Мырзанова Динара Болатовна

Динара Болатқызы Мырзанова 1985 жылы Семей қаласында дүниеге келген. 2008 жылы Қазақ гуманитарлық-заң университетін «Құқықтану» мамандығы бойынша бітірген.

Еңбек қызметін 2006 жылы «Семей» колледжінде құқықтық пәндердің оқытушысы ретінде бастады. Мемлекеттік қызметін 2010 жылы ҚР Денсаулық сақтау министрлігі Мемлекеттік санитариялық-эпидемиологиялық қадағалау комитетінің ШҚО бойынша департаментінің Бородулиха ауданы бойынша мемлекеттік санитариялық-эпидемиологиялық қадағалау басқармасында жетекші маман болып бастап, кейін сол жерде бас маман қызметін атқарды. 2012–2022 жылдар аралығында ҚР ҚМ Мемлекеттік кірістер комитетінің Шығыс Қазақстан облысы бойынша Мемлекеттік кірістер департаментінің Семей қаласы бойынша Мемлекеттік кірістер басқармасында заңгер болып жұмыс істеді. 2022 жылы ҚР ҚМ Ішкі мемлекеттік аудит комитетінің Абай облысы бойынша ішкі мемлекеттік аудит департаментінің қызметін қамтамасыз ету бөліміне бас маман – заңгер лауазымына тағайындалды. Абай облысы бойынша тексеру комиссиясындағы қызметін 2024 жылдың маусым айынан бастап бас инспектор – мемлекеттік аудитор лауазымында бастады.

2025 жылғы 1 желтоқсаннан бастап Абай облысы бойынша тексеру комиссиясының Сапасы бақылау және құқықтық қамтамасыз ету бөлімінің басшысы – мемлекеттік аудитор лауазымына тағайындалды.