Құрылыс-монтаждау жұмыстарын жүргізудің басталғаны туралы хабарлама қалай беріледі? Беру кезінде қандай құжаттарды жіберу қажет?
Құрылыс-монтаждау жұмыстарын жүргізудің басталғаны туралы хабарлама elicense.kz. порталы арқылы беріледі. Бұл порталда толтыруға қажетті талаптар көрсетілген құрылыс-монтажды бастау туралы хабарламаны толтыру нысандары бар. Өтініш беру үшін келесі құжаттар қажет (заңды, жеке тұлғалар мен жеке кәсіпкерлер үшін): Скан. сараптаманың оң қорытындысының көшірмесі; Скан. жер учаскесін таңдау актісінің көшірмесі; Порталда толтыруға арналған 2 нысан бар: Жаңа объектіні салу бойынша құрылыс-монтаждау жұмыстарын жүргізуді бастау туралы хабарлама; Қолданыстағы ғимараттардың үй-жайларын (жекелеген бөліктерін) реконструкциялау (қайта жоспарлау, қайта жабдықтау) бойынша құрылыс-монтаждау жұмыстарын жүргізудің басталғаны туралы хабарлама. Хабарлама дұрыс толтырылған жағдайда, қабылдау туралы талон Жүйемен автоматты түрде беріледі.



