Батыс Қазақстан облысының санитариялық-эпидемиологиялық бақылау департаменті басшысының бұйрығымен Казталов аудандық санитариялық-эпидемиологиялық бақылау басқармасының басшысы лауазымына Габдуллина Дана Сейфуллақызы тағайындалды.
👩⚕️ Дана Сейфуллақызы 1973 жылғы 27 қаңтарда Батыс Қазақстан облысы, Казталов ауданы, Бостандық ауылында дүниеге келген. 1996 жылы Қарағанды мемлекеттік медицина институтын «дәрігер-гигиенист, эпидемиолог» мамандығы бойынша тәмамдаған.
💼 Еңбек жолын 1996 жылы Жалпақтал аудандық санитариялық-эпидемиологиялық станциясында санитариялық дәрігер болып бастап, кейін Казталов ауданындағы санитариялық-эпидемиологиялық қызметте түрлі жауапты лауазымдарды атқарды. 2020 жылдан бері Казталов аудандық санитариялық-эпидемиологиялық бақылау басқармасының бөлім басшысы қызметін атқарып келді.
🏅 Көпжылдық адал еңбегі мен халықтың санитариялық-эпидемиологиялық саламаттылығын қамтамасыз етуге қосқан үлесі үшін ҚР Денсаулық сақтау министрлігінің «Денсаулық сақтау ісіне қосқан үлесі үшін» төсбелгісімен, Құрмет грамоталарымен және Алғыс хаттармен марапатталған. Сондай-ақ «Облыстың үздік санитариялық-эпидемиологиялық дәрігері» өңірлік байқауының ІІІ орын иегері.
