Есенжолов Нұржан Ерғалиұлы
Абай облысы әкімі аппараты басшысының орынбасары
Өмірбаян
1985 жылы Семей қаласында дүниеге келген. Семей мемлекеттік педагогикалық институтын «Тарих» мамандығы бойынша, кейін Қазақ инновациялық гуманитарлық-заң университетін «Құқықтану» мамандығы бойынша тәмамдаған.
«Болашақ» бағдарламасының түлегі, Ұлыбританияның Шеффилд университетінде «Мемлекеттік басқару және саясат» мамандығы бойынша магистратураны аяқтады. 2020-2023 жылдар аралығында ҚР Президенті жанындағы Мемлекеттік басқару академиясында оқыды.
Еңбек жолын 2007 жылы М.О. Әуезов атындағы университеттің «Тарих» кафедрасының оқытушысы ретінде бастаған. Мемлекеттік қызметін 2009 жылы Семей қаласының ішкі саясат бөлімінің жетекші маманы лауазымында бастады.
Әр жылдары қала әкімі аппаратының ұйымдастыру-бақылау және кадр жұмыстары бөлімінде жетекші және бас маман қызметтерін атқарды. Сонымен қатар, Семей қаласының мәдениет және тілдерді дамыту бөлімінің басшысының орынбасары, ішкі саясат бөлімінің басшысының орынбасары, Семей қаласы және ШҚО әкімдерінің баспасөз хатшысы лауазымдарында қызмет етті.
2018 жылдан 2024 жылдың қазан айына дейін Семей қаласының ішкі саясат бөлімін басқарды.
Тағайындауға дейін Абай облысы Семей қаласы әкімі аппаратының басшысы болып қызмет атқарды.
2025 жылдың 30 мамырынан бастап Абай облысы әкімі аппараты басшысының орынбасары болып тағайындалды.
