15–17 тамыз күндері Қарқаралы ауданындағы Жаңатоған, Бесоба, Ынталы және Шарықты ауылдық округтерінде табиғи өрт орын алып, оны ауыздықтауға төтенше жағдайлар қызметінің мамандарымен қатар 300-ден астам ауыл тұрғыны мен 100-ге жуық техника жұмылдырылды.
Қиын сәтте ауыл азаматтары жеке техникаларын ұсынып, уақытын және күш-жігерін аямай, өрт сөндіру жұмыстарына белсенді атсалысты. «Gold Corp» мекемесі арнайы техника және жанар-жағармаймен, «Қамқор» өндіріс орны жанар-жағармаймен қолдау көрсетті. Шаруа қожалықтары да өз техникаларымен көмекке келді.
Өрт сөндіру жұмыстарын аудан әкімдігі үйлестіріп, мамандар мен тартылған азаматтарды қажетті азық-түлікпен қамтамасыз етуді ұйымдастырды. Мемлекеттік мекеме қызметкерлері де жұмыстарға жұмылдырылды.
Сондай-ақ Қайнарбұлақ пен Нұркен ауылының азаматтарына ерекше алғыс білдіреміз.
Табиғи өртті ауыздықтауға атсалысқан барлық азаматтарға, төтенше жағдайлар қызметінің мамандарына, кәсіпорындар басшылығы мен еңбек ұжымдарына шынайы ризашылығымызды білдіреміз!
