Кушукова Жанель Сабырқызы
Қазақстан Республикасының Сауда және интеграция Вице-министрі
Өмірбаян
Манаш Қозыбаев атындағы Солтүстік Қазақстан мемлекеттік университетін бітірген.
Әр жылдары Индустрия және сауда министрлігі мен экономика және сауда министрлігінде, ҚР Ұлттық экономика министрлігінде жұмыс істеді. ДСҰ-ға кіру бойынша қазақстандық келіссөздер тобының мүшесі болды, Еуразиялық экономикалық одақтың құқықтық және шарттық базасын әзірлеуге қатысты.
Қазақ, орыс, ағылшын тілдерін меңгерген.
Еңбек жолын 2001 жылы Қазақстан Республикасы Экономика және сауда министрлігі демпингке қарсы бақылау комитетінің ішкі нарықты қорғау жөніндегі жетекші сарапшысы ретінде бастаған.
2002-2004 жылдары - Қазақстан Республикасы Индустрия және сауда министрлігінің Сауда, халықаралық ынтымақтастық және экспорттық бақылау департаменті кедендік және тарифтік саясат бөлімінің жетекші маманы.
2004-2008 жылдары-кедендік-тарифтік реттеу бөлімінің бастығы, басқарма бастығының орынбасары, ДСҰ-ға кіру департаментінің басқарма бастығы.
2008-2010 жылдары-Қазақстан Республикасы Индустрия және сауда министрлігі сыртқы сауда саясатын дамыту департаментінің директоры.
Соңғы 9 жылда Қазақстан Республикасы Ұлттық экономика министрлігі сыртқы сауда саясатын дамыту департаментінің директоры қызметін атқарды.
