Талдыкорған қаласы мәслихатының аппараты
Мәслихат (жергілікті өкілді орган) - облыстың, республикалық маңызы бар қаланың және астананың немесе ауданның (облыстық маңызы бар қаланың) халқы сайлайтын, халықтың еркін білдіретін және Қазақстан Республикасының заңнамасына сәйкес оны іске асыру үшін қажетті шараларды айқындайтын және олардың жүзеге асырылуын бақылайтын сайланбалы орган.
Мәслихат өз құзыреті шегінде тиісті аумақты дамыту жоспарларын, экономикалық және әлеуметтік бағдарламаларын, жергілікті бюджетті және олардың атқарылуы туралы есептерді бекітеді, олардың орындалуын бақылайды, өздерiнің қарауына жатқызылған жергілікті әкімшілік-аумақтық құрылыс мәселелерін шешеді, Қазақстан Республикасының жер заңдарына сәйкес жер қатынастарын реттеуді жүзеге асырады, азаматтар мен ұйымдардың Қазақстан Республикасы Конституциясының, заңдарының, Қазақстан Республикасы Президенті актілерінің, орталық және жергілікті мемлекеттік органдардың нормативтік құқықтық актілерінің нормаларын орындауына жәрдемдеседі.
Мәслихат өз өкiлеттiгiн сессияларда мәслихаттың тұрақты комиссиялары мен өзге де органдары, депутаттары мен төрағасы арқылы Қазақстан Республикасының заңнамасында белгiленген тәртiппен жүзеге асырады.
Мәслихат қызметiнiң негiзгi нысаны мәслихат сессиясы болып табылады, онда мәслихаттың қарауына заңдармен жатқызылған мәселелер шешiледi.
Жаңалықтар
АшуТалдықорған қалалық мәслихаты депутаттарының назарына!
АшуТалдықорған қалалық мәслихатының тұрақты комиссияларының кеңейтілген отырысы өтті
АшуТалдықорған қалалық мәслихатының төрағасы Темірболат Ахажан Жанболатұлы Еркін ауылдық округіндегі көшелерді аралап, сыртқы жарықтандырудың жай-күйімен танысты
АшуТұрғын үй-коммуналдық шаруашылық нысандарымен танысу
АшуТалдықорған қалалық мәслихатының төрағасы Темірболат Жанболатұлы Ахажан «Қарттардың да өнерге бар таласы» атты ардагер әншілер байқауының гала-концертіне қатысты
Ашу«Үздік аула» номинациясы бойынша комиссия құрамында Талдықорған қалалық мәслихатының №5 сайлау округі бойынша депутаты Владимир Қауысбеков бастаған топ қаладағы аулаларды аралау барысында
Құжаттар
360° ФОРМАТТАҒЫ БЕЙНЕШОЛУДЫ ДҰРЫС ӨТКІЗУ ТӘРТІБІ
Тестілеу немесе конкурс кезеңдерін өткізу кезінде жұмыс орнының талаптарға сәйкестігін қамтамасыз ету мақсатында 360° форматта бейнешолу жүргізіледі. 360° форматтағы бейнешолу кезінде төмендегі талаптарды сақтау қажет: 📌 Жұмыс орнының барлық аумағын толық көрсету: бөлменің барлық қабырғалары мен бұрыштарын; төбесі мен еденін; жұмыс үстелінің үстіңгі, астыңғы және жанындағы кеңістігін; мониторды, пернетақтаны және компьютер тінтуірін; пайдаланылған жағдайда жүйелік блокты. ✅ Бейнешолу аяқталғаннан кейін смартфонды жұмыс орны толық көрінетіндей етіп орналастыру қажет. Смартфон камерасының көрінісінде: кандидаттың қырынан көрінісі; жұмыс орны мен монитор аймағы; монитордың артындағы кеңістік толық көрінуі тиіс. ‼️ Маңызды! Тестілеу немесе конкурс кезеңі толық аяқталғанға дейін смартфонның орналасқан жерін өзгертуге болмайды. ТЫЙЫМ САЛЫНАДЫ: ❌ бөгде адамдардың тестілеу немесе конкурс өткізу процесіне қатысуына; ❌ қосымша бейнекамераларды пайдалануға және орналастыруға. Талаптарды сақтау тестілеу немесе конкурс кезеңін белгіленген тәртіппен өткізу үшін міндетті.
ҚАЗАҚСТАНДА АЛҒАШҚЫ РЕСПУБЛИКАЛЫҚ «КІТАП ОҚИТЫН ҰЛТ» КІТАП ОҚУ МАРАФОНЫНА ТІРКЕЛУ БАСТАЛДЫ
Қазақстанда алғашқы республикалық «Кітап оқитын ұлт» кітап оқу марафонына тіркелу басталды. Жоба еліміздің барлық өңірінен қатысушыларды біріктіріп, кітап оқуды насихаттау мен оқу мәдениетін дамытуға бағытталған ең ауқымды ұлттық бастамалардың біріне айналмақ. Марафон 2026 жылғы қыркүйек айынан 2027 жылғы сәуірге дейін қазақ және орыс тілдеріндегі екі лигада өтеді. Жоба 7 бағытты қамтиды: - «Кітап оқитын мектеп» — 6–10 сынып оқушылары; - «Кітап оқитын колледж» — колледж студенттері; - «Кітап оқитын университет» — жоғары оқу орындарының студенттері; - «Кітап оқитын педагог» — мектеп мұғалімдері мен колледж оқытушылары; - «Кітап оқитын әулет» — отбасылық командалар; - «Кітап оқитын мемлекеттік қызметші» — мемлекеттік қызметшілер; - «Кітап оқитын зияткер» — жасына және қызмет саласына шектеу қойылмайтын барлық азаматтар. Әр қатысушы өз бағыты бойынша арнайы іріктелген 330 кітаптан тұратын қордан 15 кітап оқуы қажет. Оның 165-і қазақ тілінде, 165-і орыс тілінде ұсынылған. Кітаптар тізіміне отандық авторлардың шығармалары, әлем классикасы және заманауи туындылар енді. Тізімді жасақтау кезінде жалпыұлттық дауыс беру қорытындысы бойынша «100 кітап» тізіміне енген шығармалар, сондай-ақ әдебиет саласындағы Нобель сыйлығының лауреаттары жазған туындыларды қоса алғанда, әлемдік бестселлерлер де ескерілді. Негізгі оқу кезеңі биыл қыркүйек айында басталып, 2027 жылғы наурызға дейін жалғасады. Осы уақытта қатысушылар кітаптарды оқып, жеке кабинетінде пікірлерін жариялап отырады. Ал 2027 жылғы наурыз–сәуір айларында қорытынды тестілеу мен зияткерлік квиздер өткізіледі. Өңірлік кезеңдердің жеңімпаздары мен жүлдегерлеріне ақшалай сыйлықтар табысталады: 1-орын — 600 000 теңге; 2-орын — 450 000 теңге; 3-орын — 300 000 теңге. Барлық финалист дипломдармен және электронды сертификаттармен марапатталады. «Кітап оқитын ұлт – Читающая нация» қоғамдық қорының төрағасы Бақытжан Тұрлыбековтің айтуынша, жобаның негізгі мақсаты байқаудың өзімен ғана шектелмейді. «Бүгін біз «Кітап оқитын ұлт» алғашқы республикалық марафонына тіркелуді ашып, осылайша жасы, мамандығы мен қызығушылығы әртүрлі адамдарды кітап төңірегіне біріктіретін үлкен жалпыұлттық қозғалысқа жол ашып отырмыз. Баршаңызды марафонға қатысуға шақырамын. Бірлесе отырып, кітап оқуды Қазақстандағы заманауи өмірдің маңызды құрамдас бөлігіне айналдыра аламыз деп сенемін. Сондай-ақ зерделі ұлттың — қуатты, білімді әрі ойлайтын ұлт екенін көрсете аламыз», — деді Бақытжан Тұрлыбеков. Қатысу ережелері, бағыттар бойынша регламенттер және кітаптар тізімі жобаның ресми сайтында жарияланған: www.reading-nation.kz Республикалық «Кітап оқитын ұлт» марафонын жүзеге асыруға жобаның бірқатар маңызды серіктестері де атсалысуда. Қазақстан Жазушылар одағы, Креативті индустрияларды дамыту қоры, KITAP және «Яндекс Кітаптар» цифрлық платформалары оқу мәдениетін дамытуға, заманауи әдеби бастамаларды қолдауға және оқырмандардың кітаппен өзара байланысуына жаңа мүмкіндіктер жасауға ықпал етпек. Жоба Қазақстан Республикасы Мәдениет және ақпарат министрлігінің қолдауымен жүзеге асырылуда.
Талдықорған қаласы Қоғамдық кеңесінің мүшесін бекіту туралы
Талдықорған қаласыҚоғамдық кеңесінің мүшесінбекіту туралы Қазақстан Қазақстан Республикасы Мәдениет және ақпарат министрінің міндетін атқарушысының 2025 жылғы 28 наурыздағы № 112-НҚ «Қоғамдық кеңес туралы үлгілік ережені бекіту туралы» бұйрығының 37-тармағына сәйкес, ӨКІМ ЕТЕМІН: Резервтік тізімнен Талдықорған қаласының Қоғамдық кеңесінің құрамына алынған Казакпаев Эдиль Юрьевич шығып қалған Слямов Еркімбек Батырқанұлының орнына Қоғамдық кеңестің мүшесі болып Қоғамдық кеңестің қолданыстағы құрамының өкілеттік мерзімінің қалған кезеңіне бекітілсін. Негіздеме: Талдықорған қаласының Қоғамдық кеңесінің төрағасы Р.Р. Есдәулетовтің 2026 жылғы 26 тамыздағы № 126 хаты. Талдықорған қалалық мәслихатының төрағасыТ. Ахажан
«Талдықорған қаласының Құрмет грамотасымен наградтау туралы ережесін бекіту туралы» Талдықорған қалалық мәслихатының 2018 жылғы 28 наурыздағы № 169 шешімінің күші жойылды деп тану туралы
«Талдықорған қаласының Құрмет грамотасымен наградтау туралы ережесін бекіту туралы»Талдықорған қалалық мәслихатының2018 жылғы 28 наурыздағы № 169шешімінің күші жойылды деп тану туралы «Құқықтық актілер туралы» Қазақстан Республикасы Заңының 27-бабына сәйкес Талдықорған қалалық мәслихаты ШЕШІМ ҚАБЫЛДАДЫ: «Талдықорған қаласының Құрмет грамотасымен наградтау туралы ережесін бекіту туралы» Талдықорған қалалық мәслихатының мәслихатының 2018 жылғы 28 наурыздағы № 169 (Нормативтік құқықтық актілерді мемлекеттік тіркеу тізілімінде № 4640 болып тіркелген) шешімінің күші жойылды деп танылсын. Осы шешім оның алғашқы ресми жарияланған күнінен кейін күнтізбелік он күн өткен соң қолданысқа енгізіледі. Лауазымы Аты-жөні