Қасым-Жомарт Тоқаев өз сөзінде бүгін еліміз үшін ерекше стратегиялық маңызы бар ірі жобалардың құрылысы басталатынын айтты. Оның айтуынша, көлік-логистика саласы маңызды жолдардың қиылысында тұрған Қазақстанның экономикалық өсуінің қуатты локомотиві болып табылады.
- Жолдар-өмір артериялары. Мемлекет осы саланың дамуына үнемі басымдық береді. Біздің мақсатымыз-Қазақстанның Еуразияның негізгі транзиттік хабы ретіндегі мәртебесін нығайту. Мен бұл туралы бірнеше рет айттым. Өздеріңіз білетіндей, біздің ел Еуропа мен Азияны байланыстыратын негізгі көпір ретінде қызмет етеді. Шығыс пен Батыс арасындағы құрлықтағы жүк тасымалының негізгі бөлігі Қазақстан арқылы өтеді. Сондықтан заманауи, озық көлік жүйесін қалыптастыру стратегиялық міндет болып табылады. Жалпы, елімізде осы бағытта үлкен жұмыс атқарылуда. Өткен жылы Достық – Мойынты темір жолының екінші желісі пайдалануға берілді, соның арқасында жүк тасымалдау көлемі 5 есеге өсті. Сондай-ақ, Алматы станциясын айналып өтетін теміржол желісі іске қосылды, бұл жүктерді жеткізу мерзімін едәуір қысқартты. Ең бастысы, мұндай ауқымды жобаларды отандық күштер жүзеге асырады.
