Әшімов Нұржан Маратұлы
Басқарма басшысының орынбасары
Өмірбаян
Қазақстан-Британ техникалық университеті және Қазақстан Республикасы Президентінің жанындағы Мемлекеттік басқару академиясының түлегі.
Арнайы экономикалық аймақты (АЭА), өнеркәсіпті және экспортты ілгерілетуді дамыту, инвестиция тарту және сыртқы экономикалық қызмет мәселелері бойынша дербес жауапты. Сонымен қатар, отандық және шетелдік инвестицияларды тарту бойынша жұмысты ұйымдастырады, жобалық басқару бойынша жұмысты үйлестіру және бақылауды жүзеге асырады, мемлекеттік-жекешелік әріптестік (МЖӘ) жобаларына қатысады, конкурстарды ұйымдастыруға және құзыреті шегінде тікелей келіссөздер жүргізуге, сондай-ақ жергілікті МЖӘ жобалары бойынша келісімшарттар жасасуға қатысады және басқа да қызметтерді атқарады.
Еңбек қызметін 2014 жылы «Астана қаласының Кәсіпкерлік және өнеркәсіп басқармасы» мемлекеттік мекемесінде кәсіпкерлікті дамыту бөлімінің бас маманы лауазымынан бастаған. Әр жылдары кәсіпкерлікті дамыту, инвестицияларды тарту және сыртқы экономикалық қызмет бөлімдерінің басшысы болып қызмет атқарған.
Қазіргі уақытта Астана қаласының Инвестициялар және кәсіпкерлікті дамыту басқармасы басшысының орынбасары қызметін атқарады.
