Қостанай облыстық мәслихаттың аппараты

Қостанай облыстық мәслихатының депутаттарын сайлау жөніндегі округтік сайлау комиссияларының құрамынан шыққандардың орнына бос орындарға ұсыныстар қабылдау туралы Қостанай облыстық мәслихатының ХАБАРЛАМАСЫ

Қостанай облыстық мәслихатының депутаттарын сайлау жөніндегі округтік сайлау комиссияларының құрамынаншыққандардың орнына бос орындарға ұсыныстар қабылдау туралы Қостанай облыстық мәслихатының ХАБАРЛАМАСЫ «Қазақстан Республикасындағы сайлау туралы» Қазақстан Республикасы Конституциялық заңының (бұдан әрі – Сайлау туралы Конституциялық заң) 10 және 15-1-баптарына сәйкес Қостанай облыстық мәслихатының депутаттарын сайлау жөніндегі округтік сайлау комиссияларының құрамынан шыққандардың орнына бос орындарға ұсыныстар қабылдау туралы Қостанай облыстық мәслихаты хабарлайды. Округтік сайлау комиссиясы бес мүшеден тұрады. Округтік сайлау комиссияларының өкілеттік мерзімі бес жылды құрайды және 2028 жылғы қаңтарда аяқталады. Әрбір саяси партия тиісті сайлау комиссиясының құрамына бір кандидатура ұсынуға құқылы. Сайлау комиссиясының құрамына ұсынылатын адам сайлау туралы Конституциялық заңның талаптарына сай болуға тиіс. Саяси партия сайлау комиссиясының құрамына осы саяси партияның мүшелері болып табылмайтын кандидатураларды ұсынуға құқылы. Сайлау комиссиясының құрамына ұсынылатын адамдар оның жұмысына қатысуға келісім беру туралы өтініштерді қоса береді. Саяси партиялар, өзге де қоғамдық бірлестіктер, олардың құрылымдық бөлімшелері және жоғары тұрған сайлау комиссиясына қатысты 2026 жылғы 3 тамыздан бастап 2026 жылғы 21 тамызды қоса алғандағы кезеңде (дүйсенбіден жұмаға дейін сағат 09:00-ден 18:30-ға дейін, үзіліс сағат 13:00-ден 14: 30-ға дейін) мәслихатқа келесі құжаттарды ұсынады: 1) белгіленген нысан бойынша сайлау комиссиясының құрамына кандидатуралар туралы мәліметтерді электрондық және қағаз форматта; 2) саяси партияның, қоғамдық бірлестіктің немесе олардың филиалдарының (өкілдіктерінің), жоғары тұрған сайлау комиссиясының тиісті сайлау комиссиясының құрамына кандидаттарды ұсыну туралы шешімінен үзінді көшірме; 3)саяси партияны, қоғамдық бірлестікті немесе олардың филиалдарын (өкілдіктерін) тіркеу туралы құжаттың көшірмесі; 4) кандидаттардың белгіленген нысан бойынша сайлау комиссиясының жұмысына қатысуға келісімі туралы өтініштері. Сайлау комиссиясының құрамына кандидатуралар туралы мәліметтер нысандары, кандидаттардың сайлау комиссиясының жұмысына қатысуға келісімі туралы өтініштері мәслихат сайтында орналастырылған (https://www.gov.kz/memleket/entities/kostanai-oblys-apparaty?lang=ru). Сайлау комиссиясының мүшесі осы комиссияның құрамын қалыптастырған мәслихат орналасқан әкімшілік-аумақтық бірліктің аумағында тұруға тиіс. Сайлау туралы Конституциялық заңның 23-бабының 3-тармағында көзделген сайлау учаскелерін құру жағдайларын қоспағанда, сайлау комиссиясы құрамының жартысынан астамы бір ұйымның қызметкерлері болуға тиіс емес. Бір сайлау комиссиясының құрамына жақын туыстары (ата-аналары, балалары, асырап алушылары, асырап алынғандары, ата-анасы бір және ата-анасы бөлек аға-інілері мен апа-сіңлілері, аталары, әжелері, немерелері) немесе жұбайы (зайыбы) кіре алмайды. Мәслихатқа қағаз форматта ұсынылатын барлық құжаттарға қол қойылуы, мөрмен куәландырылуы және орындалған күні, орындаушы туралы белгі, тегі, аты-жөні және телефон нөмірі көрсетілуі тиіс. Қостанай облыстық мәслихаты Мәслихаттың орналасқан жері: Қостанай қаласы, әл-Фараби даңғылы, 66. Сайлаубек Ерғазыұлы Ещанов – Қостанай облыстық мәслихатының төрағасы. Жауапты тұлға – Баратова Шолпан Әміржанқызы 8 (714) 2 575604, электрондық пошта мекенжайы [email protected], [email protected]. Қостанай облыстық мәслихаты Қостанай облыстық мәслихатының депутаттығына сайлау жөніндегі келесі округтік сайлау комиссияларының мүшелерін сайлайды: р/с № Аудандық комиссияның нөмірі Орналасқан жері Бос орындар саны 1. № 1 аудандық сайлау комиссиясы Қостанай қаласы, Дулатов көшесі, 72, «Қостанай облысы әкімдігі білім басқармасының «Қостанай қаласы білім бөлімінің № 2 мектеп-лицейі» КММ ғимараты 1 2. № 2 аудандық сайлау комиссиясы Қостанай қаласы, Қобыланды батыр даңғылы, 28, «Қостанай қаласы білім бөлімінің № 3 мектеп-гимназиясы» КММ ғимараты 1 3. № 5 аудандық сайлау комиссиясы Қостанай қаласы, Быковский көшесі, №9 үй, Қостанай облысы әкімдігі білім басқармасының «Қостанай педагогикалық колледжі» коммуналдық мемлекеттік қазыналық кәсіпорнының ғимараты 1 4. № 6 аудандық сайлау комиссиясы Рудный қаласы, 50 лет Октября көшесі, №34 үй, Қостанай облысы әкімдігінің білім басқармасы «Ы.Алтынсарин атындағы Рудный әлеуметтік-гуманитарлық колледжі» КМҚК ғимараты 1 5. № 7 аудандық сайлау комиссиясы Рудный қаласы, Дзержинский көшесі, №19 үй, «Қостанай облысы әкімдігі білім басқармасының «Рудный қаласы білім бөлімінің №1 жалпы білім беретін мектебі» КММ ғимараты 1 6. № 8 аудандық сайлау комиссиясы Бейімбет Майлин ауданы, Әйет ауылы, Тәуелсіздік көшесі, №60 үй, «Бейімбет Майлин ауданы әкімінің аппараты» мемлекеттік мекемесінің (бұдан әрі – ММ) ғимараты 1 7. № 9 аудандық сайлау комиссиясы Тобыл қаласы, Тәуелсіздік көшесі №61А үй, «Қостанай ауданы әкімдігінің мәдениет және тілдерді дамыту бөлімі» ММ-нің «Мәдени-демалыс орталығы» КМК «Алтын дән» мәдениет үйінің ғимараты 3 8. № 10 аудандық сайлау комиссиясы Алтынсарин ауданы, Обаған ауылы, Ленин көшесі, №4 үй, «Алтынсарин ауданы әкімінің аппараты» ММ ғимараты 1 9. № 11 аудандық сайлау комиссиясы Денисов ауылы, Ленин көшесі, №12 үй, «Денисов ауданы әкімдігінің мәдениет және тілдерді дамыту бөлімінің аудандық мәдениет үйі» КМҚК ғимараты 1 10. № 12 аудандық сайлау комиссиясы Жітіқара қаласы, 4 шағын аудан, №27 үй, Қостанай облысы әкімдігі білім басқармасының «Жітіқара ауданының білім бөлімі» ММ ғимараты 1 11. № 13 аудандық сайлау комиссиясы Әулиекөл ауданы, Әулиекөл ауылы, Май көшесі, № 37а үй, «Қостанай облысы әкімдігі білім басқармасының «Әулиекөл ауданы білім бөлімінің Әулиекөл бастауыш мектебі» КММ ғимараты 3 12. № 14 аудандық сайлау комиссиясы Меңдіқара ауданы, Боровское ауылы, Королев көшесі, №5 үй, каб.113 «Меңдіқара ауданы әкімінің аппараты» ММ ғимараты 4 13. № 15 аудандық сайлау комиссиясы Амангелді ауданы, Амангелді ауылы, Б. Майлин көшесі, №14 үй, «Амангелді ауданы әкімінің аппараты» ММ ғимараты 2 14. № 16 аудандық сайлау комиссиясы Федоров ауданы, Федоров ауылы, Жастар көшесі №53 үй, «Федоров ауданы әкімінің аппараты» ММ ғимараты 2 Қосымша мәлімдеме және өмірбаяндық деректер Қосымша саяси партияның ұсынысы

Саяси партия, өзге де қоғамдық бірлестік, олардың құрылымдық бөлімшелері

Қосымша мәлімдеме және өмірбаяндық деректер

ХАТТАМА Қостанай облыстық мәслихатының тұрақты комиссияларында жария тыңдаулар 2026 жылғы 27 шілде

Облыстың (қаланың, ауданның) Құрметті азаматы» атағын беру қағидаларын бекіту туралы»

Қостанай облыстық мәслихатының «Облыстың (қаланың, ауданның) Құрметті азаматы» атағын беру қағидаларын бекіту туралы» Қостанай облыстық мәслихаты шешімінің жобасы 2025 жылғы 28 шілдеде ашық нормативтік құқықтық актілердің интернет-порталында жарияланды https://legalacts.egov.kz/npa/view?id=15864553

Қостанай облыстық мәслихаты депутаттарының жұмыс тобының көшпелі жұмыс кеңесі отырысының № 4 хаттамасы