Қарақұдық ауылдық кітапханасында ұлы ақын, ойшыл Абай Құнанбайұлының өмірі мен шығармашылығына арналған «Абай ғасыр тұлғасы» атты әдеби сағат ұйымдастырылды. Бұл рухани шараға ауыл жастары белсене қатысты.
Іс-шараның негізгі мақсаты — өскелең ұрпаққа дана ақынның бай мұрасын насихаттау, шығармаларының тәрбиелік мәнін түсіндіру және жастардың кітап оқуға деген қызығушылығын арттыру.
Кездесу барысында қатысушылар ақынның өлеңдерін мәнерлеп оқып, оның өмір жолы туралы маңызды мағлұматтармен бөлісті. Мұндай рухани бағыттағы шаралар жастардың ой-өрісін кеңейтіп, ұлттық құндылықтарды қастерлеуге бағытталған.
