Астанада Өндіріс көшесінде салмақ өлшейтін датчиктерге арналған асфальт жабындысын төсеу жұмысы жүргізіледі, деп хабарлайды елорда әкімдігінің ресми сайты.
Жұмыс учаскесінің ұзындығы 200 метрді құрайды.
Осыған байланысты, 8-11 қыркүйек аралығында аталған учаскеде көлік қозғалысы толық жабылатын болады.
Бұл ретте жұмыс түнгі уақытта сағат 20:00-ден 08:00-ге дейін жүргізіледі.
Жүргізушілер мен жаяу жүргіншілер жүру бағытын алдын ала жоспарлап, ықтимал өзгерістерді ескеруі қажет. Қауіпсіздікті қамтамасыз ету және қолайсыздықтарды азайту мақсатында уақытша жол белгілері мен бағыттаушы көрсеткіштер орнатылады.
