Кітап – адамзаттың рухани қазынасы, ал қаламгер – сол қазынаны ұрпаққа жеткізуші тұлға. Қадыр Мырза Әлі атындағы облыстық мәдениет және өнер орталығы мен Қазақстан Жазушылар одағы бірлескен "Ең алдымен ел қамы" жобасы аясында бір топ қаламгерлер ауданымызға келіп, Бисен ауылдық мәдениет үйінде тұрғындармен кездесті.
Кездесу барысында қаламгерлер өздерінің шығармашылық жолы, әдебиетке келуі, алғашқы туындылары мен ізденістері жайында сыр бөлісіп, өз шығармаларынан үзінділер оқыды. Ақындардың жүрекжарды жырлары мен жазушылардың әсерлі әңгімелері көпшілікке ерекше көңіл күй сыйлады. Оқырмандар да өздерін қызықтырған сұрақтарын қойып, қаламгерлермен еркін пікір алмасты.
