Ластаев Артур Ермекұлы

1983 жылы Алматы қ. дүниеге келген.

2005 жылы Әл-Фараби атындағы Қазақ мемлекеттік университетін «Халықаралық құқық» мамандығы бойынша үздік тәмамдаған.

2007 жылы Әл-Фараби атындағы Қазақ ұлттық университетінде «Экономика және құқық негіздері» мамандығы бойынша магистр дәрежесін алған.

2015 жылы АҚШ-тың Вирджиния университетінде қылмыстық сот төрелігі бағдарламасы бойынша (сертификат) және АҚШ-тың Куантико қаласындағы ФТБ Ұлттық академиясында (диплом) магистрлік бағдарламаларынан өткен.

2018 жылы Швейцарияның Женева университетінде «Қарулы қақтығыстардағы халықаралық құқық» мамандығы бойынша магистр дәрежесін қорғаған.

2006–2016 жж. – Алматы қаласының прокуратура органдарында және Бас прокуратурада қызмет атқарған.

2016–2022 жж. – Біріккен Ұлттар Ұйымының Женевадағы бөлімшесі және басқа да халықаралық ұйымдар жанындағы Қазақстандағы Тұрақты Өкілдігіндегі, сондай-ақ Қазақстан Республикасының Швейцария Конфедерациясындағы Елшілігіндегі дипломатиялық қызмет.

2022 жылы – Бас прокуратурасының Халықаралық-құқықтық ынтымақтастық қызметінің басшысы болған.

2022 жылғы 29 желтоқсанда Сенат тарапынан Қазақстан Республикасындағы Адам құқықтары жөніндегі уәкіл лауазымына сайланған.

II дәрежелі «Айбын» және «Парасат» ордендерімен, сондай-ақ түрлі медальдармен және өзге де марапаттармен наградталған.