Өмірбаян
1975 жылы 1 маусымда Қостанай облысы Наурызым ауданының Докучаевка ауылында тудым. Мектеп бітіргеннен кейін 1993 жылы Урицкий ауылшаруашылығы колледжіне түстім, 1995 жылы тәмамдап, заңгер біліктілігін алып шықтым. 2006 жылы Қостанай әлеуметтік-техникалық университетін «Құқықтану» мамандығы бойынша аяқап жоғары білім алдым.
Еңбек жолымды 1995 жылы Қостанай облысы Наурызым ауданының техникалық түгендеу бюросында инженер болып бастадым.
1999 жылдан 2001 жыл аралығында әскерде қызмет еттім. ІІМ училищесін аяқтағаннан кейін 2002-2005 жылдар аралығында ҚР ІІМ МКҚБ взвод командирі болып қызмет істедім. 2005 жылдан 2010 жыл аралығында Қостанай облысының ішкі істер органдарында рота командирі, тергеуші болып қызмет атқардым.
2011-2016 жылдары «Транспорт-Логистик» ЖШС заңгер-кеңесші болып жұмыс істедім.
2018-2023 жылдары «Senim Guard» ЖШС Қостанай облысы бойынша филиалында директор болып жұмыс атқардым.
Қазіргі уақытта «Бейімбет Майлин ауданы әкімдігінің тұрғын үй-коммуналдық шаруашылығы, жолаушылар көлігі және автомобиль жолдарының бөлімі» ММ бас маманының міндетін атқарушымын.
Жалпы еңбек өтілім 29 жылды құрайды.
