Қызылорда облысы Төтенше жағдайлар департаменті Өнеркәсіптік қауіпсіздік басқармасының мемлекеттік инспекторлары өндірістік объектілердегі апаттылық пен жарақаттанудың алдын алу мақсатында жоспарлы бақылау-қадағалау іс-шараларын жүзеге асырды.
Кешенді тексеру аясында «Шахтостроитель К» ЖШС-нің қоймалық инфрақұрылымы, сондай-ақ жарылғыш заттар мен бұйымдарды сақтау, тасымалдау және олармен жұмыс жүргізу кезіндегі техникалық қауіпсіздік талаптарының сақталу деңгейіне жан-жақты сараптама жүргізілді.
Өндірістік регламенттен ауытқушылықтар мен құқық бұзушылықтардың анықталуына байланысты, кәсіпорын әкімшілігіне оларды жою туралы орындалуы міндетті нұсқама беріліп, кемшіліктерді қалпына келтірудің нақты мерзімдері белгіленді. Талаптардың толық әрі уақтылы жүзеге асырылуы уәкілетті органның тұрақты мониторингінде болады.
