Аудан прокуратурасының үйлестірумен аудан аумағында қылмыстың, оның ішінде, кәмелетке толмағандармен және оларға қатысты, сондай-ақ қоғамдық орындарда масаң күйде жасалатын қылмыстық құқық бұзушылықтардың алдын алу бағытындағы профилактикалық жұмыстарының жай-күйіне арналған ведомствоаралық кездесу өткізілді.
Іс-шараға аудан прокуроры, маслихат төрағасы, аудандық полиция бөлімінің бастығы, ауылдық округ әкімдері, кәсіпкерлер, ардагерлер кеңесінің төрағасы, діни бірлестіктердің өкілдері, өндірістік мекемелердің өкілдері, сондай-ақ жергілікті атқарушы және құқық қорғау органдарының жауапты лауазымды тұлғалары қатысты.
Кездесу барысында аудан аумағындағы криминогендік ахуалға жан-жақты талдау жасалып, құқық бұзушылықтардың себептері мен оған ықпал ететін факторлар қарастырылды.
Қарақия ауданы әкімдігінің баспасөз қызметі
