Алғыс хат Құрметті Салтанат Еркінқызы! Бүкіл отбасымыздың атынан Қазақстан Республикасы Азаматтық авиация комитетінің бүкіл ұжымына және жеке Сізге жеделдігіңіз, жоғары кәсібилігіңіз және мәселемізді тиімді шешкеніңіз үшін шын жүректен және терең алғысымызды білдіреміз. Біздің FlyArystan компаниясының әрекетіне қатысты шағымыз біз үшін өте маңызды болды. Біздің жағдайға мұқият және нық көзқарасыңыз үшін шексіз алғысымызды білдіреміз. Сіздің тұтынушылар ретінде біздің құқықтарымызды қорғаудағы көмегіңіз біз үшін баға жетпес жағдай. Сіздің дер кезінде көмек қолын созғандығыңыздың арқасында біз авиакомпаниямен туындаған мәселені сәтті шеше алдық, бұл біз өте үлкен маңызға ие және айтарлықтай қиындықтарды болдырмауға мүмкіндік берді. Сіздің жұмысыңыз біздің маңызды мәселемізді шешіп қана қоймай, азаматтардың мүддесін қорғайтын мемлекеттік органдардың әділдігі мен тиімділігіне деген сенімімізді растады. Сізге және Қазақстан Республикасы Азаматтық авиация комитетіне осындай маңызды және жауапты жұмыста одан әрі табыстар тілейміз. Қызметіңіз Қазақстанда қауіпсіз және қолайлы авиацияның дамуына және барлық жолаушылардың құқықтарын сенімді қорғауға үлесін қосатын жемісті қызмет болсын. Кәсіби шеберлігіңіз, көмегіңіз және ел азаматтары үшін жасап жатқан істеріңіз үшін алғыс білдіреміз. Құрметпен және ізгі тілектермен, Заурбековтар отбасы!
Комитет гражданской авиации МТ РК Алматыда гендерлік теңдік және әйелдердің авиациядағы құқықтары мен мүмкіндіктерін нығайту бойынша ICAO EUR/NAT аймақтық семинары өтті. Іс-шараны аймақтағы 56 мемлекет (ИКАО-ға мүше 193 елдің ішінде) кіретін Халықаралық азаматтық авиация ұйымы, ICAO EUR/NAT Аймақтық бюросының директоры Николас Ралло және Қазақстан Республикасы Көлік министрлігі Азаматтық авиация комитетінің төрағасы Салтанат Томпиева ашты. Іс-шараға Қазақстанның және шетелдің авиация саласының жетекші халықаралық ұйымдарының (ИКАО, Eurocontrol, EASA, SkyTeam, ACVFFI және т.б.), Канада, Франция, Германия, Албания, Беларусь, Грузия, Қырғызстан, Өзбекстан және басқа да елдердің авиациялық компаниялары мен іскер топтарының өкілдері қатысуда. Салтанат Томпиева іс-шараға қатысушыларға арнаған құттықтауында: «Бүгін біз тек өзекті мәселелерді талқылап жатқан жоқпыз – біз болашақты өзгертетін жаһандық қозғалыстың бір бөлігіне айналудамыз. Авиация – еркіндіктің, биіктерге ұмтылудың, шекараны еңсерудің символы. Біз шабыттандыру, қолдау және мүмкіндік жасау үшін осындамыз. Ұшқыш, инженер немесе авиация менеджері болуды армандайтын әрбір әйел мен ер адам өз арманы орындалатынына сенімді болуы үшін», – деп атап өтіп, Халықаралық азаматтық авиация ұйымына ИКАО-ға, атап айтқанда Николас Раллоға осындай іс-шараны Қазақстанда өткізуге бастамашылығы мен жан-жақты қолдауы үшін алғысын білдірді. Қазақстан авиациядағы гендерлік теңдікті қамтамасыз ету жөніндегі өршіл мақсатқа қол жеткізуге бағытталған ИКАО бағдарламасын толығымен қолдайды. Николас Ралло өз сөзінде авиация саласында гендерлік теңдікті ілгерілетуде айтарлықтай жетістіктерге жетіп отырған Қазақстан көшбасшылығын атап өтті. «ИКАО гендерлік теңдікке толығымен бейілді және біз әйелдердің авиациядағы мүмкіндіктерін кеңейту бойынша бастамалар бойынша мемлекеттермен, халықаралық ұйымдармен және салалық серіктестермен белсенді жұмыс істеуді жалғастырамыз. Жақсы мысал ретінде – ол ертеңгі сессияда толығырақ баяндалатын жақында бастау алған тиімді тәлімгерлік бағдарламасын құру курсы», – деп хабарлады Н.Ралло. Дүние жүзіндегі әуекомпаниялардағы әйел ұшқыштардың үлесі шамамен 6% құрайды. Қазақстанда барлығы 1459 ұшқыш бар, оның ішінде әйелдер – 34. Қазақстанның авиация саласында 9 жарым мыңнан астам әйел еңбек етеді, оның ішінде 2005 бортсерік және 104 диспетчер, саланың инженерлік-техникалық құрамында 400-ге жуық әйел жұмыс істейді. Екі күнге созылатын шарада «Жас әйелдерді шабыттандыру», «Авиациядағы гендерлік теңдіктің табыс тарихы», «Жетістікке жету үшін тәлімгерлік» және «Авиациядағы әйелдерге арналған білім беру бастамалары» тақырыптарында панельдік сессиялар өтеді. Авиация саласының танымал көшбасшылары жеке табыстарымен бөліседі, сондай-ақ Еуропа мен ТМД елдерінің авиациялық биліктері мен ұйымдарының гендерлік теңдікті жүзеге асыру саясаты мен тәжірибесі туралы презентациялары болады. Олардың қатарында EUROCONTROL әуе кеңістігі, жүйелер және процедуралар жөніндегі атқарушы директоры Милена Боуман, қауіпсіздікті ілгерілету бойынша іскерлік серіктес, EASA-ның әртүрлілік, теңдік және инклюзия жөніндегі елшісі Антонио Гонсалес-Гомес, Аймақтық Әуе кемелерін пайдалану және ұшуға жарамдылық жөніндегі ICAO EUR/NAT қызметкері Брайан Декуто, Geo Sky Airlines авиадиспетчері Анна Гагуа және т.б бар. Сонымен қатар, спикерлер іс-шараның барлық қатысушыларына кез келген ұйымда гендерлік теңдік пен әртүрлілікті қамтамасыз етудің тиімді әдістерінің бірі ретінде тәлімгерлік бойынша тренингтер өткізеді. Аймақтағы университеттер жас әйелдерді авиация саласына тарту бойынша бастамалары мен стратегияларымен бөліседі. Шара қонақтарының қатарында SCAT әуе компаниясының Boeing 737 ұшағының командирі Диана Ибраева да бар, ол шараның сала үшін маңыздылығын атап өтті: «Осы семинарды ұйымдастырушыларға көп рахмет, бұл шынымен де бірегей оқиға. Біз тәжірибе алмасып, бір-бірімізді шабыттандыратын және әйел ұшқыштардың жаңа ұрпағын қолдайтын тамаша ашық платформа құрылды. Біз, ұшқыштар, жас мамандарға бағыт-бағдар беруге, олардың дамуына және авиацияда өз жолын табуға көмектесуге дайынбыз. Мұндай бастамалар жастардың авиацияға деген қызығушылығын оятып, болашағын осыдан көруге көмектеседі». Шақырылған спикерлер қатарында «Эйр Астананың» аға екінші ұшқышы Қымбат Артықбай, алғашқы отандық әйел экипаждың мүшесі, «Эйр Астана» АҚ екінші ұшқышы Ажар Несіпбаева, сондай-ақ отандық әуе компаниялар мен халықаралық әуежайлардың басшылары бар. ICAO EUR/NAT аймақтық іс-шарасы кәсіпқойлар мен жас мамандарды бір алаңда біріктіретін авиация қауымдастығы үшін маңызды оқиғаға айналды. Біліммен, практикалық кеңестермен және шабыттандыратын әңгімелермен ашық алмасу жаңа ұрпақтың авиацияға деген қызығушылығын дамытуға көмектеседі. Ұйымдастырушылар барлық қатысушыларға алғыстарын білдіріп, мұндай бастамалар саланың дамуына үлес қосып, болашақ ұшқыштарға қолдау көрсететін игі дәстүрге айналады деп сенеді.
