Успен ауданының әкімдігі

Успен ауданында біржолғы әлеуметтік көмек көзделген. Уәкілетті орган кірісті ескере отырып, біржолғы әлеуметтік көмек көрсетеді: - қатты отынға табысы облыс бойынша белгіленген ең төменгі күнкөріс деңгейінің 14 АЕК (55 048 теңге) мөлшерінен жетпіс пайыздан төмен аз қамтылған отбасыларға. Барлық сұрақтар бойынша «Успен ауданының жұмыспен қамту және әлеуметтік бағдарламалар бөлімі» ММ Успен ауылы, 10 лет Независимости к-сі, 27. Телефон: 87183491930 хабарласа аласыздар.

Павлодар облысы Успен аудандық мәслихатының 2023 жылғы 21 желтоқсандағы «Успен ауданының әлеуметтік көмек көрсетудің, мөлшерін белгілеудің және мұқтаж азаматтардың жекелеген санаттарының тізбесін айқындаудың қағидаларын бекіту туралы» №70/12 шешіміне сәйкес 2025 жылғы 01 қаңтардан бастап әлеуметтік мәні бар аурулары бар азаматтарға әлеуметтік көмек енгізілді: «Инсулинге тәуелді бірінші типті қант диабеті» ауруынан зардап шегетін адамдарға 10 АЕК (39320 теңге); қант диабетімен ауыратын адамдарға 5 АЕК (19660 теңге); созылмалы вирустық гепатиттер және бауыр циррозынан зардап шегетін адамдарға 5 АЕК (19660 теңге); психикалық, мінез-құлық бұзылуларынан (аурулардан) зардап шегетін адамдарға 2 АЕК (7864 теңге); балалардың церебралдық параличі бар балаларға 5 АЕК (19660 теңге); миокардтың жіті инфаргімен ауыратын адамдарға (алғашқы 6 ай) 5 АЕК (19660 теңге); ревматизммен зардап шегетін адамдарға 2 АЕК (7864 теңге); дәнекер тіннің жүйелі зақымдануларынан зардап шегетін адамдарға 2 АЕК (7864 теңге); нерв жүйесінің дегенерациялық ауруымен ауыратын адамдарға 2 АЕК (7864 теңге); орталық нерв жүйесінің демиелинизациялық ауруларымен ауыратын адамдарға 2 АЕК (7864 теңге); орфандық аурулардан зардап шегетін адамдарға 3 АЕК (11796 теңге). 2025 жылы 1 АЕК 3932 теңгені құрайды. Барлық сұрақтар бойынша «Успен ауданының жұмыспен қамту және әлеуметтік бағдарламалар бөлімі» ММ, Успен ауылы, 10 лет Независимости көшесі 27, телефон: 87183491930 хабарласа аласыздар.

Экономикалық ұтқырлық сертификатының мөлшері ең көбі 1160 АЕК-тен аспайды.

Сізге Отбасы банк Баспана маркет АҚ сайты арқылы электрондық форматтағы құжаттардың толық пакетімен онлайн жүгінуге кеңес береміз. Толығырақ кеңес алу үшін Сіз «Успен ауданының экономика және бюджеттік жоспарлау бөлімі» ММ Успен ауылы, Терешкова көшесі, 29 мекен-жайы бойынша немесе 91669,79000 телефондары арқылы хабарласа аласыз.

"Тұрғын үй қатынастары туралы" Қазақстан Республикасының 1997 жылғы 16 сәуірдегі Заңының (бұдан әрі-заң) 67-бабының 1-тармағына сәйкес коммуналдық тұрғын үй қорынан тұрғын үйлер осы елді мекенде тұрақты тұратын және тұрғын үйге мұқтаждар есебінде тұрған Қазақстан Республикасының тұрғын үйге мұқтаж азаматтарының пайдалануына беріледі. Ұлы Отан соғысының мүгедектері мен қатысушыларының, сондай-ақ жетім балалардың және ата-анасының қамқорлығынсыз қалған балалардың мемлекеттік тұрғын үй қорынан тұрғынжай немесе жеке тұрғын үй қорынан жергілікті атқарушы орган жалдаған тұрғынжай алуға бірінші кезекте құқығы бар. Жоғарыда баяндалғанның негізінде, қолданыстағы тұрғын үй заңнамасын ескере отырып, сіз тізімдерде белгіленген кезектілік тәртібімен мемлекеттік тұрғын үй қорынан тұрғын үймен қамтамасыз етілесіз. Құқықтық негіздердің болмауына байланысты кезектілік тәртібін бұза отырып тұрғын үймен қамтамасыз ету мүмкін емес. Сонымен қатар, сіз уақытша тұрғын үй беру мәселесін қарау үшін жергілікті атқарушы органға жүгінуге құқылысыз.

Жұмыспен қамтуға жәрдемдесудің белсенді нысандарына қатысуға жолдаманы Сіз Жұмыспен қамту және әлеуметтік бағдарламалар бөлімінен ала аласыз. Ұсынылатын бағыттар: 1. Жастар практикасына; 2. Қоғамдық жұмыстарға; 3. Әлеуметтік жұмыс орындарына жұмысқа орналастыру үшін; 4. Жұмысқа орналасу үшін; 5. Кәсіптік даярлауға, қайта даярлауға және біліктілікті арттыруға; 6. Адамдарға кәсіби бағдарлауда тегін қызмет көрсетуге; 7. Бірінші жұмыс орнына ("бірінші жұмыс орны"жобасы).