Сәтбаев қаласының Халыққа қызмет көрсету орталығында оқыту семинары өтті «Заң мен тәртіп» қағидасын іске асыру және халыққа көрсетілетін мемлекеттік қызметтердің сапасын арттыру мақсатында Ұлытау облысы Әділет департаментінің Тіркеу қызметі және коммерциялық емес ұйымдарды тіркеуді бақылау бөлімінің басшысы А.Нұрғалиева мен бас маман Ж.Ж. Жолдасова Сәтбаев қаласының Халыққа қызмет көрсету орталығының (ХҚКО) қызметкерлеріне арналған семинар-кеңес өткізді.

Сәтбаев қаласының Халыққа қызмет көрсету орталығында оқыту семинары өтті
«Заң мен тәртіп» қағидасын іске асыру және халыққа көрсетілетін мемлекеттік қызметтердің сапасын арттыру мақсатында Ұлытау облысы Әділет департаментінің Тіркеу қызметі және коммерциялық емес ұйымдарды тіркеуді бақылау бөлімінің басшысы А.Нұрғалиева мен бас маман Ж.Ж. Жолдасова Сәтбаев қаласының Халыққа қызмет көрсету орталығының (ХҚКО) қызметкерлеріне арналған семинар-кеңес өткізді.
Семинар барысында келесі өзекті мәселелер кеңінен талқыланды:
Заңды тұлғаларды мемлекеттік тіркеу: Коммерциялық және коммерциялық емес ұйымдарды тіркеу кезіндегі құқықтық талаптар, құжаттарды қабылдау тәртібі мен заңнамалық нормалардың сақталуы.
Құжаттарға апостиль қою: Әділет органдары арқылы ресми құжаттарға апостиль қою тәртібі, өтініштерді қабылдау және азаматтарға мемлекеттік қызметтерді сапалы әрі уақтылы ұсыну тетіктері.
Жиын соңында Департамент өкілдері ХҚКО мамандарына мемлекеттік қызмет көрсету барысында туындайтын тәжірибелік сұрақтар бойынша әдістемелік кеңестер мен нақты түсініктемелер берді.