"Қызан ауылы әкімінің аппараты" мемлекеттік мекемесі

Қызан ауылдық әкімдігі – Маңғыстау облысы, Маңғыстау ауданындағы әкімшілік. Ауылдық округ ретінде Маңғыстау ауданы әкімінің 13.07.199 ж. № 98 шешімі бойынша құрылған. 2016 жылы «Қызан ауылы әкімінің аппараты» мемлекеттік мекемесі болып қайта құрылды.

Қызан ауылы Маңғыстау ауданының орталығы Шетпе ауылының солтүстік – шығыс жағында 110 шақырым, облыс орталығынан 260 шақырым қашықтықта орналасқан. Облыс, аудан орталығынан елді мекенге дейін асфальт жол бар.

Қызан ауылының жалпы жер көлемі – 10333,8 га, оның ішінде егістікке жарамды суармалы жері жоқ. Жергілікті атқарушы орган өзіне сеніп тапсырылған аумақта мемлекеттік саясаттың жүргізілуін, ҚР Орталық атқарушы органдарының барлық аумақтық бөлімшелерінің үйлесімді қызмет істеуін, тиісті бюджеттен қаржыландырылатын атқарушы органдарға басшылықты қамтамасыз ететін ҚР Заңдарына сәйкес мемлекеттік басқару өкілеттілігі берілген, тиісті аумақтық әлеуметтік – экономикалық дамуының жәй – күйіне жауапты орган.