Василенко Роман Юрьевич
Қазақстан Республикасының Бельгия Корольдігі мен Люксембург Ұлы Герцогтігіндегі Төтенше және Өкілетті Елшісі, Еуропа Одағының жанындағы және Солтүстік Атлант Шарты ұйымындағы (НАТО) Қазақстан Республикасы Өкілдігінің Басшысы
Өмірбаян
1972 жылғы 14 тамызда Шымкент қаласында туған. 1994 жылы Ресей Федерациясы Қарулы күштерінің Экономика, қаржы және құқық әскери академиясын үздік бітірген.
Еңбек жолын Қазақстан Республикасы Президенті Аппараты Халықаралық бөлімінің бас маманы ретінде бастады. Сондай-ақ ҚР Премьер-министрінің кеңсесінде, ҚР Мемлекеттік хатшысының хатшылығында және басқа мекемелерде жұмыс істеді.
ҚР Сыртқы істер министрлігінде Ерекше тапсырмалар жөніндегі елші, Халықаралық ақпарат комитетінің төрағасы болды. Әртүрлі жылдары Қазақстанның Ұлыбритания мен Америка Құрама Штаттарындағы елшіліктерінде дипломатиялық лауазымдарда қызмет атқарды.
2016-2019 жылдары ҚР Сыртқы істер министрінің орынбасары қызметін атқарды, ал 2019 жылдан бастап 2022 жылға дейін Қазақстанның Словакиядағы Елшісі болды.
Қазақстанның Бельгия Корольдігі мен Люксембург Ұлы Герцогтігіндегі Елшісі, ЕО және НАТО жанындағы ҚР Өкілдігінің басшысы болып тағайындалғанға дейін 2022 жылғы қаңтардан бастап ҚР Сыртқы істер министрінің орынбасары лауазымында болды.
Төтенше және Өкілетті Елші дипломатиялық дәрежеге ие.
Ағылшын, француз, словак және вьетнам тілдерін меңгерген.
