Отеева Ұлдархан Каханқызы

Отеева Улдархан Кахановна, 1967 жылы 22 шілдеде Алматы облысы, Жамбыл ауданы, Үңгіртас ауылында туылған. Ұлты – қазақ. Білімі – жоғары. 1982 – 1984 жылдары Қаскелең мәдениет колледжінің халық аспаптар оркестрінің жетекшісі мамандығын бітірген. 1988 – 1993 жылдары Алматы қаласындағы «Қазақ мемлекеттік қыздар педагогикалық институтының» «Кітапханатану және библиография» факультетінің «Кітапханашы – библиограф» мамандығы бойынша оқып білім алған.

Алматы облысы, Күрті ауданы, Ақши ауылының мәдениет бөлімінде, аудандық кітапханасында қызмет атқарған.

2002 жылдан бері Қарасай ауданы Қаскелең қаласында орналасқан Қарасай ауданы әкімінің аудандық кітапханасында әдіскерлер бөлімінің меңгерушісі болып қызмет атқарған.

2017 жылдың мамыр айының 4 – жұлдызынан осы аталған мекемеде директорлық қызметке тағайындалды. Жалпы осы саладағы еңбек өтілі: 31 жыл 5 ай.

Жұмыс барысында, кәсіби біліктілігі жоғары, тәжірибелі, өз ісінің шебері, ұжымда беделі зор. Әріптестер арасында адамгершілік қасиеттері, білім – білігі үшін сый құрметке ие. Ұйымдастырушылық қабілеті жоғары, қоғамдық жұмыстарға белсене араласады.

Еліміздің кітапхана ісі саласын дамытуға елеулі үлесі мен ұзақ жылғы адал қызметі үшін ҚР Ұлттық кітапханасының «Кітапхана ісінің үздігі», Қазақстан Республикасы Ұлттық Академиялық кітапханасының « Кітапхана ісінің шебері» және «Қазақстанның құрметті кітапханашысы» төсбелгілерінің иегері.