Мұқышева Гүлнар Ерқосақызы
Әдеп жөніндегі уәкіл
Өмірбаян
Мұқышева Гүлнар Ерқосақызы Қарағанды мемлекеттік техникалық университетін «Көлік ұйымдары, қозғалысын және пайдалануын ұйымдастыру» мамандығы бойынша бакалавр және магистр дәрежесімен, сондай-ақ «Қарағанды Болашақ университетін» «Құқықтану» мамандығы бойынша бакалавр дәрежесімен бітірген.
Еңбек қызметін 2006 жылы Қарағанды облысының мемлекеттік органдары мен коммерциялық ұйымдарында бастаған.
Мемлекеттік қызметте 2018 жылдан бері жұмыс істейді. Қарағанды облысы әкімдігінің аппаратының экономикалық даму және талдау бөлімінің жетекші маманы, Қарағанды облысы Көлік және автомобиль жолдары басқармасының мемлекеттік сатып алу және құқықтық қамтамасыз ету бөлімінің бас маманы қызметтерін атқарған.
2021–2022 жылдары «Экономикалық зерттеулер институты» АҚ-да қызмет атқарған.
2022 жылдан бастап Қазақстан Республикасының Стратегиялық жоспарлау және реформалар агенттігінде жұмыс істейді, 2023 жылы Экономикалық салалар департаментінің бас консультанты қызметіне тағайындалды.