиісті посттарға түсініктемелер жарияланады. Бұқаралық ақпарат құралдарында және әлеуметтік желілердегі Тексеру комиссиясының ресми аккаунттарында тақырыптық брифингтер, баспасөз конференциялары немесе сұхбаттар ұйымдастырылуы мүмкін, (немесе) Тексеру комиссиясының қызметі не оның жекелеген бағыттары шеңберінде тақырыптық посттарды, мақалаларды, жарияланымдарды қолдау үшін репосттар, түсініктемелер дайындалуы мүмкін. 14-тарау. Мемлекеттік аудит жүргізу үшін аудиторлық ұйымдардың және (немесе) сарапшылардың көрсетілетін қызметтерін сатып алу Тексеру комиссиясы Қазақстан Республикасының мемлекеттік сатып алу туралы заңнамасына сәйкес мемлекеттік аудит жүргізу үшін аудиторлық ұйымдардың және (немесе) сарапшылардың қызметтерін сатып алған кезде техникалық өзіндік ерекшелік (конкурстық құжаттама) Тексеру комиссиясының Төрағасымен және тиісті аудиторлық іс-шараны өткізуге жауапты мүшесімен келісіледі. Тексеру комиссиясының тиісті аудиторлық іс-шараны өткізуге жауапты мүшесі аудиторлық ұйымдардың және (немесе) сарапшылардың көрсетілген қызметтерінің нәтижелерін келіседі. Тексеру комиссиясы Регламентіне 1 қосымша БЕКІТЕМІН Тексеру комиссиясының Төрағасы ___________________ А.Ә.Т. 20__ жылғы «___» ______ Тексеру комиссиясының кезекті жылға (тоқсанға) арналған жұмыс жоспары Р/с № Іс-шараның атауы Аяқталу нысаны Орындау мерзімі Күтілетін нәтижелер Орындауға жауаптылар 1 2 3 4 5 6 Әдіснамалық қызмет Талдамалық қызмет Құқықтық қызмет Ұйымдастырушылық, халықаралық қызмет және басқа да бағыттар Тексеру комиссиясы Регламентіне 2 қосымша Жұмыс жоспарларының орындалуы жөніндегі есеп Жоспар бойынша тармақтың және тармақша-ның № Іс-шараның атауы Жоспарда көрсетілген аяқталу нысаны Нақты орындау мерзімі Жұмыс жоспарының іс-шараларын орындау мақсатында Тексеру комиссиясының басшылығына ұсынылған Тексеру комиссиясының құрылымдық бөлімшесі құжатының (жазбалар, есептер және ақпарат) №, күні және мәтіннің қысқаша мазмұнын көрсете отырып, ол бойынша қарар Қол жеткізілген нәтижелер (жүргізілген іс-шаралардың тиімділігі) 1 2 3 4 5 6 Тексеру комиссиясы Регламентіне 3 қосымша Тексеру комиссиясыныңотырысын өткізу алгоритмі Р/с№ Іс-шаралар Орындау мерзімі Жауапты орындаушылар Ескертпе Күн тәртібінің жобасын қалыптастырып, аппарат басшысымен келісу Төрағаның қатысуымен – отырыс өткізілетін күнге дейін бес жұмыс күнінен кешіктірілмей Төрағының қатысуынсыз - отырыс өткізілетін күнге дейін екі жұмыс күнінен кешіктірілмей Отырысты өткізуге бастама білдірген немесе отырысқа шығарылатын мәселелер құзыретіне кіретін құрылымдық бөлімше Күн тәртібінің жобасын қалыптастырып Тексеру комиссиясының Төрағасымен келісу (отырыс оның қатысуымен өтетін кезде) отырыс өткізілетін күнге дейін төрт жұмыс күнінен кешіктірілмей Аппарат басшысы Тексеру комиссиясының жетекшілік ететін мүшесінің келісімі бойынша Отырысқа шығарылған мәселелер бойынша ақпаратты дайындау және жинақтау үшін аппарат басшысы белгілеген құрылымдық бөлімшеге ұсыну отырыс өткізілетін күнге дейін екі күннен кешіктірілмей Отырысты өткізуге бастама білдірген немесе отырысқа шығарылатын мәселелер құзыретіне кіретін құрылымдық бөлімше Хаттамалық тапсырмалардың жобасы бойынша ұсыныстар дайындау және басшылыққа ұсыну отырыс өткізілетін күнге дейін екі күннен кешіктірілмей Отырысты өткізуге бастама білдірген немесе отырысқа шығарылатын мәселелер құзыретіне кіретін құрылымдық бөлімше Отырысты өткізу тәртібінің жобасын дайындау және басшылықпен келісу отырыс өткізілетін күнге дейін екі күннен кешіктірілмей (сағат 13.00-ге дейін) Тексеру комиссиясының жетекшілік ететін мүшесінің келісімі бойынша отырысты өткізудің бастамашысы Отырысқа шақырылатын лауазымды адамдар тобы бойынша ұсыныстар енгізу отырыс өткізілетін күнге дейін екі күннен кешіктірілмей Отырысты өткізуге бастамашы Алдағы болатын отырысқа арналған материалдардың толық пакетін басшылыққа келісуге ұсыну отырыс өткізілетін күнге дейін екі күннен кешіктірілмей (сағат 19.00-ге дейін) Отырысты өткізуге бастамашы Отырысқа қатысушыларға отырысқа арналған материалдарды жіберу отырыс өткізілетін күннен бір күн бұрын (сағат 13.00-ге дейін) Отырысты өткізуге бастамашы Мәжіліс залын отырысқа дайындауды және безендіруді ұйымдастыру отырыс өткізілетін күннен бір күн бұрын Қаржылық қамтамасыз етуге жауапты құрылымдық бөлімше Отырысқа қатысушыларды тіркеу және орындарына отырғызу (тізім бойынша) отырыс өткізілетін күні (басталғанға дейін жарты сағат бұрын) Отырысты өткізуге бастамашы Өткен отырыстың стенограммасын электрондық форматта дайындау отырыс өткізілген күннен кейінгі жұмыс күні (сағат 11.00-ге дейін) Отырысты өткізуге бастамашы Отырыс хаттамасының жобасын мүдделі лауазымды адамдармен келісу отырыс өткізілген күннен кейінгі жұмыс күні (сағат 18.00-ге дейін) Отырысты өткізуге бастамашы Хаттама жобасын редакциялау отырыс өткізілген күннен кейінгі жұмыс күні (сағат 18.00-ге дейін) Жұртшылықпен байланысты қамтамасыз етуге жауапты құрылымдық бөлімше Отырыстың хаттамасын басшылыққа қол қоюға енгізу отырыс өткізілген күннен кейінгі екінші жұмыс күні Отырысты өткізуге бастамашы Отырыстың хаттамасын Электрондық құжат айналымының бірыңғай жүйесінің деректер базасында тіркеу және оны адресаттарға жіберу хаттамаға қол қойылған күні Құжат айналымын қамтамасыз етуге жауапты құрылымдық бөлімше Хаттамалық тапсырмалардың орындалуын бақылау тұрақты негізде Хаттамалық тапсырмалардың орындалу мерзімдерін бақылауға жауапты құрылымдық бөлімше Тексеру комиссиясы Регламентіне 4 қосымша Нысан Тексеру комиссиясы аудиторлық іс-шараларының қорытындылары бойынша отырыс өткізу және Тексеру комиссиясының мемлекеттік аудит және қаржылық бақылау органының қызметін жоспарлы тәртіппен бағалау бойынша тексеру тәртібі Талдықорған қаласы Күні, уақыты Тексеру комиссиясының Төрағасы А.Ә.Т. Қайырлы күн! Құрметті Тексеру комиссиясының! Отырысқа қатысушылар! Отырысты өткізуге кворум бар, отырысты ашық деп жариялаймын. Отырыста мына мәселелерді қарауға шығару ұсынылып отыр: Мәселе Мәселе ….. Күн тәртібі бойынша сұрақтар болмаса, күн тәртібін бекітуді ұсынамын. Баяндамашы мен қосымша баяндамашыларға сөз сөйлеу үшін 10 минут дейін, ал сөз сөйлейтіндерге 3 минут дейін уақыт беруді ұсынамын. Бақылау қорытындысын қарастыруға көшейік. Тексеру комиссиясының 20... жылғы .. - тоқсанға арналған жұмыс жоспарына сәйкес .......... пайдаланылу тиімділігін бақылау Тексеру комиссиясының мүшесі ........... басшылығымен жүргізілді. Осы мәселе бойынша Тексеру комиссиясының отырысына: - .............., сонымен қатар Тексеру комиссиясының жұмыскерлері қатысып отыр. Сөз баяндама жасау үшін Тексеру комиссиясының мүшесі (А.Ә.Т.) беріледі. Тексеру комиссиясының Төрағасы А.Ә.Т.: Тексеру комиссиясы мүшелерінің баяндамашыға қоятын сұрақтары бар ма? А.Ә.Т. *** Тексеру комиссиясының Төрағасы А.Ә.Т.:Егер жоқ болса, сөз мемлекеттік аудит және қаржылық бақылау объектісінің және (немесе) мемлекеттік аудит және қаржылық бақылау органының басшысына (лауазымының атауы, А.Ә.Т.) беріледі. Тексеру комиссиясының Төрағасы А.Ә.Т.: Сөз сөйлеушіге сұрақтарыңыз бар ма? Мемлекеттік аудит және қаржылық бақылау объектісінің және (немесе) мемлекеттік аудит және қаржылық бақылау органының басшысына қойылатын сұрақтар. Сұрақ: Сұрақ: …. . Тексеру комиссиясының Төрағасы А.Ә.Т.: Талқыланып отырған сұрақ бойынша сөз сөйлегісі келетіндер бар ма? (Тексеру комиссиясының мүшелерінің қаралып отырған сұрақты талқылауы) Тексеру комиссиясы Төрағасының қорытынды сөзі. Құрметті отырысқа қатысушылар, әріптестер! (қысқаша қорытынды). Тексеру комиссиясының Төрағасы А.Ә.Т. Осы сұрақ бойынша шақырылғандар шыға берсе болады! Тексеру комиссиясы қаулысының жобасын талқылау. Тексеру комиссиясы қаулысының жобасы бойынша дауыс беру. (талқылап, дауыс беруден кейін) Тексеру комиссиясының Төрағасы А.Ә.Т. Құрметті әріптестер! Күн тәртібінің барлық мәселелерін қарап шықтық. Отырысты жабық деп жариялаймын! Тексеру комиссиясы Регламентіне 5 қосымша Нысан Тексеру комиссиясының отырысының күн тәртібі Талдықорған қаласы Күні, уақыты «…….мемлекеттік аудит және қаржылық бақылау қорытындылары туралы және (немесе) ... қызметін жоспарлы тәртіппен бағалау жөніндегі тексеру қорытындылары туралы». Баяндамашы: Тексеру комиссиясының мүшесі А.Ә.Т. Аппарат басшысы А.Ә.Т. Тексеру комиссиясы Регламентіне 6 қосымша Тексеру комиссиясының отырысына шақырылғандардың тізімі ___________________________________________ (отырыс тақырыбы) Өтетін орны 20___ жылғы__ ______________ сағат00.00 № р/с № р/с А.Ә.Т. Лауазымы Тексеру комиссиясының Төрағасы, мүшелері (А.Ә.Т.–алфавит ретімен) 1. 1. 2. 2. 3. 3. 4. 4. 5. 5. 6. 6. 7. 7. 8. 8. 9. 9. Тексеру комиссиясының аппарат басшысы 10. 1. Тексеру комиссиясының аппараты құрылымдық бөлімшелерінің басшылары* (А.Ә.Т. –алфавит ретімен) 11. 1. 12. 2. 13. 3. 14. 4. 15. 5. 16. 6. 17. 7. Мемлекеттікаудиторлар* (атқарып отырған лауазымдардың үлкендік ретіне сәйкес) 18. 1. 19. 2. Мемлекеттік аудит объектілерінің және (немесе) мемлекеттік аудит жәнне қаржылық бақылау органының шақырылған адамдары** (Қазақстан Республикасы лауазымды адамдарының протоколдық үлкендік ретіне сәйкес) ____________________басқармасы 20. 1. 21. 2. ______________________________әкімдігі 22. 1. 23. 2. Бұқаралық ақпарат құралдарының өкілдері*** 24. 1. 25. 2. Ескертпе: * - тізімге Тексеру комисиясының отырысына қатысуға рұқсат берілген адамдар қосылған; ** - тізімге Тексеру комисиясының отырысына қатысуға рұқсат берілген адамдар, «Қазақстан Республикасының Мемлекеттік протоколын бекіту туралы» Қазақстан Республикасы Президентінің 2006 жылғы 12 қазандағы № 201 Жарлығымен бекітілген Қазақстан Республикасының Мемлекеттік протоколына 1 және 2-қосымшалармен Қазақстан Республикасының лауазымды адамдарының протоколдық үлкендік ретіне сәйкес мемлекеттік аудит объектілерінің және олардың өкілдерінің (әр объекті бойынша жеке) тізімі қосылған (қосымшада); *** - тізімге бұқаралық ақпарат құралдарының өкілдері қосылған, отырысқа қатысуға рұқсатты Тексеру комисиясы баспасөз хатшысының үйлестіруі кезінде Тексеру комисиясының басшылығы айқындайды. Тексеру комиссиясы Регламентіне 7 қосымша Форма СХЕМА РАССАДКИ УЧАСТНИКОВ ЗАСЕДАНИЯ РЕВИЗИОННОЙ КОМИССИИ ТЕКСЕРУ КОМИССИЯСЫҚҰРЫЛЫМДЫҚ БӨЛІМШЕЛЕРІНІҢ БАСШЫЛАРЫ (А.Ә.Т.. – алфавит ретімен) Тексеру комиссиясы Регламентіне 8 қосымша Тексеру комиссиясы отырысының хаттамасы Талдықорған қ. №___ күні Күн тәртібі: … қызметін жоспарлы тәртіппен бағалау жөніндегі аудиторлық іс-шараның және (немесе) тексерудің атауы 1. (Тексеру комиссиясы Төрағасы, сөз сөйлеушілердің А.Ә.Т.) 2. (Тексеру комиссиясының Төрағасы, сөз сөйлеушілердің А.Ә.Т.) Төраға А.Ә.Т. Тексеру комиссиясы Регламентіне 9 қосымша Нысан Тексеру комиссиясының Төрағасы _____________________ Халықаралық іс-шараларға қатысу қорытындылары бойынша есеп А.Ә.Т. ____________________________ Лауазымы ___________________________________________________________ Құрылымдық бөлімшенің атауы ________________________________________ Кіріспе бөлік Іс-шара туралы жалпы мәліметтер Халықаралық іс-шара нысаны: (отырыс, симпозиум, конференция,мемлекеттік аудит) Іс-шараның атауы: (тақырыбы) Халықаралық іс-шараның өтетін орны: (қала,ел) Ұйым атауы: (соның базасында іс-шара өткізілді) Халықаралық іс-шараның мақсаттары: (іс-шараға шақырту хатына сәйкес көрсетіледі) Халықаралық іс-шараны өткізу мерзімдері: басталуы: ____________ аяқталуы: _______________ ұзақтығы: _____күн Қаржыландыру көзі: 2. Негізгі бөлік ________________________________________________________________________________________________________________________________________________________________________________________________________________________________________________ (Іс-шара бағдарламасы мазмұнының қысқаша сипаттамасы (іс-шараның форматы, ұзақтығы, шақырылғандардың құрамы және өзге де ақпарат) ____________________________________________________________________________________________________________________________________________________________________________________________________________________________________________________________ (Іс-шара нәтижесінде алынған тәжірибені сипаттау, оның мемлекеттік аудит және қаржылық бақылау органының қызметінде қолданылуы) ____________________________________________________________________________________________________________________________________________________________________________________________________________________________________________________________ (Қол жеткізілген уағдаластықтар, қабылданған келісімдер (болған жағдайда) Қорытынды ____________________________________________________________________________________________________________________________________________________________________________________________________________________________________________________________ (Алынған тәжірибені мемлекеттік аудит және қаржылық бақылау органының мақсаттары мен міндеттеріне сәйкес оның қызметінде қолдану бойынша сындарлы ұсыныстар (қысқаша, нақты, анық) ____________________________________________________________________________________________________________________________________________________________________________________________________________________________________________________________ (Басқа ұсыныстар(қысқаша, нақты, анық) Есепке мыналар қоса беріліп отыр: 1.______________________________________________________________ 2.______________________________________________________________ 3.______________________________________________________________ 4.______________________________________________________________ 5.______________________________________________________________ (іс-шараның бағдарламасын, жиналған материалдардың тізбесін, іс-шараны өткізудің нәтижелері туралы және іс-шараға қатысқанын растайтын құжаттарды (хаттаманың/бағдарламаның/күн тәртібінің көшірмесін), сондай-ақ алынған тәжірибенің мазмұнын сипаттайтын іс-шара туралы басқа да құжаттар мен материалдарды көрсетіп, есепке қоса беру) Есепті ұсынған: ____________________________________ ______________ __________ (А.Ә.Т.) (лауазымы) (қолы) 20____жылғы «____»__________________ Тексеру комиссиясы Регламентіне 10 қосымша Форма Руководитель аппарата ревизионной комиссии по области Жетісу Ф.И.О.____________________ Учет рабочего времени работников ревизионной комиссии «___»___ _ _ _ _ 20 _ _ года__________ № Ф.И.О. 09-00 14-30 Примечание Отдел административно - правового обеспечения и контроля качества Руководитель отдела * 1. Главный специалист - бухгалтер * 2. Главный специалист - юрист* 3. Главный специалист - эксперт * 4. Служба управления персоналом * Руководитель службы * 1. Ведущий специалист * 2. Отдел планирования, анализа и отчетности * Руководитель отдела * 1. Главный специалист * 2. 3. Отдел государственного аудита №1* Руководитель отдела - государственный аудитор * 1. Главный инспектор - государственный аудитор * 2. Главный специалист - государственный аудитор * 3. № Ф.И.О. 09-00 14-30 Примечание Главный специалист - государственный аудитор * 4. Отдел государственного аудита №2 * Руководитель отдела - государственный аудитор * 1. Главный инспектор - государственный аудитор * 2. Главный специалист - государственный аудитор * 3. Главный специалист - государственный аудитор * 4. Отдел государственного аудита №3* 2. Главный специалист - государственный аудитор * 3. Отдел государственного аудита №4 * Руководитель отдела - государственный аудитор * 1. Главный инспектор - государственный аудитор * 2. Главный специалист - государственный аудитор * 3. внештатные сотрудники 1. 2. 3. 4. 5. … Руководитель службы управление персоналом Ф.И.О. * наименование структурных подразделений и должности работников могут изменяться, в зависимости от шатаного расписания Тексеру комиссиясы Регламентіне 11 қосымша Нысан Тексеру комиссиясыжұмыскерлерінің ____ жылға арналған еңбек демалыстарының графигі Р/с Жұмыскердің А.Ә.Т. Жұмыскердің лауазымы Еңбек демалысының жоспарланған кезеңі (ай) Жұмыскердің қолы 1 2 3 4 5 (құрылымдық бөлімшенің атауы) 1. 2. 3. (құрылымдық бөлімшенің атауы) 4. 5. 6. Ескертпе: құрылымдық бөлімшелер жаңадан қабылданған жұмыскерлер болған кезде кадр қызметіне графикке өзгерістер енгізу туралы ұсыныстар жолдайды.

2026 ж. Сыбайлас жемқорлыққа қарсы іс-қимыл туралы

Осы Заң сыбайлас жемқорлыққа қарсы іс-қимыл саласындағы қоғамдық қатынастарды реттейді және Қазақстан Республикасында сыбайлас жемқорлыққа қарсы саясатты іске асыруға бағытталған. 1-тарау. ЖАЛПЫ ЕРЕЖЕЛЕР 1-бап. Осы Заңда қамтылатын кейбір ұғымдарды түсіндіру Осы Заңда қамтылатын ұғымдар мынадай мағынада қолданылады: 1) әкімшілік-шаруашылық функциялар – ұйымның балансындағы мүлікті басқаруға және оған билік етуге Қазақстан Республикасының заңында белгіленген тәртіппен берілген құқық; 1-1) жауапты мемлекеттiк лауазымды атқаратын адам – мемлекеттік функцияларды және мемлекеттік органдардың өкілеттіктерін тікелей орындау үшін Қазақстан Республикасының Конституциясында, Қазақстан Республикасының конституциялық және өзге де заңдарында белгіленген лауазымды атқаратын адам, оның ішінде Қазақстан Республикасы Құрылтайының депутаты, Қазақстан Республикасы Конституциялық Сотының судьясы, судья, Қазақстан Республикасындағы Адам құқықтары жөніндегі уәкіл, сол сияқты Қазақстан Республикасының мемлекеттік қызмет туралы заңнамасына сәйкес саяси мемлекеттік лауазымды не "А" корпусының әкімшілік мемлекеттік лауазымын не сайланатын мемлекеттік лауазымды атқаратын адам; ЗҚАИ-ның ескертпесі! 1-2) тармақшамен толықтыру көзделген – ҚР 12.06.2026 № 311-VIIІ (01.01.2027 бастап қолданысқа енгізіледі) Заңымен. 2) лауазымды адам – тұрақты, уақытша немесе арнаулы өкiлеттiк бойынша билік өкілінің функцияларын жүзеге асыратын не мемлекеттік органдарда, жергiлiктi өзiн-өзi басқару органдарында, сондай-ақ Қазақстан Республикасының Қарулы Күштерінде, басқа да әскерлері мен әскери құралымдарында ұйымдастырушылық-өкімдік немесе әкiмшiлiк-шаруашылық функцияларды орындайтын адам; 2-1) мемлекеттік ұйымда немесе квазимемлекеттік сектор субъектісінде басқарушылық функцияларды орындайтын адам – көрсетілген ұйымдарда ұйымдастырушылық-өкімдік немесе әкiмшiлiк-шаруашылық функцияларды тұрақты, уақытша не арнаулы өкiлеттiк бойынша орындайтын адам; 3) мемлекеттік функцияларды орындауға уәкілеттік берілген адам – мемлекеттік қызметтегі адам, мәслихат депутаты, мемлекеттік лауазымда көзделген міндеттерді мемлекеттік қызметке тағайындалғанына дейін уақытша атқаратын адам, сондай-ақ офицерлер құрамының келісімшарт бойынша әскери қызметшісі әскери лауазымына уақытша тағайындалған немесе оның міндетін уақытша атқаратын адам; 4) мемлекеттік функцияларды орындауға уәкілеттік берілген адамдарға теңестірілген адам – жергiлiктi өзiн-өзi басқару органдарына сайланған адам (мәслихат депутатын қоспағанда); Қазақстан Республикасының заңында белгiленген тәртiппен Қазақстан Республикасының Президенттiгiне, Қазақстан Республикасы Құрылтайының немесе мәслихаттардың депутаттығына, аудандық маңызы бар қалалардың, кенттердің, ауылдардың, ауылдық округтердің әкімі болуға, сондай-ақ жергiлiктi өзiн-өзi басқару сайланбалы органының мүшелігіне кандидаттар ретiнде тiркелген азамат; өкілеттігін кәсіби тұрақты негізде жүзеге асыратын, еңбегіне ақы төлеу Қазақстан Республикасының бюджет қаражатынан жүргізілетін аумақтық сайлау комиссиясының мүшесі; жергiлiктi өзiн-өзi басқару органында тұрақты немесе уақытша жұмыс iстейтiн, еңбегiне ақы төлеу Қазақстан Республикасының мемлекеттiк бюджет қаражатынан жүргізілетін қызметшi; мемлекеттік ұйымда немесе квазимемлекеттік сектор субъектісінде басқарушылық функцияларды орындайтын адам, сондай-ақ сатып алуды, оның ішінде мемлекеттік сатып алуды ұйымдастыру мен өткізу бойынша шешімдер қабылдауға уәкілеттік берілген не мемлекеттік бюджеттің және (немесе) Қазақстан Республикасы Ұлттық қорының қаражатынан қаржыландырылатын жобаларды және (немесе) бағдарламаларды іріктеуге немесе қаржыландыруға немесе іске асыруға немесе мониторингтеуге қатысатын, көрсетілген ұйымдарда дербес құрылымдық бөлімшенің басшысынан төмен емес лауазымды атқаратын адам, Қазақстан Республикасы Ұлттық Банкі мен оның ведомстволарының қызметшілері; Қазақстан Республикасының әуе кеңістігін пайдалану және авиация қызметі туралы Қазақстан Республикасының заңнамасына сәйкес жұмыс істейтін авиациялық оқиғаларды тергеп-тексеру жөніндегі уәкілетті ұйымның және азаматтық авиация саласындағы уәкілетті ұйымның қызметшілері, қаржы нарығы мен қаржы ұйымдарын реттеу, бақылау және қадағалау жөніндегі уәкілетті органның қызметшілері; "Азаматтарға арналған үкімет" мемлекеттік корпорациясының мемлекеттік қызметтерді тікелей көрсететін немесе лауазымдық міндеттері мемлекеттік қызметтер көрсетуге байланысты болатын не жеке тұлғалардың қолжетімділігі шектеулі дербес деректеріне және (немесе) қолжетімділігі шектеулі өзге де ақпаратқа қол жеткізе алатын қызметкерлері; автомобиль жолдарында техникалық және авторлық қадағалауды жүзеге асыратын адамдар мемлекеттік бюджеттің қаражатынан қаржыландырылатын жобаларды және (немесе) бағдарламаларды іріктеуге қатысатын не жобаларды және (немесе) бағдарламаларды мемлекеттік бюджеттің қаражатынан қаржыландыру немесе мемлекеттік қолдау шараларын ұсыну туралы шешімдер қабылдауға қатысатын алқалы органдардың мүшелері;; ЗҚАИ-ның ескертпесі! 5) тармақша жаңа редакцияда көзделген – ҚР 12.06.2026 № 311-VIIІ (01.01.2027 бастап қолданысқа енгізіледі) Заңымен. 5) мүдделер қақтығысы – жауапты мемлекеттік лауазымды атқаратын адамдардың, мемлекеттік функцияларды орындауға уәкілеттік берілген адамдардың, оларға теңестірілген адамдардың, лауазымды адамдардың жеке мүдделері мен олардың лауазымдық өкілеттіктері арасындағы қайшылық, мұндай жағдайда аталған адамдардың жеке мүдделері олардың өз лауазымдық міндеттерін орындамауына және (немесе) тиісінше орындамауына алып келуі мүмкін; 6) сыбайлас жемқорлық – жауапты мемлекеттік лауазымды атқаратын адамдардың, мемлекеттiк функцияларды орындауға уәкілеттік берілген адамдардың, мемлекеттік функцияларды орындауға уәкілеттік берілген адамдарға теңестiрiлген адамдардың, лауазымды адамдардың, шет мемлекеттің немесе халықаралық ұйымның лауазымды адамдарының өздерінің лауазымдық (қызметтік) өкiлеттiктерін және соған байланысты мүмкiндiктерiн жеке өзi немесе делдалдар арқылы жеке өзіне не үшінші тұлғаларға мүлiктiк (мүліктік емес) игiлiктер мен артықшылықтар алу немесе табу мақсатында заңсыз пайдалануы, сол сияқты игiлiктер мен артықшылықтарды беру арқылы осы адамдарды параға сатып алу; 6-1) сыбайлас жемқорлыққа қарсы күрес – сыбайлас жемқорлық құқық бұзушылықтарды анықтау, олардың жолын кесу, ашу және тергеп-тексеру жөніндегі қызмет; 6-2) сыбайлас жемқорлыққа қарсы күрес жөніндегі уәкілетті орган – сыбайлас жемқорлыққа қарсы күресті жүзеге асыратын мемлекеттік орган және оның аумақтық органдары; 7) сыбайлас жемқорлыққа қарсы саясат – сыбайлас жемқорлық тәуекелдерін азайтуға, қоғамның мемлекеттік органдар қызметіне сенімін арттыруға бағытталған құқықтық, әкімшілік және ұйымдастырушылық шаралар және осы Заңға сәйкес өзге де шаралар; 8) сыбайлас жемқорлыққа қарсы саясат жөніндегі уәкілетті орган – Қазақстан Республикасының сыбайлас жемқорлыққа қарсы саясатын қалыптастыру мен іске асыруды, сыбайлас жемқорлыққа қарсы іс-қимыл саласында, сыбайлас жемқорлық құқық бұзушылықтар жасауға ықпал ететін себептер мен жағдайларды барынша азайту және жою мәселелерінде үйлестіруді жүзеге асыратын орталық мемлекеттік орган және оның аумақтық бөлімшелері; 9) сыбайлас жемқорлыққа қарсы шектеулер – осы Заңда және Қазақстан Республикасының өзге де заңдарында белгіленген, сыбайлас жемқорлық құқық бұзушылықтардың алдын алуға бағытталған шектеулер; 10) сыбайлас жемқорлыққа қарсы іс-қимыл – сыбайлас жемқорлыққа қарсы іс-қимыл субъектілерінің өз өкілеттіктері шегіндегі сыбайлас жемқорлықтың алдын алу, оның ішінде қоғамда сыбайлас жемқорлыққа қарсы мәдениетті қалыптастыру, сыбайлас жемқорлық құқық бұзушылықтар жасауға ықпал ететін себептер мен жағдайларды анықтау және жою жөніндегі, сондай-ақ сыбайлас жемқорлық құқық бұзушылықтарды анықтау, олардың жолын кесу, ашу және тергеп-тексеру және олардың салдарын жою жөніндегі қызметі; 11) сыбайлас жемқорлық құқық бұзушылық – бұл үшін заңда әкімшілік немесе қылмыстық жауаптылық белгіленген, сыбайлас жемқорлық белгілері бар құқыққа қайшы, кінәлі түрдегі іс-әрекет (әрекет немесе әрекетсіздік); 12) сыбайлас жемқорлық тәуекелі – сыбайлас жемқорлық құқық бұзушылықтарды жасауға ықпал ететін себептер мен жағдайлардың туындау мүмкіндігі; 13) сыбайлас жемқорлықтың алдын алу – сыбайлас жемқорлыққа қарсы іс-қимыл субъектілерінің алдын алу шаралары жүйесін әзірлеу және енгізу арқылы қоғамда сыбайлас жемқорлыққа төзбеушілік ахуалын қалыптастыру, сыбайлас жемқорлық құқық бұзушылықтар жасауға ықпал ететін себептер мен жағдайларды анықтау және жою жөніндегі қызметі; 14) ұйымдастырушылық-өкімдік функциялар – қызмет бойынша бағынысты адамдардың орындауы үшін міндетті бұйрықтар мен өкімдерді шығаруға, сондай-ақ бағынысты адамдарға қатысты көтермелеу шаралары мен тәртіптік жазалар қолдануға Қазақстан Республикасының заңында белгіленген тәртіппен берілген құқық; Ескерту. 1-бапқа өзгерістер енгізілді - ҚР 06.04.2016 № 484-V (алғашқы ресми жарияланған күнінен кейін күнтізбелік он күн өткен соң қолданысқа енгізіледі); 19.04.2019 № 249-VI (01.08.2019 бастап қолданысқа енгізіледі); 03.07.2019 № 262-VI (01.01.2020 бастап қолданысқа енгізіледі); 26.11.2019 № 273-VI (алғашқы ресми жарияланған күнінен кейін күнтізбелік он күн өткен соң қолданысқа енгізіледі); 06.10.2020№ 365-VI(алғашқы ресми жарияланған күнінен кейін күнтізбелік он күн өткен соң қолданысқа енгізіледі); 29.12.2021№ 91-VII(алғашқы ресми жарияланған күнінен кейін күнтізбелік он күн өткен соң қолданысқа енгізіледі); 05.11.2022№ 157-VII(01.01.2023 бастап қолданысқаенгізіледі); 03.01.2023№ 188-VII(алғашқы ресми жарияланған күнінен кейін күнтізбелік алпыс күн өткен соң қолданысқа енгізіледі); 23.12.2023№ 50-VIII(01.01.2025 бастап қолданысқаенгізіледі); 30.06.2025№ 204-VIII(алғашқы ресми жарияланған күнінен кейін күнтізбелік алпыс күн өткен соң қолданысқа енгізіледі); 03.01.2026№ 251-VIII(қолданысқа енгізілу тәртібін 2-баптан қараңыз); 09.01.2026№ 256-VIII(алғашқы ресми жарияланған күнінен кейін алты ай өткен соң қолданысқаенгізіледі); 19.05.2026№ 291-VIII(01.07.2026 бастап қолданысқаенгізіледі); 11.06.2026№ 306-VIII(қолданысқа енгізілу тәртібін 2-б. қараңыз); 12.06.2026№ 311-VIIІ(қолданысқа енгізілу тәртібін2-баптанқараңыз) Заңдарымен. 2-бап. Осы Заңның қолданылу аясы 1. Осы Заң Қазақстан Республикасының аумағында жеке және заңды тұлғаларға қатысты қолданылады. Егер Қазақстан Республикасы ратификациялаған халықаралық шартта өзгеше көзделмесе, Қазақстан Республикасының шегінен тыс жерде осы Заң Қазақстан Республикасының азаматтары мен Қазақстан Республикасында тіркелген заңды тұлғаларға қатысты қолданылады. 2. Сыбайлас жемқорлық қылмыстар үшін қылмыстық жауаптылық пен жаза – Қазақстан Республикасының Қылмыстық кодексінде, әкімшілік сыбайлас жемқорлық құқық бұзушылықтар үшін әкімшілік жауаптылық пен жаза – Қазақстан Республикасының Әкімшілік құқық бұзушылық туралы кодексінде көзделген. 3-бап. Қазақстан Республикасының сыбайлас жемқорлыққа қарсы іс-қимыл туралы заңнамасы 1. Қазақстан Республикасының сыбайлас жемқорлыққа қарсы іс-қимыл туралы заңнамасы Қазақстан Республикасының Конституциясына негізделеді және осы Заң мен Қазақстан Республикасының өзге де нормативтік құқықтық актілерінен тұрады. 2. Егер Қазақстан Республикасы ратификациялаған халықаралық шартта осы Заңда қамтылғаннан өзге де қағидалар белгіленген болса, онда халықаралық шарттың қағидалары қолданылады. 4-бап. Сыбайлас жемқорлыққа қарсы іс-қимылдың негізгі қағидаттары Сыбайлас жемқорлыққа қарсы іс-қимыл: 1) заңдылық; 2) адам мен азаматтың құқықтарын, бостандықтары мен заңды мүдделерін қорғау басымдығы; 3) жариялылық пен ашықтық; 4) мемлекет пен азаматтық қоғамның өзара іс-қимыл жасауы; 5) сыбайлас жемқорлыққа қарсы іс-қимыл шараларын жүйелі және кешенді пайдалану; 6) сыбайлас жемқорлықтың алдын алу шараларын басым қолдану; 7) сыбайлас жемқорлыққа қарсы іс-қимылға жәрдем көрсететін адамдарды қорғау және көтермелеу; 8) сыбайлас жемқорлық құқық бұзушылықтарды жасағаны үшін жазаның бұлтартпастығы қағидаттары негізінде жүзеге асырылады. Ескерту. 4-бапқа өзгеріс енгізілді – ҚР 03.01.2023№ 188-VII(алғашқы ресми жарияланған күнінен кейін күнтізбелік алпыс күн өткен соң қолданысқа енгізіледі) Заңымен. 5-бап. Сыбайлас жемқорлыққа қарсы іс-қимылдың мақсаты мен міндеттері 1. Сыбайлас жемқорлыққа қарсы іс-қимылдың мақсаты қоғамда сыбайлас жемқорлықты жою болып табылады. 2. Сыбайлас жемқорлыққа қарсы іс-қимыл мақсатына қол жеткізу мынадай: 1) қоғамда сыбайлас жемқорлыққа төзбестік ахуалын қалыптастыру; 2) сыбайлас жемқорлық құқық бұзушылықтар жасауға ықпал ететін жағдайлар мен себептерді анықтау және олардың салдарларын жою; 3) сыбайлас жемқорлыққа қарсы іс-қимыл субъектілерінің өзара іс-қимылын нығайту; 4) сыбайлас жемқорлыққа қарсы іс-қимыл жөніндегі халықаралық ынтымақтастықты дамыту; 5) сыбайлас жемқорлық құқық бұзушылықтарды анықтау, жолын кесу, ашу және тергеп-тексеру міндеттерін шешу арқылы іске асырылады. 2-тарау. СЫБАЙЛАС ЖЕМҚОРЛЫҚҚА ҚАРСЫ ІС-ҚИМЫЛ ШАРАЛАРЫ 6-бап. Сыбайлас жемқорлыққа қарсы іс-қимыл шараларының жүйесі Сыбайлас жемқорлыққа қарсы іс-қимыл шараларының жүйесі: 1) сыбайлас жемқорлыққа қарсы мониторингті; 2) сыбайлас жемқорлық тәуекелдерін талдауды; 3) сыбайлас жемқорлыққа қарсы мәдениетті қалыптастыруды; 3-1) Қазақстан Республикасының заңнамасына сәйкес нормативтік құқықтық актілердің жобаларына сыбайлас жемқорлыққа қарсы ғылыми сараптама жүргізуді; 4) Қазақстан Республикасының заңнамасына сәйкес заңдық сараптама жүргізу кезінде сыбайлас жемқорлық сипаты бар нормаларды анықтауды; 5) сыбайлас жемқорлыққа қарсы стандарттарды қалыптастыруды және сақтауды; 6) қаржылық бақылауды; 7) сыбайлас жемқорлыққа қарсы шектеулерді; ЗҚАИ-ның ескертпесі! 8) тармақшаға өзгеріс енгізу көзделген – ҚР 12.06.2026 № 311-VIIІ (01.01.2027 бастап қолданысқа енгізіледі) Заңымен. 8) мүдделер қақтығысын болғызбауды және шешуді; 9) кәсіпкерлік саласында сыбайлас жемқорлыққа қарсы іс-қимыл шараларын; 10) сыбайлас жемқорлық құқық бұзушылықтарды анықтауды, жолын кесуді, ашуды және тергеп-тексеруді; 11) сыбайлас жемқорлық құқық бұзушылықтар туралы хабарлауды; ЗҚАИ-ның ескертпесі! 12) тармақшаға өзгеріс енгізу көзделген – ҚР 12.06.2026 № 311-VIIІ (01.01.2027 бастап қолданысқа енгізіледі) Заңымен. 12) сыбайлас жемқорлық құқық бұзушылықтардың салдарларын жоюды; 13) Сыбайлас жемқорлыққа қарсы іс-қимыл туралы ұлттық баяндаманы қалыптастыруды және жариялауды қамтиды. Ескерту. 6-бапқа өзгеріс енгізілді - ҚР 26.11.2019 № 273-VI Заңымен (01.01.2020 бастап қолданысқа енгізіледі). 7-бап. Сыбайлас жемқорлыққа қарсы мониторинг 1. Сыбайлас жемқорлыққа қарсы мониторинг – сыбайлас жемқорлыққа қарсы іс-қимыл субъектілерінің сыбайлас жемқорлыққа қарсы саясаттың тиімділігіне, сыбайлас жемқорлыққа қарсы іс-қимыл саласындағы құқық қолдану практикасының жай-күйіне, сондай-ақ қоғамның сыбайлас жемқорлық деңгейін қабылдауы мен бағалауына қатысты ақпаратты жинау, өңдеу, жинақтап-қорыту, талдау және бағалау жөніндегі қызметі. 2. Сыбайлас жемқорлыққа қарсы мониторингтің мақсаты – сыбайлас жемқорлыққа қарсы іс-қимыл саласындағы құқық қолдану практикасын бағалау болып табылады. 3. Сыбайлас жемқорлыққа қарсы мониторингтің дереккөздері – құқықтық статистика мен жеке және заңды тұлғалардың өтініштері, үкіметтік емес және халықаралық ұйымдардың мәліметтері, әлеуметтік сұрау жүргізу деректері мен бұқаралық ақпарат құралдарындағы жарияланымдар, сондай-ақ заңмен тыйым салынбаған өзге де ақпарат көздері болып табылады. 4. Сыбайлас жемқорлыққа қарсы мониторингтің нәтижелері сыбайлас жемқорлық тәуекелдеріне талдау жүргізу, сондай-ақ сыбайлас жемқорлыққа қарсы мәдениетті қалыптастыруға бағытталған шараларды жетілдіру үшін негіз болып табылуы мүмкін. 4-1. Сыбайлас жемқорлыққа қарсы мониторинг жүргізу тәртібін сыбайлас жемқорлыққа қарсы саясат жөніндегі уәкілетті орган айқындайды. 5. Осы баптың ережелері арнаулы мемлекеттік органдардың қызметіне қолданылмайды. Ескерту. 7-бапқа өзгеріс енгізілді – ҚР 12.06.2026№ 311-VIIІ(алғашқы ресми жарияланған күнінен кейін күнтізбелік он күн өткен соң қолданысқаенгізіледі) Заңымен. 8-бап. Сыбайлас жемқорлық тәуекелдерін талдау 1. Сыбайлас жемқорлық тәуекелдерін талдау (ішкі және сыртқы) – сыбайлас жемқорлық құқық бұзушылықтар жасауға ықпал ететін себептер мен жағдайларды анықтау және зерделеу. 2. Сыбайлас жемқорлық тәуекелдерін сыртқы талдауды сыбайлас жемқорлыққа қарсы саясат жөніндегі уәкілетті орган Қазақстан Республикасы Президентінің Әкімшілігімен келісу бойынша айқындайтын тәртіппен сыбайлас жемқорлыққа қарсы іс-қимыл жөніндегі уәкілетті орган мынадай бағыттар: 1) мемлекеттік органдар мен ұйымдардың, квазимемлекеттік сектор субъектілерінің қызметін қозғайтын құқықтық және өзге де актілердегі сыбайлас жемқорлық тәуекелдерін анықтау; 2) мемлекеттік органдар мен ұйымдардың, квазимемлекеттік сектор субъектілерінің ұйымдық-басқарушылық қызметінде сыбайлас жемқорлық тәуекелдерін анықтау бойынша жүзеге асырады. Сыбайлас жемқорлыққа қарсы саясат жөніндегі уәкілетті орган сыбайлас жемқорлық тәуекелдеріне сыртқы талдау жүргізуге сыбайлас жемқорлыққа қарсы іс-қимылдың өзге де субъектілерінің мамандарын және (немесе) сарапшыларын тартуға құқылы. Сыбайлас жемқорлық тәуекелдерін сыртқы талдау нәтижелері бойынша мемлекеттік органдар, ұйымдар және квазимемлекеттік сектор субъектілері сыбайлас жемқорлық құқық бұзушылықтар жасауға ықпал ететін себептер мен жағдайларды жою жөнінде шаралар қабылдайды. Мемлекеттік органдардың, ұйымдардың және квазимемлекеттік сектор субъектілерінің басшылары сыбайлас жемқорлық құқық бұзушылықтар жасауға ықпал ететін себептер мен жағдайларды жоймағаны үшін Қазақстан Республикасының заңдарында белгіленген тәртіптік жауаптылықта болады. 3. Осы баптың 2-тармағының күші мына салалардағы қатынастарға: 1) прокуратура жүзеге асыратын жоғары қадағалауға; 2) қылмыстық істер бойынша сотқа дейінгі іс жүргізуге; 3) әкімшілік құқық бұзушылықтар туралы істер бойынша іс жүргізуге; 4) сот төрелігіне; 5) жедел-іздестіру қызметіне; 6) қылмыстық-атқару қызметіне; 7) Қазақстан Республикасының мемлекеттік құпиялар туралы заңнамасының талаптарының сақталуын бақылауға қолданылмайды. 4. Осы баптың 2-тармағының ережелері арнаулы мемлекеттік органдардың қызметіне қолданылмайды. 5. Мемлекеттік органдар, ұйымдар мен квазимемлекеттік сектор субъектілері сыбайлас жемқорлық тәуекелдеріне ішкі талдауды жүзеге асырады, оның нәтижелері бойынша сыбайлас жемқорлық құқық бұзушылықтар жасауға ықпал ететін себептер мен жағдайларды жою жөнінде шаралар қабылдайды. Сыбайлас жемқорлық тәуекелдеріне ішкі талдау жүргізудің үлгілік тәртібін сыбайлас жемқорлыққа қарсы саясат жөніндегі уәкілетті орган айқындайды. Ескерту. 8-бапқа өзгерістер енгізілді - ҚР 03.07.2017 № 86-VI Конституциялық заңымен (алғашқы ресми жарияланған күнінен кейін күнтізбелік он күн өткен соң қолданысқа енгізіледі); 03.01.2023№ 188-VII(алғашқы ресми жарияланған күнінен кейін күнтізбелік алпыс күн өткен соң қолданысқа енгізіледі); 19.04.2023№ 223-VII(алғашқы ресми жарияланған күнінен кейін күнтізбелік он күн өткен соң қолданысқа енгізіледі); 12.06.2026№ 311-VIIІ(қолданысқа енгізілу тәртібін2-баптанқараңыз) Заңдарымен. 9-бап. Сыбайлас жемқорлыққа қарсы мәдениетті қалыптастыру 1. Сыбайлас жемқорлыққа қарсы мәдениетті қалыптастыру – сыбайлас жемқорлыққа қарсы іс-қимыл субъектілерінің қоғамда сыбайлас жемқорлыққа төзбеушілікті көрсететін құндылықтар жүйесін сақтау және нығайту бойынша өз құзыреті шегінде жүзеге асыратын қызметі. 2. Сыбайлас жемқорлыққа қарсы мәдениетті қалыптастыру білім беру, ақпараттық және ұйымдастырушылық сипаттағы шаралар кешені арқылы жүзеге асырылады. 3. Сыбайлас жемқорлыққа қарсы білім беру – тұлғаның адамгершілік, зияткерлік, мәдени тұрғыдан дамуы және сыбайлас жемқорлықты қабылдамаудағы белсенді азаматтық ұстанымын қалыптастыру мақсатында жүзеге асырылатын, тәрбиелеу мен оқытудың үздіксіз процесі. 4. Ақпараттық және ұйымдастырушылық қызмет бұқаралық ақпарат құралдарында түсіндіру жұмыстарын жүргізу, әлеуметтік маңызды іс-шараларды, Қазақстан Республикасының заңнамасына сәйкес мемлекеттік әлеуметтік тапсырысты және Қазақстан Республикасының заңнамасында көзделген өзге де шараларды ұйымдастыру арқылы іске асырылады. 10-бап. Сыбайлас жемқорлыққа қарсы стандарттар 1. Сыбайлас жемқорлыққа қарсы стандарттар – қоғамдық қатынастардың оқшауланған саласы үшін белгіленген, сыбайлас жемқорлықтың алдын алуға бағытталған ұсынымдар жүйесі. 2. Мемлекеттік органдар, ұйымдар мен квазимемлекеттік сектор субъектілері бекітетін сыбайлас жемқорлыққа қарсы стандарттар сыбайлас жемқорлыққа қарсы саясат жөніндегі уәкілетті орган бекіткен сыбайлас жемқорлыққа қарсы стандарттарды қалыптастыру жөніндегі әдістеменің негізінде жұртшылықтың қатысуымен әзірленеді. Сыбайлас жемқорлыққа қарсы стандарттар құқық қолдану практикасында ескеріледі және Қазақстан Республикасы заңнамасының өзгерістері ескеріле отырып жаңартылып отыруға тиіс. Ескерту. 10-бапқа өзгеріс енгізілді – ҚР 12.06.2026№ 311-VIIІ(алғашқы ресми жарияланған күнінен кейін күнтізбелік алпыс күн өткен соң қолданысқаенгізіледі) Заңымен. 11-бап. Қаржылық бақылау шаралары 1. Қаржылық бақылау шараларын жүзеге асыру мақсатында осы бапта айқындалған адамдар жеке тұлғалардың мынадай декларацияларын: 1) активтері мен міндеттемелері туралы декларацияны; 2) кірістері мен мүлкі туралы декларацияны ұсынады. 2. Активтері мен міндеттемелері туралы декларацияны: 1) Қазақстан Республикасының Президенттігіне, Қазақстан Республикасы Құрылтайының және мәслихаттардың депутаттығына, аудандық маңызы бар қалалардың, кенттердің, ауылдардың, ауылдық округтердің әкімі болуға, сондай-ақ жергілікті өзін-өзі басқару сайланбалы органдарына мүшелікке кандидаттар және олардың жұбайлары (зайыптары) – кандидат ретінде тіркелгенге дейін; 2) осы тармақтың 1) тармақшасында аталған адамдарды қоспағанда, мемлекеттік лауазымға не мемлекеттік немесе соларға теңестірілген функцияларды орындауға байланысты лауазымға кандидаттар болып табылатын адамдар және олардың жұбайлары (зайыптары) – лауазымға тағайындау құқығы бар лауазымды адамның (органның) лауазымға тағайындау туралы актісі шығарылғанға дейін (декларация тапсыру айының бірінші күніндегі жағдай бойынша) тапсырады. 3. Кірістері мен мүлкі туралы декларацияны: 1) жауапты мемлекеттік лауазымды атқаратын адамдар мен олардың жұбайлары (зайыптары); 2) мемлекеттік функцияларды орындауға уәкілеттік берілген адамдар мен олардың жұбайлары (зайыптары); 3) лауазымды адамдар мен олардың жұбайлары (зайыптары); 4) мемлекеттік функцияларды орындауға уәкілеттік берілген адамдарға теңестірілген адамдар мен олардың жұбайлары (зайыптары) ұсынады. 4. Есепті күнтізбелік жыл ішінде Қазақстан Республикасының салық заңнамасында айқындалған мүлікті сатып алған жағдайда, осы баптың 3-тармағында аталған адамдар кірістері мен мүлкі туралы декларацияда көрсетілген мүлікті сатып алуға жұмсалған шығыстарды жабу көздері туралы мәліметтерді көрсетеді. ЗҚАИ-ның ескертпесі! 4-тармақ екінші, үшінші, төртінші, бесінші, алтыншы, жетінші бөліктермен және ескертпемен толықтыру көзделген – ҚР 03.01.2023 № 188-VII (01.01.2027 бастап қолданысқа енгізіледі) Заңымен. 5. Активтері мен міндеттемелері туралы декларация Қазақстан Республикасының салық заңнамасының сәйкес жасалады және Қазақстан Республикасының салық заңнамасында айқындалған нысан бойынша және тәртіппен ұсынылады. 6. Кірістері мен мүлкі туралы декларация Қазақстан Республикасының салық заңнамасына сәйкес жасалады және Қазақстан Республикасының салық заңнамасында айқындалған нысан бойынша, тәртіппен және мерзімдерде ұсынылады. 7. Осы баптың 2 және 3-тармақтарында аталған жеке тұлғалардың активтері мен міндеттемелері туралы декларацияны немесе кірістері мен мүлкі туралы декларацияны ұсынуы туралы мәлімет салықтардың және бюджетке төленетін басқа да міндетті төлемдердің түсуін қамтамасыз ету саласындағы басшылықты жүзеге асыратын мемлекеттік органның ресми интернет-ресурсына Қазақстан Республикасының салық заңнамасында белгіленген тәртіппен орналастырылады. 8. Осы баптың 2-тармағының 1) тармақшасында аталған адамдардың активтері мен міндеттемелері туралы декларацияда мәліметтерді ұсынбауы немесе онда анық емес мәліметтерді ұсынуы, егер істелген әрекетте қылмыстық жазаланатын іс-әрекет белгілері болмаса, тіркеуден бас тартуға немесе тіркеу туралы шешімдердің күшін жоюға негіз болып табылады. Мыналардың: осы баптың 2-тармағының 2) тармақшасында аталған адамдардың активтері мен міндеттемелері туралы декларацияны және (немесе) кірістері мен мүлкі туралы декларацияны ұсынбауы немесе осындай декларацияларда толық емес, анық емес мәліметтерді ұсынуы, егер істелген әрекетте қылмыстық жазаланатын іс-әрекет белгілері болмаса – адамға тиісті өкілеттіктер беруден бас тартуға негіз болып табылады. осы баптың 3-тармағында аталған адамдардың активтері мен міндеттемелері туралы декларацияны және (немесе) кірістері мен мүлкі туралы декларацияны ұсынбауы немесе осындай декларацияларда толық емес, анық емес мәліметтерді ұсынуы, егер істелген әрекетте қылмыстық жазаланатын іс-әрекет белгілері болмаса – Қазақстан Республикасының Әкімшілік құқық бұзушылық туралы кодексінде көзделген жауаптылыққа алып келеді. 9. Алып тасталды – ҚР 12.06.2026№ 311-VIIІ(алғашқы ресми жарияланған күнінен кейін күнтізбелік алпыс күн өткен соң қолданысқаенгізіледі) Заңымен. 10. Осы баптың 7-тармағының талаптары мемлекеттік құпияларды құрайтын мәліметтерге қолданылмайды. 11. Мемлекеттік мүлікті басқару жөніндегі функцияларды орындауға қатысатын жеке және заңды тұлғалар мемлекеттік меншікпен байланысты мүліктік сипаттағы барлық мәмілелер мен қаржылық қызмет туралы есептерді мемлекеттік мүлікке қатысты меншік иесінің құқығын жүзеге асыратын мемлекеттік органға мемлекеттік мүлікті басқару жөніндегі уәкілетті орган белгілеген тәртіппен және мерзімдерде ұсынады. 12. Мемлекеттік кіріс органдарына келіп түсетін, осы бапта көзделген мәліметтер Қазақстан Республикасының заңнамасына сәйкес заңмен қорғалатын құпия болып табылады. Оларды жария ету Қазақстан Республикасының заңдарына сәйкес жауаптылыққа әкеп соғады. 13. Қызметтік және салықтық құпияны құрайтын мәліметтер "Қылмыстық жолмен алынған кірістерді заңдастыруға (жылыстатуға), терроризмді қаржыландыруға және жаппай қырып-жою қаруын таратуды қаржыландыруға қарсы іс-қимыл туралы" Қазақстан Республикасының Заңында көзделген мақсаттарда және тәртіппен қаржы мониторингі жөніндегі уәкілетті органға ұсынылады. 14. Осы баптың ережелері автомобиль жолдарында техникалық және авторлық қадағалауды жүзеге асыратын адамдарға және мемлекеттік бюджеттің қаражатынан қаржыландырылатын жобаларды және (немесе) бағдарламаларды іріктеуге қатысатын не жобаларды және (немесе) бағдарламаларды мемлекеттік бюджеттің қаражатынан қаржыландыру немесе мемлекеттік қолдау шараларын ұсыну туралы шешімдер қабылдауға қатысатын алқалы органдардың мүшелеріне (мемлекеттік лауазымды не мемлекеттік ұйымда немесе квазимемлекеттік сектор субъектісінде мемлекеттік функцияларға теңестірілген функцияларды орындауға байланысты лауазымды атқаратын адамдарды қоспағанда) қолданылмайды. Ескерту. 11-бапқа өзгерістер енгізілді - ҚР 26.11.2019 № 273-VI (алғашқы ресми жарияланған күнінен кейін күнтізбелік он күн өткен соң қолданысқа енгізіледі); 03.07.2020№ 359-VI(алғашқы ресми жарияланған күнінен кейін күнтізбелік он күн өткен соң қолданысқа енгізіледі); 29.12.2021№ 91-VII(алғашқы ресми жарияланған күнінен кейін күнтізбелік он күн өткен соң қолданысқа енгізіледі); 05.11.2022№ 157-VII(01.01.2023 бастап қолданысқаенгізіледі); 19.04.2023№ 223-VII(алғашқы ресми жарияланған күнінен кейін күнтізбелік он күн өткен соң қолданысқа енгізіледі); 19.09.2025№ 219-VIII(алғашқы ресми жарияланған күнінен кейін күнтізбелік алпыс күн өткен соң қолданысқаенгізіледі); 11.06.2026№ 306-VIII(қолданысқа енгізілу тәртібін 2-б. қараңыз); 12.06.2026№ 311-VIIІ(алғашқы ресми жарияланған күнінен кейін күнтізбелік алпыс күн өткен соң қолданысқаенгізіледі) Заңдарымен. 12-бап. Сыбайлас жемқорлыққа қарсы шектеулер ЗҚАИ-ның ескертпесі! 1-тармақтың бірінші абзацы жаңа редакцияда көзделген – ҚР 12.06.2026 № 311-VIIІ (01.01.2027 бастап қолданысқа енгізіледі) Заңымен. 1. Жауапты мемлекеттік лауазымды атқаратын адамдардың, мемлекеттік функцияларды орындауға уәкілеттік берілген адамдардың, оларға теңестірілген адамдардың (Қазақстан Республикасының Президенттігіне, Қазақстан Республикасы Құрылтайының немесе мәслихаттарының депутаттығына, аудандық маңызы бар қалалардың, кенттердің, ауылдардың, ауылдық округтердің әкімі болуға, сондай-ақ жергілікті өзін-өзі басқару сайланбалы органдарының мүшелігіне кандидаттарды қоспағанда), лауазымды адамдардың өз өкілеттіктерін жеке, топтық және өзге де қызметтік емес мүдделерде пайдалануына әкеп соғуы мүмкін әрекеттерді жасауына жол бермеу мақсатында, аталған адамдар осы Заңның 13, 14, 14-1 және 15-баптарында белгіленген ерекшеліктерді ескере отырып, өздеріне: 1) мемлекеттік функцияларды орындаумен сыйыспайтын қызметті жүзеге асыру; ЗҚАИ-ның ескертпесі! 2) тармақшаға өзгеріс енгізу көзделген – ҚР 12.06.2026 № 311-VIIІ (01.01.2027 бастап қолданысқа енгізіледі) Заңымен. 2) жақын туыстарының, жұбайлары (зайыптары) мен жекжаттарының бірге қызмет (жұмыс) істеуіне жол бермеу; ЗҚАИ-ның ескертпесі! 3) тармақшаға өзгеріс енгізу көзделген – ҚР 12.06.2026 № 311-VIIІ (01.01.2027 бастап қолданысқа енгізіледі) Заңымен. 3) мүліктік және мүліктік емес игіліктер мен артықшылықтар алу немесе табу мақсатында, ресми таратылуға жатпайтын қызметтік және өзге де ақпаратты пайдалану; 4) материалдық сыйақыны, сыйлықтарды, жеңілдіктерді немесе көрсетілетін қызметтерді ұсынған адамдардың немесе олардың өкілі болған адамдардың пайдасына жасаған әрекеттері (әрекетсіздігі) үшін, егер мұндай әрекеттер осы тармақтың бірінші абзацында аталған адамдардың қызметтік өкілеттіктеріне кірсе немесе осы адамдар лауазымдық жағдайына байланысты мұндай әрекеттерге (әрекетсіздікке) ықпал етуі мүмкін болса, оларды қабылдау; 5) Қазақстан Республикасының шегінен тыс жерде орналасқан шетелдік банктерде шоттарды (салымдарды) ашу және иелену, Қазақстан Республикасының шегінен тыс жерде орналасқан шетелдік банктерде қолма-қол ақша мен құндылықтарды сақтау; ЗҚАИ-ның ескертпесі! 6) тармақшаға өзгеріс енгізу көзделген – ҚР 12.06.2026 № 311-VIIІ (01.01.2027 бастап қолданысқа енгізіледі) Заңымен. 6) "Ойын бизнесі туралы" Қазақстан Республикасының Заңында көзделген анықтамаға жататын ойын мекемелерінде құмар ойындарға және (немесе) бәс тігуге қатысу, сол сияқты құмар ойындарға және (немесе) бәс тігуге сол үшін бөлінбеген орындарда қатысу немесе телекоммуникация желілерін, оның ішінде Интернет желісін пайдалану арқылы өткізілетін құмар ойындарға және (немесе) бәс тігуге қатысу бойынша сыбайлас жемқорлыққа қарсы шектеулерді қабылдайды. ЗҚАИ-ның ескертпесі! 7) тармақшамен толықтыру көзделген – ҚР 12.06.2026 № 311-VIIІ (01.01.2027 бастап қолданысқа енгізіледі) Заңымен. 2. Жекелеген мемлекеттік функцияларды орындау тәртібін реттейтін заңдарда сыбайлас жемқорлықтың алдын алуға бағытталған шектеулерді көздейтін басқа да құқықтық нормалар белгіленуі мүмкін. 3. Сыбайлас жемқорлыққа қарсы шектеулерді қабылдауға осы баптың 1-тармағының бірінші абзацында аталған адамдардың келісімін тиісті ұйымдардың персоналды басқару қызметтері (кадр қызметтері) жазбаша нысанда тіркейді. ЗҚАИ-ның ескертпесі! 4-тармаққа өзгеріс енгізу көзделген – ҚР 12.06.2026 № 311-VIIІ (01.01.2027 бастап қолданысқа енгізіледі) Заңымен. 4. Осы баптың 1-тармағының бірінші абзацында аталған адамдардың сыбайлас жемқорлыққа қарсы шектеулерді қабылдамауы лауазымға қабылдаудан бас тартуға не жұмыстан шығаруға (атқарып жүрген лауазымынан босатуға, өкілеттіктерін тоқтатуға) алып келеді, оларды сақтамау жұмыстан шығаруға (атқарып жүрген лауазымынан босатуға, өкілеттіктерін тоқтатуға) негіз болып табылады. 5. Осы баптың 1-тармағының бірінші абзацында аталған адамның отбасы мүшелері осы адамның материалдық сыйақыны, сыйлықтарды, жеңілдіктерді немесе көрсетілетін қызметтерді ұсынған адамдардың немесе олардың өкілі болған адамдардың пайдасына жасаған әрекеттері (әрекетсіздігі) үшін, егер мұндай әрекеттер осы адамның қызметтік өкілеттіктеріне кірсе не ол өзінің лауазымдық жағдайына байланысты мұндай әрекеттерге (әрекетсіздікке) ықпал етуі мүмкін болса, оларды алуға құқылы емес. 6. Осы баптың 1-тармағының бірінші абзацында аталған адамдар және (немесе) олардың отбасы мүшелері хабардар етілмей, олардың шотына келіп түскен ақша, сондай-ақ олар осы баптың 1-тармағының 4) тармақшасын және 5-тармағын бұза отырып алған қаражат олар анықталғаннан кейін екі аптадан аспайтын мерзімде тиісті мемлекеттік кіріс органына мұндай қаражаттың түсу мән-жайлары туралы түсініктеме беріле отырып, республикалық бюджетке аударылуға жатады. Осы баптың 1-тармағының бірінші абзацында аталған адамдар және (немесе) олардың отбасы мүшелері хабардар етілмей келіп түскен, сондай-ақ олар осы баптың 1-тармағының 4) тармақшасын және 5-тармағын бұза отырып алған сыйлықтар сыйлықтың алынған күнінен бастап не осы баптың 1-тармағының бірінші абзацында аталған адамға сыйлықтың алынғаны туралы мәлім болған күннен бастап күнтізбелік жеті күн ішінде мемлекеттік мүлікті басқару жөніндегі уәкілетті органға өтеусіз берілуге жатады, ал аталған адамдарға нақ сондай мән-жайларда ұсынылған жеңілдіктерге, қызметтерге жеңілдіктер, қызметтер ұсынылған күннен бастап не осы баптың 1-тармағының бірінші абзацында аталған адамға жеңілдіктің, қызметтің ұсынылғаны туралы мәлім болған күннен бастап күнтізбелік жеті күн ішінде республикалық бюджетке ақша аудару арқылы ақы төленуге тиіс. Сыйлықты мемлекеттік мүлікті басқару жөніндегі уәкілетті органға берген адам мұндай сыйлықты "Мемлекеттік мүлік туралы" Қазақстан Республикасының Заңында белгіленген тәртіппен сатып алуға құқылы. Сыйлықтарды сатудан түскен ақша республикалық бюджетке аударылады. 7. Осы баптың 1, 3 және 4-тармақтарының ережелері автомобиль жолдарында техникалық және авторлық қадағалауды жүзеге асыратын адамдарға және мемлекеттік бюджеттің қаражатынан қаржыландырылатын жобаларды және (немесе) бағдарламаларды іріктеуге қатысатын не жобаларды және (немесе) бағдарламаларды мемлекеттік бюджеттің қаражатынан қаржыландыру немесе мемлекеттік қолдау шараларын ұсыну туралы шешімдер қабылдауға қатысатын алқалы органдардың мүшелеріне (мемлекеттік лауазымды не мемлекеттік ұйымда немесе квазимемлекеттік сектор субъектісінде мемлекеттік функцияларға теңестірілген функцияларды орындауға байланысты лауазымды атқаратын адамдарды қоспағанда) қолданылмайды. ЗҚАИ-ның ескертпесі! 7-тармақтың екінші бөлігі 01.01.2027 бастап қолданысқа енгізіледі – ҚР 12.06.2026 № 311-VIIІ Заңымен (мәтін алып тасталды). Мемлекеттік функцияларға теңестірілген функцияларды орындау кезінде осы тармақтың бірінші бөлігінде аталған адамдарға және олардың отбасы мүшелеріне осы баптың 5 және 6-тармақтарының ережелері қолданылады. Ескерту. 12-бапқа өзгерістер енгізілді - ҚР 26.11.2019 № 273-VI (алғашқы ресми жарияланған күнінен кейін күнтізбелік он күн өткен соң қолданысқа енгізіледі); 06.10.2020№ 365-VI(алғашқы ресми жарияланған күнінен кейін күнтізбелік он күн өткен соң қолданысқа енгізіледі); 19.12.2020№ 384-VI(алғашқы ресми жарияланған күнінен кейін күнтізбелік он күн өткен соң қолданысқа енгізіледі); 05.11.2022№ 157-VII(01.01.2023 бастап қолданысқаенгізіледі); 03.01.2023№ 188-VII(алғашқы ресми жарияланған күнінен кейін күнтізбелік алпыс күн өткен соң қолданысқа енгізіледі); 08.07.2024№ 116-VIII(алғашқы ресми жарияланған күнінен кейін күнтізбелік алпыс күн өткен соң қолданысқа енгізіледі); 11.06.2026№ 306-VIII(қолданысқа енгізілу тәртібін 2-б. қараңыз);№ 311-VIIІ(алғашқы ресми жарияланған күнінен кейін күнтізбелік алпыс күн өткен соң қолданысқаенгізіледі) Заңдарымен. 13-бап. Мемлекеттiк функцияларды орындаумен сыйыспайтын қызмет 1. Жауапты мемлекеттік лауазымды атқаратын адамдарға, мемлекеттік функцияларды орындауға уәкілеттік берілген адамдарға (өз қызметін тұрақты емес немесе басқа жұмыстан босатылмаған негізде жүзеге асыратын мәслихат депутаттарын қоспағанда), лауазымды адамдарға, өкілеттігін кәсіби тұрақты негізде жүзеге асыратын, еңбегіне ақы төлеу Қазақстан Республикасының бюджет қаражатынан жүргізілетін аумақтық сайлау комиссияларының мүшелеріне, Қазақстан Республикасы Ұлттық Банкі мен оның ведомстволарының қызметшілеріне, Қазақстан Республикасының әуе кеңістігін пайдалану және авиация қызметі туралы Қазақстан Республикасының заңнамасына сәйкес жұмыс істейтін авиациялық оқиғаларды тергеп-тексеру жөніндегі уәкілетті ұйымның, азаматтық авиация саласындағы уәкілетті ұйымның қызметшілеріне, қаржы нарығы мен қаржы ұйымдарын реттеу, бақылау және қадағалау жөніндегі уәкілетті органның қызметшілеріне, сондай-ақ ұлттық басқарушы холдингтерде, ұлттық холдингтерде, ұлттық компанияларда, ұлттық және өңірлік даму институттарында, олардың еншілес ұйымдарында қызметін жүзеге асыратын, мемлекеттік функцияларды орындауға уәкілеттік берілген адамдарға теңестірілген адамдарға: 1) Қазақстан Республикасының заңнамасына сәйкес лауазымдық міндеттері болып табылатын не осы тармақтың 4) тармақшасында көрсетілген акцияларды басқару үшін қажетті, не осы баптың 2-1-тармағында көзделген, не саяси партияны, кәсіптік одақты, тұтыну кооперативін немесе тұрғын үй-құрылыс кооперативін басқаруға өтеусіз негізде қатысу болып табылатын жағдайларды қоспағанда, коммерциялық немесе коммерциялық емес ұйымды басқаруға қатысуға; 2) кәсіпкерлік қызметпен айналысуға; 3) оқытушылық, ғылыми, шығармашылық қызметті, резервтегі әскери қызмет өткеруді қоспағанда, ақы төленетін басқа да қызметпен айналысуға; 4) Қазақстан Республикасының заңнамасында белгіленген тәртіппен ашық және аралық инвестициялық пай қорларының пайларын, облигацияларды, коммерциялық ұйымдардың акцияларын (ұйымдардың дауыс беретін акциялары жалпы санының бес пайызынан аспайтын көлемдегі жай акцияларды) сатып алуды және (немесе) өткізуді қоспағанда, бағалы қағаздарды сатып алуға тыйым салынады. Медициналық әскери-есептік мамандыққа сәйкес келетін лауазымдарда келісімшарт бойынша әскери қызмет өткеретін әскери қызметшілер әскери қызмет міндеттерін атқаруға кедергі келтірмейтін ақылы медициналық қызметпен айналысуға құқылы. 1-1. Осы баптың 1-тармағының талаптары қолданылмайтын, мемлекеттік функцияларды орындауға уәкілеттік берілген адамдарға теңестірілген адамдар (Қазақстан Республикасының Президенттігіне, Қазақстан Республикасы Құрылтайының немесе мәслихаттардың депутаттығына, аудандық маңызы бар қалалардың, кенттердің, ауылдардың, ауылдық округтердің әкімі болуға, сондай-ақ жергілікті өзін-өзі басқарудың сайланбалы органдарына мүшелікке кандидаттарды қоспағанда) өз бетінше коммерциялық ұйымды басқаруға қатысуға, кәсіпкерлік және басқа да ақы төленетін қызметпен айналысуға: 1) егер тиісті қызмет лауазымдық міндеттерін орындауға кедергі келтірсе; 2) егер тиісті қызмет қызметтік мүлікті пайдалануға алып келсе; 3) мүдделер қақтығысы болған кезде құқылы емес. 1-2. Осы баптың 1-тармағында аталған адамдардың мемлекеттік функцияларды орындаумен сыйыспайтын қызметті жүзеге асыруы бойынша шектеулер осы Заңда және Қазақстан Республикасының өзге де заңдарында белгіленеді. 2. Алып тасталды - ҚР 26.11.2019 № 273-VI Заңымен (алғашқы ресми жарияланған күнінен кейін күнтізбелік он күн өткен соң қолданысқа енгізіледі). 2-1. Ұлттық басқарушы холдингтерде, ұлттық холдингтерде, ұлттық компанияларда, ұлттық және өңірлік даму институттарында, олардың еншілес ұйымдарында қызметін жүзеге асыратын, мемлекеттік функцияларды орындауға уәкілеттік берілген адамдарға теңестірілген адамдар Қазақстан Республикасының заңдарына сәйкес, тиісті ұлттық басқарушы холдингтермен, ұлттық холдингтермен, ұлттық компаниялармен, ұлттық және өңірлік даму институттарымен, олардың еншілес ұйымдарымен үлестес болып табылатын еншілес, тәуелді және өзге де заңды тұлғалардың басқару органдарында, байқау кеңестерінде, атқарушы органдарында ақы төленетін лауазымдарды атқаруға құқылы. 3. Алып тасталды – ҚР 03.01.2026№ 251-VIII(алғашқы ресми жарияланған күнінен кейін күнтізбелік алпыс күн өткен соң қолданысқаенгізіледі) Заңымен. 4. Қазақстан Республикасы Ұлттық Банкінің Төрағасы мен оның орынбасарлары, қаржы нарығы мен қаржы ұйымдарын реттеу, бақылау және қадағалау жөніндегі уәкілетті органның Төрағасы мен оның орынбасарлары, Қазақстан Республикасы Ұлттық Банкі мен оның ведомстволарының қызметшілері, сондай-ақ қаржы нарығы мен қаржы ұйымдарын реттеу, бақылау және қадағалау жөніндегі уәкілетті органның қызметшілері инвестициялық қорлардың пайларын, облигацияларды, коммерциялық ұйымдардың акцияларын сатып алуға құқылы емес. Осы тармақтың бірінші бөлігінде аталған адамдар лауазымға тағайындалған күнінен бастап күнтізбелік отыз күн ішінде өздеріне тиесілі инвестициялық қорлардың пайларын, облигацияларды, коммерциялық ұйымдардың акцияларын Қазақстан Республикасының заңнамасында белгіленген тәртіппен сенімгерлік басқаруға беруге және жұмыс орны бойынша персоналды басқару қызметіне (кадр қызметіне) өздеріне тиесілі инвестициялық қорлардың пайларын, облигацияларды және коммерциялық ұйымдардың акцияларын сенімгерлік басқару шартының нотариат куәландырған көшірмесін ұсынуға міндетті. 5. Осы баптың 1-тармағында аталған адамдар лауазымға кіріскен күнінен бастап күнтізбелік отыз күн ішінде, осы адамдарға заңды түрде тиесілі ақшаны, облигацияларды, ашық және аралық инвестициялық пай қорларының пайларын, коммерциялық ұйымдардың акцияларын (ұйымдардың дауыс беретін акциялары жалпы санының бес пайызынан аспайтын көлемдегі жай акцияларды), цифрлық активтерді, сондай-ақ мүліктік жалдауға (жалға) берілген мүлікті қоспағанда, өздеріне меншік құқығында немесе өзге де заттай құқықта тиесілі, пайдаланылуы кіріс алуға алып келетін мүлікті осы функцияларды орындау уақытында Қазақстан Республикасының заңнамасында белгіленген тәртіппен сенімгерлік басқаруға беруге және көрсетілген мерзімде жұмыс орны бойынша персоналды басқару қызметіне (кадр қызметіне) мүлікті сенімгерлік басқару шартының нотариат куәландырған көшірмесін ұсынуға міндетті. 6. Алып тасталды – ҚР 03.01.2026№ 251-VIII(алғашқы ресми жарияланған күнінен кейін күнтізбелік алпыс күн өткен соң қолданысқаенгізіледі) Заңымен. 7. Қазақстан Республикасының заңнамасында белгіленген тәртіппен сатып алынған ашық және аралық инвестициялық пай қорларының пайларын, облигацияларды, коммерциялық ұйымдардың акцияларын (ұйымдардың дауыс беретін акциялары жалпы санының бес пайызынан аспайтын көлемдегі жай акцияларды), цифрлық активтерді қоспағанда, пайдаланылуы кіріс алуға алып келетін мүлікке меншік құқығы немесе өзге де заттай құқық туындаған жағдайда, осы баптың 1-тармағында аталған адамдар Қазақстан Республикасының заңнамасында белгіленген тәртіппен, меншік құқығы немесе өзге де заттай құқық туындаған күннен бастап күнтізбелік отыз күн ішінде оны сенімгерлік басқаруға беруге және көрсетілген мерзімде жұмыс орны бойынша персоналды басқару қызметіне (кадр қызметіне) мүлікті сенімгерлік басқару шартының нотариат куәландырған көшірмесін ұсынуға міндетті. Қазақстан Республикасы Ұлттық Банкінің Төрағасы мен оның орынбасарлары, қаржы нарығы мен қаржы ұйымдарын реттеу, бақылау және қадағалау жөніндегі уәкілетті органның Төрағасы мен оның орынбасарлары, Қазақстан Республикасы Ұлттық Банкі мен оның ведомстволарының қызметшілері, сондай-ақ қаржы нарығы мен қаржы ұйымдарын реттеу, бақылау және қадағалау жөніндегі уәкілетті органның қызметшілері мұрагерлікті қабылдау нәтижесінде немесе соттардың шешімдері негізінде немесе аталған адамдардың еркінен тыс өзге де жағдайларда алынған, өздеріне тиесілі инвестициялық қорлардың пайларын, облигацияларды, коммерциялық ұйымдардың акцияларын Қазақстан Республикасының заңнамасында белгіленген тәртіппен, меншік құқығы немесе өзге де заттай құқық туындаған күннен бастап күнтізбелік отыз күн ішінде сенімгерлік басқаруға беруге және көрсетілген мерзімде жұмыс орны бойынша персоналды басқару қызметіне (кадр қызметіне) мүлікті сенімгерлік басқару шартының нотариат куәландырған көшірмесін ұсынуға міндетті. 7-1. Осы баптың 1-тармағында аталған адамдар өздеріне меншік құқығында тиесілі тұрғынжайды мүліктік жалдауға (жалға) тапсыруға және осындай тапсырудан кіріс алуға, сондай-ақ сенімгерлік басқаруға берілген мүліктен және өзге де заңды көздерден кіріс алуға құқылы. 8. Осы баптың 1-тармағында аталған адамдардың осы баптың 4, 5 және 7-тармақтарында көзделген міндеттемелерді орындамауы олардың мемлекеттік қызметті немесе өзге де тиісті қызметті тоқтатуы үшін негіз болып табылады. ҚР Конституциялық Сотының 13.06.2023 № 19 нормативтік қаулысымен Мемлекеттік функцияларды орындауға уәкілеттік берілген адамдарға теңестірілген адамдардың кәсіпкерлік қызмет еркіндігі құқығына шектеуді белгілеу бөлігінде, егер мұндай шектеу конституциялық құрылысты қорғау, қоғамдық тәртіпті, адамның құқықтары мен бостандықтарын, халықтың денсаулығы мен имандылығын сақтау мақсаттарына байланысты болмаса, "Сыбайлас жемқорлыққа қарсы іс-қимыл туралы" Қазақстан Республикасы Заңының 13-бабы Қазақстан Республикасы Конституциясының 26-бабының 4-тармағына және 39-бабының 1-тармағына сәйкес келмейді деп танылсын..Ескерту. 13-бапқа өзгерістер енгізілді - ҚР 22.01.2016 № 446-V (алғашқы ресми жарияланған күнінен кейін күнтізбелік он күн өткен соң қолданысқа енгізіледі); 03.07.2019 № 262-VI (01.01.2020 бастап қолданысқа енгізіледі); 26.11.2019 № 273-VI (алғашқы ресми жарияланған күнінен кейін күнтізбелік он күн өткен соң қолданысқа енгізіледі); 05.11.2022№ 157-VII(01.01.2023 бастап қолданысқаенгізіледі); 03.01.2023№ 188-VII(алғашқы ресми жарияланған күнінен кейін күнтізбелік алпыс күн өткен соң қолданысқа енгізіледі); 19.04.2024№ 74-VIII(алғашқы ресми жарияланған күнінен кейін күнтізбелік он күн өткен соң қолданысқа енгізіледі); 18.03.2025№ 175-VIII(алғашқы ресми жарияланған күнінен кейін күнтізбелік алпыс күн өткен соң қолданысқа енгізіледі); 03.01.2026№ 251-VIII(алғашқы ресми жарияланған күнінен кейін күнтізбелік алпыс күн өткен соң қолданысқаенгізіледі); 11.06.2026№ 306-VIII(алғашқы ресми жарияланған күнінен кейін күнтізбелік он күн өткен соң қолданысқаенгізіледі); 11.06.2026№ 306-VIII(01.07.2026 бастап қолданысқаенгізіледі); 12.06.2026№ 311-VIIІ(алғашқы ресми жарияланған күнінен кейін күнтізбелік алпыс күн өткен соң қолданысқаенгізіледі) Заңдарымен. ЗҚАИ-ның ескертпесі! 14-бап жаңа редакцияда көзделген – ҚР 12.06.2026 № 311-VIIІ (01.01.2027 бастап қолданысқа енгізіледі) Заңымен. 14-бап. Жақын туыстардың, ерлі-зайыптылардың немесе жекжаттардың бiрге қызмет (жұмыс) iстеуiне жол бермеу 1. Жауапты мемлекеттік лауазымды атқаратын адамдар, мемлекеттiк функцияларды орындауға уәкілеттік берілген адамдар (өз қызметін тұрақты емес немесе басқа жұмыстан босатылған негізде жүзеге асыратын мәслихат депутаттарын қоспағанда) және мемлекеттік функцияларды орындауға уәкілеттік берілген адамдарға теңестірілген адамдар (Қазақстан Республикасының Президенттігіне, Қазақстан Республикасы Құрылтайының немесе мәслихаттарының депутаттығына, аудандық маңызы бар қалалардың, кенттердің, ауылдардың, ауылдық округтердің әкімі болуға, сондай-ақ жергілікті өзін-өзі басқарудың сайланбалы органдарына мүшелікке кандидаттарды қоспағанда), лауазымды адамдар өздерiнiң жақын туыстары, жұбайы (зайыбы) және (немесе) жекжаттары атқаратын лауазымдарға тiкелей бағынысты болатын лауазымдарды атқара алмайды, сондай-ақ жақын туыстары, жұбайы (зайыбы) және (немесе) жекжаттары тікелей бағынысында бола алмайды. 1-1. Мемлекеттік лауазымға не мемлекеттік немесе соларға теңестірілген функцияларды атқаруға байланысты лауазымға кандидаттар болып табылатын адамдар өздері лауазымды атқаруға үміткер ұйымның басшылығын осы ұйымда жұмыс істейтін жақын туыстары, жұбайы және (немесе) жекжаттары туралы жазбаша нысанда хабардар етуге міндетті. 2. Осы баптың 1-тармағының талаптарын бұзатын адамдар, егер олар көрсетілген бұзушылық байқалған кезден бастап үш ай ішінде оны ерікті түрде жоймаса, осындай бағыныстылықты болғызбайтын лауазымға ауысуға тиіс, ал осындай ауысу мүмкін болмаған кезде осы қызметшілердің біреуі лауазымынан шығарылуға немесе көрсетілген функциялардан өзгедей босатылуға тиіс. 3. Осы баптың 1-тармағында аталған адамдардың квазимемлекеттік сектор субъектісінің бір басқару органында (байқау кеңесінде, атқарушы органында) өзінің жақын туыстарымен, жұбайымен (зайыбымен) және (немесе) жекжаттарымен бірге лауазымдарды атқаруына тыйым салынады. Осы тармақтың бірінші бөлігінің талаптарын бұзатын адамдар, егер олар көрсетілген бұзушылық анықталған кезден бастап үш ай ішінде оны ерікті түрде жоймаса, квазимемлекеттік сектор субъектісінің бір басқару органында (байқау кеңесінде, атқарушы органында) бірлескен қызметті (жұмысты) болғызбайтын лауазымға ауысуға жатады, ал мұндай ауысу мүмкін болмаған кезде осы жұмыскерлердің біреуі қызметтен шығарылуға немесе көрсетілген функциялардан өзге де босатылуға жатады. Ескертпе. Осы Заңда жақын туыстар деп ата-аналары (ата-анасы), балалары, асырап алушылар, асырып алынған балалар, ата-анасы бір және ата-анасы бөлек аға-інілері мен апа-сіңлілері (қарындастары), атасы, әжесі, немерелері, жекжаттар деп – жұбайының (зайыбының) ата-анасы бір және ата-анасы бөлек аға-інілері мен апа-сіңлілері (қарындастары), ата-аналары мен балалары түсініледі. Ескерту. 14-бапқа өзгеріс енгізілді - ҚР 26.11.2019 № 273-VI (алғашқы ресми жарияланған күнінен кейін күнтізбелік он күн өткен соң қолданысқа енгізіледі); 06.10.2020№ 365-VI(алғашқы ресми жарияланған күнінен кейін күнтізбелік он күн өткен соң қолданысқа енгізіледі); 05.11.2022№ 157-VII(01.01.2023 бастап қолданысқаенгізіледі); 03.01.2023№ 188-VII(алғашқы ресми жарияланған күнінен кейін күнтізбелік алпыс күн өткен соң қолданысқа енгізіледі); 11.06.2026№ 306-VIII(қолданысқа енгізілу тәртібін 2-б. қараңыз) Заңдарымен. 14-1-бап. Қазақстан Республикасының шегінен тыс жерде орналасқан шетелдік банктерде шоттарды (салымдарды) ашуға, иеленуге, қолма-қол ақша мен құндылықтарды сақтауға жол бермеу 1. Жауапты мемлекеттік лауазым атқаратын адамдарға, мемлекеттік функцияларды орындауға уәкілеттік берілген адамдарға (мәслихат депутаттарын қоспағанда), лауазымды адамдарға Қазақстан Республикасының шегінен тыс жерде орналасқан шетелдік банктерде шоттарды (салымдарды) ашуға және иеленуге, Қазақстан Республикасының шегінен тыс жерде орналасқан шетелдік банктерде қолма-қол ақша мен құндылықтарды сақтауға тыйым салынады. Ескертпе. Осы тармақта көзделген шектеу Қазақстан Республикасының аумағында орналасқан Қазақстан Республикасы бейрезидент банктерінің филиалдарына қолданылмайды. 2. Осы баптың 1-тармағында көрсетілген адамдар лауазымға орналасқан немесе осы баптың 4-тармағында көрсетілген мән-жайлар жойылған күннен бастап алты ай ішінде Қазақстан Республикасының шегінен тыс жерде орналасқан шетелдік банктердегі шоттарды (салымдарды) жабуға және (немесе) Қазақстан Республикасының шегінен тыс жерде орналасқан шетелдік банктерде қолма-қол ақша мен құндылықтарды сақтауды тоқтатуға міндетті. Егер осы баптың 1-тармағында көрсетілген адамдар аумағында шоттары (салымдары) орналасқан және (немесе) шетелдік банкте қолма-қол ақша мен құндылықтарды сақтау жүзеге асырылатын шет мемлекеттің заңнамасына сәйкес осы шет мемлекеттің құзыретті органдары қолданған тыйым салуға, билік етуге тыйым салуға байланысты немесе осы баптың 1-тармағында аталған адамдардың еркінен тыс еңсерілмейтін күш мән-жайларына (дүлей құбылыстар, әскери іс-қимылдар, төтенше жағдай, банктік шот (салым) туралы шарттың қолданысын мерзімінен бұрын тоқтатудың мүмкін болмауы және өзге де мән-жайлар) байланысты осы тармақтың бірінші бөлігінде көзделген талаптарды орындай алмаған жағдайда, мұндай талаптар тыйым салудың, билік етуге тыйым салудың қолданылуы тоқтатылған немесе өзге де мән-жайлар тоқтатылған күннен бастап алты ай ішінде тиісті фактілерді растайтын құжаттар ұсыныла отырып орындалуға тиіс. 3. Осы баптың 1-тармағында көрсетілген адамдар Қазақстан Республикасының заңнамасына немесе шет мемлекеттің заңнамасына сәйкес мұраны қабылдау нәтижесінде Қазақстан Республикасының шегінен тыс жерде орналасқан шетелдік банктердегі шоттарды (салымдарды), қолма-қол ақша мен құндылықтарды иеленуге және (немесе) пайдалануға алған жағдайда, көрсетілген адамдар мұраны қабылдаған күннен бастап алты ай ішінде Қазақстан Республикасының шегінен тыс жерде орналасқан шетелдік банктердегі шоттарды (салымдарды) жабуға және (немесе) қолма-қол ақша мен құндылықтарды сақтауды тоқтатуға міндетті. 4. Осы баптың 1, 2 және 3-тармақтарының ережелері осы баптың 1-тармағында аталған, Қазақстан Республикасының шет елдердегі мекемелеріне, өкілдіктеріне және Қазақстан Республикасынан халықаралық ұйымдарға жұмысқа жіберілген, сондай-ақ көрсетілген ұйымдарға іссапарға жіберілген адамдарға көрсетілген ұйымдардағы жұмыс кезеңіне немесе шетелде білім алатын, немесе шетелде тағылымдамадан өтетін, немесе шетелдік іссапарда жүрген, немесе шетелде емделіп жатқан адамдарға немесе кәмелеттік жасқа толмаған баланың заңды өкілі ретінде не кәмелеттік жасқа толған адамның қорғаншысы немесе қамқоршысы ретінде тиісті адамның шетелде оқуы не емделуі кезеңінде шетелде болатын адамдарға қолданылмайды. 5. Осы бапта көзделген мерзімдер ішінде осы баптың 1-тармағында көрсетілген адамдар мемлекеттік қызметті немесе өзге де тиісті қызметті өз қалауы бойынша тоқтату туралы өтініш беруге құқылы. Ескерту. 2-тарау 14-1-баппен толықтырылды - ҚР 19.12.2020№ 384-VI(алғашқы ресми жарияланған күнінен кейін күнтізбелік он күн өткен соң қолданысқа енгізіледі) Заңымен. ЗҚАИ-ның ескертпесі! 15-бап жаңа редакцияда көзделген – ҚР 12.06.2026 № 311-VIIІ (01.01.2027 бастап қолданысқа енгізіледі) Заңымен. 15-бап. Мүдделер қақтығысы 1. Жауапты мемлекеттік лауазымды атқаратын адамдарға, мемлекеттік функцияларды орындауға уәкілеттік берілген адамдарға, мемлекеттік функцияларды орындауға уәкілеттік берілген адамдарға теңестірілген адамдарға, лауазымды адамдарға, егер мүдделер қақтығысы орын алған болса, лауазымдық міндеттерін жүзеге асыруға тыйым салынады. 2. Осы баптың 1-тармағында аталған адамдар мүдделер қақтығысын болғызбау және шешу бойынша шаралар қабылдауға тиіс. 3. Осы баптың 1-тармағында аталған адамдар тікелей басшысына не өздері жұмыс істейтін ұйымның басшылығына туындаған мүдделер қақтығысы туралы немесе оның туындау мүмкіндігі туралы, өздеріне бұл жөнінде мәлім болысымен жазбаша нысанда хабарлауға міндетті. Тікелей басшысы не ұйымның басшылығы осы баптың 1-тармағында аталған адамдардың өтініштері бойынша немесе басқа да көздерден ақпарат алған кезде мүдделер қақтығысын болғызбау және реттеу бойынша мынадай шараларды уақтылы қабылдауға: 1) осы баптың 1-тармағында аталған адамдарды лауазымдық міндеттерін орындаудан шеттетуге және мүдделер қақтығысы туындаған немесе туындауы мүмкін мәселе бойынша лауазымдық міндеттерді орындауды басқа адамға тапсыруға; 2) лауазымдық міндеттерін өзгертуге; 3) мүдделер қақтығысын жою бойынша өзге де шаралар қабылдауға міндетті. ЗҚАИ-ның ескертпесі! 15-1, 15-2, 15-3, 15-4, 15-5-баптармен толықтыру көзделген – ҚР 12.06.2026 № 311-VIIІ (01.01.2027 бастап қолданысқа енгізіледі) Заңымен. 16-бап. Кәсіпкерлік саласындағы сыбайлас жемқорлыққа қарсы іс-қимыл шаралары 1. Кәсіпкерлік субъектілері өз қызметін жүзеге асыру кезінде сыбайлас жемқорлықтың алдын алу жөнінде, оның ішінде сыбайлас жемқорлық құқық бұзушылықтар жасауға ықпал ететін себептер мен жағдайларды барынша азайту бойынша: 1) шешімдер қабылдау рәсімдерінің есептілігін, бақылауда болуын және ашықтығын қамтамасыз ететін ұйымдық-құқықтық тетіктерді белгілеу; 2) адал бәсекелестік қағидаттарын сақтау; ЗҚАИ-ның ескертпесі! 3) тармақшаға өзгеріс енгізу көзделген – ҚР 12.06.2026 № 311-VIIІ (01.01.2027 бастап қолданысқа енгізіледі) Заңымен. 3) мүдделер қақтығыстарын болғызбау; 4) іскерлік әдеп нормаларын қабылдау және сақтау; 5) сыбайлас жемқорлыққа қарсы мәдениетті қалыптастыру жөніндегі шараларды қабылдау; 6) сыбайлас жемқорлықтың алдын алу мәселелері бойынша мемлекеттік органдармен және өзге де ұйымдармен өзара іс-қимыл жасау арқылы шаралар қабылдайды. 2. Кәсіпкерлік субъектілері үшін сыбайлас жемқорлықтың алдын алу жөніндегі стандарттарды кәсіпкерлік субъектілерінің бірлестіктері (қауымдастықтары, одақтары) әзірлеуі және қабылдауы мүмкін. 3. Квазимемлекеттік сектор субъектісінде негізгі міндеті осы ұйымның және оның жұмыскерлерінің Қазақстан Республикасының сыбайлас жемқорлыққа қарсы іс-қимыл туралы заңнамасын сақтауын қамтамасыз ету болып табылатын құрылымдық бөлімше немесе сыбайлас жемқорлыққа қарсы комплаенс-қызметтің функцияларын атқаратын жауапты адам айқындалады. Бұл ретте сыбайлас жемқорлыққа қарсы комплаенс-қызметтің функцияларын атқаратын жауапты адам мүдделердің ықтимал қақтығысы ескеріле отырып айқындалады. Сыбайлас жемқорлыққа қарсы комплаенс-қызметтің басшысы, жұмыскерлері немесе сыбайлас жемқорлыққа қарсы комплаенс-қызметтің функцияларын орындайтын жауапты адам өз өкілеттіктерін квазимемлекеттік сектор субъектісінің атқарушы органынан, лауазымды адамдарынан тәуелсіз жүзеге асырады, директорлар кеңесіне, байқау кеңесіне (ол болған кезде) немесе өзге де тәуелсіз басқару органына есеп береді және Қазақстан Республикасының сыбайлас жемқорлыққа қарсы іс-қимыл туралы заңнамасы талаптарының сақталуын қамтамасыз ету кезінде тәуелсіз болады. Сыбайлас жемқорлыққа қарсы комплаенс-қызметтің немесе сыбайлас жемқорлыққа қарсы комплаенс-қызметтің функцияларын орындайтын жауапты адамның құзыреті, жұмысын ұйымдастыру және жұмыс істеу тәртібі квазимемлекеттік сектор субъектілеріндегі сыбайлас жемқорлыққа қарсы комплаенс-қызметтер туралы үлгілік ереже негізінде квазимемлекеттік сектор субъектісінің ішкі актісінде айқындалады. Сыбайлас жемқорлыққа қарсы саясат жөніндегі уәкілетті орган кәсіпкерлік жөніндегі уәкілетті органмен келісу бойынша квазимемлекеттік сектор субъектілеріндегі сыбайлас жемқорлыққа қарсы комплаенс-қызметтер туралы үлгілік ережені әзірлейді және бекітеді. Квазимемлекеттік сектор субъектілері болып табылмайтын кәсіпкерлік субъектілері сыбайлас жемқорлыққа қарсы комплаенс-қызметтер құруға құқылы. Сыбайлас жемқорлыққа қарсы комплаенс-қызмет немесе сыбайлас жемқорлыққа қарсы комплаенс-қызметтің функцияларын орындайтын жауапты адам квазимемлекеттік сектор субъектілеріндегі сыбайлас жемқорлыққа қарсы комплаенс-қызметтер туралы үлгілік ережеде көзделген тәртіппен сыбайлас жемқорлыққа қарсы саясат жөніндегі уәкілетті органмен өзара іс-қимыл жасайды. Ескерту. 16-бапқа өзгеріс енгізілді – ҚР 06.10.2020№ 365-VI(алғашқы ресми жарияланған күнінен кейін күнтізбелік он күн өткен соң қолданысқа енгізіледі); 08.06.2021№ 48-VII(01.01.2022 бастап қолданысқа енгізіледі); 03.01.2023№ 188-VII(алғашқы ресми жарияланған күнінен кейін күнтізбелік алпыс күн өткен соң қолданысқа енгізіледі); 12.06.2026№ 311-VIIІ(қолданысқа енгізілу тәртібін2-баптанқараңыз) Заңдарымен. 17-бап. Сыбайлас жемқорлыққа қарсы іс-қимыл туралы ұлттық баяндама 1. Сыбайлас жемқорлыққа қарсы іс-қимыл туралы ұлттық баяндама – сыбайлас жемқорлықтың халықаралық және ұлттық деңгейлерде таралу жай-күйі мен үрдістерін талдау мен бағалау, сыбайлас жемқорлыққа қарсы саясатты қалыптастыру, іске асыру және жетілдіру жөніндегі ұсыныстар қамтылған құжат. 2. Сыбайлас жемқорлыққа қарсы саясат жөніндегі уәкілетті орган Сыбайлас жемқорлыққа қарсы іс-қимыл туралы ұлттық баяндаманы қалыптастырады және оны Қазақстан Республикасының Президентіне ұсынады. 3. Сыбайлас жемқорлыққа қарсы іс-қимыл туралы ұлттық баяндама сыбайлас жемқорлыққа қарсы іс-қимыл мәселелері бойынша сыбайлас жемқорлыққа қарсы саясат жөніндегі уәкілетті орган, сыбайлас жемқорлыққа қарсы күрес жөніндегі уәкілетті орган жұмысының және мемлекеттік органдардың, жеке және заңды тұлғалардың қызметінің нәтижелері негізінде қалыптастырылады. 4. Сыбайлас жемқорлыққа қарсы іс-қимыл туралы ұлттық баяндаманы дайындау, Қазақстан Республикасы Президентіне енгізу және жариялау тәртібін Қазақстан Республикасының Президенті бекітеді. Ескерту. 17-бапқа өзгерістер енгізілді - ҚР 06.04.2016№ 484-V(алғашқы ресми жарияланған күнінен кейін күнтізбелік он күн өткен соң қолданысқа енгізіледі); 26.11.2019 № 273-VI (алғашқы ресми жарияланған күнінен кейін күнтізбелік он күн өткен соң қолданысқа енгізіледі); 12.06.2026№ 311-VIIІ(алғашқы ресми жарияланған күнінен кейін күнтізбелік он күн өткен соң қолданысқаенгізіледі) Заңдарымен. 3-тарау. СЫБАЙЛАС ЖЕМҚОРЛЫҚҚА ҚАРСЫ ІС-ҚИМЫЛ СУБЪЕКТІЛЕРІЖӘНЕ ОЛАРДЫҢ ӨКІЛЕТТІКТЕРІ 18-бап. Сыбайлас жемқорлыққа қарсы іс-қимыл субъектілері Сыбайлас жемқорлыққа қарсы іс-қимыл субъектілеріне мыналар жатады: 1) сыбайлас жемқорлыққа қарсы саясат жөніндегі уәкілетті орган; 2) сыбайлас жемқорлыққа қарсы күрес жөніндегі уәкілетті орган мен оның ведомствосы; 3) сыбайлас жемқорлыққа қарсы іс-қимылдың өзге де субъектілері – мемлекеттік органдар, квазимемлекеттік сектор субъектілері, қоғамдық бірлестіктер, сондай-ақ өзге де жеке және заңды тұлғалар. Ескерту. 18-бап жаңа редакцияда – ҚР 12.06.2026№ 311-VIIІ(алғашқы ресми жарияланған күнінен кейін күнтізбелік он күн өткен соң қолданысқаенгізіледі) Заңымен. 19-бап. Сыбайлас жемқорлыққа қарсы күрес жөніндегі уәкілетті органның қызметкерлері Сыбайлас жемқорлыққа қарсы күрес жөніндегі уәкілетті органның қызметкерлері қызметтік міндеттерін атқару кезінде "Қазақстан Республикасының арнаулы мемлекеттік органдары туралы" Қазақстан Республикасының Заңында және Қазақстан Республикасының өзге де заңдарында, сондай-ақ Қазақстан Республикасы Президентінің актілерінде белгіленген өкілеттіктерге ие болады. Ескерту. 19-бап жаңа редакцияда – ҚР 12.06.2026№ 311-VIIІ(алғашқы ресми жарияланған күнінен кейін күнтізбелік он күн өткен соң қолданысқаенгізіледі) Заңымен. 20-бап. Сыбайлас жемқорлыққа қарсы саясат жөніндегі уәкілетті органның құзыреті Ескерту. 20-баптың тақырыбына өзгеріс енгізілді – ҚР 12.06.2026 № 311-VIIІ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) Заңымен. Сыбайлас жемқорлыққа қарсы саясат жөніндегі уәкілетті орган мынадай функцияларды: 1) осы Заңның мақсаты мен міндеттеріне және Қазақстан Республикасының заңнамасына сәйкес Қазақстан Республикасының сыбайлас жемқорлыққа қарсы іс-қимыл саласындағы нормативтік құқықтық актілерін әзірлеуді және бекітуді; 2) осы Заңға сәйкес, мемлекеттік органдар, ұйымдар және квазимемлекеттік сектор субъектілерінің қызметінде сыбайлас жемқорлық құқық бұзушылықтар жасауға ықпал ететін себептер мен жағдайларды анықтауды; 2-1) әкімшілік сыбайлас жемқорлық құқық бұзушылықтарды анықтауды және олардың жолын кесуді, әкімшілік сыбайлас жемқорлық құқық бұзушылықтар туралы хаттамалар жасауды; 2-2) Қазақстан Республикасының сыбайлас жемқорлыққа қарсы саясатын қалыптастыруды және іске асыруды, сыбайлас жемқорлыққа қарсы іс-қимыл саласында үйлестіруді; 3) Қазақстан Республикасы Үкіметінің қарауына мемлекеттік органдар, ұйымдар және квазимемлекеттік сектор субъектілерінің қызметінде сыбайлас жемқорлықтың туындау себептері мен жағдайларын барынша азайту және жою жөнінде ұсынымдар енгізуді; 4) Сыбайлас жемқорлыққа қарсы іс-қимыл туралы ұлттық баяндаманы Қазақстан Республикасының Президентіне ұсынуды; 4-1) сыбайлас жемқорлықтың алдын алу, сыбайлас жемқорлық құқық бұзушылықтар жасауға ықпал ететін себептер мен жағдайларды барынша азайту және жою мәселелерінде мемлекеттік органдардың, ұйымдар мен квазимемлекеттік сектор субъектілерінің қызметін үйлестіруді, қоғамда сыбайлас жемқорлыққа қарсы мәдениетті қалыптастыруды; 4-2) сыбайлас жемқорлық деңгейін бағалауды және мемлекеттік және жеке секторлардағы сыбайлас жемқорлық деңгейін айқындау үшін қажетті әлеуметтік зерттеулер жүргізуді; 4-3) квазимемлекеттік сектор субъектісінде әдіснамалық қолдау, оқыту іс-шараларын жүргізу және сыбайлас жемқорлыққа қарсы іс-қимыл жөніндегі ақпарат алмасу шеңберінде квазимемлекеттік сектор субъектілеріндегі сыбайлас жемқорлыққа қарсы комплаенс-қызметтердің қызметін үйлестіруді; 5) сыбайлас жемқорлық тәуекелдерін сыртқы талдау нәтижелері бойынша шығарылған, сыбайлас жемқорлық құқық бұзушылықтар жасауға ықпал ететін себептер мен жағдайларды жою жөніндегі ұсынымдарды мемлекеттік органдардың, ұйымдардың, квазимемлекеттік сектор субъектілерінің орындауын мониторингтеуді; 6) алып тасталды – ҚР 12.06.2026№ 311-VIIІ(алғашқы ресми жарияланған күнінен кейін күнтізбелік он күн өткен соң қолданысқаенгізіледі) Заңымен; 7) сыбайлас жемқорлыққа қарсы іс-қимылдың оң тәжірибесін зерделеуді және таратуды; 8) сыбайлас жемқорлыққа қарсы мәдениетті қалыптастыру саласында білім беру бағдарламаларын жетілдіру жөнінде ұсыныстар тұжырымдауды; 9) сыбайлас жемқорлыққа қарсы мәдениетті қалыптастыруға бағытталған, сыбайлас жемқорлыққа қарсы білім беру мен тәрбиелеу, ақпараттық және түсіндіру қызметі, мемлекеттік әлеуметтік тапсырысты орындау бойынша білім беру бағдарламаларын іске асыруда сыбайлас жемқорлыққа қарсы іс-қимыл субъектілеріне жәрдемдесуді және әдістемелік көмек көрсетуді; 10) сыбайлас жемқорлыққа қарсы саясат жөніндегі уәкілетті орган қызметінің негізгі бағыттары бойынша басқа да мемлекеттік органдармен, жеке және заңды тұлғалармен өзара іс-қимыл жасауды; 11) сыбайлас жемқорлыққа қарсы іс-қимыл мәселелері бойынша халықаралық шарттардың жобаларын дайындауға қатысуды, сыбайлас жемқорлыққа қарсы іс-қимыл мәселелері бойынша шет мемлекеттердің тиісті органдарымен өзара іс-қимыл жасауды, өз өкілеттіктері шегінде халықаралық ұйымдардың қызметіне қатысуды; 12) Қазақстан Республикасының заңдарымен, сондай-ақ Қазақстан Республикасы Президентінің актілерімен жүктелген өзге де функцияларды жүзеге асырады. Ескерту. 20-бапқа өзгерістер енгізілді - ҚР 06.04.2016 № 484-V (алғашқы ресми жарияланған күнінен кейін күнтізбелік он күн өткен соң қолданысқа енгізіледі); 26.11.2019 № 273-VI (алғашқы ресми жарияланған күнінен кейін күнтізбелік он күн өткен соң қолданысқа енгізіледі); 03.01.2023№ 188-VII(алғашқы ресми жарияланған күнінен кейін күнтізбелік алпыс күн өткен соң қолданысқа енгізіледі); 12.06.2026№ 311-VIIІ(алғашқы ресми жарияланған күнінен кейін күнтізбелік он күн өткен соң қолданысқаенгізіледі) Заңдарымен. 20-1-бап. Сыбайлас жемқорлыққа қарсы күрес жөніндегі уәкілетті органның құзыреті Сыбайлас жемқорлыққа қарсы күрес жөніндегі уәкілетті орган мынадай функцияларды жүзеге асырады: 1) Қазақстан Республикасының сыбайлас жемқорлыққа қарсы күрес мәселелері бойынша нормативтік құқықтық актілерін осы Заңның мақсаты мен міндеттеріне және Қазақстан Республикасының заңнамасына сәйкес әзірлеу және бекіту; 2) сыбайлас жемқорлық қылмыстарды анықтау, олардың жолын кесу, ашу және тергеп-тексеру; 3) әкімшілік сыбайлас жемқорлық құқық бұзушылықтарды анықтау және олардың жолын кесу, әкімшілік сыбайлас жемқорлық құқық бұзушылықтар туралы хаттамалар жасау; 4) сыбайлас жемқорлыққа қарсы күрес жөніндегі уәкілетті органның негізгі қызмет бағыттары бойынша басқа да мемлекеттік органдармен, жеке және заңды тұлғалармен өзара іс-қимыл жасау; 5) сыбайлас жемқорлыққа қарсы күрес мәселелері бойынша халықаралық шарттардың жобаларын дайындауға қатысу, шет мемлекеттердің тиісті органдарымен сыбайлас жемқорлыққа қарсы күрес мәселелері бойынша өзара іс-қимыл жасау, өз өкілеттіктері шегінде халықаралық ұйымдардың қызметіне қатысу; 6) Қазақстан Республикасының заңдарымен, сондай-ақ Қазақстан Республикасы Президентінің актілерімен жүктелген өзге де функциялар. Сыбайлас жемқорлыққа қарсы күрес жөніндегі уәкілетті органның ведомствосы өз қызметін осы уәкілетті органның құзыреті шегінде жүзеге асырады. Ескерту. 20-1-баппен толықтырылды – ҚР 12.06.2026№ 311-VIIІ(алғашқы ресми жарияланған күнінен кейін күнтізбелік он күн өткен соң қолданысқаенгізіледі) Заңымен. 21-бап. Сыбайлас жемқорлыққа қарсы саясат жөніндегі уәкілетті органның өкілеттіктері 1. Сыбайлас жемқорлыққа қарсы саясат жөніндегі уәкілетті орган өзіне жүктелген функцияларды орындау кезінде: 1) мыналарға: мемлекеттік органдардан, ұйымдардан, квазимемлекеттік сектор субъектілерінен және лауазымды адамдардан ақпарат пен материалдарды Қазақстан Республикасының заңнамасында белгіленген тәртіппен сұратуға; құжаттарды немесе өзге мүлікті Қазақстан Республикасының Әкімшілік құқық бұзушылық туралы кодексіне сәйкес алып қоюға құқылы; 2) мыналарға: Қазақстан Республикасының сыбайлас жемқорлыққа қарсы іс-қимыл туралы заңнамасының бұзылуы анықталған жағдайда заңнамада белгіленген тәртіппен оларды жою жөнінде шаралар қабылдауға; Қазақстан Республикасының Әкімшілік құқық бұзушылық туралы кодексінде белгіленген тәртіппен әкімшілік құқық бұзушылықтар туралы істер бойынша іс жүргізуді жүзеге асыруға міндетті. 2. Сыбайлас жемқорлыққа қарсы саясат жөніндегі уәкілетті орган Қазақстан Республикасының заңдарымен және Қазақстан Республикасы Президентінің актілерімен жүктелген өзге де өкілеттіктерді жүзеге асырады. Ескерту. 21-бап жаңа редакцияда – ҚР 12.06.2026№ 311-VIIІ(алғашқы ресми жарияланған күнінен кейін күнтізбелік он күн өткен соң қолданысқаенгізіледі) Заңымен. 21-1-бап. Сыбайлас жемқорлыққа қарсы күрес жөніндегі уәкілетті органның өкілеттіктері Сыбайлас жемқорлыққа қарсы күрес жөніндегі уәкілетті орган өзіне жүктелген функцияларды орындау кезінде: 1) мыналарға: мемлекеттік органдардан, ұйымдардан, квазимемлекеттік сектор субъектілерінен және лауазымды адамдардан ақпарат пен материалдарды, оның ішінде цифрлық ресурстардан Қазақстан Республикасының заңнамасында белгіленген тәртіппен сұратуға; іс жүргізудегі қылмыстық істер бойынша шақыртуға келуден жалтарған адамдарды күштеп әкелуге; Қазақстан Республикасының қылмыстық-процестік заңнамасына және (немесе) Қазақстан Республикасының әкімшілік құқық бұзушылық туралы заңнамасына сәйкес құжаттарды, тауарларды, заттарды немесе өзге мүлікті алып қоюға немесе тінту мен алуды жүргізуге; Қазақстан Республикасының заңнамасында көзделген тәртіппен уақытша ұстау изоляторларын, тергеу изоляторларын пайдалануға; мемлекеттік органдар мен өзге де ұйымдарға немесе оларда басқару функцияларын орындайтын адамдарға қылмыстық құқық бұзушылық жасауға ықпал еткен мән-жайларды жою немесе басқа да заң бұзушылықтарды жою жөніндегі шараларды қабылдау туралы ұсынуларды Қазақстан Республикасының қылмыстық-процестік заңнамасында белгіленген тәртіппен енгізуге; Қазақстан Республикасының заңнамасында көзделген жағдайларда уәкілетті органдардан, лауазымды адамдардан және квазимемлекеттік сектор субъектілерінен ревизиялар, салықтық және басқа да тексерулер, аудит және бағалау жүргізуді талап етуге; Қазақстан Республикасының заңнамасына сәйкес өзіне жүктелген міндеттерді шешуді қамтамасыз ететін цифрлық жүйелерді құруға және пайдалануға, сотқа дейінгі тергеп-тексеру барысында зерттеуді, Қазақстан Республикасының заңнамасында белгіленген тәртіппен әкімшілік құқық бұзушылық туралы істер бойынша іс жүргізуді ұйымдастыруға; ұстап алынғандарды және күзетпен қамауға алынған адамдарды айдауылмен алып жүруге; сыбайлас жемқорлық қылмыстар бойынша жедел-іздестіру және тергеу қызметінің, сотқа дейінгі тергеп-тексеру практикасына талдау жүргізуге құқылы; 2) мыналарға: сыбайлас жемқорлық қылмыстарды анықтауға, олардың жолын кесуге, ашуға және тергеп-тексеруге; сыбайлас жемқорлық қылмыстарға қарсы күрестің нысандары мен әдістерін жетілдіруге, жедел-іздестіру қызметінің стратегиясы мен тактикасын айқындауға, оның тиімділігін арттыру жөніндегі шараларды әзірлеуге және іске асыруға; Қазақстан Республикасының Әкімшілік құқық бұзушылық туралы кодексінде белгіленген тәртіппен әкімшілік құқық бұзушылықтар туралы істер бойынша іс жүргізуді жүзеге асыруға міндетті. 2. Сыбайлас жемқорлыққа қарсы күрес жөніндегі уәкілетті орган Қазақстан Республикасының заңдарымен және Қазақстан Республикасы Президентінің актілерімен жүктелген өзге де өкілеттіктерді жүзеге асырады. Ескерту. 21-1-баппен толықтырылды – ҚР 12.06.2026№ 311-VIIІ(алғашқы ресми жарияланған күнінен кейін күнтізбелік он күн өткен соң қолданысқаенгізіледі) Заңымен. 22-бап. Мемлекеттік органдардың, ұйымдардың, квазимемлекеттік сектор субъектілері мен сыбайлас жемқорлыққа қарсы іс-қимыл жөніндегі лауазымды адамдардың өкілеттіктері 1. Сыбайлас жемқорлыққа қарсы іс-қимылды өз құзыреті шегінде барлық мемлекеттік органдар, ұйымдар, квазимемлекеттік сектор субъектілері мен лауазымды адамдар жүргізуге міндетті. 1-1. Мемлекеттік органдардың, ұйымдардың, квазимемлекеттік сектор субъектілерінің басшылары бағынысты адамдардың және ведомстволық бағынысты ұйымдар басшыларының сыбайлас жемқорлыққа қарсы іс-қимыл жасау, сондай-ақ сыбайлас жемқорлық құқық бұзушылықтар жасалуының алдын алу жөніндегі лауазымдық міндеттерін орындамағаны немесе тиісінше орындамағаны үшін Қазақстан Республикасының заңдарына сәйкес тәртіптік жауаптылықта болады. 2. Сыбайлас жемқорлық құқық бұзушылықтарды анықтауды, жолын кесуді, ашуды, тергеп-тексеруді және алдын алуды өз құзыреті шегінде прокуратура, ұлттық қауіпсіздік, ішкі істер, әскери полиция органдары, экономикалық тергеп-тексеру қызметі жүзеге асырады. Ескерту. 22-бапқа өзгерістер енгізілді - ҚР 28.12.2018№ 210-VІ(алғашқы ресми жарияланған күнінен кейін күнтізбелік он күн өткен соң қолданысқа енгізіледі); 26.11.2019 № 273-VI (алғашқы ресми жарияланған күнінен кейін күнтізбелік он күн өткен соң қолданысқа енгізіледі); 12.06.2026№ 311-VIIІ(қолданысқа енгізілу тәртібін2-баптанқараңыз) Заңдарымен. 23-бап. Жұртшылықтың сыбайлас жемқорлыққа қарсы іс-қимылға қатысуы Жеке тұлғалар, қоғамдық бірлестіктер және өзге де заңды тұлғалар сыбайлас жемқорлыққа қарсы іс-қимыл кезінде мынадай шаралар қолданады: 1) өздеріне мәлім болған сыбайлас жемқорлық құқық бұзушылық жасау фактілері туралы Қазақстан Республикасының заңнамасында белгіленген тәртіппен хабарлайды; 2) сыбайлас жемқорлыққа қарсы іс-қимыл мәселелері бойынша заңнама мен құқық қолдану практикасын жетілдіру жөнінде ұсыныстар енгізеді; 3) сыбайлас жемқорлыққа қарсы мәдениетті қалыптастыруға қатысады; 4) сыбайлас жемқорлыққа қарсы іс-қимылдың басқа да субъектілерімен және сыбайлас жемқорлыққа қарсы саясат жөніндегі уәкілетті органмен өзара іс-қимылды жүзеге асырады; 5) мемлекеттік органдардан сыбайлас жемқорлыққа қарсы іс-қимыл жөніндегі қызмет туралы ақпаратты Қазақстан Республикасының заңнамасында белгіленген тәртіппен сұратады және алады; 6) сыбайлас жемқорлыққа қарсы іс-қимыл мәселелері бойынша зерттеулер, оның ішінде ғылыми және әлеуметтік зерттеулер жүргізеді; 7) бұқаралық ақпарат құралдарында түсіндіру жұмыстарын жүргізеді және сыбайлас жемқорлыққа қарсы іс-қимыл мәселелері бойынша әлеуметтік маңызды іс-шаралар ұйымдастырады. Ескерту. 23-бапқа өзгеріс енгізілді – ҚР 12.06.2026№ 311-VIIІ(алғашқы ресми жарияланған күнінен кейін күнтізбелік он күн өткен соң қолданысқаенгізіледі) Заңымен. 24-бап. Сыбайлас жемқорлық құқық бұзушылықтар туралы хабарлау 1. Дайындалып жатқан, жасалып жатқан немесе жасалған сыбайлас жемқорлық құқық бұзушылық туралы ақпаратқа ие жауапты мемлекеттік лауазымды атқаратын адам, мемлекеттік функцияларды орындауға уәкілеттік берілген адам, мемлекеттік функцияларды орындауға уәкілеттік берілген адамдарға теңестірілген адам, лауазымды адам бұл туралы жоғары тұрған басшыны және (немесе) өзі жұмыскері болып саналатын мемлекеттік органның, ұйымның не квазимемлекеттік сектор субъектісінің басшылығын және (немесе) уәкілетті мемлекеттік органдарды жазбаша түрде дереу хабардар етуге тиіс. Өзге жеке тұлғалар дайындалып жатқан, жасалып жатқан немесе жасалған сыбайлас жемқорлық құқық бұзушылық туралы осы тармақтың бірінші бөлігінде аталған адамдар мен органдарға хабарлауға құқылы. 2. Осы баптың 1-тармағында аталған адамның жоғары тұрған басшысы, мемлекеттік органның, ұйымның, квазимемлекеттік сектор субъектісінің басшылығы, уәкілетті мемлекеттік органдар Қазақстан Республикасының заңнамасына сәйкес сыбайлас жемқорлық құқық бұзушылық туралы келіп түскен хабар бойынша шаралар қабылдауға міндетті. 3. Сыбайлас жемқорлық құқық бұзушылық фактісі туралы хабарлаған немесе сыбайлас жемқорлыққа қарсы іс-қимылға өзгеше түрде жәрдем көрсететін (көрсеткен) адам Қазақстан Республикасының Қылмыстық-процестік кодексіне, Қазақстан Республикасының Еңбек кодексіне, "Қылмыстық процеске қатысушы адамдарды мемлекеттік қорғау туралы" Қазақстан Республикасының Заңына және осы Заңға сәйкес мемлекеттің қорғауында болады және сыбайлас жемқорлыққа қарсы күрес жөніндегі уәкілетті орган айқындаған тәртіппен көтермеленеді. Осы тармақтың бірінші бөлігінің ережелері сыбайлас жемқорлық құқық бұзушылық фактісі туралы көрінеу жалған ақпаратты хабарлаған, Қазақстан Республикасының заңдарында белгіленген жауаптылықта болатын адамдарға қолданылмайды. Осы тармақтың бірінші бөлігінің көтермелеу бөлігіндегі ережелері: 1) жедел-іздестіру немесе қарсы барлау қызметін жүзеге асыратын органмен Қазақстан Республикасының заңнамасына сәйкес құпия негізде ынтымақтасатын адамға; 2) сыбайлас жемқорлық құқық бұзушылық фактісі туралы хабарлаған немесе сыбайлас жемқорлық құқық бұзушылықты анықтауға, оның жолын кесуге, ашуға және тергеп-тексеруге жәрдем көрсеткен, ол бойынша орындаушы немесе сыбайлас қатысушы болып табылған адамға қолданылмайды. 3-1. Сыбайлас жемқорлыққа қарсы іс-қимылға жәрдемдесу: 1) сыбайлас жемқорлық құқық бұзушылық жасау фактісі туралы хабарлауды; 2) сыбайлас жемқорлық құқық бұзушылық жасаған іздеудегі адамның тұрған жері туралы ақпарат беруді; 3) сыбайлас жемқорлық құқық бұзушылықты анықтау, оның жолын кесу, ашу және тергеп-тексеру үшін маңызы бар (кейіннен болған) өзге де жәрдемдесуді қамтиды. 4. Сыбайлас жемқорлық құқық бұзушылық фактісі туралы хабарлау немесе сыбайлас жемқорлық құқық бұзушылық жасаған іздеудегі адамның тұрған жері туралы ақпарат беру немесе сыбайлас жемқорлық құқық бұзушылықты анықтау, оның жолын кесу, ашу және тергеп-тексеру үшін маңызы бар (кейіннен болған) өзге де жәрдем көрсету мақсатында адамның өзі жұмыскері болып табылатын (болған) мемлекеттік органның не ұйымның жоғары тұрған басшысына және (немесе) басшылығына және (немесе) уәкілетті мемлекеттік органдарға жүгінуі туралы ақпарат көрсетілген ақпаратты жария етпеу туралы келісім жасалған жағдайда құпия ақпарат болып табылады және Қазақстан Республикасының заңнамасында белгіленген тәртіппен беріледі. Көрсетілген ақпаратты жария ету Қазақстан Республикасының заңдарында белгіленген жауаптылыққа алып келеді. Ескерту. 24-бапқа өзгерістер енгізілді – ҚР 06.10.2020№ 365-VI(алғашқы ресми жарияланған күнінен кейін күнтізбелік он күн өткен соң қолданысқа енгізіледі); 03.01.2023№ 188-VII(алғашқы ресми жарияланған күнінен кейін күнтізбелік алпыс күн өткен соң қолданысқа енгізіледі); 19.04.2023№ 223-VII(алғашқы ресми жарияланған күнінен кейін күнтізбелік он күн өткен соң қолданысқа енгізіледі); 12.06.2026№ 311-VIIІ(қолданысқа енгізілу тәртібін2-баптанқараңыз) Заңдарымен. 24-1-бап. Сыбайлас жемқорлыққа қарсы іс-қимылға жәрдем көрсететін (көрсеткен) адамдарды қорғаудың мемлекет кепілдік берген шаралары Сыбайлас жемқорлыққа қарсы іс-қимылға жәрдем көрсететін (көрсеткен) адамдарды қорғаудың мемлекет кепілдік берген шаралары: 1) уәкілетті мемлекеттік органдар сыбайлас жемқорлық құқық бұзушылық фактісі туралы хабарды қабылдаған күннен бастап немесе адам сыбайлас жемқорлыққа қарсы іс-қимылға өзге де жәрдем көрсеткен кезден бастап үш жыл бойы, сыбайлас жемқорлыққа қарсы іс-қимылға жәрдем көрсететін (көрсеткен) адамды еңбек қатынастары саласындағы құқықтары мен заңды мүдделерінің бұзылуынан қорғауды; 2) адамның сыбайлас жемқорлыққа қарсы іс-қимылға жәрдем көрсеткені туралы ақпаратты жария етпеу туралы келісім болған кезде сыбайлас жемқорлыққа қарсы іс-қимылға жәрдем көрсету мақсатында осы адамның өзі жұмыскері болып табылатын (болған) мемлекеттік органның не ұйымның жоғары тұрған басшысына және (немесе) басшылығына және (немесе) уәкілетті мемлекеттік органдарға жүгінуі туралы ақпараттың құпиялылығын қамтамасыз етуді қамтиды. Ескерту. 3-тарау 24-1-баппен толықтырылды – ҚР 03.01.2023№ 188-VII(алғашқы ресми жарияланған күнінен кейін күнтізбелік алпыс күн өткен соң қолданысқа енгізіледі) Заңымен. 24-2-бап. Сыбайлас жемқорлыққа қарсы іс-қимылға жәрдем көрсететін (көрсеткен) адамды еңбек қатынастары саласындағы құқықтары мен заңды мүдделерінің бұзылуынан қорғау 1. Өзі жұмыскері болып табылатын (болған) ұйымның жоғары тұрған басшысына және (немесе) басшылығына хабарлау арқылы ұйымда сыбайлас жемқорлыққа қарсы іс-қимылға жәрдем көрсететін (көрсеткен) адам тарапы болып табылатын жеке еңбек дауын Қазақстан Республикасының Еңбек кодексіне сәйкес құрылатын келісу комиссиясы сыбайлас жемқорлыққа қарсы саясат жөніндегі уәкілетті органның өкілін міндетті түрде шақыра отырып қарайды. Арнаулы мемлекеттік органдарды қоспағанда, мемлекеттік органдарда, сондай-ақ келісу комиссиялары жоқ ұйымдарда өзі жұмыскері болып табылатын (болған) мемлекеттік органның не ұйымның жоғары тұрған басшысына және (немесе) басшылығына хабарлау арқылы мемлекеттік органда немесе ұйымда сыбайлас жемқорлыққа қарсы іс-қимылға жәрдем көрсететін (көрсеткен) адам мемлекеттік органның немесе ұйымның аталған адамның тәртіптік теріс қылық жасауының мән-жайларын жан-жақты, толық және объективті анықтау, сондай-ақ адамды жұмыстан шығарудың (атқарып жүрген лауазымынан босатудың) немесе басқа лауазымға ауыстырудың негізділігін анықтау үшін құрылатын тәртіптік комиссиясының немесе өзге де алқалы органының (бұдан әрі – алқалы орган) ұсынымдарынсыз тәртіптік жауаптылыққа тартылмайды немесе жұмыстан шығарылмайды (атқарып жүрген лауазымынан босатылмайды) немесе басқа лауазымға ауыстырылмайды. Сыбайлас жемқорлыққа қарсы саясат жөніндегі уәкілетті органның өкілі осы тармақтың екінші бөлігінде көрсетілген мәселелер қаралатын алқалы орган отырысына қатысуға міндетті түрде шақырылады. 2. Осы баптың 1-тармағында көрсетілген мемлекеттік орган немесе басқа ұйым сыбайлас жемқорлыққа қарсы саясат жөніндегі уәкілетті органға осы баптың 1-тармағында көрсетілген мәселелер бойынша материалдарды келісу комиссиясының немесе алқалы органның отырысы өткізілетін күнге дейін кемінде үш жұмыс күні бұрын жібереді. Көрсетілген отырысқа сыбайлас жемқорлыққа қарсы саясат жөніндегі уәкілетті органның өкілі қатыса алады. Бұл ретте, егер мемлекеттік органның немесе осы баптың 1-тармағында көрсетілген басқа ұйым мен уәкілетті мемлекеттік органның арасында осы Заңның 24-3-бабының 3-тармағында көзделген, сыбайлас жемқорлыққа қарсы іс-қимылға жәрдем көрсету туралы ақпаратты жария етпеу туралы келісім жасалса, онда келісу комиссиясының немесе алқалы органның отырысына қатысуға шақыру және осы баптың 1-тармағында көрсетілген мәселелер бойынша материалдар тиісті уәкілетті мемлекеттік органның жазбаша келісімі алынғаннан кейін осы баптың 1-тармағында көрсетілген мәселелерді осы бапта белгіленген тәртіппен қарау үшін сыбайлас жемқорлыққа қарсы саясат жөніндегі уәкілетті органға жіберіледі. 3. Келісу комиссиясының шешіміне немесе алқалы орган отырысының хаттамасына отырысқа қатысқан оның мүшелері қол қояды. Келісу комиссиясы шешімінің не алқалы орган отырысы хаттамасының көшірмесі шешім қабылданған күннен бастап үш жұмыс күні ішінде сыбайлас жемқорлыққа қарсы саясат жөніндегі уәкілетті органға жіберіледі. 4. Сыбайлас жемқорлыққа қарсы саясат жөніндегі уәкілетті орган келісу комиссиясы немесе алқалы орган отырысының қорытындылары бойынша қабылданған шешіммен келіспеген жағдайда сыбайлас жемқорлыққа қарсы саясат жөніндегі уәкілетті орган келісу комиссиясы шешімінің немесе алқалы орган отырысы хаттамасының көшірмесін алған күннен бастап екі жұмыс күні ішінде еңбек жөніндегі уәкілетті мемлекеттік органның аумақтық бөлімшесіне не прокуратураға жұмыскердің құқықтары мен заңды мүдделерінің бұзылғандығы туралы хабарлама жібереді. Бұл ретте көрсетілген хабарламаны жіберу сыбайлас жемқорлыққа қарсы іс-қимылға жәрдем көрсететін (көрсеткен) адамның сотқа жүгінуіне кедергі болып табылмайды. Ескерту. 3-тарау 24-2-баппен толықтырылды – ҚР 03.01.2023№ 188-VII(алғашқы ресми жарияланған күнінен кейін күнтізбелік алпыс күн өткен соң қолданысқа енгізіледі); өзгеріс енгізілді – ҚР 08.07.2024№ 116-VIII(алғашқы ресми жарияланған күнінен кейін күнтізбелік он күн өткен соң қолданысқаенгізіледі); 12.06.2026№ 311-VIIІ(алғашқы ресми жарияланған күнінен кейін күнтізбелік он күн өткен соң қолданысқаенгізіледі) Заңдарымен. 24-3-бап. Сыбайлас жемқорлыққа қарсы іс-қимылға жәрдем көрсету туралы ақпараттың құпиялылығын қамтамасыз ету 1. Сыбайлас жемқорлық құқық бұзушылық фактісі туралы хабарлау немесе сыбайлас жемқорлық құқық бұзушылық жасаған іздеудегі адамның тұрған жері туралы ақпарат беру немесе сыбайлас жемқорлық құқық бұзушылықты анықтау, оның жолын кесу, ашу және тергеп-тексеру үшін маңызы бар (кейіннен болған) өзге де жәрдем көрсету мақсатында адамның өзі жұмыскері болып табылатын (болған) мемлекеттік органның не ұйымның жоғары тұрған басшысына және (немесе) басшылығына және (немесе) уәкілетті мемлекеттік органдарға жүгінуі туралы ақпараттың құпиялылығын тиісті мемлекеттік органда не ұйымда сыбайлас жемқорлыққа қарсы іс-қимылға жәрдем көрсетілген жағдайда осы адам жұмыс істейтін мемлекеттік органның не ұйымның жоғары тұрған басшысы және (немесе) басшылығы, келісу комиссиясының немесе алқалы органның мүшелері, сондай-ақ сыбайлас жемқорлыққа қарсы іс-қимылға жәрдем көрсету туралы ақпаратты жария етпеу туралы келісім болған кезде уәкілетті мемлекеттік органдар қамтамасыз етеді. 2. Өзі жұмыскері болып табылатын мемлекеттік органда немесе ұйымда сыбайлас жемқорлық құқық бұзушылық фактісі туралы хабарлау не осы мемлекеттік органда немесе ұйымда сыбайлас жемқорлыққа қарсы іс-қимылға өзге де жәрдем көрсету мақсатында адам осы мемлекеттік органның не ұйымның жоғары тұрған басшысына және (немесе) басшылығына жүгінген кезде мемлекеттік органның не ұйымның жоғары тұрған басшысы және (немесе) басшылығы аталған адаммен оның ниеті болған кезде сыбайлас жемқорлыққа қарсы іс-қимылға жәрдем көрсету туралы ақпаратты жария етпеу туралы келісім жасасуға міндетті. Адам сыбайлас жемқорлық құқық бұзушылық фактісі туралы хабарлау не сыбайлас жемқорлыққа қарсы іс қимылға өзге де жәрдем көрсету мақсатында уәкілетті мемлекеттік органға жүгінген кезде уәкілетті мемлекеттік орган аталған адаммен оның ниеті болған кезде сыбайлас жемқорлыққа қарсы іс қимылға жәрдем көрсету туралы ақпаратты жария етпеу туралы келісім жасасуға міндетті. 3. Осы баптың 2-тармағының бірінші бөлігінде көрсетілген, жұмыскермен сыбайлас жемқорлыққа қарсы іс-қимылға жәрдем көрсету туралы ақпаратты жария етпеу туралы келісім жасасқан, жұмыскердің сыбайлас жемқорлық құқық бұзушылық туралы келіп түскен хабары бойынша шаралар қабылдау үшін уәкілетті мемлекеттік органға жүгінген басшымен және тиісті уәкілетті мемлекеттік органмен де сыбайлас жемқорлыққа қарсы іс-қимылға жәрдем көрсету туралы ақпаратты жария етпеу туралы келісім жасалады. 4. Адам осы Заңның 24-4-бабы 1-тармағының 4) тармақшасында көзделген құқықты іске асыру үшін осы Заңның 24-4-бабы 1-тармағының 3) тармақшасында көзделген құпия ақпаратты беруге жазбаша келісімнің негізінде сыбайлас жемқорлыққа қарсы саясат жөніндегі уәкілетті органға жүгінген кезде сыбайлас жемқорлыққа қарсы саясат жөніндегі уәкілетті орган осы адаммен сыбайлас жемқорлыққа қарсы іс-қимылға жәрдем көрсету туралы ақпаратты жария етпеу туралы келісім жасасуға міндетті. Сыбайлас жемқорлыққа қарсы саясат жөніндегі уәкілетті органның осы Заңның 24-4-бабының 2-тармағында көзделген хабарламасы келіп түскен мемлекеттік органның немесе ұйымның басшысы, егер бұрын сыбайлас жемқорлыққа қарсы іс-қимылға жәрдем көрсеткен адам мен уәкілетті мемлекеттік орган арасында осындай келісім жасалған болса, осы адаммен сыбайлас жемқорлыққа қарсы іс-қимылға жәрдем көрсету туралы ақпаратты жария етпеу туралы келісім жасасуға міндетті. 5. Сыбайлас жемқорлыққа қарсы іс-қимылға жәрдем көрсету туралы ақпаратты жария етпеу туралы келісім жасасу тәртібін және оның нысанын сыбайлас жемқорлыққа қарсы күрес жөніндегі уәкілетті орган айқындайды. Ескерту. 3-тарау 24-3-баппен толықтырылды – ҚР 03.01.2023№ 188-VII(алғашқы ресми жарияланған күнінен кейін күнтізбелік алпыс күн өткен соң қолданысқа енгізіледі); өзгеріс енгізілді – ҚР 12.06.2026№ 311-VIIІ(алғашқы ресми жарияланған күнінен кейін күнтізбелік он күн өткен соң қолданысқаенгізіледі) Заңдарымен. 24-4-бап. Сыбайлас жемқорлыққа қарсы іс-қимылға жәрдем көрсететін (көрсеткен) адамдардың құқықтары 1. Сыбайлас жемқорлыққа қарсы іс-қимылға жәрдем көрсететін (көрсеткен) адам: 1) сыбайлас жемқорлық құқық бұзушылық туралы хабарды қарау қорытындылары бойынша қабылданған шешім туралы ақпаратты алуға; 2) уәкілетті мемлекеттік органның сыбайлас жемқорлық құқық бұзушылық туралы өзінің хабарын қарау нәтижелері бойынша қабылданған шешімдеріне Қазақстан Республикасының әкімшілік құқық бұзушылық туралы заңнамасына немесе Қазақстан Республикасының қылмыстық-процестік заңнамасына сәйкес шағым жасауға; 3) осы тармақтың 4) тармақшасында көзделген құқықты іске асыру үшін құпия ақпаратты беруге жазбаша келісім алу үшін бұрын сыбайлас жемқорлыққа қарсы іс-қимылға жәрдем көрсету туралы ақпаратты жария етпеу туралы келісім жасалған уәкілетті мемлекеттік органға жүгінуге; 4) уәкілетті мемлекеттік органдар сыбайлас жемқорлық құқық бұзушылық фактісі туралы хабарды қабылдаған күннен бастап немесе адам сыбайлас жемқорлыққа қарсы іс-қимылға өзге де жәрдем көрсеткен кезден бастап үш жыл ішінде оны тәртіптік жауаптылыққа тарту немесе жұмыстан шығару немесе басқа лауазымға ауыстыру оның сыбайлас жемқорлық құқық бұзушылық фактісі туралы хабарлауына немесе сыбайлас жемқорлыққа қарсы іс-қимылға өзге де жәрдем көрсетуіне байланысты деп пайымдаған жағдайда келісу комиссиясының немесе алқалы органның осы мәселелерді осы Заңның 24-2-бабында көзделген тәртіппен бұрын қарамауы шартымен сыбайлас жемқорлыққа қарсы саясат жөніндегі уәкілетті органға жүгінуге құқылы. 2. Адам осы баптың 1-тармағы 4) тармақшасының негізінде жүгінген кезде сыбайлас жемқорлыққа қарсы саясат жөніндегі уәкілетті орган ұсынылған материалдарды қарайды және сыбайлас жемқорлыққа қарсы іс-қимылға жәрдем көрсеткен адамның жүгіну негізділігі анықталған жағдайда жолданым келіп түскен күннен бастап күнтізбелік он бес күн ішінде мемлекеттік органның не басқа ұйымның басшысына осы Заңның 24-2 және 24-3-баптарында белгіленген тәртіппен осы баптың 1-тармағының 4) тармақшасында көрсетілген мәселелерді қайтадан қарау қажеттігі туралы хабарлама жібереді. Хабарламада мыналар қамтылуға тиіс: 1) хабарлама жіберілетін мемлекеттік орган не ұйым басшысының тегі мен аты-жөні; 2) сыбайлас жемқорлыққа қарсы іс-қимылға жәрдем көрсеткен адамның тегі, аты және әкесінің аты (егер ол жеке басты куәландыратын құжатта көрсетілген болса); 3) сыбайлас жемқорлық құқық бұзушылықтың қысқаша фабуласы; 4) мемлекеттік орган не ұйым басшысының сыбайлас жемқорлыққа қарсы іс-қимылға жәрдем көрсеткен адаммен, егер бұрын осы адам мен уәкілетті мемлекеттік орган арасында сыбайлас жемқорлыққа қарсы іс-қимылға жәрдем көрсету туралы ақпаратты жария етпеу туралы келісім жасалған болса, сыбайлас жемқорлыққа қарсы іс-қимылға жәрдем көрсету туралы ақпаратты жария етпеу туралы келісім жасасу міндеті туралы, сондай-ақ мұндай келісім жасалған жағдайда адамның сыбайлас жемқорлыққа қарсы іс-қимылға жәрдем көрсетуі туралы ақпаратты жария еткені үшін жауаптылығы туралы ескерту. Бұл ретте мемлекеттік органның не ұйымның басшысы сыбайлас жемқорлыққа қарсы саясат жөніндегі уәкілетті органға сыбайлас жемқорлыққа қарсы іс-қимылға жәрдем көрсеткен адамның жолданымы келіп түскен күннен бастап күнтізбелік отыз күннен аспайтын мерзімде келісу комиссиясының немесе алқалы органның отырысын өткізуге және қаралатын мәселе бойынша шешім қабылдауға міндетті. Ескерту. 3-тарау 24-4-баппен толықтырылды – ҚР 03.01.2023№ 188-VII(алғашқы ресми жарияланған күнінен кейін күнтізбелік алпыс күн өткен соң қолданысқа енгізіледі); өзгеріс енгізілді – ҚР 12.06.2026№ 311-VIIІ(алғашқы ресми жарияланған күнінен кейін күнтізбелік он күн өткен соң қолданысқаенгізіледі) Заңдарымен. ЗҚАИ-ның ескертпесі! 4-тараудың тақырыбына өзгеріс енгізу көзделген – ҚР 12.06.2026 № 311-VIIІ (01.01.2027 бастап қолданысқа енгізіледі) Заңымен. 4-тарау. СЫБАЙЛАС ЖЕМҚОРЛЫҚ ҚҰҚЫҚ БҰЗУШЫЛЫҚТАРДЫҢ САЛДАРЛАРЫН ЖОЮ 25-бап. Заңсыз алынған мүлікті немесе заңсыз ұсынылған жеңілдіктердің, көрсетілетін қызметтердің құнын өндіріп алу (қайтару) Ескерту. 25-баптың тақырыбына өзгеріс енгізілді – ҚР 12.06.2026 № 311-VIIІ (алғашқы ресми жарияланған күнінен кейін күнтізбелік алпыс күн өткен соң қолданысқа енгізіледі) Заңымен. 1. Сыбайлас жемқорлық құқық бұзушылықтар нәтижесінде заңсыз алынған мүлiктi өз еркiмен тапсырудан немесе мемлекетке оның құнын немесе заңсыз алынған жеңілдіктердің, көрсетілетін қызметтердің құнын төлеуден бас тартылған жағдайларда, оларды өндіріп алу прокурордың, мемлекеттік кіріс органдарының не осыған заңмен уәкiлеттiк берiлген басқа да мемлекеттiк органдар мен лауазымды адамдардың талап қоюы бойынша, заңды күшіне енген сот шешiмi негізінде жүзеге асырылады. Аталған органдар мен лауазымды адамдар сот шешiм шығарғанға дейiн құқық бұзушыға тиесiлi мүлiкті сақтау жөнінде шаралар қабылдайды. 2. Осы баптың 1-тармағында көрсетілген жағдайларда прокурор, мемлекеттік кіріс органдары не осыған заңмен уәкілеттік берілген басқа да мемлекеттік органдар мен лауазымды адамдар заңсыз алынған мүлікті мемлекет кірісіне айналдыру және (немесе) заңсыз алынған жеңілдіктердің, көрсетілетін қызметтердің құнын мемлекет кірісіне өндіріп алу туралы талап қоюымен заңда белгіленген мерзімдерде сотқа жүгінеді. 3. Егер жауапты мемлекеттік лауазымды атқаратын адамнан, мемлекеттік функцияларды орындауға уәкілеттік берілген адамнан және мемлекеттік функцияларды орындауға уәкілеттік берілген адамға теңестірілген адамнан және лауазымды адамнан жұмыстан шығару, тиісті функцияларды орындаудан өзгедей босату кезінде заңсыз алынған мүлік немесе заңсыз ұсынылған жеңілдіктердің, көрсетілген қызметтердің құны өндіріліп алынбаса, осындай босату туралы шешім қабылдайтын лауазымды адам немесе орган кінәлі адамның тұрғылықты жері бойынша мемлекеттік кіріс органдарына құқыққа қайшы алынған кірістер туралы хабарлама жібереді. 4. Тапсырылған мүлікті есепке алу, сақтау, бағалау және одан әрі пайдалану Қазақстан Республикасының Үкіметі белгілеген тәртіппен жүзеге асырылады. Ескерту. 25-бапқа өзгеріс енгізілді – ҚР 06.10.2020№ 365-VI(алғашқы ресми жарияланған күнінен кейін күнтізбелік он күн өткен соң қолданысқа енгізіледі); 12.06.2026№ 311-VIIІ(алғашқы ресми жарияланған күнінен кейін күнтізбелік алпыс күн өткен соң қолданысқаенгізіледі) Заңдарымен. ЗҚАИ-ның ескертпесі! 26-баптың тақырыбына өзгеріс енгізу көзделген – ҚР 12.06.2026 № 311-VIIІ (01.01.2027 бастап қолданысқа енгізіледі) Заңымен. 26-бап. Сыбайлас жемқорлық құқық бұзушылықтар нәтижесінде жасалған мәмілелердің, шарттардың, актілердің және әрекеттердің жарамсыздығы 1. Сыбайлас жемқорлық құқық бұзушылықтар нәтижесінде жасалған мәмілелерді, шарттарды уәкілетті мемлекеттік органдардың, мүдделі тұлғалардың немесе прокурордың талап қоюы бойынша Қазақстан Республикасының заңында белгіленген тәртіппен сот жарамсыз деп таниды. 2. Сыбайлас жемқорлық құқық бұзушылықтар нәтижесінде актілерді қабылдау және әрекеттерді жасау тиісті актілердің күшін жоюға (қолданысын тоқтатуға) уәкілеттік берілген адамдардың не мүдделі тұлғалардың немесе прокурордың талап қоюы бойынша сот тәртібімен олардың күшін жою (жарамсыз деп тану) үшін негіз болып табылады. ЗҚАИ-ның ескертпесі! 3-тармақпен толықтыру көзделген – ҚР 12.06.2026 № 311-VIIІ (01.01.2027 бастап қолданысқа енгізіледі) Заңымен. 5-тарау. Қорытынды және өтпелі ережелер Ескерту. 5-тараудың тақырыбы жаңа редакцияда - ҚР 19.12.2020 № 384-VI (алғашқы ресми жарияланған күнінен кейін күнтізбелік он күн өткен соң қолданысқа енгізіледі) Заңымен. 26-1-бап. Өтпелі ережелер 1. Осы Заңның 12-бабы 1-тармағының 5) тармақшасында және 14-1-бабында көзделген сыбайлас жемқорлыққа қарсы шектеу қолданысқа енгізілген күннен бастап алты ай ішінде осы сыбайлас жемқорлыққа қарсы шектеу қолданылатын адамдар Қазақстан Республикасының шегінен тыс жерде орналасқан шетелдік банктердегі шоттарды (салымдарды) жабуға және (немесе) Қазақстан Республикасының шегінен тыс жерде орналасқан шетелдік банктерде қолма-қол ақша мен құндылықтарды сақтауды тоқтатуға міндетті. 2. Осы баптың 1-тармағында көрсетілген адамдар аумағында шоттары (салымдары) орналасқан және (немесе) шетелдік банкте қолма-қол ақша мен құндылықтарды сақтау жүзеге асырылатын шет мемлекеттің заңнамасына сәйкес осы шет мемлекеттің құзыретті органдары қолданған тыйым салуға, билік етуге тыйым салуға байланысты немесе осы баптың 1-тармағында аталған адамдардың еркінен тыс еңсерілмейтін күш мән-жайларына (дүлей құбылыстар, әскери іс-қимылдар, төтенше жағдай, банктік шот (салым) туралы шарттың қолданысын мерзімінен бұрын тоқтатудың мүмкін болмауы және өзге де мән-жайлар) байланысты осы баптың 1-тармағында көзделген талаптарды орындай алмаған жағдайда мұндай талаптар тыйым салудың, билік етуге тыйым салудың қолданылуы тоқтатылған немесе өзге де мән-жайлар тоқтатылған күннен бастап алты ай ішінде тиісті фактілерді растайтын құжаттар ұсыныла отырып орындалуға тиіс. 3. Осы баптың 1-тармағында көрсетілген адамдардың осы бапта көзделген міндеттемелерді орындамауы олардың мемлекеттік қызметті немесе өзге де тиісті қызметті тоқтатуы үшін негіз болып табылады. Осы баптың 2-тармағында көзделген мерзім ішінде осы баптың 1-тармағында көрсетілген адамдар мемлекеттік қызметті немесе өзге де тиісті қызметті өз қалауы бойынша тоқтату туралы өтініш беруге құқылы. Ескерту. 5-тарау 26-1-баппен толықтырылды - ҚР 19.12.2020№ 384-VI(алғашқы ресми жарияланған күнінен кейін күнтізбелік он күн өткен соң қолданысқа енгізіледі) Заңымен. 27-бап. Осы Заңды қолданысқа енгізу тәртібі 1. Осы Заң: 1) 2021 жылғы 1 қаңтардан бастап қолданысқа енгізілетін 11-бапты қоспағанда, 2016 жылғы 1 қаңтардан бастап қолданысқа енгізіледі. 2) алып тасталды - ҚР 30.11.2016 № 26-VI Заңымен (01.01.2017 бастап қолданысқа енгізіледі) 2. Алып тасталды - ҚР 30.11.2016 № 26-VI Заңымен (01.01.2017 бастап қолданысқа енгізіледі) 3. Осы Заң қолданысқа енгізілген күннен бастап 2021 жылғы 1 қаңтарға дейін 11-бап мынадай редакцияда қолданылады деп белгіленсін: "11-бап. Қаржылық бақылау шаралары 1. Мемлекеттiк лауазымға не мемлекеттiк немесе оларға теңестiрiлген функцияларды орындауға байланысты лауазымға кандидаттар болып табылатын адамдар тұрғылықты жерi бойынша мемлекеттiк кiрiс органына: салық салу объектiсi болып табылатын, оның iшiнде Қазақстан Республикасы аумағының шегінен тыс жердегi кірістері мен мүлкi туралы декларацияны, көрсетiлген мүлiктiң орналасқан жерiн көрсете отырып; мыналар: банк мекемесiн көрсете отырып, банк мекемелерiндегi, оның iшiнде Қазақстан Республикасы аумағының шегінен тыс жердегi салымдары мен бағалы қағаздары туралы, сондай-ақ осы адамдар жеке немесе басқа адамдармен бiрлесiп билiк етуге құқылы қаржы қаражаты туралы; жарғылық капиталына қатысу үлесi мен аталған ұйымдардың толық банктiк немесе өзге де деректемелерiн көрсете отырып, заңды тұлғалардың акционерi немесе құрылтайшысы (қатысушысы) ретiнде өзiнiң қатысуы туралы; егер адам немесе оның жұбайы (зайыбы) трастардың бенефициары болса, тиiстi банк шоттарының нөмiрлерiн көрсете отырып, сол трастар және олар тiркелген мемлекеттер туралы; адамға немесе жұбайына (зайыбына) тиесiлi, айлық есептiк көрсеткiштiң мың еселенген мөлшерiнен асатын мөлшердегi материалдық және қаржы қаражатын ұстау немесе уақытша сақтау жөнiнде шарттық қатынастары, келiсiмдерi және мiндеттемелерi (оның iшiнде ауызша да) бар басқа ұйымдардың атаулары мен деректемелері туралы мәлiметтердi ұсынады. 2. Мемлекеттiк лауазымдағы адамдар өз өкiлеттiктерiн орындау кезеңiнде жыл сайын Қазақстан Республикасының салық заңнамасында белгiленген тәртiппен тұрғылықты жерi бойынша мемлекеттiк кiрiс органына салық салу объектiсi болып табылатын және Қазақстан Республикасының аумағындағы да, одан тыс жерлердегi де кірістері мен мүлкi туралы декларацияны ұсынады. 3. Мемлекеттiк қызметтен терiс себептер бойынша шығарылған адамдар, шығарылғаннан кейiнгi үш жыл бойы Қазақстан Республикасының салық заңнамасында белгiленген тәртiппен тұрғылықты жерi бойынша мемлекеттiк кiрiс органына салық салу объектiсi болып табылатын және Қазақстан Республикасының аумағындағы да, одан тыс жерлердегi де кірістері мен мүлкi туралы декларацияны ұсынады. 4. Осы баптың 1-тармағында көрсетiлген адамның жұбайы (зайыбы) тұрғылықты жерi бойынша мемлекеттiк кiрiс органына: салық салу объектiсi болып табылатын, оның iшiнде Қазақстан Республикасы аумағының шегінен тыс жердегi кірістері мен мүлкi туралы декларацияны, көрсетiлген мүлiктiң орналасқан жерiн көрсете отырып; мыналар: банк мекемесiн көрсете отырып, банк мекемелерiндегi, оның ішінде Қазақстан Республикасы аумағының шегінен тыс жердегi салымдары мен бағалы қағаздары туралы, сондай-ақ осы адамдар жеке немесе басқа адамдармен бiрлесiп билiк етуге құқылы қаржы қаражаты туралы; жарғылық капиталына қатысу үлесi мен аталған ұйымдардың толық банктiк немесе өзге де деректемелерiн көрсете отырып, заңды тұлғалардың акционерi немесе құрылтайшысы (қатысушысы) ретiнде өзiнiң қатысуы туралы; егер адам немесе оның жұбайы (зайыбы) трастардың бенефициары болса, тиiстi банк шоттарының нөмiрлерiн көрсете отырып, сол трастар және олар тiркелген мемлекеттер туралы; адамға немесе жұбайына (зайыбына) тиесiлi және айлық есептiк көрсеткiштiң мың еселенген мөлшерiнен асатын материалдық және қаржы қаражатын ұстау немесе уақытша сақтау жөнiнде онымен шарттық қатынастары, келiсiмдерi және мiндеттемелерi (оның iшiнде ауызша да) бар басқа ұйымдардың атаулары мен деректемелерi туралы мәлiметтердi ұсынады. 5. Осы баптың 2 және 3-тармақтарында аталған адамның жұбайы (зайыбы) тұрғылықты жерi бойынша мемлекеттiк кiрiс органына салық салу объектiсi болып табылатын және Қазақстан Республикасының аумағындағы да, оның шегінен тыс жердегi де кірістері мен мүлкi туралы декларацияны ұсынады. 6. Арнаулы мемлекеттiк органдағы қызметке кандидат болып табылатын адамның отбасы мүшелерi тұрғылықты жерi бойынша мемлекеттiк кiрiс органына осы баптың 4-тармағында көрсетiлген декларация мен мәлiметтердi ұсынады. Ескертпе. Осы тармақта арнаулы мемлекеттiк органдағы қызметке кандидат болып табылатын адамның отбасы мүшелерi деп жұбайы (зайыбы), кәмелетке толған балалары мен оның асырауындағы және онымен тұрақты түрде бiрге тұратын адамдар танылады. 7. Осы баптың 1 және 2-тармақтарында аталған адамдар – тиiсiнше өздерi лауазымға орналасуға үмiткер болатын органға не жұмыс орны бойынша органға осы баптың 1 немесе 5-тармақтарында санамаланған декларациялар мен мәлiметтердi мемлекеттiк кiрiс органының алғаны туралы анықтаманы ұсынады. 8. Осы баптың 1 және 2-тармақтарында аталған адамдардың (мемлекеттiк қызметтен терiс себептер бойынша шығарылған адамдарды қоспағанда) осы бапта санамаланған декларациялар мен мәлiметтердi ұсынбауы немесе толық емес, анық емес декларациялар мен мәлiметтердi ұсынуы, егер жасалған әрекетте қылмыстық жазаланатын іс-әрекет белгiлерi болмаса, адамға тиiстi өкiлеттiктер беруден бас тарту үшiн негiз болып табылады не заңда көзделген тәртiппен тәртiптiк жауаптылыққа әкеп соғады. 9. Осы баптың 8-тармағында көрсетiлген, қасақана жасалған, сондай-ақ бiрнеше рет жасалған іс-әрекеттер заңда белгiленген тәртiппен қолданылатын әкiмшiлiк жауаптылыққа әкеп соғады. 10. Адамдар мемлекеттiк немесе оған теңестiрiлген функцияларды орындаудан босатылғаннан кейiн үш жылдың iшiнде алғаш рет жасалған, осы баптың 8-тармағында көрсетілген іс-әрекеттер, сондай-ақ мұндай әрекеттердi қайталап жасау заңда белгiленген әкiмшiлiк жауаптылыққа әкеп соғады. 11. Жауапты мемлекеттiк лауазымдар атқаратын лауазымды адамдардың кірістерінің мөлшерi және көздерi туралы мәлiметтер, сондай-ақ сайланбалы мемлекеттiк лауазымға ұсынылған кезiнде кандидаттардың кірістері туралы мәлiметтер заңнамада белгiленген тәртiппен жариялануы мүмкiн. 12. Мемлекеттiк функцияларды орындауға уәкiлеттiк берiлген адамдарға және оларға теңестiрiлген адамдарға өз атынан емес бөгде адамдар атынан, жасырын, бүркеншiк атпен және басқаша да азаматтық-құқықтық мәмiлелер жасауға тыйым салынады. Бұл мәмiлелер заңда белгiленген тәртiппен жарамсыз деп танылады. 13. Мемлекеттiк мүлiктi басқару жөнiндегi функцияларды орындауға қатысатын жеке және заңды тұлғалар Қазақстан Республикасының Үкiметi белгiлеген тәртiппен және мерзiмде, мемлекеттiк меншiкке байланысты мүлiктiк сипаттағы барлық мәмiлелер мен қаржы қызметi туралы есептi мемлекеттiк мүлiкке қатысты меншiк иесi құқығын жүзеге асыратын мемлекеттiк органға ұсынады. 14. Мемлекеттiк кiрiс органына келiп түсетiн, осы бапта көзделген мәлiметтер қызметтiк құпияны құрайды. Оларды жария ету, егер жасалған әрекетте қылмыстық жазаланатын іс-әрекет белгiлерi болмаса, кiнәлi адамды жұмыстан шығаруға әкеп соғады. Бұл мәліметтер сыбайлас жемқорлыққа қарсы іс-қимыл жөніндегі уәкілетті органның, прокуратура, ұлттық қауіпсіздік, ішкі істер, әскери полиция органдарының, экономикалық тергеп-тексеру қызметінің, сыбайлас жемқорлыққа қарсы қызметтің, Қазақстан Республикасы Ұлттық қауіпсіздік комитетінің Шекара қызметінің сұрау салуы бойынша, сондай-ақ заңда белгіленген сот тәртібімен ғана ұсынылады. Қаржы мониторингi жөнiндегi уәкiлеттi органға Қазақстан Республикасының қылмыстық жолмен алынған кiрiстердi заңдастыруға (жылыстатуға) және терроризмдi қаржыландыруға қарсы iс-қимыл туралы заңнамасында көзделген мақсаттарда және тәртiппен қызметтiк құпияны құрайтын мәлiметтер ұсынылады. 15. Осы бапта көзделген қаржылық бақылау шаралары Қазақстан Республикасында тұрғын үйдi және тұрғын үй салу үшiн құрылыс материалдарын меншiкке сатып алуға байланысты құқықтық қатынастарға қолданылмайды. Тұрғын үйдi және тұрғын үй салу үшiн құрылыс материалдарын сатып алу кезiндегi қаржылық бақылау Қазақстан Республикасының заңнамасына сәйкес жүзеге асырылады.". 3-1. Алып тасталды – ҚР 12.06.2026№ 311-VIIІ(алғашқы ресми жарияланған күнінен кейін күнтізбелік алпыс күн өткен соң қолданысқаенгізіледі) Заңымен. 4. "Сыбайлас жемқорлыққа қарсы күрес туралы" 1998 жылғы 2 шілдедегі Қазақстан Республикасы Заңының (Қазақстан Республикасы Парламентiнiң Жаршысы, 1998 ж., № 15, 209-құжат; 1999 ж., № 21, 774-құжат; 2000 ж., № 5, 116-құжат; 2001 ж., № 13-14, 172-құжат; № 17-18, 241-құжат; 2002 ж., № 17, 155-құжат; 2003 ж., № 18, 142-құжат; 2004 ж., № 10, 56-құжат; 2007 ж., № 17, 140-құжат; № 19, 147-құжат; 2008 ж., № 23, 114-құжат; 2009 ж., № 19, 88-құжат; № 24, 122, 126-құжаттар; 2010 ж., № 24, 148-құжат; 2011 ж., № 1, 2-құжат; № 7, 54-құжат; 2012 ж., № 4, 30, 32-құжаттар; № 8, 64-құжат; № 13, 91-құжат; № 23-24, 125-құжат; 2013 ж., № 2, 10-құжат; № 14, 72-құжат; 2014 ж., № 11, 61-құжат; № 14, 84-құжат; № 16, 90-құжат; № 21, 122-құжат; № 22, 131-құжат; № 23, 143-құжат) күші жойылды деп танылсын. Ескерту. 27-бапқа өзгерістер енгізілді - ҚР 30.11.2016 № 26-VI (01.01.2017 бастап қолданысқа енгізіледі); 28.12.2018№ 210-VІ(алғашқы ресми жарияланған күнінен кейін күнтізбелік он күн өткен соң қолданысқа енгізіледі); 03.07.2019 № 262-VI (алғашқы ресми жарияланған күнінен кейін күнтізбелік он күн өткен соң қолданысқа енгізіледі); 03.01.2023№ 188-VII(алғашқы ресми жарияланған күнінен бастап қолданысқаенгізіледі); 12.06.2026№ 311-VIIІ(алғашқы ресми жарияланған күнінен кейін күнтізбелік алпыс күн өткен соң қолданысқаенгізіледі) Заңдарымен.