Өтегенов Ерлан Рақымжанұлы
Қазақстан Республикасы Бас Прокурорының орынбасары
Өмірбаян
Өтегенов Ерлан Рақымжанұлы 1976 жылы 6 тамызда Алматы қаласында дүниеге келген.
Білімі жоғары, Қазақ мемлекеттік заң университетін құқықтану мамандығы бойынша аяқтаған.
Сыныптық шені – 3-сыныпты мемлекеттік әділет кеңесшісі.
II дәрежелі «Айбын» орденімен наградталған. Прокуратураның құрметті қызметкері.
Үйленген, 6 бала тәрбиелеп отыр.
Еңбек жолын 1997 жылы Алматы облысы прокуратурасы жанындағы Құқықтық статистика және ақпарат орталығы бөлімінің бас маманы болып бастаған.
1997 жылғы қарашадан – Алматы облысы прокуратурасы жанындағы Құқықтық статистика және ақпарат орталығы бөлімінің прокуроры.
1998 жылғы сәуірден – Алматы облысы Қапшағай қаласы прокурорының көмекшісі.
2000 жылғы сәуірден – Алматы облысы Қапшағай қаласы прокурорының аға көмекшісі.
2002 жылғы сәуірден – Алматы облысы прокуратурасының алдын ала тергеу мен анықтаудың, жедел-іздестіру қызметінің заңдылығын қадағалау басқармасының прокуроры.
2003 жылғы тамыздан – Алматы облысы прокуратурасының алдын ала тергеу мен анықтаудың заңдылығын қадағалау басқармасының аға прокуроры.
2004 жылғы қаңтардан – Оңтүстік Қазақстан облысы прокуратурасының алдын ала тергеу мен анықтаудың заңдылығын қадағалау басқармасы бастығының орынбасары.
2004 жылғы сәуірден – Оңтүстік Қазақстан облысы прокуратурасының ішкі істер органдарындағы тергеу мен анықтаудың заңдылығын қадағалау бөлімінің бастығы.
2006 жылғы шілдеден – Алматы табиғат қорғау прокурорының аға көмекшісі.
2006 жылғы қыркүйектен – Алматы табиғат қорғау прокурорының орынбасары.
2008 жылғы маусымнан – Алматы облысы Қарасай ауданы прокурорының орынбасары.
2009 жылғы тамыздан – Ақмола облысы Целиноград ауданының прокуроры.
2011 жылғы қыркүйектен – Ақмола облысы Егіндікөл ауданының прокуроры.
2012 жылғы наурыздан – Алматы облысы Талғар ауданының прокуроры.
2017 жылғы маусымнан –Бас прокуратураның Құқықтық статистика және арнайы есепке алу жөніндегі комитетінің Алматы қаласы бойынша басқармасының бастығы.
2019 жылғы маусымнан – Астана қаласы прокурорының орынбасары.
2022 жылғы мамырдан – Астана қаласының прокуроры.
2026 жылғы 5 ақпанда Мемлекет басшысының Өкімімен Қазақстан Республикасы Бас Прокурорының орынбасары лауазымына тағайындалды.
