Мен 20.06.1940 жылы Қоңырат ауданы Пушкин атындағы ұжымшарда туылғанмын. Әкем Рақымов Қызылбай 1941 жылдың желтоқсан айында Ұлы Отан соғысына туған ағасы Рақымов Ақбай екеуі соғысқа аттанып, содан екеуі де оралмады. Аудан орталығындағы «Тарихи тағылымы» саябағына Ұлы Отан соғысында қайтыс болғандармен хабарсыз кеткен боздақтардың есімдері жазылған мемориалдық тақтада әкемнің туған ағасы Рақымов Ақбайдың есімі қате жазылған, содан 07. қазан 2019 жылы өзіңіздің атыңызға өтініш жазған болатынмын. Сіздің орынбасарыңыз А.Аманжоловтан 06.11.2019 жылы жазған қатынас қағазын алған болатынмын (06.11.2019 жылы қатынасының көшірмесін өтінішке қоса тіркедім). Содан бері жарты жылға уақыт болды еш өзгеріс жоқ. Сізден сұрарым әкемнің ағасы Рақымов Ақбайдың мемориалдық тақтадағы есіміне байланысты қатесі түзетіліп жазылуына көмек жасауыңызды сұраймын.
«Ақтоғай ауылы әкімінің аппараты» ММ-нің тарапынан Ақтоғай ауылындағы «Тарих тағылымы» саябақ аумағында орналасқан «Ұлы отан соғысында қайтыс болғандар мен хабарсыз кеткен боздақтарға» арналған мемориалды тақтада есімі белгілі себептермен қате жазылған тұлғаның аты-жөнін түзетіп қайта жазу бойынша жұмыстар ақаулы мәлімдеме актісін жасау арқылы жүргізіледі. Аталған мәлімдемеден кейін ауыл әкімдігінің биылғы жылдың үнемді қаржы есебінен сметалық құжаттамалар дайындалып, жоғарыдағы кемшіліктің орны толықтырылып гранит тасқа есімдерді қайта жаңартылып жазылады.