Маңғыстау облысы бойынша тексеру комиссиясы

    Комиссия туралы

    «Маңғыстау облысы бойынша тексеру комиссиясы» мемлекеттік мекемесі жергілікті бюджеттің атқарылуына сыртқы мемлекеттік аудитті және қаржылық бақылауды жүзеге асыратын мемлекеттік орган болып табылады.

    Тексеру комиссиясының миссиясы облысының аумағында қаржы тәртібін нығайту және экономикалық тұрақтылықты қамтамасыз ету мақсатында, жергілікті бюджет қаражатын, мемлекет және квазимемлекеттік сектор субъектілері активтерін басқарудың және пайдаланудың тиімділігін арттыру болып табылады.

    Жаңалықтар

    Барлық жаңалықтар
    Есеп

    Тексеру комиссиясының 2026 жылдың III тоқсандағы облыс бойынша жергілікті бюджеттердің атқарылуын ағымдағы бағалау туралы ақпарат

    Тексеру комиссиясының 2026 жылдың III тоқсандағы облыс бойынша жергілікті бюджеттердің атқарылуын ағымдағы бағалау туралы ақпарат

    Жарияланды:
    Тізбе

    2026 жылға арналған мемлекеттік аудит объектілерінің тізімі 27.10.2026 жылғы №43-НҚ

    2026 жылға арналған мемлекеттік аудит объектілерінің тізімі 27.10.2026 жылғы №43-НҚ

    Жарияланды:
    Ақпарат

    Квазимемлекеттік сектор субъектісі қызметінің тиімділігіне жүргізілген аудиторлық іс-шара нәтижесі бойынша ақпарат

    Маңғыстау облысы бойынша тексеру комиссиясының кезекті отырысында Маңғыстау облысының денсаулық сақтау басқармасы мен «Маңғыстау облыстық жоғары медициналық колледжі» шаруашылық жүргізу құқығындағы мемлекеттік коммуналдық кәсіпорнының қызметіне жүргізілген мемлекеттік аудит нәтижелері қаралды. Жүргізілген мемлекеттік аудитпен нәтижесімен жалпы сомасы 1 283 893,8 мың теңгеге қаржылық бұзушылықтар (оның ішінде қалпына келтіруге жататыны- 1 283 816,5 мың теңге, өтелуге жататыны- 77,3 мың теңге),бюджет қаражатын тиімсіз жоспарлау 738 096,0 мың теңгежәне бюджет қаражатын тиімсіз пайдалану 862 072,7 мың теңге, жіберіп алған пайда 143 811,4 мың теңге және 17 бірлік рәсімдік сипаттағы бұзушылықтар анықталды. Маңғыстау облысының денсаулық сақтау басқармасы бойынша аудит барысында 2024 және 2025 жылдарға арналған «Техникалық және кәсіптік, орта білімнен кейінгі білім беру ұйымдарында мамандар даярлау» бюджеттік бағдарламасы бойынша бюджеттік өтінімдерді қалыптастыру кезінде бір маманды даярлаудың нормативтік құны мен білім алушылардың нақты контингенті толық ескерілмей, нәтижесінде бюджеттік өтінімдер толық әрі анық ақпараттармен және тиісті есептеулермен негізделіп қалыптастырылмаған. «Медициналық денсаулық сақтау ұйымдарының күрделі шығыстары» бюджеттік бағдарламасы бойынша жоспарланған түпкілікті нәтижелерге қол жеткізілмегеніне қарамастан, есептілікте оны орындалған деп көрсеткен. 2024–2025 және 2025–2026 оқу жылдарына мемлекеттік білім беру тапсырысын орындау бойынша жасалған шарттарда көрсетілетін қызметтердің нақты көлемі мен құны толық көрсетілмеген. Маңғыстау облыстық жоғары медициналық колледжі бойынша 2024–2025 жылдарға арналған даму жоспарының орындалуы туралы есепте тікелей және түпкілікті нәтиже көрсеткіштері көзделмеген. Сонымен қатар, кәсіпорын мемлекеттік білім беру тапсырысы бойынша бюджеттік өтінімдерді нормативтік қаржыландыру талаптарына сәйкес қалыптастырмаған. Күрделі жөндеу жұмыстары бойынша мердігердің шарттық міндеттемелерді тиісінше орындамағанына қарамастан, шартта көзделген тұрақсыздық айыбын өндіріп алу бойынша тиісті шаралар қабылданбаған. Аудит нәтижесінде күрделі жөндеу жұмыстарының, ғимараттар мен орнатылған бейнекамералардың бухгалтерлік баланста тиісті деңгейде танылмаған, соның салдарынан бухгалтерлік есептілік бұрмаланған. Сонымен бірге іссапар шығыстары бойынша негізсіз төленуіне жол берілген. Еңбек қатынастары саласы бойынша 2024–2025 жылдары еңбек демалыстарының кестесі жасалмаған, еңбек демалысына байланысты төлемдер белгіленген мерзімдерде жүргізілмеген, тәртіптік жаза қолдану рәсімдері сақталмаған. Еңбек шарттарында міндетті талаптары толық көрсетілмеген, ұжымдық шарттың жекелеген нормалары қолданыстағы заңнама талаптарына сәйкес келмеген, қоса атқару бойынша тиісті қосымша келісімдер жасалмаған және бос жұмыс орындары туралы ақпарат Электрондық еңбек биржасына орналастырылмаған. Құрылыс және күрделі жөндеу жұмыстары бойынша техникалық қадағалау ұйымының құрылыс-монтаж жұмыстарының аяқталғаны туралы қорытынды есепті «Е-Құрылыс» ақпараттық жүйесі арқылы ұсынбаған. Сонымен қатар, құрылыс жұмыстарының басталғаны туралы бірқатар хабарламалар белгіленген талаптарға сәйкес келмей, кері қайтарылған. Күрделі жөндеу жұмыстары барысында бастапқы жобалау-сметалық құжаттамаға жұмыс түрлері мен көлемдеріне қатысты өзгерістер енгізілген. Алайда өзгертілген жобалау-сметалық құжаттама белгіленген тәртіппен қайта бекітілмеген және міндетті мемлекеттік сараптамадан өткізілмеген. Отырыста мемлекеттік аудит нәтижелері жан-жақты қаралып, оның қорытындысын бекіту туралы тиісті қаулы қабылданды. Мемлекеттік аудит нәтижелері бойынша бюджет және өзге де заңнама талаптарын бұзудың салдарын барынша азайтуға, анықталған бұзушылықтарды жоюға және олардың қайталануына жол бермеуге бағытталған ұсынымдар мен тапсырмалар берілді. Сонымен қатар анықталған бұзушылықтарды жою және оларға жол берген лауазымды тұлғалардың жауапкершілігін қарау туралы нұсқамалар шығарылды. Әкімшілік құқық бұзушылық белгілері бар материалдар заңнамада белгіленген тәртіппен тиісті уәкілетті органдарға қарау үшін жолданды.

    Жарияланды:
    Ақпарат

    «Байланыс саласындағы 2023 - 2027 жыл аралағында «Қолжетімді Интернет» ұлттық жобасын іске асыру жөніндегі іс-қимыл жоспарының орындалысын бағалау» бойынша жүргізілген сараптамалық-талдау іс-шарасы бойынша ақпарат

    Маңғыстау облысы бойынша тексеру комиссиясының кезекті отырысында 2026 жылға арналған жұмыс жоспарына сәйкес «Байланыс саласындағы 2023 - 2027 жыл аралағында «Қолжетімді Интернет» ұлттық жобасын іске асыру жөніндегі іс-қимыл жоспарының орындалысын бағалау» бойынша жүргізілген сараптамалық-талдау іс-шарасының қорытындысы қаралды. Жүргізілген сараптамалық - талдау іс-шарасымен Қазақстан Республикасы Үкіметінің 2023 жылғы 27 қазандағы №949 қаулысымен бекітілген «Байланыс саласындағы «Қолжетімді Интернет» ұлттық жобасының»01.08.2026 жыл жағдайына өңірдегі орындалысына бағалау берілді. «Қолжетімді Интернет» ұлттық жобасының мақсаты - халықты және кәсіпкерлік субъектілерін Интернет желісіне жоғары жылдамдықты қолжетімділікпен қамтамасыз ету (≥100 Мбит/с). Ұлттық жобаны іске асыру мерзімі: 2023 – 2027 жылдар. Күтілетін нәтижелер: 2027 жылы кең жолақты қолжетімділіктегі үй желілерінің Интернетке ену деңгейі – 100 %-ға жеткізу. Ұлттық жобаны іске асыруда бекітілген іс-қимыл жоспарына сәйкес 2025 жылы Маңғыстау облысы әкімі мен Қазақстан Республикасының Цифрлық даму, инновациялар және аэроғарыш өнеркәсібі министрлігімен бірлескен Жол картасы бекітілген.Бекітілген іс-қимыл жоспарына, Жол картасына сәйкесхалықты және кәсіпкерлік субъектілерін Интернет желісіне жоғары жылдамдықты қолжетімділікпен қамтамасыз ету мақсатында өңірде 2 міндет көзделген: 1-міндеті. Сымды байланыс инфрақұрылымын дамыту. 2-міндеті. Сымсыз байланыс инфрақұрылымын дамыту. Жүргізілген сараптамалық-талдау іс-шарасы қорытындысыменСымды байланыс инфрақұрылымын дамыту міндеті бойынша Маңғыстау облысы бойынша 2024-2025 жылдарға жоспарланған көрсеткіштерге толық қол жеткізілмеген. Атап айтқанда: Ұлттық жоба жоспары мен Жол картасы бойынша Маңғыстау облысында халық саны аз 4 елді мекенде(Аққұдық, Жарма, Сазды, Басқұдық ауылдарында)талшықты-оптикалық байланыс желілері жүргізу2025 жылға жоспарланғанымен, 01.08.2026 жыл жағдайына орындалмаған, яғни талшықты-оптикалық байланыс желілері жүргізілмеген. Салдарынан шалғай орналасқан, халық саны 250 ден аспайтын ауылдық елді мекендерде тұратын халықты және кәсіпкерлік субъектілерін Интернет желісіне жоғары жылдамдықты қолжетімділікпен қамтамасыз ету мүмкіндігі шектеліп отыр. Нәтижесінде, «Талшықты-оптикалық байланыс желілерін ауылға дейін жеткізу» деңгейін 80%-ға жеткізу көрсеткішіне қол жеткізілмей, деңгейі 33,3% -ды құрады. Сымсыз байланыс инфрақұрылымын дамыту міндеті бойынша Республикалық және негізгі облыстық жолдарды мобильді кең жолақты қол жеткізумен (МКЖҚ) қамту үшін: 1) «Доссор – Құлсары – Бейнеу – Сай-Өтес – Шетпе – Жетiбай – Ақтау порты» (Шетпеге кірме жолмен және Жетібай арқылы жүріп өтумен) 2) «Жетiбай – Жаңаөзен – Кендірлі – Түрікменстан (Тәжікстан) Республикасының шекарасы» (Түрікменбашыға) 3) «Ақтау – Құрық» 4) «Құрық – Жетібай» 5) «Бейнеу – Ақжiгіт – Өзбекстан Республикасының шекарасы» (Нүкіске) жолдарындаантенді-діңгекті құрылыстарын (АДҚ) салу 2025 жылы аяқталуы жоспарланғанымен бүгінде 01.08.2026 жыл жағдайына құрылыстары салынбаған.Цифрлық инфрақұрылымдардың, яғнибиік мұнаралар - антенна-діңгекті құрылыстарының (АДҚ) мерзімінде (2025 жыл) аяқталмауы салдарынан 01.08.2026 жыл жағдайына жол бойындағы учаскелерде байланыстың толық болмауы немесе өте нашар болуы орын алып отыр. Нәтижесінде, Сымсыз байланыс инфрақұрылымын дамыту міндетінің тиісті көрсеткішіне:«АЕМ-ді Интернетке кең жолақты қолжетімділікпен қамту (%)» 2026 жылы 90%-ға жеткізу көрсеткішіне қол жеткізілмеген,орындалу деңгейі 86%. Бүгіндежергілікті бюджет есебінен антенна-діңгекті құрылыстарының жобалау сметалық құжаттамалары жасақталып, құрылысын салу үшін байланыс операторларымен сметалық құжаттамаларды аукцион арқылы сатып алу жүргізілуде. Жоспарланған іс-шаралардың уақтылы 2024-2025 жылдары, сондай-ақ бүгінгі 01.08.2026 жыл жағдайына дейін орындалмауы – Ұлттық жобаның 2027 жылы жоспарланған мерзімінде орындалу қаупін арттырып отыр.

    Жарияланды:
    Ақпарат

    Салықтық әкімшілендіру тиімділігінің, жергілікті бюджетке салықтар мен басқа да төлемдер түсімдерінің толықтығы мен уақтылылығына жүргізілген аудиторлық іс-шара нәтижесі бойынша ақпарат

    Салықтық әкімшілендіру тиімділігінің, жергілікті бюджетке салықтар мен басқа да төлемдер түсімдерінің толықтығы мен уақтылылығына»жүргізілген аудиторлық іс-шара нәтижесі қаралды. Жүргізілген аудит нәтижесімен 2024–2025 жылдары Маңғыстау ауданының жергілікті бюджетіне түсетін түсімдер бойынша жиынтық қаржыландыру жоспарын қалыптастыру кезінде түсімдер көлемі оларды негіздейтін нормативтік құқықтық актілермен, есептік көрсеткіштермен және өзге де растайтын құжаттармен жеткілікті түрде айқындалмағаны анықталған. Соның салдарынан бюджет кірістерін жоспарлау объективті және нақты есептеулерге емес, жеткілікті негіздемемен расталмаған болжамдарға сүйене отырып жүзеге асырылған. Нәтижесінде жергілікті бюджет түсімдерінің жоспарлы көрсеткіштерінің шынайылығы мен дәлдігіне теріс әсер етіп, бюджеттік жоспарлау сапасының төмендеуіне тәуекел туындаған. Бұл өз кезегінде, салықтық түсімдердің жоспарлы көлемі негізделген есептеулермен және уәкілетті орган бекіткен болжау тәсілдерімен расталмай айқындалған, бұл бюджет кірістерін жоспарлау сапасының төмендеуіне әкелген. Одан әрі, Басқарма ережесі қолданыстағы заңнама талаптарына сәйкестендірілмеген, бұл мемлекеттік орган қызметінің құқықтық негіздерінің өзектілігін қамтамасыз ету талаптарының сақталмауына және қызметті нормативтік құқықтық тұрғыдан реттеудің жеткіліксіздігіне әкелген. Басқармамен салық төлеушілер тарапынан жалпы сомасы 36 044,0 мың теңге көлемінде салықтық берешектің қалыптасуына жол берілген. Бұл бюджетке түсетін түсімдердің толық әрі уақтылы қамтамасыз етілмеуіне, жергілікті бюджет кірістерінің орындалу көрсеткіштерінің төмендеуіне және бюджет қаражатын жоспарлау мен атқару тиімділігіне теріс әсер еткен. Сонымен қатар, жергілікті атқарушы органдармен (аудан әкімдігімен және оған қарасты атқарушы органдармен) өзара бірлескен бақылау шаралары әзірленбеген және қабылданбаған. Бұл өз кезегінде салық төлеушілерді бақылау, салық берешегінің алдын алу және өндіріп алу бойынша уақтылы әрі тиімді шаралар қабылдауды қиындатып, жергілікті бюджет кірістерінің толық түсуіне тәуекелдердің артуына алып келген. Басқарманың әкімшілік құқық бұзушылықтарды анықтау және қарау бойынша міндеттері тиісті дәрежеде орындалмаған. 2025 жылы жергілікті бюджетке түсетін жалпы сомасы 24 665,5 мың теңге мөлшеріндегі міндетті төлемдер уақтылы өндірілмей, аудит барысында өндірілді. Басқармада өз қызметін ұйымдастыру және ішкі тәртіпті реттейтін регламент бекітілмеген. 2024–2025 жылдарға арналған жұмыс жоспарлары бекітілгенімен, олардың негізінде әзірленуге тиіс құрылымдық бөлімшелердің (бөлімдердің) жұмыс жоспарлары әзірленбеген. Бұдан бөлек, Басқарманың штаттық кестесінде құжаттамалық қамтамасыз ету қызметі көзделмегеніне қарамастан, құжаттаманы басқару жөніндегі міндеттер тиісті лауазымды тұлғаға жүктелмеген. Бұл құжат айналымын ұйымдастырудың тиімділігіне, құжаттарды басқару процесінің сапасына және құжаттамамен жұмыс істеу кезінде ішкі бақылаудың жеткілікті деңгейде қамтамасыз етілмеуіне алып келген. Жоғарыдағыларды қорыта келе, Салықтық әкімшілендіру тиімділігінің, жергілікті бюджетке салықтар мен басқа да төлемдер түсімдерінің толықтығы мен уақтылылығына жүргізілген мемлекеттік аудит бойынша тексеру комиссиясымен «қанағаттанарлық» деңгейде деген баға беріледі.

    Жарияланды:
    Тізбе

    2026 жылға арналған мемлекеттік аудит объектілерінің тізімі 07.09.2026 жылғы №39-НҚ

    2026 жылға арналған мемлекеттік аудит объектілерінің тізімі 07.09.2026 жылғы №39-НҚ

    Жарияланды: