Құрылым — Қазақстан Республикасының Стратегиялық жоспарлау және реформалар агенттігі

«Қазақстан Республикасы Стратегиялық жоспарлау және реформалар агенттігінің Ұлттық статистика бюросы туралы ережені бекіту туралы» Қазақстан Республикасы Стратегиялық жоспарлау және реформалар агенттігі Төрағасының 2020 жылғы 23 қазандағы № 9-нқ бұйрығымен бекітілген Қазақстан Республикасы Стратегиялық жоспарлау және реформалар агенттігінің Ұлттық статистика бюросы туралы Ережесіне сәйкес, Ұлттық статистика Бюросы стратегиялық жоспарлау және реформалар агенттігінің құзыреті шегінде мемлекеттік статистикалық қызмет саласында үйлестіруді, басшылықты және іске асыру функцияларын жүзеге асыратын ведомствосы болып табылады. Ұлттық статистика бюросы аумақтық бөлімшелері мен ведомстволық бағынысты ұйымының негізгі қызметі, республикалық бюджетті жоспарлау мен орындау мәселелері бойынша жұмысын үйлестіреді. Ұлттық статистика бюросы өз қызметін Қазақстан Республикасының Конституциясына және заңдарына, Қазақстан Республикасының Президенті мен Үкіметінің актілеріне, өзге де нормативтік құқықтық актілерге сәйкес жүзеге асырады.