Өмірбаян
Оспанов Сәбит Темемшұлы 1969 жылы туған, қазақ, екі жоғары білімі бар, 1995 жылы «Ақмола ауыл шаруашылығы институтын» зооинженер мамандығы бойынша бітірген, кейін «Қарағанды мемлекеттік техникалық университетінің» көлік, көліктік техникалар және технологиялар мамандығы бойынша бітірген. академик Е.А. Бөкетов атындағы мемлекеттік университетін «Құқықтану» мамандығы бойынша бітірген.
2000 жылғы сәуірден бастап мемлекеттік қызметте. Бұқар Жырау ауданында түрлі лауазымдарды атқарды: Ульянов кенттік округі әкімінің орынбасары, кәсіпкерлік бөлімінің бастығы, Ботақара кентінің әкімі болды.
Содан кейін Абай қаласының әкімі, Қарағанды облысының жолаушылар көлігі және автомобиль жолдары басқармасы басшысының орынбасары болып жұмыс істеді.
2016 жылдың қараша айында Қарағанды қаласы әкімінің орынбасары қызметіне тағайындалды.
2022 жылдың сәуірінен бастап 2023 жылдың қаңтар айына дейін Қарағанды облысының жолаушылар көлігі және автомобиль жолдары басқармасының басшысы болып жұмыс істеді. 2023 жылдың 18 қантарында Абай ауданының әкімі лауазымына болып тағайындалды.
