Төре Ерлан Артығалиұлы
Қарағанды облысы прокурорының орынбасары
Өмірбаян
Е.А. Төре 1986 жылы 16 мамырда Шымкент қаласында туылған, 2008 жылы Әл-Фараби атындағы Қазақ ұлттық университетін «халықаралық құқық» мамандығы бойынша бітірген.
Прокуратура органдарында еңбек жолын 2008 жылы Алматы қаласы Бостандық ауданы прокурорының көмекшісінен бастап, Алматы қаласы прокуратурасының Экстремизм мен терроризмге қарсы іс-қимыл саласындағы заңдылықты қадағалау бөлімінің аға прокуроры, Алматы қаласы прокуратурасының Әлеуметтік-экономикалық саладағы заңдылықты қадағалау жөніндегі басқарма прокуроры, Алматы қаласы Алатау ауданы прокурорының орынбасары, Алматы облысы Іле ауданы прокурорының орынбасары, Бас көлік прокурорының аға көмекшісі, Қазақстан Республикасы Бас прокуратурасының Қоғамдық мүдделерді қорғау қызметінің Экономика саласындағы заңдылықты қадағалау басқармасының аға прокуроры, Қазақстан Республикасы Бас прокуратурасының Құқықтық статистика және арнайы есепке алу жөніндегі комитетінің Алматы облысы бойынша департаменті бастығының орынбасары лауазымын атқарған.
04.04.2025 жылы Қазақстан Республикасы Бас Прокурорының бұйрығымен Қарағанды облысы прокурорының орынбасары қызметіне тағайындалды.
Прокуратура органдарындағы жалпы жұмыс өтілі 16 жылдан асады.
