Құрылым — "Қараой ауылдық округі әкімінің аппараты" ММ

Ойыл ауданы – Ақтөбе облысының батысында орналасқан шалғай аудандардың бірі. Аудан Ақтөбе облысының Қобда, Темір және Байғанин аудандарымен шектеседі. Аудандағы 21 елді мекен 7 ауылдық округке біріктірілген. Орталығы – Ойыл ауылы. Ойыл ауданының жері негізінен эрозия-денудациялық жазықта орналасқан. Аудан жерінен шығыстан батысқа қарай Ойыл өзені ағады. Оның Ащыойыл, Шағырлы, Қайыңды, Ботабай, Қиыл, Кенжалы, Қуырдақты, т.б. салалары бар. Бірнеше шағын көлдер (Қамыскөл, Соркөл, т.б.) орналасқан. Өзен аңғарында Барқын, Сарытөбе т.б. құмды алқаптар кездеседі. Халық саны 01.01.2020 жыл бойынша 18,672 адамды құрайды (облыс халқының 2,3 %), оның ішінде экономикалық белсенді халық саны – 9,0 мың адам. Халықтың ұлттық құрылымы: қазақтар – 18357 адам (98,3%),орыстар – 187 адам (0,9%),басқа ұлт өкілдері – 132 адам (0,7%).Аудан орталығы – Ойыл ауылы, Ақтөбе қаласынан 260 шақырым қашықтықта орналасқан. Аудан орталығының халық саны 01.01.2020 жыл бойынша 6,980 адам.