2026 жылғы 4 тамызда Шемонаиха аудандық мәслихатының кезектен тыс қырық тоғызыншы сессиясы өтті. Сессия жұмысына аудан әкімі Ержан Айткенұлы Шурманов, аудан әкімінің орынбасарлары, бөлімдер мен басқармалардың басшылары, партия өкілдері және бұқаралық ақпарат құралдарының өкілдері қатысты.
«Шемонаиха аудандық мәслихатының 2025 жылғы 19 желтоқсандағы №42/2-VIII «2026–2028 жылдарға арналған Шемонаиха ауданының бюджеті туралы» шешіміне өзгерістер енгізу туралы» мәселе бойынша экономика және бюджеттік жоспарлау бөлімінің басшысы А.М. Самойлова сөз сөйлеп, аудандық бюджетті 2026 жылға облыстық бюджеттен бөлінетін кредиттер, дамуға арналған нысаналы трансферттер мен нысаналы трансферттер есебінен нақтылау, сондай-ақ бұрын жоспарланған қаражатты қайта бөлу жөнінде ақпарат берді.
Ведомствоаралық және учаскелік сайлау комиссияларының құрамдарына өзгерістер енгізілді.
Қаралған барлық мәселелер бойынша бірауыздан шешімдер қабылданды.
Шемонаиха аудандық мәслихатының сессиясы пленарлық отырыс форматында өтіп, Instagram әлеуметтік желісінде онлайн-трансляция ұйымдастырылды.
