Жетісу облысының білім саласында сапаны қамтамасыз ету департаменті

    Департамент туралы

    Қазақстан Республикасы Оқу-ағарту министрлігі Білім саласында сапаны қамтамасыз ету комитетінің Жетісу облысының білім саласында сапаны қамтамасыз ету департаменті (бұдан әрі – Департамент) Қазақстан Республикасы Оқу-ағарту министрлігінің Білім саласында сапаны қамтамасыз ету комитетінің (бұдан әрі – Комитет) құзыреті шегінде білім саласында іске асыру және бақылау функцияларын жүзеге асыратын аумақтық бөлімшесі болып табылады, сондай-ақ Департаменттің құзыреті шегінде Қазақстан Республикасы Оқу-ағарту министрлігінің (бұдан әрі – Министрлік) стратегиялық функцияларын орындауға қатысады.

    Департамент өз қызметін Қазақстан Республикасының Конституциясына және заңдарына, Қазақстан Республикасы Президенті мен Үкіметінің актілеріне, өзге де нормативтік құқықтық актілерге, сондай-ақ осы Ережеге сәйкес жүзеге асырады.

    Жаңалықтар

    Барлық жаңалықтар
    Бұйрық

    2027 жылы мемлекеттік аттестаттаудан өтетін білім беру ұйымдарының тізбесі

    Жарияланды:
    Ақпарат

    2026 жылғы III тоқсанда педагог мәртебесінің сақталуы туралы есеп

    2026 жылғы III тоқсанда Жетісу облысының білім саласында сапаны қамтамасыз ету департаменті педагогтің өтініші бойынша ата-ананың педагогке құрметсіздік таныту фактісін қарады. 2026 жылғы 15 қыркүйекте ата-анаға қатысты Қазақстан Республикасының Әкімшілік құқық бұзушылық туралы кодексінің 409-бабының 7-6-бөлігі бойынша әкімшілік құқық бұзушылық туралы хаттама жасалды. 2026 жылғы 21 қыркүйекте жалпы тәртіппен 30 АЕК мөлшерінде әкімшілік айыппұл салу туралы қаулы шығарылды. Аталған факті бойынша барлығы 1 әкімшілік іс қозғалды.

    Жарияланды:
    Ақпарат

    2026 жылғы III тоқсанда жүргізілген жоспардан тыс тексерулер туралы

    Жетісу облысының білім саласында сапаны қамтамасыз ету департаменті білім беру саласындағы заңнама бұзушылықтарының алдын алу, педагогтер мен білім алушылардың құқықтарының сақталуын қамтамасыз ету бағытында жұмыс жүргізуде. Келіп түскен өтініштер мен мемлекеттік органдардың хабарламалары қаралып, жоспардан тыс тексерулерді тағайындауға негіздердің бар-жоғын анықтау мақсатында ұсынылған материалдар зерделенеді. Жоспардан тыс тексерулер заңнамада көзделген негіздер болған жағдайда, оның ішінде жеке және заңды тұлғалардың өтініштері, сондай-ақ мемлекеттік органдардың нақты бұзушылық фактілері туралы хабарламалары бойынша тағайындалады. 2026 жылғы III тоқсанда Департамент жоспардан тыс тексерулер жүргізген жоқ.

    Жарияланды:
    Ақпарат

    2026 жылдың 3 тоқсанында әдеп жөніндегі уәкілдің қызметі туралы

    Әдеп жөніндегі уәкіл қызметтік әдеп нормаларының сақталуын қамтамасыз етуге, қызметтік тәртіпті нығайтуға және ұжымда қолайлы моральдық-психологиялық ахуал қалыптастыруға бағытталған жүйелі жұмыс жүргізуде. Есепті кезеңде Жетісу облысының білім басқармасы өкілдерінің қатысуымен кеңес өткізілді. Кеңес барысында қызметтік әдеп нормаларын сақтау, жанжалды жағдайлардың алдын алу және өзара сыйластыққа негізделген қарым-қатынас мәдениетін қалыптастыру мәселелері қаралды. Мемлекеттік қызметшілердің Әдеп кодексін сақтау бойынша түсіндіру жұмыстары жүргізілді. Сонымен қатар Департаменттің сыбайлас жемқорлыққа қарсы қызметіне ішкі талдау жүргізіліп, оның барысында атқарылып жатқан профилактикалық жұмыстар мен сыбайлас жемқорлық көріністерінің алдын алу шаралары қаралды. Тұрақты негізде мемлекеттік қызмет, сыбайлас жемқорлыққа қарсы іс-қимыл және қызметтік әдеп нормаларын сақтау мәселелері бойынша профилактикалық және ақпараттық-түсіндіру іс-шаралары өткізілді. Ұжымда тұрақты әрі қолайлы моральдық-психологиялық ахуал сақталуда. Жүргізілген мониторинг нәтижесінде қызметтік әдеп нормаларын бұзу фактілері анықталған жоқ. Әдеп жөніндегі уәкілдің жұмысы алдағы уақытта да қызметтік әдеп қағидаттарын нығайтуға, сыбайлас жемқорлық тәуекелдерінің алдын алуға және мемлекеттік қызметшілердің құқықтық мәдениетін арттыруға бағытталып, жалғасын табады.

    Жарияланды:
    Ақпарат

    2026 жылдың 3 тоқсанда орта білім беру ұйымдарына жүргізілген мониторингтер

    Жетісу облысының білім саласында сапаны қамтамасыз ету департаменті 2026 жылғы III тоқсанда орта білім беру ұйымдарында мектепішілік бақылаудың іске асырылу жағдайына, сондай-ақ мектептердің 2026–2027 оқу жылының басталуына дайындығына мониторинг жүргізді. Мониторинг барысында мектепішілік бақылауды ұйымдастыру, бақылау іс-шараларын жоспарлау және орындау, педагогтердің қызметін әдістемелік сүйемелдеу, білім алушылардың білім сапасын талдау, мектеп құжаттамасын жүргізу, сондай-ақ басқарушылық шешімдердің тиімділігі зерделенді. 2026–2027 оқу жылына дайындық және оның басталуы аясында мектептердің материалдық-техникалық базасының жай-күйі, оқу кабинеттерінің дайындығы, күрделі және ағымдағы жөндеу жұмыстарының орындалуы, оқулықтармен қамтамасыз етілуі, қауіпсіздік талаптары мен санитариялық нормалардың сақталуы, сондай-ақ білім беру процесін ұйымдастыру үшін қажетті жағдайлардың жасалуы қаралды. Мониторинг қорытындысы бойынша білім беру ұйымдарының басшыларына анықталған кемшіліктер мен оларды жою жолдары түсіндіріліп, қолданыстағы нормативтік құқықтық актілердің талаптарына сәйкес тиісті ұсынымдар берілді. Мониторинг нәтижелері білім беру ұйымдарының қызметін жетілдіруге, мектепішілік бақылаудың тиімділігін арттыруға және жаңа оқу жылының басталуына тиісті жағдайларды қамтамасыз етуге бағытталған. Мониторинг қорытындысы бойынша берілген ұсынымдардың орындалуы Департаменттің тұрақты бақылауында.

    Жарияланды:
    Ақпарат

    2026 жылдың 3 тоқсанында азаматтардан түскен өтініштер бойынша есеп

    Жетісу облысының білім саласында сапаны қамтамасыз ету департаментіне 2026 жылдың 3 тоқсаны бойынша «E-Otinish» Азаматтардың барлық өтініштерін қабылдау мен өңдеудің бірыңғай платформасына жалпы 41 өтініш түсті. Оның ішінде 15 өтініш Департаменттің өңдеуіне алынып тиісті жауап берілді. Сондай-ақ 28 өтініш ҚР Әкімшілік рәсімдік-процестік Кодексінің 65 бабына сәйкес қарау өкілеттігіне кірмеуіне байланысты, келіп түскен күнінен бастап үш жұмыс күнінен кешіктірілмейтін мерзімде әкімшілік рәсімге қатысушыға бір мезгілде хабардар ете (хабарлай) отырып, уәкілетті әкімшілік органға, лауазымды адамға жолданды. Оның ішінде 3 өтініш ішінара жолданған. Өндірісте 2 өтініш

    Жарияланды: