Мемлекеттік еңбек инспекторы Жулдыз Отиншина «Ер Тай» ЖШС қызметкерлерімен Қазақстан Республикасының еңбек заңнамасы нормаларын сақтау мәселелері бойынша ақпараттық-түсіндіру жұмыстарын жүргізді.
Кездесу барысында еңбек қауіпсіздігі және еңбекті қорғау, жұмыскерлердің еңбек құқықтары мен кепілдіктерін сақтау, сондай-ақ еңбек заңнамасы талаптарын мүлтіксіз орындау мәселелеріне ерекше назар аударылды.
Қызметкерлерге еңбек қатынастары саласындағы заңнаманың негізгі талаптары, сондай-ақ жұмыс орнында еңбек қауіпсіздігі қағидаларын сақтаудың қажеттілігі түсіндірілді.
Осындай ақпараттық-түсіндіру іс-шараларын өткізу қызметкерлердің құқықтық сауаттылығын арттыруға, еңбек заңнамасының бұзылуына жол бермеуге және қауіпсіз еңбек жағдайларын қалыптастыруға бағытталған.
