Тоғызбаев Қайрат Әбенұлы

Тоғызбаев Қайрат Әбенұлы 1967 жылы 15 ақпанда Қызылорда облысы, Қармақшы ауданында дүниеге келген.

Білімі жоғары.

1993 жылы Ы. Жақаев атындағы Қызылорда агроөнеркәсіп инженерлер институтын инженер-мелиоратор мамандығы, 2008 жылы Қорқыт ата атындағы Қызылорда Мемлекеттік Университетін жерді үйлестіру және жер кадастры бойынша инженер, 2012 жылы «Болашақ» Университетін экономист мамандығы бойынша білім алған.

Еңбек жолын 1993-2003 жылдары «Казгипрозем» институтының Қызылорда филиалында инженер-жерге орналастырушы, І-ІІ санатты жерге орналастырушы инженер, бөлім бастығының орынбасары болып, 2003-2004 жылдары Қармақшы ауданының жер ресурстарын басқару жөніндегі комитетінің төрағасы, 2004-2009 жылдары Қармақшы ауданы әкімінің орынбасары (ауыл шаруашылығы және экономика саласы), 2009-2011 жылдары Облыстық ауылшаруашылығы басқармасының «Қызылордаагросервис» Мемлекеттік коммуналдық кәсіпорнының директоры, 2011-2012 жылдары Сырдария аудандық орман және жануарлар дүниесін қорғау мекемесі директорының орынбасары, 2012-2014 жылдары Қызылорда облысы бойынша аумақтық жер инспекциясының бас маманы-мемлекеттік инспекторы, 2014 жылдан 2015 жылдың 5 қазанына дейін Шиелі ауданы әкімінің орынбасары қызметін атқарған.

Облыс әкімінің 2015 жылғы 5 қазандағы № 117-ө өкімімен Қызылорда облысының жердің пайдаланылуы мен қорғалуын бақылау басқармасының басшысы лауазымына тағайындалды.