Жаңа оқу жылының басталуына орай балалардың жол-көлік жарақаттануының алдын алу, тұрғындардың жол қозғалысы саласындағы құқықтық сауаттылығын арттыру және жолдағы қауіпсіз мінез-құлық мәдениетін қалыптастыру мақсатында профилактикалық іс-шара өткізілді.
Маңғыстау облысы Полиция департаменті Әкімшілік полиция басқармасының қызметкерлері «Young Generation» жастар еріктілер тобымен бірлесіп, Ақтау қаласының бірнеше шағын ауданында мекенжайлық түсіндіру жұмыстарын жүргізді.
Іс-шара барысында тұрғындарға жол қозғалысы ережелерін сақтау, балалардың жолдағы қауіпсіздігін қамтамасыз ету және жол-көлік оқиғаларының алдын алу бойынша түсіндіру жұмыстары жүргізілді. Сонымен қатар тұрғындарға жол қауіпсіздігі тақырыбында ақпараттық-әлеуметтік брошюралар таратылды.
Профилактикалық жұмыстардың нәтижесінде 1500-ден астам отбасы жол қауіпсіздігіне қатысты маңызды ақпаратпен қамтылды.
Полиция қызметкерлері ата-аналар мен барлық жол қозғалысына қатысушыларды балалардың қауіпсіздігіне ерекше назар аударып, жол қозғалысы ережелерін қатаң сақтауға шақырады.
Балалардың қауіпсіздігі – баршамызға ортақ жауапкершілік!
https://www.instagram.com/reel/Dc-5ecHsIEs/?utm_source=ig_web_copy_link&stkn=MzRlODBiNWFlZA==
