Жезқазған қалалық мәслихатының депутаттары Қоғамдық кеңес өкілдерімен және жасыл желектерді суаруға және күтіп ұстауға жауапты мамандармен бірлесіп Б.Момышұлы көшесіндегі аллея аумағының жай-күйіне тексеру жүргізді. Шығу барысында ағаштардың жай-күйіне және жасыл желектерге күтім жасау сапасына ерекше назар аударылды. Қатысушылар анықталған проблемалық мәселелерді және аумақты одан әрі күтіп-баптау мен абаттандыру бойынша қажетті шараларды талқылады. Тексеру қорытындысы бойынша жауапты мамандарға анықталған кемшіліктерді жою бойынша тиісті міндеттер белгіленді.
